коски – Вистина.мк

Зеленилото придонесува за посилни коски кај децата

Слободанка Илиева — Mon, 15 Jan 2024 13:21:52 +0000

Густината на коските кај децата на возраст од четири до шест години била мерена со ултразвук. Научниот труд опфатил повеќе од 300 деца во областа Фландрија во Белгија, од урбани, приградски и рурални области. Садењето повеќе зелени површини за децата значи посилно психо-физичко здравје. Ново истражување, пак, објавено во списанието „ЈАМА Нетворк опен“ (JAMA Network Open), посочува дека зеленилото придонесува и за поголема јачина на коските, а тоа значи и поголема отпорност на фрактури и остеопороза во подоцнежната возраст. Густината на коските кај децата на возраст од четири до шест години била мерена со ултразвук. Научниот труд опфатил повеќе од 300 деца во областа Фландрија во Белгија, од урбани, приградски и рурални области. Јачината на коските се зголемува во текот на детството и адолесценцијата, а по 50-тата година од животот, таа почнува да се намалува. При истражувањето, предвид биле земени возраста на детето, тежината, висината, етничкото потекло и степенот на образование на мајката. Така, децата со 20 – 25 отсто зелени површини над просекот, на 1.000 метри од нивниот дом имаат 66 отсто помала опасност за ниска густина на коските. Испитувањата не откриле разлика меѓу момчињата и девојчињата. Од друга страна, пак, две други неодамнешни испитувања за густината на коските кај возрасните и поврзаноста со зелените површини како фактор, даваат противречни резултати. Анализата на 66.000 луѓе во Југозападна Кина открива значајна позитивна врска меѓу зеленилото и густината и јачината на коските. Но, проучувањето на 4.000 луѓе на возраст над 65 години во Хонг Конг не нашло убедлива поврзаност, пишува „Гардијан“, можеби затоа што Хонг Конг е многу густо населен град со малку зелени површини. извор:курир.мк фото:Freepik

Познатиот хрватски пејач ја изгуби битката со тешката болест: Почина Јасмин Ставрос

Антонио Димитриевски — Thu, 04 May 2023 06:51:08 +0000

Кралот на забавата како што го нарекоа хрватските медиуми, пејачот Јасмин Ставрос почина на 68-годишна возраст во клиниката за белодробни заболувања Јордановац, потврдија неговиот менаџер Љубо Шепериќ и лекарите на КБЦ Загреб. Тој се борел со тешката болест, ракот на коските и се лекувал во болницата „Ребро“. За пет децении на сцената помина низ се - долго време одржуваше 120 концерти годишно, а само последниве години, а по сопствена одлука речиси десет пати помалку. Уште од првите денови од кариерата, која ја започна како тапанар и тоа добар, беше и остана познат по својата професионалност, но и по подготвеноста да зборува на сите теми од кои многу познати личности бегаат. Не сакал да крие ништо, па затоа бил секогаш отворен кога се работи за семејството, љубовта и животните битки кои тој и неговите најблиски ги воделе. Никогаш не пропуштил да ја спомне сопругата Жарка, љубовта на неговиот живот, со задолжителната забелешка дека самиот Бог му ја испратил. Свиреше во групата „Море“ и живееше напорен живот како музичар, а очајно сакаше да најде љубов, жена која секогаш ќе биде покрај него до последниот ден. Тој и неговата сопруга Жарка имаа два сина. Постариот Мило е музички продуценти има син, кој исто така се вика Мило од врската со телевизиската новинарка Ана Мишчевиќ. А популарниот дедо својот внук го обожаваше. Помладиот син Крешо, кој сега има 44 години, речиси цел живот има здравствени проблеми. Како дете го преболел менингитисот, подоцна било утврдено дека има хидроцефалус, а поради компликации многу пати бил во болница и бил подложен на серија операции. Ставрос пред да почине поради компликации на белите дробови од Одделението за онкологија во Ребро во Загреб е префрлен на соседната Клиника за белодробни заболувања во Јордановац, а причина за префрлувањето во друга болница е, како што дознаваме, таложење вода во белите дробови. Лекарите морале да му стават дрен на Ставрос за да ја смират состојбата. Вечнаја памјат на хрватскиот крал на забавата со потсетување на еден од неговите најголеми хитови, песната „Жено“:

