кожа – Вистина.мк

На прв поглед „пиштол гола“: Една фотографија на Марјана Станојковска им го помати умот на мажите кои веднаш посакаа да видат што таму има (фото)

Слободанка Илиева — Tue, 30 Jan 2024 09:51:48 +0000

ТВ водителката Марјана Станојковска не може глава да крене од работа и тоа многу повеќе како инфлуенсерка отколку како водителка. Доказ дека тоа е така, говори доволно нејзиниот Инстаграм профил каде речиси комплетно е полн со објави каде таа промовира, рекламира и сугерира за брендови од разни категории. Преперати за коса, лице, бутици, оптики, салони за убавина, ма што ли уште не.

View this post on Instagram

A post shared by MARJANA STANOJKOVSKA (@marjanamay)

За Марјана слободно може да се каже дека е најбараната македонска инфлуенсерка која на големо печали од овој вид на модерно рекламирање преку социјалните мрежи. Нејзиниот најнов проект, ТВ шоуто 7-мо небо е она каде дополнително се покажува за своите професионални подвизи, но она примарното за Марјанче е инфлуенсерството.

View this post on Instagram

A post shared by MARJANA STANOJKOVSKA (@marjanamay)

Па така од една своја најнова објава, иако беше наменета за припадничките на понешниот пол, односно сакаше да покаже комбинезон во беж нијанса или боја на кожа која создава оптичка илузија. На прв поглед, Марјана на фотографијата изгледа навидум како да е „пиштол гола“. Вниманието сигурно повеќе им беше привлечено на припадниците на посилниот пол кои сакаа да видат што таму има кога подобро би ја отвориле на широк екран фотографијата. Во случајот Марјана е облечена и тоа закопчана до гуша, ама сосема доволно секси за да го задржи вниманието подолго. фото:Instagram printscreen/ marjanamay

Модните експерименти на Анета Љумаковска немаат крај: Овој пат како секси бунтовничка со кожа и жартиери (фото)

Слободанка Илиева — Fri, 12 Jan 2024 10:24:54 +0000

За познатата фолк пејачка Анета Љумаковска екс Мицевска или најпозната како Анета „Молика“, промените во секој поглед и станаа секојдневие. Стави крај на бракот, почна да настапува сама, а и со други музичари освен членовите и долгогодишни колеги од „Молика“, ја смени фризурата, а сега така лесно адаптибилна на новото, постојано тежнее кон нов тренди стилски израз. Анета е позната како жена која ја претпочита и негува модната елеганција, барем досега, но по ново решила да избере имиџ некарактеристичен за нејзиниот моден израз, а кој одлично и прилега. Тоа го коментираат и нејзните бројни фанови кои велат дека Ането изгледа поубаво од кога било. Па така, Анета сега умее храбро да избере помладешки комбинации, почна од пократката фризура, па продолжи со спој на рокерски и помладешки комбинации во кои редовно позира за на Инстаграм. Од нејзините објави досега ја видовме во црна куса рокерка, црни панталони со впечатливи ремени, топ маичка на пруги од која и ѕирка голиот стомак, следеа уште нејколку такви во сличен фазон и комбинации кои периодов се тренди. Дека е во тој моден филм, покажа и со уште еден сличен избор додуша пожесток, посекси и најбунтовнички досега. Навидум едноставно, но во детали доста провокативно. Стилизирана комплетно во црно, од црна маичка и панталони, кожен мантил и чизми со кожени жартиери како детаљ за ултра впечатлив ефект. Навикнати да ја гледаме во елегантни дамски комплетчиња, ваквиот избор е освежување и изненадување на кој Анета очигледно лесно се прилагодила така самоуверено да го носи и избере. Како ви се допаѓа секси Ане? фото: Instagram printscreen/ anetaljumakovska2701

Се’ се оцртува на неа: Комбинезонот кој го облече Лила нема простор за недостатоци, а таа „пука“ од сексапил (фото)

Слободанка Илиева — Fri, 29 Dec 2023 08:00:48 +0000

Полека почнуваме и со одбројувањето на последните денови и часови од годината која ќе ја испратиме. Нова година е на прагот, а празничниот дух се трудиме секој на свој начин да си го донесеме во домот и во срцето. За Лила Филиповска изминатата беше тешка, но и победничка година, сега послатка од преходно и со уште поширока насмевка за новото утре. Лила деновиве е ултра празнично расположена, постојано од забава на забава, од концерт на концерт. Забавно и е секогаш и на финалните снимања на „Се или нешто“ за 2023 година од каде покажа една објава од нејзината „модна канцеларија“ додека се подготвува. Изборот падна на пурпурна нијанса на тесесн комбинезон од кој нема простор за неодстатоци, оцртувајќи ја силуетата. На Лила таа „лила“ нијанса и модел совршено и прилегаше, а таа задоволна и самоуверена позираше во огледалото и снимаше со мобилниот.

