кралство – Вистина.мк

Откриени детали за посебниот однос на Кејт Мидлтон кон персоналот во кралската палата

Слободанка Илиева — Wed, 19 Oct 2022 11:16:57 +0000

Поранешниот вработен во кралското семејство, Грант Харолд, работел за кралот Чарлс Трети седум години и за тоа време запознал повеќе членови на кралското семејство. Посебен впечаток му оставила Кејт Мидлтон, за која вели дека не е како остатокот од семејството. „Ми се допадна тоа што Кејт, како девојка на принцот и пред да стане член на кралското семејство, често го поминуваше времето со мене и со другите членови на персоналот и беше многу љубезна, пријателски настроена и забавна, постојано се шегуваше“, рече Харолд.

View this post on Instagram

A post shared by Kate Middleton (@_kate_middleton_royal)

Особено му се допаднало како таа се однесува кон персоналот на дворот, но и нејзиниот однос кон Вилијам. Тој бил сведок на различни семејни моменти и работел во периодот кога Вилијам и Кејт ја започнуваа својата врска, односно по враќањето од Универзитетот во Св. Ендрјус, кога двајцата имаа по 19 години, и нема да каже ништо друго освен пофални зборови за убавата принцеза. фото:Инстаграм

Елегантно, едноставно и без титула: Вака изгледа вечното почивалиште на кралицата Елизабета Втора (фото)

Слободанка Илиева — Tue, 27 Sep 2022 10:33:51 +0000

Кралицата Елизабета Втора беше погребана во понеделникот, а последното нешто што го видовме беше нејзиниот ковчег спуштен во криптата на капелата Свети Џорџ во Виндзор. Семејството се прости од неа вечерта, на интимна церемонија. Големата владетелка почива покрај нејзиниот татко, кралот Џорџ Шести, мајката Елизабета и сопругот Филип. Нивните имиња, без никакви наслови, се издлабени со златни букви на правоаголна плоча од црн мермер. Само години на раѓање и смрт. Џорџ, па Елизабет, па нивната ќерка и зет. Едноставно и елегантно. Помеѓу двата пара стои амблемот на витешкиот ред, најстариот и најблагородниот во кралството, чии членови биле сите. На фотографијата која ја објави „Дејли мејл“ се гледаат неколку венци. Меѓу нив е и оној што го красеше ковчегот на Елизабета на денот на нејзиниот погреб, направен по наредба на нејзиниот син Чарлс. Фото: Jane Bown/Getty Images

Маган Маркл бара помирување: Испратила писмо до кралот Чарлс, а позната е и содржината

Слободанка Илиева — Fri, 23 Sep 2022 11:23:40 +0000

Британските медиуми тврдат дека Меган Маркл побарала средба со кралот Чарлс Трети. Меган наводно има намера да застане на патот на семеен раздор пред да се врати во Калифорнија каде што живеат со Хари. Имено, Нил Шон, дописник за шоу- бизнис вести во британските медиуми, наведува дека има веродостојни информации дека Меган изразила желба да се види со Чарлс приватно. Тој тврди дека Меган испратила писмо за тоа. Нил исто така додаде дека Меган сака да ги поправи односите со кралското семејство пред да се врати во Америка. - Таа би сакала да има приватна средба со кралот Чарлс Трети пред да се вратат во Калифорнија. Да, тоа е точно, Меган и кралот Чарлс еден на еден. Добро сте слушнале. Тоа е многу храбар потег од нејзина страна – изјави Нил. Тој откри и дел од содржината на писмото што Меган му го испратила на кралот Чарлс. - Тоа беше можност да се ублажи тензичната атмосфера, да се одвои вистината од лагата и да се објаснат дел од потезите што беа направени во последните две години. Мора да се восхитувате на самодовербата на Меган Маркл, што и да мислите за неа - додава Шон. Да потсетиме, ден по погребот на кралицата Елизабета Втора, главна тема на медиумите е кралското семејство и нивните односи. фото:EPA-EFE/FACUNDO ARRIZABALAGA

Секој детаљ веќе е испланиран: Вака ќе изгледа погребот на калицата Елизабета Втора, а познат е и датумот

