ковид – Вистина.мк

Кија Коцкар итно хоспитализирана: Ковид ја легна во болница (фото)

Слободанка Илиева — Mon, 18 Sep 2023 11:09:07 +0000

Победничката од првата сезона на реалното шоу „Задруга“, Кристина Кија Коцкар, ги загрижи сите свои следбеници кога се огласи од болница и откри дека е позитивна на коронавирусот. Имено, како што може да се види на видеото кое се појави на социјалната мрежа ТикТок, Коцкар лежи во кревет со закачена инфузија во раката и додека едвај зборуваше им се обрати на своите фанови и откри што се случува. - Се чувствував многу лошо цела недела, особено денеска кога станав и тогаш открив дека имам ковид. Добро сум, немам температура, белите дробови ми се добро, се, само лоша настинка во превод, многу лоша настинка - рече Кија, додека подолу имаше коментари во кои многумина и посакаа брзо закрепнување и да се врати на своите обврски што е можно поскоро. Да потсетиме, инаку, Кија Коцкар неодамна сподели нешто на социјалните мрежи што веднаш предизвика коментари. - Уште еден круг околу планетата Земја и се мажам, мајка ми - пишува на нејзината „приказна“ на Инстаграм, а многумина се посомневале дека, очигледно, поранешната учесничка во реалното шоу е подготвена за нов брак, додека е не е познато дали моментално има емотивен партнер. фото:Инстаграм принтскрин

Тони Цетински повторно во проблеми со законот

Слободанка Илиева — Fri, 30 Sep 2022 08:39:59 +0000

Јавноста е изненадена од веста дека е можно апсење на Тони Цетински, кој според хрватските медиуми, наводно е меѓу осомничените дека купиле лажна потврда за ковид, што значи дека ќе се води истрага против него како и против другите. Според извештаите, вчера полицијата фатила дванаесет лица кои се осомничени дека организирале група која продавала потврди за ковид на лица кои не биле вакцинирани. Имено, во ноември минатата година, загрепското општинско државно обвинителство ја покрена првата истрага против медицинска сестра од Здравствениот дом за тргување со лажни потврди , а меѓу имињата на лицата чии имиња Румиха ги внела во системот во моментот на инкриминација, постои, како што неофицијално дознаваат хрватските медиуми, и името на пејачот Тони Цетински, кој ги негираше овие наводи. - Не купив лажен сертификат за ковид- изјави Цетински за „Јутарњи.хр“. По избувнувањето на пандемијата , пејачот во неколку наврати ги искажуваше своите антиваксерски ставови, а со воведувањето на карантин и режимот за издавање потврди за ковид, тој се позиционираше како една од најистакнатите јавни личности што ги оспорија овие мерки. - Кој сака да се вакцинира, немам ништо против. Само не дозволувам никој да ме вакцинира. Отворете го Голи Оток за оние од нас што не сакаме вакцина, потоа врзете ни лисици, затворете нè, затворете нè, почекајте да заспиеме или заспијте не и потоа насилно вакцинирајте . Нема шанси! - изјави тогаш пејачот. фото:Instagram printskrin/тони цетински

Каролина Гочева поради проблеми со здравјето го откажа концертот во Охрид, па јавно се огласи за нејзината состојба (фото)

Слободанка Илиева — Wed, 03 Aug 2022 09:09:26 +0000

По концертот насловен „Ајде да летаме Greatest hits“ кој се случи на1-ви јили во Скопје, Каролина Гочева имаше најава за уште еден таков кој требаше да се случи утре 4-ти Август во Охрид. За жал, публиката нема да има можност да ја слуша и гледа Каролина во Охрид бидејќи концертот е откажан. Причината за откажувањето на концертот е здраствената состојба на Каролина која јавно се обрати на социјалните мрежи и напиша дека не се чувствувала добро и е ковид позитивна. Драги мои... Многу се радував на нашата средба во Охрид и многу сакав да ја повториме онаа магична вечер од Скопје, но… од синоќа не се чувствувам добро, денес се тестирав и имам корона. За жал, мораме да го откажеме концертот планиран за четврток во Охрид. Се гледаме во следна прилика, а на Охрид ќе му се оддолжам со концерт наесен!- пишува Гочева. Пред да го напише ова, им го честиташе празникот Илинден на сите Македонци, а стотина со честитка и мисла за побрзо закрепнување се редеа под објавите.

