кристина арнаудова – Вистина.мк

Кристина Арнаудова не се препозна самата себе си: „Зарем ова сум јас… па каде ми се градите“? (ФОТО)

Антонио Димитриевски — Sat, 17 Feb 2024 07:26:53 +0000

Кристина Арнаудова се изненади самата себе си од една стара фотографија која ја споели една нејзина пријателка на социјалните мрежи, па пејачката ја превзема . На неа неготинчанката со скопска адреса на живеење изгледа помладо, со поинаква фризура и многу послаба отколку што е денес. Рака на срце, не дека денес е дебела или стара, ама сепак... На фотографијата таа е сликана некаде на плажа, заедно со тогашното момче, сега нејзиниот сопруг Александар, кој горе-долу изгледа исто како и денес. А Кристина, целата вчудовидена и во прашалници, како да не можеше да се препозна ниту самата себе си, па зачудено се запраша или поточно, (си) постави три прашања: 1.Како е можно да сум волку слаба?! 2. Какви се овие купаќи ( бикини)?! 3. Каде ми се ци*ињата?! На првото одговорот е логичен: „Се' оди со годините“... Што се однесува до „купаќите“... Или таква била тогаш модата или... Впрочем, за вкусовите не се расправа. А, одговорот на она последното е вистинска мистерија. Загатка што тешко дека некој може да ја одгатне, а еве и зошто. Штом ја видите фотографијата на која во пределот на градниот кош Арнаудова тогаш изгледа „рамна како даска“, прво што ќе помислите дека во меѓувреме ставила силикони! Не дека денес е цицлеста како некоја српска старлета, ама сепак, далеку е „понапредна“ отколку тогаш! Ано ама за да биде загатката уште помистична, придонесе Фејсбук преписката помеѓу пејачката и колешката од музичкиот еснаф, новинарката Бранка Костиќ Марковиќ, која и ја „ископала“ фотографијата од заборав, па ја сподели со Арнаудова и јавноста. Во преписката Кристина ја исклучува можноста од естатски зафат и категорички демантира дека ставила силикони, зашто како што самата вели, каков „уплав“ има од било какви операции, знаат и врапчињата. Интересено и чудно, дури и за таблоидите?! Но, знаат ли врапчињата како тогаш и пораснаа „ци*ињата“ на тогаш „малечката“ пејачка во подем, во однос на она што денес гордо го носи на себе во пределот на градниот кош Арнаудова? Можеби има некој таен рецепт, врзан за начинот на исхрана или за некои други „вежбовни активности“? Одговорот го должи пејачката, зашто сепак, не се во прашање млечни заби да ти паднат, па да ти израснат нови, поздрави и поголеми!? Фото: Фејсбук/Кристина Арнаудова

Кристина Арнаудова по долга пауза се врати на сцената… веројатно – „Засекогаш“ (ВИДЕО)

Антонио Димитриевски — Sat, 29 Apr 2023 09:11:48 +0000

По подолга музичка пауза, во петок, на 28 април 2023 година во етерот е пуштена новата песна на македонската поп пејачка Кристина Арнаудова, насловена „Засекогаш”. Музиката и текстот на оваа најнова песна на неготинчанката со скопска адреса на живеење се на нејзината стара соработничка Весна Малинова, додека пак, аранжманот и продукцијата ги потпишува проверениот студиски лисец, Роберт Билбилов. „Другари, еве ја за вас, и за мене, Засекогаш... Се надевам дека ќе ви се допадне барем половина од она колку што мене ми се допаѓа. Со оглед на тоа дека немам веќе ФБ пејџ, промоцијата ќе оди потешко. Па така секој ваш шер, ќе биде добредојден, како поддршка на Засекогаш, и на македонската музика“ - напишала Арнаудова во своето Фејсбук обраќање до своите следбеници, кои претходно ги информираше: „Конечно, целата моја музика, на сите дигитални платформи. Ако сакате да сум искрена, од кога ја создадов престана да ме интересира да ме има како артист, пеачка, музичар…и сакав тоа да го оставам позади мене, и сосема да се посветам на хуманитарната работа, и децата на кои им требаме. Годинава сфатив дека музиката е голем дел од мене, и не можам да ја отфрлам како да не постои. Затоа ете, дури сега ме има на дигиталните платформи. И затоа и таму ќе ја чуете „Засекогаш“ - порача Кристина. Во промотивни цели, исто така е изработена и фотосесија, со фотографот Стефан Соколовски попознат како Bad Stef, чиј дел можете да ја најдете на нејзиниот Инстаграм профил.

