кора – Вистина.мк

Трик за љубителите на растенијата: Еве како може да ви помогне кората од банана

Слободанка Илиева — Mon, 29 Jan 2024 13:22:07 +0000

Љубителите на растенијата секогаш бараат нов трик кој ќе им помогне да растат поздрави „зелени миленичиња“ внатре и на отворено. Следи трик што може многу лесно да се направи дома. Стефани Стивенсон, автор на „Одгледување рози“ (Rose Gardening), објаснува дека бананите се богати со калиум, калциум, фосфор и магнезиум, па овој спој може доста делотворно да го поттикне растот на растението. Тоа, според неа, е природно ѓубриво и за внатрешни, и надворешни растенија. Станува збор за одгледување растенија со помош на вода со отстоена кора од банана. Подготовката е прилично едноставна. Водата од кора од банана, всушност се добива така што кората се кине на мали парчиња и се остава во вода неколку недели, во тегла или сад, а потоа течноста се истура врз растенијата. Кората треба да се иситни на помали парчиња за полесно да ги испушти хранливите материи како калиум и калциум, коишто ги има на внатрешната страна од самата кора. (МИА)

Не фрлајте ја кората од банана – Драгоцена е за домаќинството, еве како можете да ја искористите

Слаѓана Атанасова — Wed, 21 Jun 2023 12:14:18 +0000

Кората од банана може да се користи за уредување на домот на неколку начини, иако сите инстинктивно ги фрламе штом почнат да скапуваат. Полирање на кожна галантерија Дали забележавте дека вашата кожна јакна, чевли или патики го изгубиле својот сјај? Кората од банана, која е богата со калиум што ја храни кожата, може да помогне во нејзино обновување. Оштетените кожни предмети можете да ги истриете со внатрешноста на кората од банана за да ги намалите гребаниците и да го вратите сјајот. Кога ќе завршите, избришете ја површината со крпа од микрофибер. Листови на растенија Прашина и нечистотија се акумулираат на лисјата на растенијата. Подобро е да се отстранат со кора од банана бидејќи текстурата и маслата во кората на ова овошје имаат благи абразивни својства и можат да се користат како средство за полирање. Враќање на сјајот на дрвените површини Ако сте забележале дека дрвените површини во вашиот дом го изгубиле сјајот, бананите можат да помогнат во решавањето на овој проблем. Со прстите намачкајте малку банана на мебелот, а потоа избришете со крпа од микрофибер. Извор: Курир.мк

Не ја фрлајте лушпата од јаболкото, искористете ја на овие 4 начини

Слободанка Илиева — Wed, 22 Mar 2023 13:10:30 +0000

Ако навистина не сакате да јадете кора од јаболко или ви останала лушпа од јаболко по правењето колач, еве како можете да ја искористите. Направете желе Јаболката се богати со антиоксиданси, особено во лушпата. Всушност, речиси половина од витаминот Ц на јаболкото се наоѓа во неговата лушпа. Можете да ја добиете вашата доза на антиоксиданси за појадок со желе направен од кора или дури и чипс од кора. Исчистете ги садовите Кората од јаболкото одлично ги чисти алуминиумските садови, бидејќи содржат киселини кои ги раствораат нечистотиите. Сварете една рака лушпи од јаболка и оставете ги да се динстаат во садот што сакате да го исчистите 20-30 минути. Нечистотијата треба да исчезне. Направете чај На тој начин се добива најдоброто количество на антиоксиданси од кората на јаболкото, без шеќер. Потребни ви се грст лушпи од јаболка, три до четири чаши вода, цимет, една лажица мед и една лажица сок од лимон. Во сад ставете ги сите состојки освен медот и варете ги околу 15 минути. Процедете, додадете мед и ќе добиете совршено здрав напиток. Освежете го воздухот Јаболката и циметот се омилените мириси за домаќинство на многу луѓе. Варете ја кората од јаболкото, циметот, ѓумбирот и лимонот. Оставете го да испари додека мирисот се шири низ домот. извор:курир.мк