Луѓето со недостиг од витамин Д имаат посериозна ковид-слика

Слободанка Илиева — Tue, 10 May 2022 13:20:45 +0000

Израелски научници дојдоа до сознание дека има значителни разлики во шансите за развој на сериозни последици од Ковид-19, споредувајќи ги пациентите кои имале доволно витамин Д пред да се заразат, со оние кои имале недостаток од витаминот кога биле заразени. Научен труд, објавен во списанието „Плос уан“ (PLOS One), покажа дека половина од луѓето кои имале недостаток на витамин Д пред да се заразат со Ковид-19, потоа развиле потежок облик на болеста, во споредба со помалку од 10 отсто од луѓето кои имале поголемо ниво на витаминот во крвта. Одамна е познато дека витаминот Д е од витално значење за здравјето на коските, но неговата улога во заштитата од коронавирусот досега беше помалку позната. – Најновото истражување е првото што ги испитува нивоата на витамин Д кај поединци пред да се заразат со Ковид-19. Најдовме неверојатни и запрепастувачки разлики во вашите шанси да станете пациент со тешки симптоми кога имате недостаток на витамин Д во споредба со кога некое лице има доволно ниво на овој витамин, рече д-р Амиел Дрор, автор на испитувањата и лекар од Медицинскиот центар на Галилеја во Нахарија, Израел. Сепак, истражувањата не докажуваат дека витаминот Д штити од коронавирус и не е изговор за избегнување на вакцини и земање витамини. Поголемиот дел од витаминот Д доаѓа од директното изложување на кожата на сончева светлина, а го има и во храната како што е риба, печурки, жолчки од јајце… Нивоата на витамин Д повисоки од 20 нанограми на милилитар се сметаат за доволни за повеќето луѓе, според американскиот Центар за контрола и превенција на болести. извор:сител.ком.мк

Секој пациент кој имал ковид не треба да има секс две до три недели – одморот е клучен при оздравувањето

Христина Ѓоргиевска — Fri, 21 Jan 2022 13:30:33 +0000

Урологот и сексолог д-р Александар Милошевиќ, зборувајќи за теориите дека некои лекови кои се користат како терапија против ковид-19 предизвикуваат проблеми со репродуктивниот систем, крена прашина со изјавата дека одредена група не би требало да има сексуални односи после короната. Кога се во прашање лековите и потенцијата, Милошевиќ цели дека нема податоци дека короната предизвикува импотенција или намалување на пенисот кај „вообичаените„ случаи. – Лековите кои се даваат се проверени и одобрени, нема ништо ново и не може да се поврзе еден со друг додека не се направат студии. Факт е дека вирусот влегува во сите ќелии, во бубрежните, во тестисите… Намален е бројот на сперматозоиди кај оние кои имале тешка форма на болеста. Нормален е падот на потенцијата во самата фаза на инфекцијата кога напаѓа и температурата, слаби сме и желбата е послаба. Теоретски гледано, можно е да се намали пенисот, но тие случаи обично завршуваат со смрт, ако има дифузна коагулација поради огромните Д-димери – појасни тој. Наводно, после лековите против корона не би требало да имате секс, а докторот го разби и тој мит. – Ниеден пациент кој имал ковид не треба да има секс, две-три недели, нема акција, физички напор. Одморот е клучен при оздравувањето. Тоа е поврзано повеќе за ковидот, а не за лековите. Не е точно дека лековите ја намалуваат потенцијата – истакна тој. извор: Курир.мк

Актерката Весна Пеќанац доживеала двојна несреќа: Ја удрил автомобил, има скршено пет ребра, а во болница и нашле и дека има Ковид! (ФОТО)