View this post on Instagram

A post shared by Kristina Arnaudova (@kristina_arnaudova)

Инаку песната е исто така визуелизирана и со видеоспот за кој како и многупати досега, бил задолжен Александар Ристовски – Принц. Како звучи и изгледа новата песна на Кристина Арнаудова насловена „Засекогаш“, проследете од видеото во продолжение (КЛИКНИ ТУКА):

Кристина Арнаудова откако остана со хакиран Фејсбук на кој осамнаа порнографски содржини, сто пати се обрати до МВР, а оттаму ниту збор… не доби ни одговор! (ФОТО)

Антонио Димитриевски — Thu, 09 Feb 2023 08:30:19 +0000

Македонската поп-рок пејачка Кристина Арнаудова уште минатото лето се пожали дека најзината официјална фанстраница на Фејсбук е хакирана. Мина повеќе од половина година, па и покрај пријавите од нејзина страна до МВР, сајбер сексјурити, никој ништо не превземал, а пејачката дури и не добила никаков повратен одговор. Во меѓувреме на приказните од нејзиниот фан пејаџ на Фејсбук почнаа да осамнуваат еротско-порнографски содржини, на фотографии со разголени дами што дополнително внесе забуба кај ФБ пријателите, обожавателите и следбениците... немоќна било што да стори, Арнаудова јавно се обрати преку својот новоотворен личен ФБ профил како и на Инстаграм, барајќи помош. „Дечки мојата официјална страница е хакирана уште од лани летото. Сега на неа ставаат некако порнографски контент, и луѓе ми пишуваат. Знам, ама немам што да превземам. Пишав на Министерство за внатрешни работи, сајбер секјурити, не ми ни одговорија, пишав едно 100 пати на Секјурити Тим, не ми вратија ниту еднаш. Така да пријавувајте ја таа страница како „некој што се преправа дека некој друг“, за да ја затворат, колку и да е ми е болно тоа бидејќи таа најмногу ја користев за комуникација со луѓе на кои им треба помош“, стои во објавата на пејачката на социјалните мрежи. Во меѓувреме се покажа дека поединци можат да го направат она што не може, не знае или не сака државата, односно власта да го направи. Истата онаа за која Кристина Арнаудова толку многу се залагаше како нивен симпатизер и отворен поддржувач на актуелната партија која сега владее - Социјал Демократскиот Созјуз и нивните коалициони партнери, уривајќи го тогаш таканаречениот режим на Никола Груевски, со „шарени револуции“ и протести од кои самата пејачка беше дел. И идеолошки и со своето физичко присуство, говори и музички настапи на нивните протести, митинзи, политички кампањи… таа постојано беше една од оние естрадни уметници кои не се криеа отворено да завземат страна! Страна која сега излегува дека не била баш онаа - вистинската... Зашто е евидентно неспособна, што и самата пејачка на своја кожа го почувствува! За среќа, постојат луѓе кои се подготвени да помогнат без нешто да бараат за возврат, па по јавната објава за нејзината мака, добила куп пораки за тоа како да го врати својот хакиран официјален фан пејџ, од кои еден успеал. Така, официјалната Фејсбук страница на Кристина Арнаудова деновиве веројатно повторно ќе биде вратена во нејзина сопственост и владение. Сега на Аранудова белким и е многу појасно каде лежи и во кого е иднината! Фото: Инстаграм и Фејсбук принтскрин/kristina_arnaudova

Кристина Арнаудова откри што има „вештачко“ на неа (фото)

Христина Ѓоргиевска — Wed, 26 Feb 2020 08:09:03 +0000

Живееме во 21 век каде што благодарение на современите технологии имаме се на дофат, па што би се народски рекло „и од пиле млеко“. Денес, доколку сте незадоволни од својот физички изглед може да отидете под нож и благодарение на пластичните операции да промените нешто што не ви се допаѓа, буквално дотолку да го промените личниот опис. Многу познати дами од јавниот свет , веќе одамнаа легнаа под нож и ги корегираа недостатоците. Некои јавно признаа дека се препуштиле на вештите раце на стручните лица, други се уште кријат дека имаат направено некаква интеревенција. Зголемување и намалување на гради, корегирање на одредени делови од тело, ставање на силиконски усни се само некои од зафатите кои ги прават дамите, особено оние од естрадниот свет. Па кога ќе погледнете фотографии од пред и по операциите, речиси изгледаат непрепознатливо. Македонската пејачка Кристина Арнаудова изгледа не спаѓа во редот на дамите кои обожаваат да одат на ремонт, барем ако судиме по објавите на социјалните мрежи. Па така, преку една од најкористените социјални мрежи „Инстаграм“, таа сподели што има „вештачко“ на неа. Таа објави фотографија од своите нови нокти, а во описот напиша: „Oд вештачки работи на мене, само нокти еднаш во годината“ напиша пејачката.