Никој не може да поверува – бизарни барања на семејството Кардашијан во случај на смрт (фото)

Слаѓана Атанасова — Tue, 25 Oct 2022 12:46:43 +0000

Семејството Крадашијан привлекува огромно внимание од нивното појавување во јавноста, а се истакнуваат по својот необичен начин на живот. Овој пат тие се надминаа себеси со својата бизарност. Последната епизода од нивното реално шоу покажа дека Крис Џенер прави операција на колкот од здравствени причини, што ја отвори темата за смртта, по што се појавија бизарни идеи. Имено, Ким ги замолила лекарите да и ги задржат коските на колкот на Џенер за да може од нив да изработи накит. Нејзините сестри Кајли и Клои биле шокирани кога слушнале за нејзиното барање, а Клои набрзо ја потсетила Крис дека имала слично барање. „Се сеќаваш ли кога рече дека кога ќе умреш дека сакаш да бидеш кремирана, па побара да направиме ѓердани од твојта пепел?“, рекла Клои, на што Крис и дала јасен одговор: „Тоа е одлична идеја“. Клои тогаш откри дека таа и нејзиното семејство често разговараат на такви теми и дека тоа не им е непознато и дека секој од нив има посебни желби во случај на смрт. "Ако сум во кома, сакам некој да ми ги чисти ноктите еднаш неделно. Луѓето сепак ќе ме посетуваат", рекла Клои. Тие коментираа и за начинот на кој сакаат да бидат погребани, односно дали сакаат да бидат кремирани или закопани, на што Клои искоментира: „Што ако се случи сите да бидеме погребани и некој реши да изгради голем забавен парк во гробишта“, прашала таа. Фото:Принтскрин/Инстаграм/Ким Кардашијан

Веганската исхрана може да биде лоша за здравјето на коските

Слободанка Илиева — Tue, 16 Mar 2021 12:45:25 +0000

Веганската исхрана би можела да има негативни последици за здравјето на коските, бидејќи не содржи хранливи материи од животинско потекло, покажува германско истражување објавено во научното списание Nutrients. За да утврдат дали ваквиот начин на исхрана влијае врз здравјето на коските, германските научници со ултразвук ја прегледувале петната коска, односно во коренот на стапалото, кај 72 лица, 36 вегани и 36 лица кои јадат секаква храна. Резултатите покажале дека веганите во просекот имале пониски параметри на квантитативниот ултразвук (QUS), метод за мерење на цврстината на коската, што може да биде индикатор за полошо здравје на коските. Покрај тоа, научници од примероците на крвта и урината го утврдиле количеството на 12 биомаркери важни за здравјето на коските. Утврдено е дека веганите вообичаено имаат пониско ниво на ваквите маркери, како што се витамините А и Б6, лизини, леуцини, селенопротеини во однос на оние кои јадат разновидна храна. Станува збор за група хранливи материи коишто главно се присутни во храната од животинско потекло и се важни за градбата на коските. „Нашето истражување покажува дека веганската исхрана влијае врз здравјето на коските“, вели Андеас Хенсел, претседател на германскиот Сојузен институт за процена на ризиците (BfR), кој ја спровел студијата. Меѓутоа, Институтот ја признава и здравствената корист од веганската иссхрана, чијашто база се исклучително производите од растително потекло, а тоа е помал ризик од кардиоваскуларните заболувања. Нутриционистичките експерти, кои ја фалат ползата од веганската исхрана, истовремено предеупредуваат и на ризиците за одредени групи. На пример, родителите на децата кои консумираат храна од неживотинско потекло, редовно мораат да проверуваат колкаво е нивното на минералите и витамините во нивниот организам, а истото важи за доилките веганки. извор:нетпрес.ком.мк