Што ќе содржи свадбеното мени и порцијата од 75 евра по човек за свадбата на синот на Цеца: Патка прелиена со сос од боровинки, лосос со кокосово млеко, шампањско „Моет“…

Антонио Димитриевски — Sat, 23 Nov 2019 11:18:54 +0000

Свадбата на векот, како што многумина ја нарекуваат свадбата на синот на Цеца, Вељко Ражнатовиќ и идната снаа Богдана Родиќ, е закажана за недела, а мајката на младоженецот дала се' од себе за да личи на кралските свадби што ги гледаме на телевизија. Цеца не штедела во ништо, така што сè, од прво до последното нешто на свадбата, ќе биде гала. Од „Ролс - Ројс“ олдтимер, два костуми, три венчаници, најскапото мени во најлуксузниот хотел... Имено, Цеца побара на свадбата да се сервира „кралско мени“, кое чини 75 евра порција по човек и кое вклучува најексклузивна храна и пијалок. Бидејќи на свадбата ќе има околу петстотини гости, само хотелот ќе чини 36.000 евра. Кралското мени што Цеца побара да се служи, чини неверојатни 9.000 динари по човек и се состои од мезе, салата, супа, главно јадење, десерт и пијалоци, а се подразбира дека во него „нема што нема“. Така, гостите со аперитивот ќе мезат „Тартар бифтек“, кралска салата од готвач Рудолф, лосос со кокосово млеко, патка прелиена со сос од боровинки... Ќе се пијат најскапите пијалоци и брендови виски, а шампањското „Моет“ ќе се служи со невестинската торта.

кралско мени – Вистина.мк