контрацепција – Вистина.мк

Британци ја тестираат првата машка контрацептивна пилула

Слободанка Илиева — Tue, 26 Dec 2023 13:45:48 +0000

Тоа е најновата позитивна вест во движењето кон порамномерна одговорност за контрола на раѓањето, која историски во голема мера се потпира на жените. Во декември 2023 година, група Британци станаа првите во светот кои пробаа машки контрацептивни пилули развиени во САД за две децении – и за разлика од женската верзија, таа не содржи хормони и нема несакани ефекти. Тоа е најновата позитивна вест во движењето кон порамномерна одговорност за контрола на раѓањето, која историски во голема мера се потпира на жените. Група од 16 доброволци во клиниката во Нотингем учествуваа во тестирање на лекот наречен ИЦТ-529, за да се види дали лекот може да го запре производството на сперма. Пилулата делува така што го исклучува протеинот во телото наречен рецептор алфа на ретиноична киселина (RAR-алфа) со тоа што го спречува да се врзе за форма на витамин А. Ова, се надеваат научниците, би требало да го запре производството на сперма во тестисите – и може лесно да се прекине ако мажите одлучат дека се подготвени да имаат деца, пишува Daily Mail. Истражувањата покажуваат дека околу една третина од сексуално активните мажи во Британија би можеле да размислат за земање машка верзија на апчињата. Во моментов, нивните опции се ограничени на апстиненција, кондоми или вазектомија. Други машки апчиња кои се тестираат користат хормонски агенси кои го потиснуваат тестостеронот за да го спречат производството на сперма. Сепак, тестостеронот не го запира целосно производството на сперма и исто така е поврзан со сериозни несакани ефекти како што се зголемен ризик од кардиоваскуларни болести, како и зголемување на телесната тежина, појава на акни и промени во расположението. Иницијативата за машка контрацепција, која инвестираше во развојот на новата пилула, ги поддржува напорите за развој на нови методи за контрола на раѓањето. -Првата студија за машки контрацептивни таблети без хормони е долгоочекувана пресвртница и значаен успех во потрагата по репродуктивна автономија, вели извршниот директор Хедер Вахдат. извор:курир.мк фото: Freepik

Апчињата за контрацепција никако не треба да ги чувате на ова место во куќата – го губат дејството!

Слаѓана Атанасова — Mon, 20 Nov 2023 13:00:26 +0000

Апчињата за контрацепција се супер оружје за жените кои не сакаат да останат бремени, како и за оние кои имаат проблеми со хормоналната нерамнотежа и промените на расположението. Сепак, експертите предупредуваат дека е опасно да ги чувате во ормарите или други места во бањата. Некои луѓе го чуваат својот лек во кујната, но повеќето го чуваат во кабинетот над мијалникот во бањата, што може да биде крајно опасно кога станува збор за овој вид таблети, а одговорот лежи во ефектот на влагата врз ефектот на лекот. Влажноста и влагата од бањата може да ги променат компонентите во пилулата, што ја прави помалку ефективна, па затоа треба да се чува на ладно и темно место, пишува Mirror. Извор: Попара.мк

Состојка која често се користи ја намалува плодноста кај мажите

Слаѓана Атанасова — Tue, 09 Aug 2022 12:47:52 +0000

Најново истражување покажува дека состојка која често се користи влијае на плодноста кај мажите, а поради тоа се размислува да се користи како контрацепција кај посилниот пол. -Голем дел од мажите сакаат и прифаќаат да ја преземат контролата над контрацепцијата, вели авторот на најновото истражување. Студијата на австралискиот Универзитет Монаш открила дека природната состојка го попречува функционирањето на спермата. Овие податоци се објавени во магазинот “Plos One”. -Во студијата при парење на глувци, екстракт лист коприва, 50 милиграми дневно ја намалила плодноста кај мажите за 53 проценти во споредба со мажите кои биле третирани само со етил алкохол, се вели во студијата. Според истата целта е да се пронајде природна алтернативна хормонска контрацепција и се чини дека билката која жари би можела да биде решение.

Кога таблетите за контрацепција може да не делуваат?