Слободанка Илиева — Fri, 09 Sep 2022 11:02:31 +0000

Нема сомнеж дека збогувањето со кралицата Елизабета Втора ќе биде настан на годината во Британија. Исто како и неодамнешното прославување на платинестиот јубилеј. Смртта е прогласена под шифрата „Лондонскиот мост падна“, а погребот ќе биде извршен за десет дена. Секој детаљ веќе испланиран. Во деновите пред погребот, новиот крал ќе патува низ земјата за да прими сочувство. За време на операцијата „Еднорог“, телото на кралицата ќе биде префрлено од Балморал во Единбург со специјален воз. На секоја станица ќе ја пречекаат работниците од итната помош и војниците. Доколку тоа не е можно поради временските услови, телото ќе се транспортира со авион. По пристигнувањето во Единбург, ковчегот прво ќе лежи во палатата Холируд, а потоа ќе биде пренесен во катедралата Сент Гилс, каде што ќе се одржи богослужба во присуство на членовите на семејството. Телото на кралицата потоа ќе биде префрлено во Лондон со воз, кој на секоја станица ќе го пречекува почесна стража. Петтиот ден, ковчегот ќе пристигне во Лондон, во Бакингемската палата, каде Елизабета Втора го помина речиси целиот свој работен век. После тоа, тој ќе биде префрлен во Вестминстерската опатија, каде граѓаните ќе можат да се простат од саканиот монарх во следните пет дена. Погребот ќе биде државен. Богослужбата во Опатија ќе заврши со двоминутно молчење низ целата земја. Кога Лондон ќе се збогува со неа, ковчегот ќе биде префрлен во замокот Виндзор, а вечниот дом на кралицата Елизабета ќе биде капелата Свети Џорџ во комплексот на палатата, каде што се погребани и нејзиниот сопруг Филип, таткото и мајката. фото:Guliver / Getty Images

Лондон на нозе: Хари и Меган се вратија во Англија, а позната е и причината…

Слободанка Илиева — Tue, 06 Sep 2022 10:13:44 +0000

Хари и Меган се вратија во Велика Британија. Во Лондон пристигнале во саботата, во раните утрински часови, но децата не биле со нив. Како што претходно беше најавено, ова патување е од деловен карактер. За време на краткиот престој, ќе ги посетат седиштата на хуманитарните организации со кои соработуваат, а предвидена е и посета на Манчестер, каде ќе учествуваат на „One Young World Summit“, заедно со претставници од 190 земји. Таму ќе бидат и канадскиот премиер Џастин Трудо, познатиот готвач Џејми Оливер, Сер Ричард Бренсон и многу други. Планиран е и еден ден во Германија, каде што следната година ќе се одржат игрите Invictus, чиј покровител е Хари. Не е познато дали парот ќе има време да отиде во Шкотска, поточно замокот Балморал, за да ја посети кралицата Елизабета, која традиционално таму го поминува својот летен одмор. Инаку, ова е нивна прва посета на Велика Британија по платинестиот јубилеј одржан на почетокот на јуни. фото:getty images/profimedia

Еве која е кралската дадилка: Се грижи за Џорџ, Шарлот и Луис, а има обука и да им го спаси животот (фото)

Слободанка Илиева — Wed, 27 Jul 2022 09:19:48 +0000

Принцот Вилијам и Кејт Мидлтон имаат три деца - принцовите Џорџ и Луис и принцезата Шарлот. Со децата не е секогаш лесно да се справиш, како што видовме за време на платинестиот јубилеј на кралицата, кога принцот Луис имаше свое шоу. Затоа кралската дадилка е тука за да ја смири ситуацијата кога е потребно. Кејт сака сама да ги вози децата на училиште и во градинка, но често тоа може да го направи дадилката наместо неа. Имаат само една, а британските медиуми ја нарекуваат „супердадилка“. Нивната „Мери Попинс“ се вика Марија Тереза Турион Борало и таа е подготвена на се’. Таа дојде во палатата Кенсингтон во 2014 година, кога принцот Џорџ имаше осум месеци. Неговите родители биле толку задоволни што Марија станала постојан член на семејството. Подоцна и ја довериле ќерката и помалиот син. Кралската дадилка е обучена дадилка. Таа го посетувала специјализираниот колеџ „Норланд“ во Бат, основан во 1892 година од Емили Вард. Сите дадилки кои во изминатите децении биле вработени во кралското семејство имаат дипломи од оваа престижна институција. Тие се познати и по специфичните униформи кои ги носат додека се на должност. Марија е, на некој начин, и телохранител. Таа е обучена затоа што сепак се грижи за идниот крал. Тренирала теквондо, знае како да спаси дете од киднапери, но и да го одбрани од агресивните папараци. Можела да работи и како медицинска сестра, бидејќи таа програма морала да ја помине и за време на студирањето. Но, ништо не се знае за нејзиниот приватен живот, ниту пак смее да зборува за членовите на семејството и за се’ што се случува во куќата. фото:Профимедиа

Афера на кралскиот двор: Чарлс и Камила како тинејџери имале син кој го дале на посвојување?! (фото)

