користење – Вистина.мк

Погрешно ги користите зачините! Не е доволно само да ги ставите во јадењето

Слободанка Илиева — Thu, 10 Aug 2023 12:35:00 +0000

Општо познато е дека зачините им даваат посебен вкус на јадењата, меѓутоа, за да го искористите сиот нивен потенцијал, треба да ги користите на одреден начин. – Користењето на зачините може значително да го подобри вкусот на вашите јадења и да го подигне вашето готвење на сосема ново ниво – истакнува нутриционистот Ивана Мишиќ и дава неколку совети за ефикасно користење на зачините: Чувајте ги правилно. Зачините со текот на времето ја губат својата моќ, затоа чувајте ги во херметички садови на ладно и темно место. Избегнувајте да ги ставате во близина на извори на топлина како што се шпорети или печки. Експериментирајте со различни зачини. Не плашете се да пробате нови зачини и комбинации. Секој зачин има свој уникатен вкус, а нивното мешање може да создаде сложени вкусови. Внимавајте со количините. Започнете со мали количини на зачини, особено ако експериментирате со нови рецепти или мешавини за зачини. Секогаш можете да додадете повеќе доколку е потребно. Знајте кога да додадете зачин. Некои зачини брзо го ослободуваат својот вкус, додека на други им треба време да се развијат. Додадете зачини кои брзо се ослободуваат кон крајот на готвењето и зачини кои се развиваат подолго на почетокот. Поврзете ги зачините со вистинските состојки. Различните зачини добро функционираат со одредени видови храна. На пример, циметот е одличен во слатки јадења, додека кимот често се користи во солени рецепти. Бидете едноставни. Не преполнувајте ги јадењата со премногу зачини. Понекогаш, неколку добро избрани зачини можат да бидат поефикасни од сложената смеса. Вкусувајте додека готвите. Редовно вкусувајте ја храната додека готвите, особено кога додавате зачини. Ова ви овозможува да ги прилагодите вкусовите за да одговараат на јадењето по ваш вкус. извор:попара.мк

Не ги фрлајте потрошените свеќи: Еве како можете повторно да ги искористите нивните садови

Слободанка Илиева — Tue, 28 Feb 2023 13:10:37 +0000

Сепак, нивниот мирис ги украсува нашите соби за пократко време отколку што сакаме, и секој пат ни е се потешко да ги ставиме во корпа за отпадоци. Социјалните мрежи открија трик како попаметно да ги искористите преостанатите садови и тегли. На профилот на TikTok @cleaningwithdanielled се појави многу корисно видео за тоа како да им дадеме нов живот на овие стаклени садови, за кои секогаш добиваме коментари за тоа колку се убави.

@cleaningwithdanielled Reuse your candle jars! ✨ did you know that @scrubdaddyuk dish daddy has a scraper on the end? Perfect to remove stubborn stains and sticker residue 🙌🏻 #cleaningwithdanielle #cleaningtips #cleaninghacks #hacksoflife #hacksandtips #reuse #recycle ♬ World Hold On - FISHER Rework - Bob Sinclar

Кога свеќата ќе изгори, се што треба да направите е прво да се ослободите од нејзините неупотребливи остатоци, за да стигнете до нов сад. Постапката е како што следува. Во садот истурете зовриена вода и почекајте да отстои додека водата не се излади. Ако свеќата дојде со капак, тогаш добро исчистете го за да не остане восок. Кога водата ќе се олади, лесно ќе го извадите остатокот од восокот во садот. Потоа темелно исчистете го со детергент за миење садови, а ако налепницата е проблем, отстранете ја со топла вода. Ќе ви остане прекрасен сад кој може да се користи за разни намени, за чување слатки, грицки, шноли, ластичиња… извор:попара.мк фото:shutterstock

Го користиме речиси секој ден, а овој лек и тоа како опасен за жените

Љупчо Најчевски — Wed, 05 Sep 2018 14:21:54 +0000

Некои од најкористените лекови против болки може да предизвикаат губење на слухот кај жената, покажа ново истражување на болница во Бостон. Научниците располагале со податоци од 55.000 жени и нивните искуства со употреба на Аспирин, Бруфен и Ацетаминофен. Се покажало дека кај оние кои подолго од шест години користеле Бруфен или Ацетаминофен, скоро 10 отсто од нив се жалеле на послаб слух. Оние кои користеле Аспирин, немале такви проблеми. Авторите на трудот истакнууваат дека тоа не се однесува на повременото користење на тие аналгетици, туку на постојаната, хронична употреба. Анализите покажуваат и дека честата употреба на овие лекови го зголемува и ризикот од срцев удар, висок притисок и проблеми со бубрезите

Дали знаете колку пати можете да го користите истиот брич?

Наташа Тасевска — Sat, 11 Aug 2018 07:15:55 +0000

Бричот за еднократна употреба е брз и лесен начин за отстранување на влакната од телото, особено ако немате време за нанесување на восок. Сепак, треба да бидете претпазливи. Имајте на ум дека бричот е наменет за краткотрајна употреба, бидејќи брзо станува тап и може да предизвика исеченици и бројни инфекции на кожата, пишува Дејли Мејл. Една од најчестите бактериски инфекции е Staphylococcus aureus (златна стафилококна) инфекција.

Препораката на експертите е бричот да го замените со нов, пет до десет пати по употребата. Освен тоа, ако бричот остане влажен или ако не го измиете добро по употреба, постојат големи шанси да им се обезбедите микроби кои можат да предизвикаат габични инфекции. Дерматолозите велат дека ако забележите дека сечилото почнало да рѓосува, се врежува или нанесува гребаници на кожата, тоа е јасен знак дека е време да се фрли бричот.