Три корисни примени на кората од лимон за кои не сте знаеле

Слаѓана Атанасова — Fri, 17 Feb 2023 13:45:59 +0000

Кората од лимон е исто толку корисна како и самото овошје Сите веќе добро знаеме колку е корисен лимонот за нашето здравје, а особено за зајакнување на имунитетниот систем, но дали знаевте дека кората од лимон е подеднакво корисна? Еве како сè може да се користи: Ги отстранува непријатните мириси Кората од лимон ги апсорбира сите непријатни мириси. Може да ги ставите на дното на кантата за отпадоци или во патики или чевли, ако имате проблем со непријатен мирис на стапалата. Исчистете ја микробрановата печка Ставете кора од лимон во сад со вода, а потоа садот ставете го во микробранова печка. Вклучете на највисока температура околу 5 минути. На овој начин, ќе исчезнат бактериите, како и непријатните мириси кои се создаваат со честа употреба. Избркајте ги мравките Лимонот има природна арома која е одбивна за мравките, па така, лесно и безболно ќе се ослободите од малите напасти. Доволно е да ја поставите кората од лимон на „проблематични“ места. Освежете го фрижидерот или машината за миење садови Ставете неколку кори од лимон во фрижидер, машина за миење садови или рерна. Тие ќе ги апсорбираат непријатните мириси и ќе му дадат на вашиот фрижидер свеж и пријатен мирис. Чистење на кожата Исчистете го лицето со кора од лимон ако имате проблем со акни или кожа која брзо се масти. На овој начин ќе го регулирате лачењето на себум, но исто така ќе ги намалите дамките и ќе го изедначите тенот. Белење на заби Содржината на киселина во кората од лимон може да ви помогне да ги елиминирате дамките на забите. Тријте ги забите со внатрешниот, бел дел од кората од лимон неколку минути. Потоа исплакнете со млака вода. Повторувајте го третманот од време на време. Извор: Курир.мк

Не ја фрлајте кората од лимонот: Како може да ја искористите за подобро здравје?

Слободанка Илиева — Thu, 26 May 2022 12:43:03 +0000

Овој дел од лимонот помага за намалување на телесната тежина и го регулира варењето на храната. Таа е богата со растителни влакна кои овозможуваат правилно варење на храната и намалување на вишокот килограми. Кората од лимон содржи 5-10 пати поголема количина на витамин Ц, во споредба со лимоновиот сок. Благодарение на витаминот Ц кој го содржи, кората од лимон го зајакнува имунитетот, штити од бактериски инфекции, настинки и грип. За да се зачува здравјето и цврстината на коските, потребно е да се консумира храна богата со калциум и витамин Ц, како што е кората од лимон. Таа има и антидепресивно дејство. Пред да ја користите кората, добро измијте го лимонот. Лимоните додека да стигнат на пазарите, се транспортираат на големи далечини и некогаш може да содржат восок кој има за цел да ги заштити при транспортот. извор:курир.мк

Замрзнете си лимони за да имате здравје

Слободанка Илиева — Thu, 28 Jan 2021 12:46:53 +0000

Лимонот е преполн со витамин Ц и има бројни здравствени придобивки за организмот. Но најздравата варијанта е замрзнат лимон и тоа треба да се консумира заедно со кората, бидејќи таа е всушност најздравиот дел од ова цитрусно овошје. Лимоновата кора го регулира крвниот притисок, има антидепресивно дејство и ослободува од тешкотии, стрес и раздразливост. Освен тоа, го алкализира телото и ја регулира Ph-вредноста на крвта. Но лимонот не може долго да стои, па ако не го искористите навреме, почнува да скапува. Постои трик за да го надитрите тој процес и секогаш да го имате овој цитрус, кога и да ви е потребен. Со ставањето на лимонот во замрзнувач, подоцна ќе можете да го користите не само плодот, туку и кората, која секогаш дава убав вкус во десерти. Уште една добра работа кај замрзнувањето лимон е тоа што така полесно ќе можете да го искористите. Замрзнатиот лимон е многу помоќен од хемотерапијата во борбата против рак, покажало истражување на Универзитетот Станфорд. Истражувањето покажало дека силните нутриенти во кората на лимонот можат да ги уништат клетките на рак кај 12 видови рак, вклучувајќи и некои од најсмртоносните, како што се на простата, дебело црево, панкреас и бели дробови. Процесот не е комплициран, но важно е да следите одредени чекори за да добиете што подобар резултат. Одберете лимон што нема меки делови и темни дамки по него. Прво, измијте го плодот со вода, а ако имате овошен детергент, можете и со него. Друга опција е да измешате вода и оцет, а тоа е ефикасен начин на отстранување пестициди. Пригответе кесички за замрзнување, кои имаат затворач. Лимонот можете да го замрзнете цел, изрендан, како лимонов сок, исечкан на резанки или само кората од лимон. извор:нетпрес.ком.мк