Горан Силјановски — Fri, 18 May 2018 11:55:22 +0000

Апчињата за контрацепција се едни од најчестите методи за контрацепција. Ако се земаат правилно, овие апчиња делуваат во 99,7% од случаите. Но постојат ситуации и кога тие воопшто не делуваат. Во продолжение погледнете шест такви ситуации. 1. Сте заборавиле да го испиете апчето или прекасно сте почнале со новото пакување Најголемата причина за неефикасноста на овие апчиња е тоа што жените не ги земаат редовно. Односно, заборавањето да ја испиете дозата можеби е најголемата грешка бидејќи постои можност да останете бремени. Кај повеќето контрацепциски апчиња нема ништо да се случи ако го заборавите апчето во средината или при крајот на пакувањето. Но, ако почнете нов циклус и заборавите да испиете некои од првите 7 апчиња, може да настане проблем. Вашиот циклус на овулација може да се помести и потоа апчињата нема да можат да го сопрат. Првата недела од земањето апчиња е најважна за спречување на развојот на јајце клетката. Значи постои поголема можност за зачнување ако направите поголема пауза во овој период. Ако заборавите да ја испиете која било пилула, испијте ја штом ќе се сетите. Но, испијте ја и онаа која редовно ви следува. Ако сте направиле грешка имајте предвид дека дејството на апчињата може да биде намалено, па најдобро е да користите и друго средство за заштита додека не го истрошите пакувањето. 2. Имате воспаление на цревата или друга болест на дигестивниот систем Болестите на дигестивниот систем можат да го спречат апсорбирањето на кои било орални лекови, вклучувајќи ги и апчињата за контрацепција. Со ова се намалува дејството на апчињата. Ако имате дијареја или повраќате 2 или повеќе дена, однесувајте се како да сте заборавиле да го испиете апчето. На жените со хронични проблеми на дигестивниот систем им се препорачува да користат и некој друг метод за заштита од бременост. 3. Земате одредени лекови против мигрена или епилепсија Некои видови лекови кои се земаат за епилепсија ги размножуваат ензимите во црниот дроб. Ова значи дека се забрзува процесот на разградување хормони во црниот дроб. Ова важи за секој облик хормонална контрацепција, без разлика на начинот на примање. Важно е да му кажете на вашиот лекар каква контрацепција користите за да ви каже што да правите. 4. Не ги земате апчињата со прогестерон точно и секој ден во исто време Временската разлика од 3-4 часа нема да биде проблем кај комбинираната хормонска контрацепција – апчиња со естроген и гестаген. Но сепак се препорачува редовно земање. Ако пиете апчиња кои содржат само гестаген, важно е да внимавате на распоредот. Овие апчиња обично ги пијат жени кои дојат или кои не можат да примаат естероген. Тие создаваат слуз која е непробојна за сперматозоидите. Па и најмалата неправилност може да го намали нивното дејство. Ако ги заборавите или задоцните со пиењето на апчињата, следните неколку денови користете и друго средство за контрацепција. 5. Пиете некои антибиотици Повеќето антибиотици, како оние за инфекции на дишните патишта, уринарни инфекции или оние кои ги препишуваат по вадење заб немаат влијание на контрацепцијата. Но антибиотиците за болести како туберкулоза и менингитис може да влијаат. Во секој случај, ако ви е дијагностицирана болест за која е потребна подолга терапија, кажете му на вашиот лекар дека користите хормонална контрацепција за да може да ве советува. 6. Користите кантарион Кантарионот се користи за некои психички состојби како што е депресијата. Оваа билка може да го зголеми разградувањето на естерогенот, па со ова да го намали дејството на пилулите за контрацепција.

Нова контрацепција за мажите: Заборавете на кондомите, пристигна новата контрацептивна пилула за мажи

Наташа Тасевска — Fri, 13 Apr 2018 09:10:07 +0000

Контрацептивните таблети не ја намалуваат сексуалната желба кај мажите Пред неколку месеци, првата машка контрацептивна пилула беше тестирана, а потоа беше покажано дека кај повеќето тестирани мажи таа предизвикува депресија, го намалува либидото, ги зголемува акните, болката во мускулите и води кон чести промени во расположението. Затоа беше спроведен уште еден тест на 83 мажи во период од еден месец и половина и овој пат тестирањето помина успешно.

Контрацептивната таблета не ја намалуваат сексуалната желба кај мажите. Позната е како "диметандролон ундеканоат" и се состои од масни киселини со долг синџир кои го забавуваат процесот на деградација. Затоа е доволно да се конзумира еднаш дневно. Машките пилули функционираат исто како и пилулите за жени, што значи дека ја комбинира активноста на андрогени - машки хормони како тестостерон и прогестин. Резултатите покажаа дека се намалени нивоата на тестостерон кај мажите кои употребиле пилула од 400 мг, но само ако ја употребувате пилулата заедно со храната. Секој од испитаниците добил мала тежина и забележан е низок степен на добар холестерол. „Многу мажи се огласија и рекоа дека би сакале да земаат дневна пилула како реверзибилна контрацепција, а не долгорочни инјекции“, велат експертите.

