кралица елизабета – Вистина.мк

Внуката на кралицата Елизабета вози половен автомобил и работи обична работа: Кога ќе дознаете колку заработува, нема да ви е сеедно (фото)

Слаѓана Атанасова — Wed, 09 Aug 2023 11:59:12 +0000

Внуката на покојната британска кралица Елизабета Втора, Лејди Луиз Виндзор (19) е осма во редот за престолот каде што денес седи кралот Чарлс. Ќерката на братот на кралот, принцот Едвард, сепак избира многу поскромен живот. Внуката на кралот била фатена од папараците викендов додека се возела во половен Фолксваген Поло. Како и многу нејзини врсници, таа наводно го заработила својот прв автомобил преку летна работа во блиската градинка, изјави извор за Сан, додавајќи дека Луиз заработувала нешто помалку од 7 фунти на час. Нејзините работни обврски вклучуваат работа на каса, ги поздравуваше клиентите и ги потстрижуваше растенијата, а еден набљудувач рече дека е „љубезна и внимателна“ и „изгледа дека ужива во својата работа“. - Идејата за користење на летна работа дојде од самата Луиз, која штедеше за својот прв автомобил. Сумата што ја заштедила од првата работа ја дополниле нејзините родители, а таа купила користено сино VV Polo и за прв пат го положила возачки испит - рекол изворот. Инаку, Лејди Луиз се запишала на колеџот Сент Ендрус, на кој присуствувале принцот Вилијам и Кејт Мидлтон. За скромноста на Луиз зборува и фактот што кога наполнила 18 години одбила да ја користи титулата „Нејзиното височество“. Фото: Принтскрин/Шутерсток/Танјунг Ап

Што крие тајното писмо на кралицата Елизабета…? Ковертот се чува во специјален трезор во Сиднеј

Слободанка Илиева — Thu, 15 Sep 2022 09:09:51 +0000

Кралицата Елизабета беше на тронот повеќе од седум децении, но цело време нејзиниот изглед беше проследен со доза на мистерија. Што носела во чантата од која никогаш не се разделила, како го поделила својот имот на своите наследници, што пишува во тајното писмо чувано во временска капсула во палатата на кралицата Викторија во Сиднеј... Ќе се задржиме на ова последно, австралиско прашање. Писмото го оставила во 1986 година, кога била во посета на најмалиот континент. Но потоа го запечатила на 99 години, што значи дека содржината ќе ја дознаеме дури некаде пред крајот на овој век. Ковертот се чува во посебен трезор на палатата и никој не смее да му се приближи. Што е толку важно што кралицата им кажа на граѓаните на Сиднеј? Познавачите на политичката ситуација сметаат дека таа им оставила покана на Австралијците да одлучат дали и понатаму сакаат да бидат една од земјите на „Комонвелтот“, односно дел од поранешната Британска империја. Ќе дознаеме во 2085 година, кога Вилијам би бил крал. фото: Guliver Getty Images

Каков шамар: Испливаа детали за непријатната средба меѓу Хари и Меган со кралицата Елизабета

Слободанка Илиева — Fri, 17 Jun 2022 10:34:33 +0000

Принцот Хари и Меган Маркл се во комплицирани односи со кралицата, иако цел свет зборуваше за помирување во британскиот двор, кога се појавија и на прославата на платинестиот јубилеј на вледеењетона кралицата. Како што пишуваат светските медиуми, кога дошле да го прослават јубилејот, Хари и Меган добиле само 15 минути официјална средба со кралицата. Од Бакингемската палата не сакаа да коментираат дали и што разговарала со внукот, а Меган и Хари молчат за нивното доаѓање во Британија.

View this post on Instagram

A post shared by The Royal Family (@theroyalfamily)

Кралицата очигледно се уште е лута поради скандалот што го предизвика интервјуто со Опра Винфри, а сега се шпекулира и за мемоарите кои Хари посветено ги пишува, а кои според кралскиот биограф и новинар Данкан Ланком би можеле да доведат до конечна разделба во семејството. - Ако нешто протече во јавноста од викендот, убеден сум дека целосно ќе се откажат од нив и нема да има враќање. Тие дојдоа во Велика Британија да го прослават јубилејот и повторно се претставија како членови на кралското семејство. И самите се свесни дека тоа е добро за нивниот бренд, но и дека би било одлично за Spotify, Netflix или Penguin, со кои имаат потпишано договори – изјави Данкан за „Closer“.

View this post on Instagram

A post shared by E L E G A N C E / HIGH Society (@high_society_elegance)

Поради комплицираниот однос со кралицата, кој моментално го имаат Меган и Хари, и средбата на кралицата со нејзината правнука Лилибет Дајана беше многу официјална: - Тоа беше брзо завршена работа. Сè беше прилично официјално - изјави извор за The Sun.