View this post on Instagram

A post shared by Lila (@lilafilipovska)

-Кожа на кожа, вака таа го опиша и доживеа стајлингот во кој им се допадна на сите кои ја видоа објавата, па не пропуштија да и поласкаат. Лила во „лила“ едноставно совршено се впила! фото:Instagram printscreen/ lilafilipovska

Симптом кој може да биде знак за недостаток на протеини и се појавува на кожата

Слаѓана Атанасова — Tue, 17 Oct 2023 12:22:33 +0000

Диететичарите објаснуваат дека доволниот внес на протеини е исклучително важен за целокупното здравје на нашето тело. Исто така, ако го немаме доволно, тоа може да доведе до одредени здравствени проблеми, од кои многу не се воопшто безопасни, но може да доведат до сериозни компликации. Токму затоа е важно навреме да препознаеме дека има недостаток на протеини во нашето тело за да ги спречиме несаканите последици, пренесува The Sun. Но, како да препознаеме дека консумираме недоволно количество протеини? Еден од првите симптоми што укажува на тоа е видлив на кожата на скалпот, а тоа е ненадејно или зголемено губење на косата. Како што објаснуваат експертите, необјаснивото опаѓање на косата е еден од најчестите предупредувачки знаци. Ако некој забележи дека косата му се проретчува, можно е на овој начин телото да му каже дека му недостасуваат протеини. Колагенот е најзастапениот протеин во телото, неопходен за нашата коса, кожа, нокти, зглобови и коски. Како што старееме, полека го губиме, што е нормално. Но, ако некое лице забележи драстично опаѓање на косата, причината за тоа обично не е стареењето, туку недостатокот на протеини во исхраната. Извор: Попара.мк

Откако го избоцка лицето, Тијана Дапчевиќ се реши да ги напумпа и усните, а кога се виде во огледало ја нарече докторката коза (видео)

Слободанка Илиева — Fri, 29 Sep 2023 06:48:24 +0000

Пејачката Тијана Дапчевиќ влезе во редот на дамите со напумпани усни. Имено, откако го избоцка лицето, односно направи мезотерапија, Тијана по многу убедување и по сугестија на докторката на која силно и верува, реши да стави филер во усните. Објаснувањето беше дека пејачката не сака големи усни, туку само враќање на стариот волумен кој со текот на годините се намалува.

View this post on Instagram

A post shared by Dr Maja Velimirov (@dr_majavelimirov)

Постапката треше релативно кратко, па откако Тијана се виде во огледало ја нарече докторка коза, но бидејќи долго се познаваат ова не беше сфатено како навреда. Дапчевиќ беше позитивно изненадена од резултатот, па затоа ја нарече докторката така, што иако толку се трудела не успеала да ја наговори порано. Тијана не престана да се гледа во огледалото, а на своите следбеници почувствува дека им должи објаснување за црвенилото на лицето по постапката кое е индивидуално, бидејќи таа има ултра сензитивна кожа. Тијана секогаш била отворена за она што го работи на себе во однос на својот изглед, па и овој пат јавно откри што се’ правеше на лицето, а е крајно задоволна. Наскоро на 5-ти октомври таа настапува во Скопје, па и непосредно ќе имаме прилика да ги видиме промените од естетиката на новото време. фото:Инстаграм принтскрин/Тијана Дапчевиќ

Секојдневното туширање не е штетно, но еве што треба да преземеме за да не дојде до исушување на кожата

Слободанка Илиева — Wed, 13 Sep 2023 10:48:25 +0000

Постарите луѓе, бебињата и малите деца вообичаено имаат посува кожа, а тоа може да доведе до појава на егзема, па туширањето секој втор ден е најдобар избор. За повеќето луѓе со релативно нормална кожа, секојдневното туширање е во ред, но има работи што треба да се преземат за да не дојде до исушување на кожата. За чувствителна кожа се препорачува избегнување на многу мирисливи сапуни што содржат адитиви, кои може да предизвикаат иритација на кожата или алергиски реакции. Не е потребно секојдневно детално да го триете телото, но горниот дел на телото и подрачјето околу ципите треба редовно да се мијат, бидејќи патогените бактерии може да направат колонии. Луѓето често силно ја тријат својата кожа при туширањето, со желба да ја отстранат сета нечистотија, меѓутоа повеќето производи наменети за пилинг на телото може да предизвикаат и трауми, во вид на микрогребаници на кожата. Главно, доколку сакате да направите пилинг, користете препарати врз база на киселини, како што се гликолните или млечните киселини, кои се доста понежни. извор:курир.мк

