крал – Вистина.мк

Чарлс стана крал, а Камила кралица на церемонија водена по традиција стара со векови (видео)

Слободанка Илиева — Sat, 06 May 2023 12:56:39 +0000

Британскиот крал Чарлс Tрети беше крунисан на церемонија во Вестминстерската опатија со круната на Свети Едвард ставена на главата, моментот обележан со плотуни низ Обединетото Кралство. Чинот на крунисувањето се одржа на половина од двочасовната церемонија предводена од надбискупот од Кентербери, Џастин Велби. Пред тоа, Чарлс Трети положи заклетва за крунисување потврдувајќи дека ќе ги почитува законите и Англиската црква за време на неговото владеење и дека е „верен протестант“.

View this post on Instagram

A post shared by The Royal Family (@theroyalfamily)

По седнувањето на историскиот крунисувачки престол, на кралот му бил врачен кралскиот меч за да ги заштити правдата, Црквата и народот, а доби и други кралски обележја, како што се жезло, палка, златно јаболко, ракавици и прстен. Плотуни беа испукани во моментот на крунисувањето на 11 локации низ Обединетото Кралство, вклучувајќи ги Единбург, Кардиф и Белфаст, како и од бродови на британската кралска морнарица. Традиционално, членовите на благородништвото и кралското семејство треба да клечат пред кралот, да му оддадат почит и да му ја бакнуваат десната рака. Но, за Чарлс Трети тоа ќе го направи само неговиот син, принцот Вилијам. По Чарлс ќе биде крунисана и неговата сопруга Камила, иако нема да мора да положи заклетва.

View this post on Instagram

A post shared by The Royal Family (@theroyalfamily)

Во последниот дел од церемонијата, кралот и кралицата ќе се причестат, што е главниот дел од христијанската црковна служба. Тие ќе се симнат од своите престоли и ќе влезат во капелата на Свети Едвард, која се наоѓа зад главниот олтар. Таму, Чарлс ќе ја соблече Едвард и ќе ја стави царската државна круна, која, на пример, се носи на отворањето на годишната седница на Парламентот. Потоа ќе се приклучат на поворката што ја напушта опатија, придружена со националната химна. Крунисаната двојка потоа ќе се врати во Бакингемската палата по истиот пат. По крунисувањето, низ улиците на главниот град започнува парада на илјадници војници и коњаници. фото/видео: Инстаграм/theroyalfamily

Принцот Хари си дојде дома, но неговиот татко одбива да се види со него

Слободанка Илиева — Thu, 30 Mar 2023 11:10:45 +0000

Принцот Хари дојде во Обединетото Кралство за да присуствува на сослушувањето во Високиот суд во Лондон против издавачот на весникот „DailyMail“ поради наводно прислушување и други нарушувања на приватноста. Според британските медиуми, кралот Чарлс воопшто нема да го види. Наводно, Чарлс му рекол на синот дека е зафатен и има работа, додека медиумите јавуваат и дека мали се шансите да се сретне со неговиот брат Вилијам. Се шпекулираше дека принцот Хари и Вилијам не се во контакт по објавувањето на неговите мемоари во кои тој го обвини својот брат за физичко малтретирање и тврдеше дека канцеларијата на Вилијам работела против него и Меган со години. Не е познато каде престојува принцот Хари откако Чарлс му ја одзеде кралската резиденција Фрогмор Котиџ. Да потсетиме дека Хари поднесе тужба против „Associated Newspapers“ заедно со други познати личности, вклучувајќи ги пејачот Елтон Џон, неговиот сопруг и режисер Дејвид Фурниш и актерките Елизабет Харли и Сејди Фрост. Познатите личности во октомври објавија дека поднесуваат тужби против компанијата за злоупотреба на приватни информации. Претставниците на печатот и членовите на јавноста се собраа надвор за да го видат војводата од Сасекс, кој беше расположен. Еден фотограф налетал на кралското семејство пред да биде брзо турнат настрана од обезбедувањето. фото:Profimedia printskrin

