корона – Вистина.мк

Мик Џегер позитивен на коронавирус (Фото)

Слаѓана Атанасова — Tue, 14 Jun 2022 08:03:30 +0000

Мик Џегер (78) е позитивен на Ковид-19, поради што „Ролинг Стоунс“ го откажаа настапот во Амстердам. Бендот соопшти дека настапот во арената „Јохан Кројф“ ќе биде одложен и дека искрено жалат за одложувањето на концертот, но безбедноста на публиката, другите музичари и тимот на турнејата мора да биде приоритет - се наведува во образложението за откажувањето на концертот. Мик во порака до фановите додаде: - „Ви благодарам за трпението и разбирањето.“ Бендот моментално е на турнеја „Сикти“, по повод 60-годишнината каде планираа да имаат 14 настапи во 10 европски земји. Но, билетите за концертот ќе бидат прифатени за новиот датум. Стоунси веќе отпеаја три датуми од нивната турнеја, вклучително и еден во Британија на Енфилд во Ливерпул. Фото:Принтскрин/Eпа

Беше во контакт со сите учесници, а сега е позитивна на корона: Во изолација италијанската водителка на Евровизија (Фото)

Слаѓана Атанасова — Fri, 20 May 2022 08:44:51 +0000

Големото финале на овогодинешната Евровизија заврши, а светот сѐ уште зборува за најпознатото музичко натпреварување. Италијанската пејачка и водителка на Евровизија, Лаура Паузини на својот Инстаграм објави вознемирувачка вест - позитивна е на корона вирусот! На водителката и се слошило во програма во живо, но мислела дека се работи за насобран замор, но неколку дена подоцна резултатите покажале дека таа се заразила со вирусот. За време на гласањето на последната вечер, Лаура буквално исчезна од програмата, за подоцна да објави на социјалните мрежи, објаснувајќи дека и се слошило од голем стрес. „Да, нешто навистина не беше во ред. Од саботата не се чувствувам добро. Мислев дека тоа е предизвикано од насобраниот замор, но не беше. Само што дознав дека сум позитивна на коронавирус, поради што се изолирав и сега не можам да патувам“ – ги извести сите на Инстаграм дека нема да може да учествува на концертот „Амор а ла музика“ на Флорида. Фото: Принтскрин/Профимедиа

Повторно корона вирус на Евровизија: Итно изолирани учесници од пробата и натпреварувањето (видео)

Слободанка Илиева — Thu, 05 May 2022 09:31:11 +0000

Коронавирусот беше потврден при рутински тест во Торино од член на португалската делегација на „Евровизија“. Имено, остатокот од португалската делегација засега се чувствува добро и не покажува никакви симптоми, јавуваат локалните медиуми. Во согласност со здравствениот и безбедносен протокол, сите направија уште еден PCR тест, се вратија во хотелот и сега ќе бидат изолирани 7 дена. Деталите за опоравувањето и тестовите ќе бидат објавени на официјалната веб-страница на Евровизија 2022, се наведува понатаму. Според Протоколот за здравје и безбедност на сила за Евровизија 2022 година, остатокот од делегацијата не е обврзан да влезе во изолација или карантин, но, според италијанскиот закон, мора да носи маски FFP2 во секое време, и внатре и надвор. И минатата година на Евровизија кога короната имаше поголема сила, една од земјите учеснички,одосно тимот на Исланд беше во изолација и не успеаја да настапат на сцената. фото:јутбуб принтскрин/eurovision song contest

Храна која дава сила за време и по заболување од корона: Придржувајте се до едно правило и ќе бидете како нови

Христина Ѓоргиевска — Wed, 09 Feb 2022 13:00:39 +0000

Болката во грлото е еден од симптомите што им пречи на многумина, особено ако се заразени со сојот омикрон. Редовното пиење чај и други топли напитоци може, во голема мера, да ги ублажи болестите. Хидратацијата е исклучително важна за сите оние кои имаат дијареа, болки во мускулите или треска. Гадење, затнат нос и нагон за повраќање може да се ублажат и со пиење повеќе течности. Со себе треба да имате чај, вода, вода со лимон и мед. Најдобро е пациентот да зема лажица по лажица, на секои неколку минути. Пациентите со Ковид треба да консумираат мека храна и едноставни оброци. Многу луѓе немаат апетит за време на болеста, па дури и не можат да станат и да јадат. Затоа супите и чорбите се одлично решение, кои можете да ги послужите во голема шолја. Се препорачуваат и обезмастено млеко и јогурт, печено пилешко, јајца без многу зачини за да не предизвикаат мачнини. Пациентот никогаш не смее да гладува. Некои денови, кога ситуацијата е навистина лоша, може да се помине само со тост и чај. Меѓутоа, како што се подобрува состојбата на човекот, би било добро да се внесуваат соодветните хранливи материи. Заедно со месото, јајцата и млечните производи, неопходно е да се зема и друга храна богата со протеини како грав и леќа. Природни извори на витамини кои се препорачуваат се мрсна риба и печурки поради витаминот Д, цитрус и кисела зелка поради витаминот Ц, како и пробиотските својства. извор: попара.мк