Кристина Арнаудова упати предилинденски покана за концерт со гол селфи портрет (ФОТО)

Антонио Димитриевски — Thu, 02 Aug 2018 08:39:43 +0000

Македонската поп-рок пејачка Кристина Арнаудова вчеравечер пеење во Крушево. Годинава, таа беше избраната да ја отвори пред Илинден манифестацијата „10 дена Крушевска република“ на Гумење. Затоа пејачката најпрвин уредно ги повика своите обожаватели, ама и сите другим крушевчани и оние што се најдоа таму да и дојдат на концерт.

Па откако ги направи неопходните подготовки, неготинчанката со скопска адреса на живеењ заедно со својот бенд се упати кон Крушево. Ама претходно, не заборави утрото штом се се разбуди и стана, на најнеобичен начин да ги потсети своите фанови дека вечерта ќе пее на Гумење. Имено, предизвикувајќи ја нивната љубопитност, Кристина на скокотлив начин се обиде да им остане нејзиниот лик во главите за да не ја заборават... барем до вечерта! Гол селфи портрет во огледалото за добро утро, како најава за убавиот ден, а патем, за секој случај и да си каже дека е сама... во собата! Толку ретко до душа, како што самата вели, ама сепак...!

Како и да е, Арнаудова си ја постигна целта. Ем покажа со какво секси торзо располага, ем направи примамлива концертна најава, ем прати порака, таму каде што требаше да ја прати... Дека тоа утро, се разбуди сама!

Ама затоа беше со својата публика на нејзиниот вечерен предилинденски концертен настап!

Кристина Арнаудова и Елена Велевска „За здрави и среќни животни“: Поп-фолк комбинација на добри родители и ЗОО негователи!

Антонио Димитриевски — Wed, 25 Jul 2018 07:58:14 +0000

Скопската зоолошката градина продолжи со кампањата „За здрави и среќни животни“. Прва која ја подржаа кампањата за заштита на животните беаше Тамара со малата Хана, а по неа се придружија Панчо (ДНК) и водителката Миа Костова заедно со нивните синови. Дека се добри пејачки знаеме оддамна, уште подобри родители, поточно мајки - исто така, а сега дознавме и колку многу ги сакаат животните и имаат желба да се грижат за нив. И тие и нивните деца, кои ги воспитуваат во тој дух.

Македонската поп- фолк комбинација на пејачките Кристина Арнаудова Петровски и Елена Велевска беа новата родителска двојка, која со своите дечиња пристигна во ЗОО-Скопје да ја поддржат кампањата. А дечиња како дечиња, си играа како мали мечиња и се радуваа на дружењето со нивните нови пријателчиња од светот на животните, со кои до сега никогаш немале можност да отстварат толку близок контакт!

Арнаудова со своите синови Максим и Матео ги хранеше жирафите, се забавуваа со папагалите, ги галеа кенгурите, си играа со лемурите... за детска радост без крај.

Велевска пак со својата ќерка сродни души најде кај жирафите, па најмногу време им посветија ним.

„Со задоволство се вклучив во кампањата "За здрави и среќни животни".Ви благодарам Скопје и ова место го препорачувам да го посети секој“ - напиша таа во пораката на својот Фејсбук профил.

Пејачките и нивните деца ги хранеа, галеа и си играа со животните, но заедно со дел од вработените во скопската ЗОО и ги едуцираа посетителите, а посебно најмалите дека сите нивни животни јадат здрава храна и дека кон нив треба да се однесуваме со многу љубов. При тоа го повторија и потенцираа основното мото на кампањата: „Стоп за фрлањето нездрава храна, но и отпадоци во живеалиштата“! Само не дознавме дали обете пејачки им запејаа по некоја своја песна на животните? Зашто како што велат, музиката го отвора апетитот и го стимулира доброто расположение.

Немој да ме прашуваш каде ми се парите: Кристина Арнаудов ограбена во Клинички!

