Манекенката и топ модел Цеце (Орешкова) Георгиев и ја одбра професијата на 6 месечната ќеркичка: На коњ или на писта? (ФОТО)

Антонио Димитриевски — Tue, 12 Feb 2019 08:44:07 +0000

Македонската манекенка и топ модел Цеце Орешкова, по долги години врска стапи во брек со нејзиниот колега Кристијан Георгиев, со кого минатото лето ја добија ќеркичката на која и дадоа необично име - Кара Розмари.

Цеце која е голем љубител на животните, особено на нејзините љубимци, коњите од коњичкиот клуб „Бравадос“, љубовта кон нејзините најверни четвороножни пријатели, што се вели уште неродена и ја пренесе на малата кукличка Кара Розмари.

Имено, Цеце најпрвин се фотографираше со коњите покажувајќи го својот разголен со труднички стомак, а откако се породи, својата мала принцеза ја зближи со коњите, особено со нејзиниот љубимец, грлото Чарли.

Малата Кара Розмари дури и ја седнаа во џокејското седло, за уште од бебе да почувствува што значи кога во животот цврсто ги држиш уздите во свои раце!

Арно ама, мама и тато пред да почнат да јаваат, станаа познати по чекорењето пеш... по модните писти. Затоа Цеце реши својата мала принцеза да ја навикнува и на онаа, другата професија, поврзана со модата и убавината. Па ја облече и дотера по свое, во најубавата гардероба. Чисто колку за да ги почувствува високите потпетици и мирисот на скапите светски брендови. А, малата убавица, иако само 6 месечно бебе, со вроден инстинкт на жена, веднаш знаеше да одбере што е марка, па се фати и ја грабна скапата чанта на мама.

Можеби животот на Цеце е поубав со Армани, ама животот на мама вреди за сите пари со Кара Розмари! А тоа, што ќе одбере малата да биде во животот, модел или џокеј? Или нешто сосема трето? Што и да е, дозволете прво да порасне!

Се породи уште една македонска убавица: Манекенката и модел Цеце Орешкова Георгиев роди ќерка (ФОТО)

Антонио Димитриевски — Fri, 10 Aug 2018 07:16:31 +0000

Се породи уште една Македонка - позната дама од јавниот живот. Имено, неодамна објавивме фотографии на кои македонската манекенка и топ модел Цеце Орешкова, сега Георгиев, позира трудна, со разголен стомак во последниот месец од бременоста. Таа дел од своите фотографии постираше на социјалните мрежи, а на на нив манекенката позира сама...

...со својот сопруг, исто така познатиот македонски манекен и модел Кристијан Георгиев...

...но и со своите љубимци, коњите од нивниот коњички клуб „Енималс“.

Дури уште не породена, среќната мајка откако веќе го знаела пополот на бебето, ги сликаше малите бебешки чевлички заедно со своето омилено грло.

Деновиве, згодната и сексапилна неготинчанка која денес живее во Скопје и манекенот со кого претходно беа во љубовна врска долги години ја добија својата принова.

Цеце на Кристијан на свет му донесе прекрасната ќеркичка. Малата принцеза, доби, барем за македонски поими необично име: Кара Розмари. Но затоа пак, радоста и среќата на родителите беше неизмерна.

Прекрасен букет рози за мајката од среќниот сопруг и татко и големо кадифено розово мече со виолетова панделка за малата убавица...

Ако се' уше важи онаа дека „крвта не е вода и крушата под круша паѓа“, Македонија доби уште една убавица која кога ќе дојде време, достоинствено и гордо ќе ги замени мама и тато. Сега, тие се горди родители, кои раѓањето на нивната мала принцеза ги направи најсреќни на свет.

Нека им е жива и здрава, а со неа вечно да се радуваат и гордеат!

Кристијан георгиев – Вистина.мк

Манекенката и топ модел Цеце (Орешкова) Георгиев и ја одбра професијата на 6 месечната ќеркичка: На коњ или на писта? (ФОТО)

Се породи уште една македонска убавица: Манекенката и модел Цеце Орешкова Георгиев роди ќерка (ФОТО)