Замина уште еден познат музичар: Од корона почина легендата на „Рокери с Мораву“ (ФОТО)

Антонио Димитриевски — Fri, 14 Jan 2022 11:16:58 +0000

Бранислав Анѓеловиќ Бане, поранешен член на популарната група „Рокери е Мораву“, починал на 12 јануари 2022 година, на 76 години. Бане е роден во 1946 година, а тој е и еден од основачите на легендарната група. Групата ја напушти по 11 години заедничка работа, а јавноста го знаеше како Бане - Ќора. Со години не се истакнуваше во јавноста, па малку се знае за неговиот живот по напуштањето на „Рокери...“. Песните кои и денес се големи хитови на оваа група се „Дај рибу“, „Мали Милоица“, „Удао сам ташту у Бајину Башту“, „Турио Љубиша пиво да лади“, „Жеље, честитке и подрави“, „Сењорита порфавор „““ Ајде, мала помози колеги“. Тажната вест на социјалните мрежи ја потврди неговата најмлада ќерка Дијана. „Рано утрово го загубивме татко ми Бане, музичка легенда на Балканот“ - објави Дијана на „Фејсбук“. „Имаше операција на колкот, меѓутоа, се зараз со корона, а компликациите довеле многу брзо до негова смрт. Бане ќе го паметат милиони фанови, од неколку генерации, кои сите уживаа во скечевите на „Рокери од Мораву“ и рок-фолк пародиите по кои беа добро познати. Тато, се надевам дека ќе почиваш во мир и ќе си на подобро место“. Бане Ќора беше најзабавен меѓу „рокерите од Морава“, кога сите на сцената го задеваа затоа што наводно е срамежлив. Беше одличен имитатор. Кога во Белград почнале да се појавуваат вокално-инструментални ансамбли, тој ќе стане член на „Пламени пет“, по што замина во Лондон, каде што исто така свирел музика, џез и блуз. Беше многу заслужен за оригиналните аранжмани на „Рокери с Мораву“, група која се појави на југословенската музичка сцена во 1977 година со синглот „Стојадинка овце шиша“. Бане беше шеф и на групата „Златна ера“, која ги придружуваше „Рокерите“ на концертите, а свиреа и на нивните плочи, а во која извесен период свиреше и денес газдата на ТВ Пинк, Жељко Митровиќ.

Здравствената состојба му е лоша: Душко Тошиќ позитивен на коронавирус

Христина Ѓоргиевска — Thu, 13 Jan 2022 11:16:53 +0000

Фудбалерот Душко Тошиќ е позитивен на коронавирус и здравствената состојба му е лоша, пишуваат српските медиуми. Тошиќ има тежок облик на воспаление на белите дробови, пренесува „Hello“. Душко и Јелена не се огласија по повод овие пишувања. Нема информација кога и каде се заразил, ниту пак има информација дали е хоспитализиран.За потсетување, Душко неодамна се најде во центарот на вниманието по написите дека неговата сопруга Јелена Карлеуша на Божиќ го пријавила за насилство. фото: ата имагес

Карневалот во Рио и годинава е откажан поради коронапандемијата

Антонио Димитриевски — Wed, 05 Jan 2022 13:28:28 +0000

Карневал во Рио де Жанеиро втора година по ред е откажан поради пандемијата на коронавирусот. Градоначалникот Едуардо Паеш ја објави одлуката вчера на својот интернет сајт, по состанокот со претставниците на карневалските групи. Тој рече дека практично не е изводливо да се одржи уличниот карневал додека важат ограничувањата за влез и другите мерки за коронавирус на уличната прослава на која се регистрирале стотици групи. Повеќе од три милиони луѓе излегоа на улиците во текот на четирите дена од последниот карневал што се одржа 2020 година, наведува весникот „Г1“. Во меѓувреме, плановите за парадите на Самбодромот во февруари и март засега остануваат. Според официјалните податоци, повеќе од 22 милиони луѓе во Бразил се заразени со коронавирус. Околу 618.000 луѓе починаа по компликации со Ковид-19. Само САД бележат поголем број на смртни случаи од оваа јужноамериканска земја. Како што напредуваше кампањата за вакцинација во Бразил, бројот на нови смртни случаи нагло се намали. Речиси 70 отсто од бразилското население сега е целосно вакцинирано. Откако на почетокот на декември беа откриени првите инфекции со новата варијанта Омикрон во земјата, бројот на позитивни случаи повторно порасна.