Христина Ѓоргиевска — Fri, 29 Jun 2018 07:17:31 +0000

Во последно време се повеќе наидуваме на непријатни и несакни ситуации и сме жртви на хакери и крадци. Неодамна, македонската водителка Лила Филиповска имаше непријатна ситуација, па нејзиниот профил на Инстаграм беше хакнат. За среќа, успеа да го врати назад и да ја реши непријатната ситуација. Македонската пејачка Кристина Арнаудова се најде во уште понепријатна ситуација - стана жртва на крадци. Имено, пејачката вчера била на државна клиника заедно со нејзината баба, а непознати лица ја искористиле приликата и и ја украле чантата на пејачката.

Оваа информација пејачката ја сподели на својот Фејсбук профил и истакна дека, ако некој сепак ја најде нејзината чанта, ќе биде награден. „Вчера додека бев на државна клиника, и ја сместувавме мојата болна бабичка во соба, ми беа украдени ташната која внатре имаше телефон бел Samsung Note 4 со скршен екран (што значи речиси нема вредност), голем црвен паричник, внатре имаше околу 9000 денари, и еден куп картички, лична карта и милион спомени... Два пара очила, Toxit и Celine...Ако некој налета на нив, ве молам нека ме контактира во порака. Кој и да ги земал, слободно нека ги земе парите, наочарите, се што мисли дека му е вредно...само нека ми ги врати спомените, кои навистина ми значат....Ќе го наградам плус!“ - стои во објавата на пејачката.

Се надеваме дека на Арнаудова набрзо ќе и ја вратат украдената чанта, а пред се дека ќе ги добие назад спомените кои и тоа како и значат. фото: Фејсбук

„Мачка во вреќа“: Кристина Арнаудова се најде во небрано во „личниот проект среќа“!

Антонио Димитриевски — Mon, 26 Mar 2018 07:58:18 +0000

Македонската поп пејачка Кристина Арнаудова однеодамна се занимава и со хуманитарна дејност. Нејзиниот „Проект среќа“ пред Нова година на многу дечиња од социјално загрозени семејства им донесе среќа и радост во вид на пакетчиња и подароци. Активностите на полето на хуманоста Арнаудова ги продолжи и понатаму организирајќи, собирајќи и донирајќи за оние на кои тоа им е најпотребно, а тоа не можат да си го дозволат! Арно ама, хуманата пејачка чепкајќи по најекспонираната социјална мрежа Фејсбук, налета на една интересна и забавна апликација која вели: „Какви прекрасни промени те чекаат во 2018“?

На кристина и проработе љубопитноста, па реши да се логира за да види каков пакет и нуди судбината во 2018 во „личниот проект среќа“? Ама среќа како среќа, како по правили или никогаш не доаѓа тогаш кога ти сакаш, или кога ќе дојде - тогаш ти тоа не го сакаш! Така и Арнаудова! Ја кликна апликацијата за да види какви тоа нови можности и изненадувања ја чекаат во 2018 и го доби одговорот: „Кристина, 2018 ти носи мало момче“! Или што би рекле бебе!

Арно ама, како таа и нејзиниот сопруг Александар се веќе родители на две мали момчиња: Максим и Матео, пејачката онака, ептен изненадена и шокирана од одговорот се најде во небрано во „личниот проект среќа“!

„Аааааааахахахааааааа не,не, не благодарааааам... во ред е!“ - прокоментира пејачката и ја затвори апликацијата, очигледно фатена неподготвена за „треќа - среќа“!

Ама, ако ништо друго, нешто научи или поточно извлече поука, друг пат да не отвора... „мачка во вреќа“!

Новогодишниот караван „И јас сум Дедо мраз“ на „Проект среќа“ израдува илјада деца низ Македонија

Антонио Димитриевски — Thu, 28 Dec 2017 12:22:56 +0000

Новогодишниот караван „И јас сум Дедо мраз“ на „Проект среќа“ израдува илјада деца низ Македонија Околу 450 дечиња кои живеат во сиромаштија добија подароци од пријателите на здружението „Проект среќа“ во рамките на акцијата „И јас сум Дедо мраз“.

Новогодишната кампања почна на 1 декември со цел да обезбеди новогодишни подароци за децата чии семејства не можат да си дозволат да им ги купат. Како изненадување, подароците во нивните домови или во институциите каде што претстојуваат, им ги донесе лично Дедо Мраз. Дедо мразот на „Проект среќа“ е се уште на пат низ Македонија, и планирано е да се израдуваат вкупно околу 1.000 деца.