View this post on Instagram

A post shared by Misan Harriman (@misanharriman)

Кралицата исто така го забрани присуството на фотографи кои ќе ја придружуваат првата средба со Лилибет, а поради тоа добредојде Хари и Меган побрзаа да се вратат во нивниот дом во Лос Анџелес. фото:Guliver/Getty Images/Instagram

Во резиденциите на кралицата пристигна новогодишната декорација: Ѕирнете во познатите палати кои зрачат со празнична еуфорија (фото + видео)

Христина Ѓоргиевска — Thu, 09 Dec 2021 10:41:55 +0000

Кралицата Елизабета е воодушевена од празничниот дух кој владее уште од почетокот на декември. Палатата „ "Holyroodhouse" е една од резиденциите на кралицата Елизабета и нејзиното семејство во Шкотска воодушевија со празничната декорација која потсетува на најубавата новогодишна бајка, а тим од експерти и дизајнери на ентериер, со недели размислувале на кој начин тие да ја дочекаат 2022-ра година.

View this post on Instagram

A post shared by The Royal Family (@theroyalfamily)

Палатата е осветлена со свечени венци, украси, машни, сијалички, вклучително и новогодишна елка висока 15 метри во Големата галерија. Во трепезаријата може да се забележи маса исткаена со цвеќиња, венци и захаросани плодови. Палатата „Виндзор“ во која кралицата поминува најголем дел од времето исто така е украсена бајковито. Во видео е прикажана новогодишната еуфорија .

View this post on Instagram

A post shared by Royal Collection Trust (@royalcollectiontrust)

фото: Профимедиа

Не се чувствува добро: Кралицата Елизабета го откажа своето патување во Ирска

Христина Ѓоргиевска — Wed, 20 Oct 2021 11:33:05 +0000

Кралицата Елизабета не се чувствува добро, па недоброволно го прифатила советот на докторот да го откаже своето патување во Северна Ирска планирано за среда и четврток, соопштуваат од Бекингемската палата. За 95 годишната кралица која претходната недела беше видена како користи стап, се наведува дека има волја, но е разочарана дека не може да патува, пренесува „Дејли Мејли“. Кралицата изминатите денови имала неколку работни ангажмани и сношти била домаќин на глобалниот инвестициски самит во замокот во Виндзор. „Кралицата недброволно го прифати советот на докторот да се одмори изминатите неколку денови“ пишува во соопштението на Бекингемската палата. За потсетување, во текот на вчерашниот ден медиумите објавија дека кралицата Елизабета ја одбила наградата која британскиот магазин „Оldi“ ги доделува на повозрасните личности. Таа оценила дека не ги исполнува условите. „Нејзиното Височество смета дека ги имаме годините што ги чувствуваме и затоа, таа не мисли дека ги исполнува условите за да ја прифати (наградата)“, се истакнува во одговорот. И покрај гласините дека ќе се пензионира по смртта на својот сопруг Филип во април, Елизабета Втора неодамна учествуваше во бројни јавни настани. А, минатата недела таа беше видена како оди со бастун, првпат по 2004 година. фото: PA Images / Alamy / Alamy / Profimedia/acob King / AFP/

Радост во кралското семејство: Кралицата Елизабета го доби своето 12-то правнуче

Христина Ѓоргиевска — Tue, 21 Sep 2021 09:30:34 +0000

Внуката на кралицата Елизабета, Беатрис роди девојче, соопштуваат од Бакингемската палата. Принцезата Беатрис се породи, а кралицата Елизабета го доби својот 12-ти правнук. - Сите членови на кралското семејство се информирани и воодушевени од веста.Семејството сака да им се заблагодари на вработените во болницата за нивната прекрасна грижа, пишува во соопштението на Бакингемската палата, пренесува Ројтерс. Новороденото бебе, девојче чие име засега не е познато во јавноста, тежи два килограми и седумстотини осумдесет грама, а се роди во саботата во болницата Челзи и Вестминстер во Лондон. Нејзиното кралско височество и нејзиното дете се чувствуваат добро, а двојката со нетрпение очекува да се сретне со својата ќерка со нејзиниот постар брат Кристофер Волф - се наведува понатаму во соопштението. Инаку, принцезата Беатрис, десетта по ред за престолот, се омажи за бизнисменот Едоардо Мапели Моци во јули минатата година. фото: гети имагес

Боба Живојиновиќ за искуството со принцезата Дајана: „Горд сум што ја познавав“

Христина Ѓоргиевска — Wed, 01 Sep 2021 09:56:30 +0000

Вчера (31.08.2021) се наполнија 24 години од смртта на принцезата Дајана. И покрај годините кои поминаа, не бледат спомените за познатата принцеза, а нејзиното семејство се труди овој ден секогаш да го одбележи. Британската принцеза освен тоа што беше многу сакана во светот, таа беше добра пријателка со Боба Живојиновиќ. Познатиот спортиста во една прилика истакна дека му била огромна чест што ја запознал кралицата Дијана пред почетокот на Вимблдон во 1987 година. „Навиваше за мене од трбините иако кралскосто семејство имаше ВИП позиција. Голема е работа кога на натпревар ќе дојде да те бодри личност како неа“, изјави Живојиновиќ и истакна дека биле добри пријатели. „Беше прекрасна жена, нејзината големина беше во тоа што сите нормално комуницираше. Нашите долги разговори беа за секојдневни работи и нашите деца. Филип е возрасен како нејзиниот син Хари. Филип исто така ја запозна. Кога му кажав дека е принцеза, ништо не му беше јасно. Тој е како дете, принцезите ги замислува како во бајки, во долги раскошни фустани“. Боба сеќавањето на принцезата Дајана го заврши со реченицата: „Горд сум што ја познавав“. фото: еток/часлав вукојиќиќ/ твитер