Манекенката Софија Милошевиќ важи за една од најубавите дами, а еве од кого го наследила тоа (фото)

Слаѓана Атанасова — Tue, 08 Aug 2023 11:47:12 +0000

Софија Милошевиќ важи за една од најубавите дами на јавната сцена, а многумина не знаат колку многу личи на својата мајка. Имено, таа до пред три години беше непозната за јавноста, а сега Софија повторно ја објави на Инстаграм. Софија во таа прилика истакна колку е горда на нејзиниот изглед бидејќи е во шестата деценија и ја пофали негата на лицето на нејзината мајка. -Кожата на мама и како ја негува во шеесеттите, wow – напиша Софија. Фото: Принтскрин/Инстаграм/Софија Милошевиќ

Со Пантенол и Јекодерм и кожата ужива во летните денови

Дејан Донев — Tue, 25 Jul 2023 08:46:45 +0000

Постојат многу причини да ја негувате кожата. Како најголем човеков орган, кожата е важна за изгледот, но има особено значајна улога и во одржувањето на севкупното здравје. Таа влијае и на самодоверба и на изгледот, а важно е да спомне дека добрата или правилна нега значи и превенција од можни заболувања во иднина. Таа е и првата бариера која го штити телото и внатрешните органи и битно е да се одржи бариерата силна, затоа што сувата, испукана или иритирана кожа е склона кон инфекции. Кожата ја рефлектира здравствена состојба на секој поединец. Затоа и не изненадува што Галеника, како еден од регионалните фармацевтски лидери чија мисија е да е посветена на луѓето, верна на здравјето, посветува многу внимание на негата на кожата и особено е горда на своите два бренда Јекодерм и Пантенол. Ретко кој може да си ја замисли домашната аптека без овие традиционално присутни производи во нашите домови.

Причини за нега на кожата

Здравата кожа изгледа убаво, но и помладо. Односно, хидрираната и негувана кожа го задржува сјајот и побавно ги покажува знаците на стареење. Кога се користат висококвалитетни производи за нега на кожата, се отстрануваат мртвите клетки и кожата се регенерира со нови клетки кои прават да изгледа убаво. Превентивната нега е за секого, независно од возраста и од типот на кожата.

Пантенол негува и од надвор и од внатре

Линијата производи со пантенол на Галеника нуди нега за телото и надворешно и внатрешно. Односно, линијата содржи пена со 9% пантенол, крема, маст и растовор чии основна намена е нека и заштита на кожата, како и ублажување на тегоби после долготрајно сончање, смирување на кожни алергии и нега на брадавиците кај доилките. Пантенол пената содржи D - Panthenol 9%, алое вера, алантоин и витамин Е, и е вистинско откритие за летните месеци затоа што ја негува, регенерира и хидрира кожа што е изложена на сончеви зраци и вода. Пантенол кремата ги има многуте својствата на чудесниот витамин Б5 за подмладување и навлажнување на кожата. Пантенолот е ефикасен антиоксиданс и помага за зарастување на рани и изгореници. Но и да ја направи кожата на рацете да изгледа поздрава и подобро негувана од кога било претходно затоа што поттикнува производството на колаген и еластин. Со Пантенол маст кожата ги добива сите неопходни хранливи материи во еден производ. Покрај пантенолот, маста содржи и ланолин, чија способност да ја навлажнува, штити и негува кожата го прави одлична опција за оние кои бараат поприродно и поефективно решение за нега на кожата. Сите овие особини на состојките, ја прават маста вистински избор за правилна нега за рацете, лицето и телото. Растворот може да се користи и за нега на слузокожа и на коса. Бенефитите за косата кога користите Пантенол, што во суштина е витамин Б5, се бројни. Растворот ја зајакнува косата, односно продира во секое праменче на косата и ја запечатува кутикулата за да спречи расцепување или кршење. Пантенолот им обезбедува на косата и скалпот влажност, што овозможува заштита од оштетување на влакната при грубо четкање и стилизирање со фен или пегла. Пантенолот инстантно ги измазнува сите несовршености на косата. Бонус совет – растворот е одличен и за нега на машката брада. Значи кога ќе помислите на негата на кожата и прво ви текнува на чувствителните делови од лицето, вратот, градите на кои се посветуваат третмани за нежно чистење со вода, хидрирање и нега. Со Галеника сето ова го добивате во една козметичка линија. Треба да се спомне и дека под подлабока нега се подразбира пиење на вода и избор на здрава храна и здрав животен стил.