Повеќе македонски јавни личности и компании донираа подароци за нив. „Овој хуманитарен проект направи рекорди во колективното донирање и хуманост. Особено со оглед на тоа што се работи за нови, купени работи специјално за оваа намена од страна на оние кои донираа. Рекордер во акцијава е „Комерцијална банка“ со 400 донирани подароци.

Покровител на акцијата е компанијата „Comfy Angel“ од Прилеп. Секое дете беше лично посетено. Застанувавме по пат во секоја куќа што ни изгледаше како место во кое на децата им треба новогодишна среќа, особено низ селата. Наидовме на огромен одзив од јавните личности и од компаниите. Во акцијата не се вклучија политичари и кондиторски фабрики“, изјави Кристина Арнаудова, претседател на здружението „Проект среќа“.

Караванот на здружението помина повеќе домашни села и општини, како и институции: градинката „Мали пријатели“ во Шуто Оризари, дневниот центар „Шуто Оризари“, се донираше и за децата бездомници згрижени во центарот „Ранка Милановиќ“, во училиштето „Братство и единство“ во селото Долно Коњари. „Проект среќа“ ќе помогне и на Благородна Димитриевска од Куманово, самохрана мајка на три деца која живее без социјална помош.

Од поддржувач на власта до нивен критизер: Тоа што ќе штедите да нема јавни настапи на македонски пејачи на Нова Година, се вика популизам, а не штедење!

Антонио Димитриевски — Wed, 06 Dec 2017 09:13:17 +0000

Последниве денови Кристина Арнаудова е активна и по кампањата „И јас сум дедо Мраз“, на нејзиното хуманитарно здружение „Проект Среќа“, чија цел е што повеќе личности од јавниот живот од 1 до 10 декември, да купат новогодишен подарок или онолку колку што можат подароци за деца до 11 години, со што ќе ги мотивираат сите граѓани, но и компаниите и институциите да го сторат истото , за тие подароци да завршат онаму каде што се најпотребни - во рацете на децата без родители или семејства од ранливите категории кои не можат да си дозволат да им купат новогодишни подароци на своите деца.

Македонската поп пејачка Кристина Арнаудова освен за хуманитарка важи и за симпатизер и поддржувач на актуелната партија на власт - СДС.

И идеолошки и со своето физичко присуство, говори и музички настапи на нивните протести, митинзи, политички кампањи... таа постојано е една од оние естрадни уметници кои не се кријат отворено да завземат страна.

Во исто време оние што подобро ја познаваат, знаат дека Арнаудова важи и за личност „без влакна на јазикот“. Така, таа често она што не и се допаѓа јавно го прозива, го коментира, критикува... најмногу на социјалните мрежи, секако, преку кои нејзините критики и изрази на незадоволство можат да допрат до најголем број луѓе.

Така, Арнаудова во еден од нејзините последни постови „удри и по нејзините“, односно по власта! Имено, новоизбраната локална власт, која доминира во целата држава, поаѓајќи од градот Скопје и останатите градови во Македонија, решија годинава да нема јавна прослава на Нова Година на нивните плоштади. Централните манифестации и прослави се одложени, со образложение дека парите ќе одат во хуманитарни цели!

Ова како најмногу да ја погоди естрадата, особено оној нејзин сегмент кој е близок до новата власт, кој беше сигурен дека Нова Година е моментот за „загарантирана тезга“! Ама, како домашните планови, не им се поклопија со одлуката на локалните власти, незадоволството почна да станува повеќе од евидентно. Некој можеше да го задржи во себе, некој го сведе на комшиски муабети, а некои како Арнаудова, јавно го искажаа на своите профили преку социјалните мрежи.

„Организација на новогодишна прослава со МК изведувачи чини колку што плаќавте превоз и ручек на комшиските пејачи. Така да тоа дека ќе штедите на Нова Година се вика ПОПУЛИЗАМ. Не ШТЕДЕЊЕ!“ - напишала пејачката во својот Фејсбук пост.

И не дека Арнаудова нема право! Напротив! И повеќе од тоа! Само што до лани за ваквиот статус наместо од публиката ќе добиеше аплаузи од своите „политички ментори“, за сега истите тие кои дури правеа и паралелни прослави во скопски Центар, да се однесуваат како оние против кои се плукаше.

И годинава се' е исто ко и лани! Прослава нема! Само што некои попусто се надеваа дека ако лавчето го замени ружичката, ќе си ја наполнат торбичката! Естрадната и овој пат остана - празна! Епа... дојде живот, или...? Среќна Нова 49-та... Пардон, 2018-та!