Саше Љолес ве води во неговата – „Рајска градина“ (ВИДЕО)

Антонио Димитриевски — Wed, 09 Sep 2020 11:23:27 +0000

„Рајска градина” е третa песна на македонскиот музичар Саше Љолес, која всушност е и најава за албумот кој треба да се појави некаде до крајот на годината. „Станува збор за интимна песна создадена за најблиските луѓе, оние што ви се секојдневие и што зрачат љубов и добрина“ - изјави Љолес. Музиката и текстот се негови, а во аранжманот учествуваа и Владимир Чадиковски – Црни, Александар Ванчовски – Џигер, Мартин Јосифовски и Петар Лукиќ. Снимена е во јуни и јули во студиото на Нино Спиркоски. Придружните вокали ги пее Светлана Јовановска. „Рајска градина” е проследена со интересно видео кое го изработи Иван Куртевски – „Мелем продукција“. Имено, сликите користени во видеото се всушност уметнички дела на ликовниот уметник Константин Качев - Коки, екс гитаристот на македонскиот хеви метал бенд „Санаториум“, кој воедно е дел од најтесното семејство на Саше Љолес. https://www.youtube.com/watch?v=5IOsIiEx12s&feature=emb_logo

Изложба на дела од Константин Качев

Христина Ѓоргиевска — Wed, 05 Dec 2018 08:22:03 +0000

Изложба на дела од академскиот уметник Константин Качев ќе биде отворена вечер во НЛБ Галерија во Скопје. Со свои скулптури од керамика на изложбата ќе гостува еминентната уметница од Бугарија Елена Виденова. Константин Качев спаѓа во редот на најистакнатите современи македонски сликари од помладата генерација. Роден е во Ташкент во 1967 година. Завршил ликовна академија во Скопје. Качев е член на ДЛУМ и е носител на бројни награди. Покрај групните зад себе има голем број самостојни изложби во Македонија, но и во странство: Њујорк, Париз, Лион, Минхен, Берлин, Њујорк, Софија, Москва… извор: миа

Константин Качев – Вистина.мк

Саше Љолес ве води во неговата – „Рајска градина“ (ВИДЕО)

Изложба на дела од Константин Качев