Пиете апчиња за контрацепција – што ќе се случи ако наеднаш ги прекинете?

Слободанка Илиева — Mon, 18 Dec 2017 08:00:55 +0000

Можеби имате слушнато многу страшни приказни за откажувањето од овие апчиња. Но периодот на транзиција во кој вашето тело се навикнува да работи без нив и не е толку „страшен“. Симптомите се различни кај секоја девојка, но има некои сличности. Иако секогаш е најдобро да се консултирате со вашиот гинеколог пред да се одлучите за промена, еве кои работи можете да ги очекувате ако решите да се откажете од апчињата за контрацепција по нивно долго консумирање.

1. Може да ви се влоши состојбата на кожата

Акните се нешто со кое се запознаени речиси сите. Многу често тие се и еден од симптомите на ПМС. Сепак, апчињата за контрацепција може да го исчистат вашето лице. Токму поради тоа кога ќе престанете да ги земате постои голема можност да се влоши состојбата на вашето лице. Оралната контрацепција е комбинација од многу естроген и прогестин, хормони кои го намалуваат лачењето на маснотии, па вашата кожа се чисти. Се разбира, со правилна нега на вашето лице, овој проблем може повторно да исчезне.

2. Вашите гради може да бидат поцврсти пред менструација

Целта на апчињата е да ги регулираат хормоните кај жената. Ова значи намалување на неудобноста за време на ПМС. Штом ќе престанете со нивно пиење, прогестеронот во вашето тело се зголемува со цел да ви ги активира млечните жлезди. Без разлика дали ќе забремените или не, вашите брадавици се подготвуваат за доење.

3. Може да се зголеми желбата за секс

Некои жени чувствуваат намалена желба за секс додека ги примаат апчињата за контрацепција. Синтетичките хормони во оралната контрацепција го зголемуваат тестостеронот во телото. На ова додајте го и фактот дека овие апчиња ја спречуваат и овулацијата и можете да очекувате драстични промени во вашиот сексуален живот. Некои жени губат секаков интерес за секс или пак искусуваат вагинална сувост која ги спречува да имаат секс. Ако имате кој било од овие симптоми, прекинувањето на апчињата ќе го зголеми вашето либидо.

4. Може да се подобри променливото расположение

Променливото расположение најмногу зависи од тоа како реагираат вашите хормони на апчињата за контрацепција. Па, ако сте биле многу темпераменти пред да почнете со земање на апчињата, голема е веројатноста да се чувствувате исто откако ќе престанете со нивна употреба.

5. Промени во менструалниот циклус

Немојте да се изненадите ако вашиот менструален циклус стане нередовен или поинтензивен. Ако сте имале болни и обилни менструации пред да почнете да ги користите апчињата, голема е веројатноста да се вратат симптомите откако ќе престанете со нивна употреба. Апчињата за контрацепција ги потиснуваат ПМС симптомите. Но кога ќе овулирате, симптомите си се враќаат и тоа е сосема нормално.

6. Може да биде потребно време за да ви се врати менструацијата

Кога престануваат со употреба на орална контрацепција, некои жени може да имаат нередовни менструации, додека кај другите нема да има промена. Третата можност е воопшто да немате менструација некој период. Ова понекогаш е проблем, но обично не е ништо сериозно. Бидејќи телото се обидува да си го воспостави нормалниот циклус и се обидува само да си произведува хормони, на вашата менструација може да ѝ биде потребно време за повторно да се појави. Но ако вашата менструација не се појави и после 6 месеци од прекинот на апчињата, консултирајте се со вашиот лекар.

7. Може да ви се појават фиброиди

За оние кои не знаат, фиброидите се бенигни тумори кои може да се развијат во и околу ѕидовите на матката. Многу често жените кои пијат апчиња за контрацепција со ова ја спречуваат нивната појава. Па, нормално е кога ќе престанете со апчињата да ја зголемите можноста за појава на фиброидите.

8. Голема е веројатноста да ја чувствувате овулацијата

За некои жени знаците на овулација се премногу суптилни. За други тие се навистина изразени и вклучуваат симптоми како вагинален исцедок и зголемена желба за секс. извор:кафепауза.мк