Слободанка Илиева — Thu, 29 Apr 2021 08:50:26 +0000

Приказната за заедничкото дете што го имаат принцот Чарлс и војвотката Камила кога биле тинејџери се појави во британските медиуми. Имено, инженерот Симон Чарлс Доранте-Деј (55), кој денес живее во Квинсленд, тврди дека бабата што го посвоила му рекла дека војвотката од Корнвол е неговата мајка. Тој тврди дека бил посвоен од брачна двојка Карен и Дејвид Деј на возраст од осум месеци и дека родителите на неговите посвоители работеле за покојниот војвода од Единбург. Со години ја истражуваше вистината и излезе со приказната дека е потомок на кралското семејство, тврдејќи дека имал доволно докази за да го докаже тоа. Тој неколку пати рече дека би сакал ДНК-тест да ја докаже неговата семејна врска и дека му напишал на парот за кој тврди дека неговите родители го напишале во 2012 година. Оваа недела, Симон, кој е татко на девет деца, сподели фотографија од неговиот син за да ‘докаже’ дека се поврзани со кралското семејство, тврдејќи дека 14-годишното момче е “плукнато” од младата Елизабета Втора. Тој во јавноста истакна дека не сака титула кралско семејство или пари, туку едноставно да открие кои се неговите биолошки родители. Во интервју за „Нова идеја“ во февруари 2019 година, Симон рече дека верува дека принцезата Дијана знаела за неговото раѓање и дека се подготвува да „излезе во јавноста“ пред нејзината смрт во 1997 година. - Во тоа време околу кралското семејство „летаа“ секакви гласини и моето постоење беше едно од нив. Мислам дека во еден момент кога Дијана ги дозна одговорите, сакаше да излезе во јавноста со тоа.

Поинаква и своја: Ова се острите и ригорозни кралски правила кои ги прекрши принцезата Дајана (видео)

Слободанка Илиева — Thu, 10 Dec 2020 10:00:46 +0000

Принцезата Дајана била најсаканата британска принцеза и првата која успеала да трансформира некои остри и ригорозни правила на монархијата и да ги претвори во она што се денес, пишува Курир.рс Таа успеала имиџот на принцеза која е одважна и недостижна, да го трансформира во некој што е баш како сите. И поради тоа ја сакале милиони, како во Британија, така и шурум светот. Ако мислите дека тоа било лесно, се лажете. Членовите на кралското семејство живеат по некои стари и ригорозни правила, кои се пренесуваат со генерации. Некои од нив се смислени, додека некои навистина е тешко да се разберат. Било како било, правилата се тука за да се кршат, а Дајана успеала во тоа! Еве кои од тие правила Лејди Ди успеала да ги „заобиколи“.

Меган и Хари се збогуваа: „Тука повеќе нема да не видите!“

Слободанка Илиева — Tue, 31 Mar 2020 08:31:09 +0000

Принцот Хари и неговата сопруга Меган Маркл иофицијално веќе не се дел од кралското семејство, со сите свои титули, но и обврски. За нив почнува нов живот, финансиски независен, а на тој пат се простија и од популарниот кралски профил на Инстаграм, каде имаа милиони следачи. За потсетувањр, Меган и Хари ја напуштија Англија се преселија во Ванкувер, а сега и во Лос Анџелес. Британските медиуми пишруваат дека Меган Маркл таму ќе се обиде да ја оживее својата актерска кариера која ја остави поради кралското семејство. „Вртиме ново поглавје во нашиот живот и сакаме да придонесеме за светот на поинаков начин. Иако можеби нема да можете да не гледате повеќе тука, нашата работа продолжува. Веруваме дека секоја личност на овој свет има потенцијал да направи разлика. Ви благодариме за поддршката, инспирацијата и ангажманот како и вие самите би го направиле светот подобро место. Се веселиме на некоја нова прилика, бевте одлични. Дотогаш, чувајте се себе си и блиските“, напишале меѓу останатото Хари и Меган во прошталната објава. Без оглед на се', кралицата истакна дека тие секогаш ќе бидат сакани членови на семејството, а и понатаму ќе присуствуваат како гости на поголемите кралски случувања.

View this post on Instagram

A post shared by The Duke and Duchess of Sussex (@sussexroyal) on Mar 30, 2020 at 9:17am PDT

Меган Маркл веќе нема приврзаници во палатата: Со еден потег остана и без наклонетоста на Камила (фото)

Слободанка Илиева — Mon, 16 Mar 2020 09:29:43 +0000

Принцот Хари и неговата сопруга Меган Маркл, кратко да престојуваа во Лондон за да ги завршат последните кралски должности. Но Меган, по сите случувања изгледа како да е желна за внимание, па повторно предизвика хаос во кралското семејство, успевајќи да го налути и единствениот член на семејството кој и беше наклонет. Со краткиот престој во Лондон, Меган ја растажи кралицата со одлуката малиот Арчи да остане во Канада, а набргу потоа, ја налути и Камила, која отсекогаш важеше за единствениот член на кралското семејство кој ја поддржува Меган. Камила, по повод десетгодишнината од фестивалот Woman of the World, одржа говор кој беше договорен уште пред една година и кој за неа е од големо значење. Токму тој ден, Меган без присуство на медиумите ја посети изложбата во Националниот Театар и фотографиите подоцна ги објави на официјалниот Инстаграм на кралското семејство.

View this post on Instagram

A post shared by The Duke and Duchess of Sussex (@sussexroyal) on Mar 6, 2020 at 7:31am PST

Камила, наводно, како што пренесува „Мирор“ сметала оти оваа посета на Меган е приватна и таа нема да објави фотографии од неа, кои се разбира веднаш станаа главна вест во сите престижни медиуми. Поради ова, Камила и се налути на Меган, бидејќи нејзиниот долгопланиран говор падна во втор план, а Маркл повторно се наметна во центарот на вниманието.