Не ја фрлајте кората од мандарините – ќе ве спаси од кашлица

Слободанка Илиева — Wed, 09 Dec 2020 13:06:48 +0000

Ако ве мачи болка во грлото или кашлица, а дома имате непрскани мандарини, од нивната кора можете да направите одличен лек. Еве што треба да направите ако сакате да ја искористите кората од мандарините како лек: -Сомелете 50 грама кора од мандарина и ставете ја смесата во тегла -Мелената кора прелијте ја со чаша вотка или 40 процентен алкохол -Тегличката добро затворете ја и оставете ја да отстои една недела на темно место -Земајте по една лажичка по јадење, откако ќе изедете една лажичка мед А ова се останатите причини поради кои мандарините се супер овошје: Со мандарините постигнувате витамински оптимум, бидејќи во 100 грама мандарини има 30 милиграми витамин Ц. Ова овошје има мала енергетска вредност, а исто така е богато со влакна кои го подобруваат варењето на храната. Мандарините се добри за видот, а исто така се покажале и како добар антиоксиданс. Доколку сте спретни во кујна, можете да направите и сос од мандарини, кој ќе го послужите во комбинација со дивеч или како дресинг за салата. извор:нетпрес.ком.мк

Не ги фрлајте корите од портокалите, имаат корисни ефекти

Слободанка Илиева — Thu, 28 May 2020 12:30:28 +0000

Повеќето од нас откако ќе ги излупат портоокалите кората ја фрлаат но тоа е потполно грешно бидејќи таа може да биде многу коррисна во домакинството. StethNews навеле за се што може да се користи кората од портокалите. Можете да ја користите за чистење на домакинските апарати кои имаат имаат нерѓосувачки челик или на кои има дамки од вода. Можете да го исполирате мебелот со белиот дел од внатречноста на кората со што ќе го вратите неговиот сјај. Исто тоака може да ја сомелете и да ја поставите на места каде ви се појавуваат инсекти и лесно ќе се ослободите од нив. А ефективна е и против непријатните мириси во домот. Прво исушете ја кората, потоа сомелете ја и ставете ја во мали платнени кеси кои можете да ги ставите во ормарот или на места каде ви се појавува мубла. Непријатната миризба од кантата за отпадоци може да ја снема доколку ставите исушена кора од портокал во кантата испод кесата. Исто така може да ја користите и за пилинг на телото. Ставете ја во газа и добро заврзете ја и потоа тријте го телото после туширање. извор:попара.мк

Не ја фрлајте кората од лимон: Поздрава е од сокот, а еве за што сè може да ја користите

Христина Ѓоргиевска — Tue, 11 Jun 2019 13:45:16 +0000

Кога ќе го исцедиме лимонот, вообичаено кората ја фрламе. А не треба да го правиме тоа затоа што таа е побогата со хранливи материи од самиот сок. Кората е полна со витамин А и Ц, потоа калиум, калциум и хранливи влакна, кои се многу добри за нашата мускулна маса, очите, нервите, срцето, варењето на храната. Калиумот од кората на лимонот ги опушта крвните садови и помага во намалување на хипертензијата. Тоа допринесува во подобрата работа на срцето.

Кората од лимон се препорачува затоа што многу е богата со хранливи влакна. Тие исто така имаат позитивна улога во одржување на нормалната телесна тежина, а исто така се добар сојузник за спречување на појава на срцеви болести. Освен што делува лековито на внатрешниот организам, таа помага и во надворешна употреба, односно со неа може да се премачкуваат раните и акните. Кога станува збор за раните докажано е дека антибактериското дејство на екстрактот од лимоновата кора помага при зараснување на раната што кај луѓето со дијабетес се воспоставило и после пиење на екстрактот од цитрусот, меѓу кои бил и екстрактот од лимон. Хранливите материи од лимоновата кора ги стеснуваат порите на кожата па затоа оваа кора се докажува дека е делотворна во лечење на акните. извор: точка.мк

По овој детаљ на кората секогаш ќе ја погодите најубавата лубеница

Слободанка Илиева — Mon, 06 Aug 2018 10:42:06 +0000

Има полно трикови за одредување на идеалната лубеница, но за оваа велат дека проверено функционира и е доста едноставна. Потребно е само да посветите внимание на делот од лубеницата кој често е заобиколен. Избегнувајте лубеница која има мека кора и бирајте ги оние потешките, а посебно обрнете внимание на бојата на дното.

Овој дел треба да биде во жолта нијанса, бидејќи ако е зелена тогаш лубеницата не е доволно зрела и ќе има вкус на краставица. Ако е претерано жолта боја, тоа може да биде знак дека е презрела.