Сара Мејс и Принц имаат ново… – „Копито“ (ВИДЕО)

Антонио Димитриевски — Wed, 29 May 2019 12:57:06 +0000

По паузата заради оставрувањето на мајчинството, Сара Костадиновска, попозната како Сара Мејс се враќа на сцената. По албумот „Floating Through Space With Sarah Mace“, пејачката се појавува како дел од новиот проект кој ќе биде насловен „Femme Fatale“, а како пилот сингл кој му претходи на материјалот е темата „Копито“.

Сара ја продолжува соработката со Александар Ристовски Принц, кој е автор на музиката и режисер на интересното необично видео.

Темата „Копито“ и инспиративно и музички во многу што потсетува на творештвото и на овој нашиот Принц и на опусот на неговиот идол - покојната светска музичка легенда, а Сара Мејс совршено се вклопува како во акустичното, така и во визуелното „креативно лудило“ на авторот.

Уште на сето тоа ако се додаде дека музички ритам секцијата е засилена со Ѓоле Максимовски на бас и Дино Милосављевиќ на тапани (обајцата од Влатко Стефановски трио), впечатокот е ем комплетен, ем музички разорен.

Шареноликото видео е снимано во аква-паркот во Скопје, во кое покрај пејачката и неколкуте статисти, се појавува и самиот автор - Принц на гитара.

Како изгледа и звучи ова музичко „Копито“, проследете во продолжение. https://www.youtube.com/watch?v=5XooDJM5ses

Сара Мејс и Димитар „откачија“ на Фејсбук: „Нешто ми нема дојдено во последно време“ – „Не знам, на пат бев“!

Слободанка Илиева — Tue, 28 May 2019 07:51:07 +0000

Пејачката Сара Мејс денвовиве ја најави соработката со Александар Ристески – Принц, насловена „Копито“, која е дел од проектот Femme Fatale. Песната е комплетно авторско дело на Принц, а вокалот на Сара Мејс е миксан согласно потребите за Femme Fatale.

„Ова за мене беше ново преубаво искуство, можност да пробам нешто поразлично во музиката, еден различен стил, кој се надевам дека ќе ѝ се допадне на публиката. Инаку од секогаш сум ја почитувала работата на Принц и неговата музика и затоа веднаш ја прифатив соработката во овој проект, кој има специфичен звук.“ – изјави Сара Мејс. https://www.youtube.com/watch?v=uUFWRRgE3Xw&feature=youtu.be&fbclid=IwAR0MzvKzYsTA4CMYdyfS6dAL4jFuFX40rqF-xwZTGtceqtNlCIPCcjOqN-I По објавениот тизер, таа работи на финализирање на спотот, каде на снимањето присуствуваше и нејзиниот сопруг Димитар Атанасовски кој не го заобиколија да даде изјва пред камерата на 1ТВ.

Диме зборуваше за песната, но и за тоа каква е Сара. Прилогот го објави и Сара на својот Фејсбук, а потоа се разви неочекувана конверзација, која заврши со многу смеа за оние кои читаа.

Имено, Диме и Сара „откачија“ во позитивна смисла, па во коментарите под објавата си пишаа баш што им падна прво на ум. Така директни и духовити, тргнаа од коментарот на Сара дека нештата за Диме допрва доаѓаат, а тој заврши со коментар за уште едно дете, само Сара да раѓа. Еве го нивниот разговор кој изнасмеа многумина.

копито – Вистина.мк

Сара Мејс и Принц имаат ново… – „Копито“ (ВИДЕО)

Сара Мејс и Димитар „откачија“ на Фејсбук: „Нешто ми нема дојдено во последно време“ – „Не знам, на пат бев“!