Антонио Димитриевски — Tue, 28 Sep 2021 12:11:23 +0000

Актерката Весна Пеќанац, која е запаметена по улогите во филмовите „Чудо невидено“, „Убавината на порокот“, „Во името на народот“, „Бештии“ и по ликот на Јека во серијата „Ѓекна се' уште не умрела, а кога ќе умре - незнаеме “, доживеала двојна несреќа несреќа. Веста ја објави нејзиниот син Петар Николиќ на Фејсбук: „Мајка ми вчера имаше сообраќајна несреќа. Ја удри автомобилот и и' скрши пет ребра. Во Клиничкиот центар каде беше прегфрлена ни кажаа дека таму и утврдиле и дека била позитивна за Ковид, а сега ја префрлаат така скршена во ковид центарот. Тоа значи дека нема да можам да ја посетам. Издржи, Веки“ - напишал тој. Весна ги доби Петар и Лука во бракот со режисерот Живко Николиќ, и таа е една од првите славни личности на нашите простори која отворено зборуваше за нејзината борба со депресијата. Имено, кога ги загуби сопругот и родителите за кратко време и беше многу тешко. Не криеше дека не и беше лесно ниту со мала пензија од 7.000 динари, а во 2006 година медиумите пишуваа дека нејзиниот син физички ја малтретирал, по што завршил во засолниште за жртви на семејно насилство. „Кутрата жена немаше излез и избега од дома. Нашла засолниште и дом во една невладина организација, што ја спасило од насилство прифаќајќи ја под нејзиниот покрив. Животниот пат на Весна стана многу тежок веднаш по смртта на Живко. Во осумдесеттите години, Пеќанац отиде во Америка со своите синови и сопругот. Кога пристигнаа во Холивуд, видоа дека таму нема место за нив. Тргнаа назад кон Југославија и отидоа во Црна Гора, каде Живко почина во 2001 година. По смртта на нејзиниот сопруг, актерката се врати во Белград со синовите поради нивното школување. Тогаш започнаа нејзините маки, кои завршија во засолниште за жртви на насилство“ - изјави тогаш извор близок до актерката за Прес. Весна никогаш не сакаше да зборува за овие тврдења.

Македонските јавни и естрадни личности сочувствуваат со семејствата погодени од трагедијата во Тетово: И тага и бес и горчина и очај… (ФОТО)

Антонио Димитриевски — Fri, 10 Sep 2021 08:19:22 +0000

Страшната трагедија во модуларната ковид болница во Тетово, која во пожарот што ја зафати целосно изгоре, однесе 14 човечки животи, а уште 12 лица се потешко или полесно повредени. Несреќа од невидени размери, со фатален крај за многумина кои дошле да се спасат од опакиот вирус, а животите ги завршија страшно во пламените јазици на огнот. Тетово и Македонија во солзи, знамињата спуштени на половина копје, државата во тродневна жалост, истрагата во тек, надлежните без вистински одговори на новинарските прашања и она што треба да го знае јавноста... И додека семјствата едвај се соочуваат со огромната болка и тага заради ненадоместливата загуба, власта на чело со ресорниот министер Венко Филипче се повикува на познатата „излижана“ флоскула: „Да почекаме што ќе покаже истрагата“! Догаш етиката, моралот, чувството за одговорност, за „образ“... покажува кој го има, а кој - НЕ! Дури и тогаш кога на сите им е јасно што треба прво да се направи! Во меѓувреме додека јавноста ги чека одговрите и одговорноста и оставките, со бес, очај и неверување остро реагира на социјалните мрежи, но и со длабока тага сочувствува со најблиските на починатите, им се нуди помош на повредените. Меѓу останатите граѓани и македонските јавни и естрадни личности го изразуваат своето сочувство... Најмногу на своите профили на Инстаграм, Фејсбук, преку Твитер... Со слика, збор, емотикони како израз на емоции... И тага и бес и горчина и очај... Помеѓу другите, еве што објавија на своите профили на социјалните мрежи некои од нив... Игор Џамбазов, Калиопи Букле,

View this post on Instagram

A post shared by Kaliopi (@kaliopi_official)

Тамара Тодевска, Катарина Ивановска, Панчо - ДНК, Лила Филиповска, Кристина Димитриевска, Миа Костова, Викторија Лоба, Лина Пејовска, Ване Марковски, Елена Велевска, Фото: Социјални мрежи

Ковид приказна од денес од Сити Мол

Антонио Димитриевски — Thu, 19 Aug 2021 12:41:57 +0000

Приказна од денес од Сити Мол. На дечко му бараат сертификат за вакцинација: – Еве ти сертификат. А лична карта треба? – Не. – Па сертификатов можда е од татко ми. – Не знам јас ми рекоа само сертификати да проверувам. – Хаха, добро.А ти вакциниран си? – Не, јас не се вакцинирам!