Го паметите ли „Папагалот“ кој пееше „Цело село шмрка бело“: ДЈ Крмак стана познат по кич имиџот и своите техно-фолк хитови, а денес е „крал на бакшишот“ (ВИДЕО)

Антонио Димитриевски — Tue, 28 Feb 2023 12:00:58 +0000

Роден е 1968 година во Бања Лука, многу рано влегол во светот на музиката, а во една прилика рекол дека имал само 13 години кога за првпат застанал на сцена. Пејачот Горан Жижак, попознат како ДЈ Крмак, откако се појави на сцената привлече огромно внимание во јавноста со својот необичен имиџ. Тој остана верен на својот кич имиџ, и своите техно фолк песни, но во Србија па и Македонија оддамна не настапува повеќе, па оваа публика немаше можност да види како тој сега изгледа. Да потсетиме, ДЈ Крмак е една од најобразованите личности на естрадата, има завршено дури три факултети: Правен, Филозофски и Православно Богословски. Сега на социјалните мрежи се појави видео на кое се гледа дека тој останал верен на својот впечатлив и чуден стајлинг, но и дека на неговите настапи рацете му се полни со бакшиш.

View this post on Instagram

A post shared by ⬆⬆🔝Zapratite🔝⬆⬆ (@srbija_showbizz)

Фото: Инстаграм принтскрин/djkrmakoffizial

Почина Пеле: Фудбалскиот свет остана без својот крал

Антонио Димитриевски — Fri, 30 Dec 2022 10:21:27 +0000

Легендата на бразилскиот и светскиот фудбал, Пеле, почина на 82-годишна возраст, по тешка борба со болеста. Веста за неговата смрт ја потврди BBC. Последните моменти, Едсон Арантес до Наскименто ги поминал во болница со семејството. На Пеле му беше дијагностициран рак на дебелото црево во септември 2021 година, а неодамна неговата состојба нагло се влоши. Целиот свет го знаеше како КРАЛОТ НА ФУДБАЛОТ. Пеле станал член на фудбалскиот клуб Сантос во 1956 година и го предводел тимот до светското клупско првенство во 1962-ра. Во 1969-та, за време на неговиот 909 натпревар, тој го постигнал својот 1.000 гол. Пеле ја комбинирал неговата сила за удар и прецизноста со извонредната способност да ги предвиди чекорите на другите играчи. Во 1975-та година Пеле станал член на „Космос“ од Њујорк во Северноамериканската фудбалска лига (NASL). Тој се повлекол од фудбалот откако го однел тимот во лигашкото првенство во 1977-ма година. Во 1978-ма, Пеле ја добил меѓународната награда за мир, а во 1980-та бил прогласен за спортист на векот.

Ништо не му е свето: Кралот Чарлс прекинува уште една долгогодишна традиција

Слободанка Илиева — Wed, 23 Nov 2022 10:19:49 +0000

Доаѓањето на кралот Чарлс на власт донесе многу вести, а според пишувањето на британските медиуми се чини дека не му се гледа крајот. Откако објави дека нема да се пресели во Бакингемската палата, а малку подоцна ќе ги продаде и коњите кои ги наследил од неговата покојна мајка, новиот владетел на Велика Британија ќе ја исфрли традицијата на гледање на говорот на кралот. Имено, како што пишува „The Sun“, кралот Чарлс ќе ја исфрли традицијата на гледање на обраќањето на монархот до нацијата, кое се прикажува на Божиќ, а наместо тоа ќе поминува време со семејството потсетувајќи се на убавите моменти поминати со кралицата. Експертот за кралското семејство и поранешна дописничка на Би-Би-Си, Џени Бонд, рече дека семејството ќе се собере во Сандрингам во Норфолк за да го прослави празникот, но овој пат ќе има недостаток на формална атмосфера од изминатите години. Сепак, некои традиции сè уште ќе се чуваат. Исто како кралицата Елизабета, кралот Чарлс претходно ќе го сними својот божиќен говор. - Сигурен сум дека ќе го сними однапред говорот и сигурно ќе ја допре загубата на неговата мајка, Елизабета Втора - изјави Бонд. фото:Guliver Getty Images

