Кевин Костнер проговори откако го доби судскиот спор против неговата поранешна сопруга: „Чувството е навистина лошо, зборуваме за некој што го сакам“

Слаѓана Атанасова — Wed, 06 Sep 2023 11:38:56 +0000

Познатиот актер Кевин Костнер го доби случајот против неговата поранешна сопруга Кристин Баумгартнер. Тие двајцата се скараа за алиментацијата, бидејќи Кристин барала значително поголема сума за издржување на нивните три деца. Имено, на Кристин првично и била понудена алиментација од 129.000 долари, но таа не ја сметала за доволна и како што напиша „NY Post“, побарала сумата да се зголеми на 175.000 долари месечно. Таа како главна причина навела дека сака децата „да го уживаат истиот луксуз кога се со неа, како кога се со татко им“. Меѓутоа, како што сега објави TMZ, Кристин подоцна се согласила да ја намали сумата што ја бара и ја сменила на 161.592 долари. Сепак, судијата од Лос Анџелес во петокот одлучи да ги одобри предложените 63.209 долари месечно алиментација на актерот за неговата поранешна сопруга. По оваа одлука се огласи и Костнер. „Страшно е да се биде овде, но тука сме. Се чувствува толку лошо. Зборуваме за некој што го сакам кој е на другата страна. Едноставно не можам“, изјави Кевин Костнер за „Access Hollywood“за судењето. На прашањето дали сè уште ја сака поранешната сопруга, актерот одговорил: „Секако“. Фото: Принтскрин/Профимедиа

Кевин Костнер не попушта: Актерот нема да ја помине оваа бројка, а неговата поранешна сопруга бара шест пати повеќе пари за алиментација (фото)

Слаѓана Атанасова — Thu, 06 Jul 2023 11:34:49 +0000

Кевин Костнер и неговата сопруга Кристин Баумгартнер веќе неколку недели се главна тема на светските медиуми. Судските власти во САД ѝ наложија на сопругата на Кевин Костнер од која се разведува, Кристин Баумгартнер, да се исели од нивната семејна куќа. Таа треба да се исели од луксузниот дом во Санта Барбара, Калифорнија, до 31 јули, а Судот ја донесе одлуката врз основа на нивниот претходно потпишан предбрачен договор. Откако Баумгартнер минатиот месец поднесе барање за развод, Костнер поднесе барање за Кристин да се исели од неговиот дом. Тој се повика на предбрачниот договор, според што таа мора да се исели 30 дена по почетокот на бракоразводната постапка. Нејзините адвокати изјавуваат дека Баумгартнер нема доволно време, ниту пари да најде ново место за живеење до крајот на месецов. Побараа рокот да се помести за 15 август, но Судот ја одби таа жалба. Поранешната сопруга го обвини Костнер дека се обидел да ги избрка неа и децата од куќата пред да му биде доделена алиментација. Претходно, таа бараше актерот да ѝ плаќа 248.000 долари месечно за издршка. Костнер сега ја обвинува неговата 19 години помлада сопруга дека барала алиментација која далеку ги надминува потребите на нивните три деца. Претходно тој веќе спомна дека мисли дека неговата наскоро поранешна сопруга тие дополнителни пари ќе ги искористи за естетски корекции и пластични операции, а нешто слично кажа и сега. Имено, Кевин Костнер на бившата и нуди 38.000 евра месечно, додека таа бара шест пати повеќе, пишува Курир.рс Фото: Принтскрин/Профимедиа

Кристин Баумгартнер – Вистина.мк

Кевин Костнер проговори откако го доби судскиот спор против неговата поранешна сопруга: „Чувството е навистина лошо, зборуваме за некој што го сакам“

Кевин Костнер не попушта: Актерот нема да ја помине оваа бројка, а неговата поранешна сопруга бара шест пати повеќе пари за алиментација (фото)