Приказна од денес од Сити Мол. На дечко му бараат сертификат за вакцинација: - Еве ти сертификат. А лична карта треба? - Не. - Па сертификатов можда е од татко ми. - Не знам јас ми рекоа само сертификати да проверувам. - Хаха, добро.А ти вакциниран си? - Не, јас не се вакцинирам
— Фелдмаршал Игорче Развигорче (@Igor_rujo) August 18, 2021

Милан Лане Гутовиќ е во болница, состојбата му се влошила, префрлен е на интензивна нега: Иако Ковид – тестот му е негативен, актерот ги има сите симптоми на корона (ФОТО)

Антонио Димитриевски — Thu, 19 Aug 2021 11:10:49 +0000

Актерот Милан Лане Гутовиќ итно беше примен на Воено-медицинската академија - ВМА пред седум дена, а сега неговиот колега Драган Маринковиќ - Маца се огласи на својот профил на Инсраграм, наведувајќи дека здравствената состојба на актерот е влошена. „Не се давај ... Вечерва беше префрлен на интензивна нега ... Состојбата му се влоши ... До победата колега“ - со овие зборови на поддршка Маца му се обрати на Лане. Да потсетиме, според локалните медиуми, Милан Лане Гутовиќ се чувствувал лошо со денови пред да биде примен во болница, каде веќе бил прегледан на споменатата клиника. Тој се пријавил во болница поради симптоми на корона, како што објавија медиумите, меѓутоа, Ковид - тестот покажал дека актерот е негативен на коронавирусот. Според изворот за порталот „24/7“, актерот имал проблеми со дишењето, направен му е и итен скен и ќе остане на оваа клиника каде ќе се лекува додека не се стабилизира неговата состојба. Фото: Инстаграм принтскрин/dragan_maca

Истражување: 3 најчести симптоми на инфекцијата Ковид-19 кои може да траат со месеци

Слободанка Илиева — Tue, 11 May 2021 11:45:33 +0000

Околу 60 отсто од пациентите коишто прележале Ковид-19 дури и половина година по оздравувањето имаат најмалку еден од овие симптоми - умор, болка или отежнато дишење, покажуваат резултатите од француското истражување објавено во списанието „Clinical Microbiology“. Три или повеќе симптоми се јавуваат кај една четвртина од луѓето, се вели во истражувањето во кое што учествувале 1.137 испитаници. Значајниот умор, респираторното нарушување и болки во мускулите и зглобовите се меѓу најчестите трајни клинички симптоми коишто се појавиле по околу три, односно шест месеци по оздравувањето од Ковид-19. Истражувачите ја забележале врската меѓу почетната тежина на болеста и долготрајното траење на симптомите. Така присуството на најмалку трите набројани симптоми и шест месеци по инфекцијата било почесто кај оние коишто поради Ковид-19 завршиле на интензивна нега. Истражувањето исто така покажало дека иако мажите имаат поголем ризик од потежок облик на болеста, очигледно дека жените се тие коишто се во поголем ризик од развој на „упорните“ симптоми кога инфекцијата ќе помине. Истражувачите заклучиле дека симптомите на т.н. долготраен Ковид-19 понекогаш имаат пошироки економски и социјални последици. Така од пациентите коишто пријавиле симптоми и по шест месеци од оздравувањето, една третина од нив не се вратиле ниту на работа. Инаку, симптомите по инфекцијата на коронавирусот се јавуваат на еден од 10 симптоматски случаи на Ковид-19, вклучувајќи ги и оние коишто не биле лекувани и имаат благ до умерен облик на болеста. извор:точка.ком.мк