Мио Ристиќ – првиот македонски манекен: Тој е човекот што ја донесе светската мода во Скопје (ФОТО)

Антонио Димитриевски — Tue, 24 May 2022 06:43:22 +0000

Малку повозрасните, кои 70-ите години биле млади ергени и девојки паметат многу нешта кои Скопје повеќе ги нема. Од градското корзо до главните фаци кои се шетаа по тогашна скопска калдрма, од Пивница до Кенан и назад. Е токму таа генерација веројатно се сеќава и кој ја донесе прв модата во Скопје, а со тоа и во Македонија.

Тој беше првиот манекен кој прошета по модната писта и ги преслика светските модни трендови во македонската престолнина, за со години, па и децении потоа, тој и неговата млада екипа манекенки да ја диктираат истата.

Миодраг Ристиќ или едноставно познат како Мио. Една од најурбаните скопски фаци, градска легенда кој на скопјани и пошироко прв ќе им покаже како се чекори по модна писта, прв ќе ги преслика Париз, Њујорк, Лондон, Милано, Белград... во Скопје, заедно со Лиле - „Липс“ ќе го имаат првиот бутик во главниот град, ќе биде дел од првите модни фотосесии... Во многу нешта кога е модата и не само модата во прашање Мио бил пионер.

Неговите модни ревии и модни перформанси во рамките на првите скопски пополноќни забави се' уште се прераскажуваат. Најубавите скопски девојки во тоа време, меѓу кои подоцна некои станаа и се' уште се име и презиме во оваа земја, биле дел од женската „модна ергела“ на Мио.

Неговиот бутик „Мио“ во 80-тите години ќе биде епицентарот од каде во Скопје, а со тоа и во Македонија ќе излегуваат најмодерните модни парчиња, кои најпознатите скопски јавни, но и урбани фаци ќе ги носат на себе како перјаници на актуелната мода во тоа време.

Но, не само модата се врзува за урбаната скопска легенда Мио. Години потоа тој и неговите локали ќе бидат заштитен знак на скопскиот ноќен живот. Особено легендарната „Академија“, еден од првите скопски ноќни клубови кој ќе работи „од самрак до мугри“.

А таму, од скопскиот и не само скопскиот „крем“, јавните лица, музичките ѕвезди, најубавите девојки, најдобрите забави, првите македонски бизнисмени, безбедносни структури, лица од балканското подземје... сите на купче. Сите на едно место, а местото култно со години!

Како и тој - Мио Ристиќ, скопскиот „крал на модата“, трансформиран во „крал на тогашниот ноќен живот“ во македонската метропола! Во годините кога наместо македонската провинција, Белград доаѓаше на скопските забави на кои не се слушаше турбофолк и не се пиеше пиво од шише со цевче за сок!

Времето минуваше, но транзицијата никако да мине, а од ден на ден ништо повеќе не беше исто. Наместо пејачките, водителките, манекенките, спортитистите... политичарите станаа главни ѕвезди, што натера многумина да си го бараат чарето, фаќајќи си го патот надвор од земјата.

Меѓу нив и тој... Денес Миодраг Мио Ристиќ живее во Марбеља во Шпанија.

Информациите, иако неофицијални, говорат дека како и тогаш и денес, иако е опкружен со најубавите жени, „вечниот ерген“ и понатму не е женет.

Впрочем она што цел живот го исполнувало, расположувало, било негов двигател... убавата страна на животот ја живее и денес.

Убавите жени, ноќните забави, модните збиднувања, светскиот џет сет се повторно тука, а со нив и Мио. Само на едно друго, поразлично и повисоко ниво... Светско! Иако за жал, далеку од дома.