Синот на кралицата Елизабета осомничен за сексуална злоупотреба

Христина Ѓоргиевска — Tue, 10 Aug 2021 11:59:31 +0000

На британскиот принц Ендрју ќе му се суди во Њујорк за наводна сексуална злоупотреба на жена која тврди дека била „најмена“ за секс кога била малолетничка, со посредство на починатиот американски финансиер Џефри Епстин. Во обвинението поднесено до Окружниот суд во Менхетн, се наведува дека Вирџинија Џуфре е тужителка во случајот против обвинетиот, „Принцот Ендрју, војводата од Јорк“. Џуфре тврди дека била „редовно злоупотребувана од Епстин и ангажирана за други моќни мажи, заради сексуална експлоатација. – Еден таков моќен човек беше обвинетиот, принцот Ендрју, изјави Џуфре. Според жалбата, Ендрју сексуално ја злоупотребил во стан во Лондон – сопственост на девојката на Епстин, Гислејн Максвел. Тоа се случило пред повеќе од 20 години, кога наводната жртва имала под 17 години. „Епстин, Максвел и принцот Ендрју ја принудиле тужителката, која во тоа време била малолетна, да има секс со принцот Ендрју против нејзина волја“, се наведува во обвинението. Принцот Ендрју (61) категорично ги отфрли обвинувањата дека имал секс со Џуфре и рече дека не се сеќава дека ја сретнал. Но, овие тврдења го нарушија угледот на британското кралско семејство. Ендрју, вториот син на кралицата Елизабета Втора се повлече од кралските должности во 2019 година поради неговото претходно пријателство со Епстин. фото: Профимедиа

Принцот Хари: „Татко ми страдаше поради воспитните методи на кралицата Елизабета и принцот Филип“

Христина Ѓоргиевска — Fri, 14 May 2021 09:04:29 +0000

Принцот Хари гостуваше во популарниот подкастинг „ Armchair Expert“ каде што проговори за непознати детали. Животот во кралското семејство го спореди со животот на Труман Бурбенк, главниот лик од филмот „ The Truman show“ кој кам ерите го следат од раѓање. „Кога Меган првпат пристигна во Лондон, се договоривме за средба во супермаркет. Се правевме дека не се познаваме, си праќавме пораки еден на друг. Луѓето не набљудуваа, чудно не гледаа, доаѓаа до мене да ме поздрават“, изјави принцот Хари. Тој призна дека никогаш не успеал да се вклопи во кралското семејство и често се чувствувал безкорисно. „Тоа е работата зарем не? Насмејте се и гурајте напред. Имав 20 и нешто години кога размислував дека не ја сакам таа работа. Не сакам тука да работам. Погледнете што се случи со мојата мајка. Како ќе имам семејство ако знам дека тоа повторно ќе се случи“, вели принцот. Хари исто така истакна дека Меган го советувала да побара помош од психотерапевт бидејќи често бил лут. „Кога почнав да одам на терапии изгледаше како пукна балон. Се прашував како да ги направам работите поразлично, како да ја направам мајка ми горда“. Во интервјуто Хари го спомна и неговиот татко, принцот Чарлс велејќи дека страдал поради воспитните методи на принцот Филип и кралицата Елизабета. „Не треба никој да обвинуваме, или да го покажеме со прст, но кога станува збор за родителството, но ако доживеав некоја болка поради болката низ која поминаа моите родители, јас ќе се погрижам да го прекинам тој циклус да не се пренесува понатаму“, вели принцот. Инаку, Меган Маркл и Хари го напуштија кралското семејство, а наскоро очекуваат да пристигине и нивното второ дете.

Кралицата Елизабета се огласи по интервјуто на Меган Маркл и Хари – еве што порача

Христина Ѓоргиевска — Wed, 10 Mar 2021 11:49:31 +0000

Британското кралско семејство реагираше на тврдењата кои Меган Маркл и Хари ги изнесоа во интервјуто за Опра Винфри. Имено, кралското семејство издаде соопштение по пово интервјуто на Меган и Хари. „Целото семејство со тага го прими сознанието дека последните две години биле тешки за Меган Маркл и Хари. Загрижувачки се работите за кои зборуваа, посебено за делот на расата. Иако на некои случувања можеби се сеќаваме на различни начини, секако дека се однесуваме сериозно и семејството приватно ќе ги контактира“, пишува во официјалното соопштение. Потсетуваме, Меган истакна дека за време на бременоста со Арчи размислува за самоубиство, а Хари истакна дека морале да го напуштат кралскиот двор за да го зачува семејството.