„Имав корона, едвај преживеав“: Познатата пејачка проговори за тешкиот период низ кој поминала во 2021 година

Христина Ѓоргиевска — Thu, 23 Dec 2021 09:13:52 +0000

Наближува Нова година, а голем број естрадни уметници од српската јавна сцена веќе имаа закажано настап за најлудата ноќ. Пејачката Тамара Милутиновиќ е една од оние која одлучила да не настапува на 31 декември. -Јас одлучив оваа Нова година да бидам слободна, така да не работам за Нова година и одлучив да бидам со најмилите, мислам дека е време за тоа. Имам настап пред Нова година и после тоа ќе бидам дома, изјави таа за „Гранд онлајн“. Тамара вели дека 2021 година и била година за паметење и дека поминала низ тежок период. -Факт е дека претходната година ја обележа корона. Јас имав корона и едвај го преживеав тој период, кога здравјето е во прашање ми беше лоша година. Но, когас станува збор за некои други работи, исполнета сум на сите полиња, тоа е најважно, изјави Тамара. фото: принтскрин/инстаграм/тамара милутиновиќ

Од коронавирус почина Карлос Марин, пејачот на класичниот квартет „Ил Диво“

Антонио Димитриевски — Mon, 20 Dec 2021 07:20:51 +0000

Карлос Марин, пејачот на популарниот класичен квартет „“Ил Диво, почина на 53-годишна возраст. Официјалните известувања за неговата смрт се дека починал како последица од коронавирусот. „Со тага ве известуваме дека нашиот пријател и партнер Карлос Марин почина. Ќе им недостига на пријателите, семејството и обожавателите. Личност со таков глас и личност нема да се повтори“, соопштија од бендот на социјалните мрежи.

It is with heavy hearts that we are letting you know that our friend and partner, Carlos Marin, has passed away. He will be missed by his friends, family and fans. There wiIl never be another voice or spirit like Carlos. pic.twitter.com/uyRFjXADF6
— Il Divo (@ildivoofficial) December 19, 2021

Британските медиуми јавуваат дека музичарот починал од коронавирус. Тој во последните денови бил во индуцирана кома во болница во Манчестер. Квартетот „Ил Диво“ е основан од Сајмон Кауел во 2003 година. Групата досега продаде милиони албуми ширум светот.

Српскиот фолк пејач со тешки последици по Ковид -19: „Короната ми ги разори бубрезите, срцето, панкреасот, главата…“ (ФОТО)

Антонио Димитриевски — Thu, 18 Nov 2021 11:09:33 +0000

Седум месеци по големите проблеми со корона вирусот, кога со билатерална пневмонија заврши на кислород и лежеше 11 дена во болница, пејачот Хасан Дудиќ мораше повторно да биде хоспитализиран. За среќа, сега е многу пократко. „Долго време имам невролошки и срцеви проблеми, хипертензија“ - почна Дудиќ за Новости, па продолжи: „Отидов на прегледи во Институтот за кардиоваскуларни заболувања на Дедиње, кој е најдобар во Европа, под раководство на господинот Милован Бојиќ. Тие се толку љубезни и добри лекари, секогаш подготвени да помогнат. Јас сум импресиониран. Кога ќе влезете во нив, како да сте во вселенски брод. Толку гостопримство, па се грижат за болните, секој дел од нив. Ништо не ни почувствував, а завршивме одлична работа. Хасан Дудиќ два дена беше во болница. Лекарите, вели, му констатирале маснотии, ги исчистиле и ги отстраниле проблемите: - Нема потреба од операција. Ќе ми го снимаат делот кај вратот на 13 декември, па ќе носам холтер, има цела програма. Запрашан дали и колку сето ова има врска со сето она што му се случи минатата пролет, Хасан вели: - Во ова сега, сигурно, има удел короната. Верувам во медицината, вакцините отсекогаш биле тука за да ги заштитат луѓето. Короната ми ги уништи бубрезите, срцето, панкреасот, уринарниот тракт, главата... Ми рекоа дека, некое време, срцето ми било во критична фаза, но, фала богу, некако се смирило“ - раскажа пејачот.