11 години по смртта на Мајкл Џексон продаден неговиот озогласен имот „Неверленд“, а познато е и кој е купувачот (видео)

Слободанка Илиева — Fri, 25 Dec 2020 09:56:14 +0000

11 години по смртта на кралот на поп музиката Мајкл Џексон, продаден е неговиот озогласен имот „Неверленд“. Имотот го купи милијардерот и инвеститор Рон Буркл, поранешен семеен пријател на Џексон. Неверленд е продаден за 22 милиони долари, според јавните записи. Портпаролот на Бурк рече дека неговиот клиент ја гледа инвестицијата како можност за банкарство на земјиште. Милијардерот се интересираше за имотот во време кога не беше за продажба. Имотот во Лос Оливос, Калифорнија, е дом на покојниот Џексон од 1987 година, кога тој беше на врвот на славата, сè до неговата смрт во јуни 2009 година. Еден од двата имота во сопственост на Мајкл Џексон, зафаќа 1.100 хектари. https://arhiva.vistina.com.mk/radio-mileva/retka-snimka-se-pojavi-na-jutjub-poglednete-ja-sekoja-soba-i-detalj-od-neverlend-imotot-na-majkl-dzekson-koj-se-ushte-se-prodava-video/ Во 90-тите години на минатиот век, кога обвинителите на округот Санта Барбара го обиколија ранчот како дел од истрагата за обвинувањата за сексуално злоставување на малолетници, тие го опишаа имотот како свет на фантазијата што Џексон го изградил за да ги намами жртвите. Мајкл успеа да се ослободи од овие обвинувања, но подоцна не сакаше да живее таму. Во недвижнината имало и забавен парк и зоолошка градина, во која биле сместени орангутани и слон по име Џипси, меѓу другото, а кој на авторката и текстописец и ја донирал Елизабет Тејлор. Според пописот, на имотот на Џексон, кој бил преименуван во Сикамор поради негативната репутација што ја придружувал поп-ѕвездата, има вила во француски стил од 12,00 квадратни метри и „врвно засолниште на имотот, сместено меѓу уредените градини и езера, со неверојатен поглед на пасторалниот пејзаж на југ и прекрасниот планински венец на север“. Имотот исто така вклучува и простор за забава на отворено покрај базен, куќичка до базенот и тениско игралиште. Исто така, на имотот има три посебни куќи за гости, кино со над 500 квадратни метри со сцена, штали и сите придружни простории за сместување и згрижување животни.

Водителот на „Парови“ итно префрлен во болница: Им помагал на луѓето заради короната, а сега стравува дека и тој е заразен?! (ФОТО)

Антонио Димитриевски — Wed, 01 Apr 2020 11:40:39 +0000

Водителот и поранешен учесник на риалити шоуто „Парови“ - Дејан Станковиќ, познат како Крал, бил итно хоспитализиран во Брисел. Со денови им помагал на луѓето во овој белгиски град, но за жал по се изгледа и тој се заразил. Дејан им споделил фотографија од болницата на своите пријатели на Фејсбук. „Јас сум во болницата во одделот за пулмологија. Утрово се разбудив со многу гушење. Изминативе 7 дена имав контакти со многу луѓе, им делев храна и заштитни маски, бидејќи ми беше жал кога ги видов да молат во центарот на Брисел оставени сами на себе по цел ден, во оваа опасна ситуација. Во болницата ми го направија мојот тест за Ковид 19 и ги чекам резултатите. Ако сум позитивен, насмевките на луѓето на кои им помогнав ќе бидат мојот најголем лек. Грижете сеза себе и своите и останете дома!!! - напишал водителот на Фејсбук.

Тајландскиот карл во луксузен карантин на Алпите: Бега од корона, а се „фрли“ во харем од 20 жени!