Јекодерм речиси седум децении се грижи за здрава кожа

Еден од првите избори на мајките за грижа на бебешката кожа, како и првата помош за изгореници на кожата во лето е Јекодерм. По него се посегнува од неопходност, но набргу станува дел од секојдневната нега на сите членови во семејството. Јекодерм традиционално е првата помош во случај на изгореници по долготрајно сончање. Поради природните состојки, особено е погоден за нега на кожата на децата, па на одмор се патувало и со неколку пакувања од оваа маст. Освежување за летово е што во аптеките Јекодерм веќе е достапен во ново поголемо пакување, односно фамилијарно пакување од 50g. Доволно за сите членови во семејството. Јекодерм е тајната состојка за намалување на брчките, намалување на појавите на воспаленија и акни на кожата, лекување на лузните од мозолчиња, како и за традиционална нега на кожата на многу жени кои маста ја користат пред спиење. Секој Јекодерм е една четвртина рибино масло, кое е многу корисно за нега на кожата. Го забрзува процесот на епителизација на кожата, ја измазнува и ја прави поеластична. Денес Галеника ја произведува Јекодерм со мирис на кокос, односно многу поблаг мирис од минатото, а подеднакво ефикасна како во деновите кога за првпат се појавила на пазарот. Јекодерм содржи и витамин А, кој успешно делува за спречување на предвремени брчки и витаминот Д, кој е одговорен за убавината на кожата.

Н2О или водата - најдобро средство за чистење на кожата

Дерматолозите секогаш предупредуваат дека кожата не треба да се чисти со јаки гелови или сапуни, туку најдобра нега обезбедува нежно чистење со вода. При тоа не се препорачуваат да се користат крпи затоа што трлањето може да ја иритира кожата. Затоа утринскиот режим нека стартува со миење со млака вода и нежно тапкање со прстите. Идејата е кожата да ги задржи природните масти кои ја одржуваат здрава. Впрочем, наследените гени не се единствениот услов за убава кожа. Секојдневните навики и рутината се многу важни за добри резултати. Особено е битно ритуалот да го прилагодите на вашите потреби затоа што грижата за кожата е личен избор, а добриот избор ја зајакнува и разубавува кожата.

Сакате да имате чиста и затегната кожа, еве што треба да правите секое утро

Слаѓана Атанасова — Wed, 19 Jul 2023 12:05:16 +0000

Главниот непријател на женската убавина се брчките, па затоа постојано бараат начини како да ги спречат или отстранат. Не ретко даваат вистинско богатство за крема или естетска процедура. Сепак, постои целосно природно решение кое воопшто не е скапо. Тоа е фантастичниот анасон кој ја намалува видливоста на фините линии и брчките. И што е најважно, го успорува процесот на стареење. Затоа, направете чај од анасон и почекајте да се излади. Процедете ја содржината и чувајте го напитокот во чист сад. Користете ја таа течност за миење наутро. Лицето тријте го со чај, но особено внимавајте на брчките. Ова е навистина најлесниот и најзгодниот начин природно да се ослободите од брчките. Секако, тие се неизбежен дел од стареењето, но чајот од анасон ќе ви биде одличен сојузник за долго време да имате чиста и мазна кожа. Извор:Курир.мк

Заради овие грешки дезодорансот нема ефект

Слободанка Илиева — Fri, 12 May 2023 11:59:53 +0000

Дерматологот открива кога е најдобро да нанесете дезодоранс за да има ефект! Имено, многу луѓе наутро ставаат дезодоранси на кожата, за да ја заштитат од потење во текот на денот, но дерматологот вели дека тоа е грешка. „Треба да нанесете антиперспирант на вашата кожа навечер, пред да си легнете. Ова му дава на антиперспирантот потребно време да се „активира“ “, вели дерматологот Луси Фадул. „Кога спиете, потните жлезди се помалку активни, а телото одмара. Ова се идеални услови за дезодорансот да си ја заврши работата“, додава таа. Пред да нанесете дезодоранс, важно е кожата под пазувите да биде чиста и сува. Дополнително, д-р Фадул предупредува дека користењето на дезодоранси и антиперспиранти во исто време ги спречува овие производи ефикасно да го намалат потењето и мирисот. „На антиперспирантот му треба време да се активира на кожата без влијание на влага, пот, сапун или остатоци од дезодоранси“, вели таа, додавајќи дека најдобро е да нанесете антиперспирант навечер, после туширање. „Оставете го антиперспирантот да се активира и да се исуши околу два до три часа пред да нанесете дезодоранси и мириси.“ извор:попара.мк фото:Shutterstock