Слободанка Илиева — Mon, 30 Mar 2020 09:46:37 +0000

Маха Вајиралонгкорн, кралот на Тајланд, ужива во самоизолација во луксузен хотел сместен на Алпите. Германските медиуми открија дека тајландскиот крал со себе има „харем“ од 20 конкубини и бројни слуги, додека не е познато каде се наоѓаат неговите четири сопруги. Сите пансиони и хотели во регионот се затворени, но не и “Grand Hotel Sonnenbichl” каде што сега престојува 64-годишниот крал Маха. Бројни активисти го нападнаа кралот на социјалните мрежи и пишуваа дека тој бил на деловен пат во Германија на почетокот на март. Инаку, десет илјади граѓани ги жртвуваа своите животи со оглед на тоа дека може да добијат затворска казна до 15 години доколку ја навредат монархијата. Кралот Маха не бил виден во јавност уште од февруари. Тој често не е во својата земја, а најчесто времето го поминува во Германија со своите љубовници. Познат е по тоа што досега имаше многу жени, како и бурни разводи.

Кралот на ноќните свирки меѓу убави жени, вино, песна и пари во спот од „милион долари“: Жаре-Бербер ја претстави – „Циганко мала“

Антонио Димитриевски — Fri, 07 Feb 2020 10:15:36 +0000

Кога некој трае дваесет и кусур години на естрадната сцена, значи дека не е случајно... Мора да вреди. За Жаре-Бербер доволно е да се каже дека најдобрите забави изминатите години не поминале без него во главна улога. Впрочем, скопјани, но и цела Македонија тоа го знае. Деновиве Жаре е повторно актуелен со нова песна и спот, по промоцијата на неговата последна ,,Понекад”. За спотот за „Циганко мала“ може да се каже дека вакво нешто ретко се гледа кај нас. Сценарио на кое можат да позавидат дури и во соседството. „Идејата за спотот е моја, ја реализирав вложувајќи многу енергија и сè што е потребно за високо квалитетен спот. Со момчите од бендот одлучивме дека од сега па во иднина сите видеа ќе ги работиме во нашa продукција, бидејќи заклучивме дека ова е само еден показател дека човек може сè да направи кога ќе вложи многу љубов и енергија“ - вели популарниот скопски забавувач. Ентериерот и гардеробата во видеото потсетуваат на некои минати времиња, за кои Жаре појаснува: „Тие се дел од сцената и се изработени за приказната во видеото да изгледа како да е некаде од почетокот на минатиот век, со цел да се прикаже убава и топла атмосфера во која сите уживаме“. Инаку, приказната во опишува сцена од една нивна свирка. Жаре и бендот се наоѓаат во кафеана, каде ги служи и забавува девојката која случајно ќе се најде на вистинското место во моментот кога бендот е предаден на добрата песна, доброто вино и прекрасната атмосфера се' со цел Жаре да ја заборави љубовта на неговиот живот за која се пее во песната и каде ја троши целата заштеда која се наоѓа во куферот. Спотот изобилува со преубави девојки за кои Жаре открива кои се: „Девојките се мои пријателки и пријателки на бендот, девојки кои доаѓаат на нашите настапи“. Како автор на песната се потпишува Горан Јовановиќ –Топче, а аранжманот е на Боби Василевски, гитаристот од групата „Нон стоп“, кој се покажува како многу добар и во овој музички правец. „Видеото носи и одредена порака. Ова е видео во кое сакаме точно да ја прикажеме единствената поента на животот, дека љубовта е единственото нешто што може да ве помести од колосек и да ве натера инспирирани од неа да се препуштите на кафеанското и боемско уживање. Добра чашка и добра музика, се' со цел да ја заборавите љубовта на вашиот живот, која може да остави трага на вас. Ваква ситуација во животот, верувам дека секој од нас барем еднаш почувствувал“ - заклучува Жаре, канејќи ве премиерно да ги проследите песната и видото во продолжение: