конкурс – Вистина.мк

Старлетата распиша јавен конкурс: Леа бара глумец што ќе игра со неа во нејзиниот филм… за возрасни (ФОТО)

Антонио Димитриевски — Thu, 28 Dec 2023 12:29:24 +0000

Контроверзната старлета и Only fans ѕвезда, Леона Леа Келер преку социјалните мрежи сподели скокотлива објава. Имено, Леа обзнани со повик дека бара заинтересиран маж за да сними „филм“ со неа, кој ќе биде објавен на нејзиниот профил на оваа платформа. Инаку, Леа Келер со години е една од најпопуларните девојки во регионот, која се одликува со својот провокативен изглед и со уште попровокативното однесување. Дали ќе успее во намерата останува да видиме. За каков филмски жанр се работи можете само да претпоставите, а многу покјано ќе ви стане доколку го погледнете нејзиниот Инстаграм профил. Какви се времињата и и колкаво количество на „сексуално загрозени“ на метар квадратен има во регионот, повеќе од јасно е дека на расната старлета бргу ќе и се оствари планот. Дури конкуренцијата ќе биде толку голема, што ќе може како лубеници да ги бира... И тоа по величина, се разбира! Фото: Фејсбук/

Повеќе на vistina.mk

Министерството за култура го објави конкурсот за Град на културата за 2024 година

Антонио Димитриевски — Thu, 30 Nov 2023 13:34:34 +0000

Министерството за култура го објави Конкурсот за финансирање проекти од национален интерес, манифестација „Град на културата во 2024 година“. На Конкурсот, чија цел е создавање услови за рамномерен културен развој, достапност на културните вредности за граѓаните, како и заживување на културата на локално ниво, може да учествуваат општините во Република Македонија, со исклучок на Град Скопје, и општините во Градот Скопје. Пријавувањето се врши со електронско аплицирање на Националниот портал за е-услуги: https://uslugi.gov.mk, почнувајќи од 29.11.2023 г. во 8:00 часот, заклучно со 29.12.2023 г. во 23:55 часот. Техничките упатства и поддршката при регистрирањето и процесот на аплицирање, корисниците ќе може да ги најдат на веб-страницата https://uslugi.gov.mk/frequently-asked-questions.nspx), како и преку контакт-центарот на Националниот портал за е-услуги. Еден од приоритетите на Министерството за култура е унапредувањето и достапноста на македонската култура, а со проектот „Град на културата“ се зајакнуваат културниот развој и развојот на туризмот на локално ниво, а соработката со локалната самоуправа придонесува за економски и туристички поттик на општините низ државава. „Град на културата“ во 2023 година беше Крушево, чија комплексна и содржајна програма се одвиваше под мотото „Крушево – жив споменик на културата“. Општина Крушево, во годината кога се одбележа и 120 години од Илинденското востание, пулсираше во ритамот на македонската култура и го промовираше македонскиот идентитет и посебност.

Повеќе на vistina.mk

Распишан конкурс за Интернационалниот музички фестивал „Охрид фест – Охридски трубадури 2023“

Антонио Димитриевски — Mon, 03 Apr 2023 11:44:21 +0000

Интернационалниот музички фестивал „Охрид-фест – Охридски трубадури“ по јубилеен 30-ти пат распишува конкурс за нови композиции, што ќе го имаат премиерното издание на 1 и 2 септември, со Фолк и Интернационалната вечер, на најубавата сцена на Балканот, Долни Сарај во Охрид. Фолк- вечер ќе се случува на 1 септември и освен новосоздадени фолк песни од нашата земја, со свои нови композиции ќе можат да учествуваат и странски автори - од регионот и пошироко. Интернационалната вечер е закажана за 2 септември 2023 година. Соочени со константен недостиг на млади пејачи и годинава фестивалот дава голема подршка на дебитантите, охрабрувајќи ги да настапат на 30-то издание на „Охрид фест- Охридски трубадури“, и во Фолк и во Интернационалната вечер. Ова е извонредна шанса за промоција на дебитантите, бидејќи Охрид фест го следат повеќе од 15 телевизии од Балканот. На истата сцена, во 1998 година Тоше Проески ја испеа „Усни на усни“ и го започна својот блескав пат. Условите за учество на „Охрид фест – Охридски трубадури 2023“ се: Да се испрати демо-снимка и текст на македонски јазик; Наслов на композицијата; Назнака – за која фестивалска вечер е наменета песната (Фолк, Интернационална); Композициите да не се изведувани; Податоци на авторите (име, презиме, авторската улога во тимот), и контакт информации; Демо-снимките од композициите треба да бидат со пратечки инструменти, пијано и гитара. На конкурсот можат да учествуваат сите домашни и странски автори кои ги исполнуваат условите за учеството а рокот за поднесување на пријавите е 1 јуни 2023 година. Своите композиции авторите треба да ги испратат на следните адреси: [email protected], [email protected] и [email protected] Ве очекуваме!

Повеќе на vistina.mk

Распишан конкурсот за нови композиции на “Макфест 2023”

Антонио Димитриевски — Tue, 28 Feb 2023 13:28:40 +0000

Објавен е конкурсот за нови композиции за 38-то издание на Фестивалот на забавни мелодии “Макфест” во Штип. Како што велат организаторите, годинешното издание ќе се одржи кон средината на месецот октомври 2023-та, а за време на одржувањето на фестивалот е предвидено да се врши директен пренос на некоја од националните телевизии во Република Македонија. Општина Штип во својство на организатор и покровител, на крајот на натпреварувачката вечер ќе додели три афирмативни музички награди без паричен надоместок, односно:

Награда за највпечатлив спој на мелодија и аранжман “Драган Ѓаконовски – Шпато” ќе се додели согласно одлуката донесена од страна на Стручната жири комисија и присутната публика.

Награда за највпечатлива вокална интерпретација, ќе се додели согласно одлуката донесена од страна на Стручната жири комисија и присутната публика.

Награда за највпечатлив дебитантски настап на Фестивалот, ќе се додели согласно одлуката донесена од Стручната жири комисија и присутната публика.

За сите оние кои што се заинтересирани, автори, композитори, натпреварувачи/учесници, текстописци… може слободно да се пријавите и да аплицирате на конкурсот со клик на следниот линк: Пријави се за “Макфест 2023”.

Повеќе на vistina.mk

КИЦ Битола објави конкурс за фестивалот „Ех, таа серенада 2023“

Антонио Димитриевски — Wed, 01 Feb 2023 13:30:24 +0000

Културен и информативен центар – Битола објавува конкурс, со траење од 01.02.2023 до 31.03.2023, за 14 нови композиции за потребите на фестивалот на битолската серенада “Ех таа серенада” 2023.

Композициите треба де се во согласност со досегашните принципи на компонирање на музика и пишување на текстови во корелација со староградската музика, со потенцирање на битолската серенада како основен уметнички израз. Сите варијации и иновации на оваа тема се добредојдени за збогатување на квалитетот на оваа музичка форма. Музичките дела ги очекуваме како демо снимка во mp3 формат, аплициран текст, и/или нотен запис на мелодиската линија со запишани акорди на нашата електронска адреса [email protected]. За изборот на композициите неприкосновено право при селектирањето и изборот на делата има комисијата назначена од КИЦ Битола. Избраните музички дела ќе бидат хонорирани со 12.000 денари за текст, 12.000 денари за музика и 12.000 денари аранжман. Изведувачите ќе добијат хонорар од 5.000 денари“, соопштуваат организаторите.

Додаваат дека во корист на квалитетот на фестивалот, организаторот има право да нарача одреден број композиции кај докажани автори, и ја задржува целосната контрола врз аранжманите, поради тоа што музичкиот настан ќе се изведува во живо со оркестар, со професионални музичари кои имаат искуство и знаење да одговорат на предизвикот. Фестивалот “Ех таа серенада” 2023 ќе се одржи во Офицерски дом – Битола (плато) во рамките на Бит Фест 2023. Резултатите од конкурсот ќе бидат објавени најдоцна до 15.04.2023.

Повеќе на vistina.mk

Објавен конкурсот за „Фолк-Фест Валандово 2023“

Антонио Димитриевски — Tue, 10 Jan 2023 13:45:25 +0000

Општина валандово објави конкурс за избор на композиции за најновото 36-то издание на „Фолк-Фест Валандово 2023“. И оваа година традиционално фестивалот ќе се одржи во Домот на културата во Валандово, кон крајот на месец мај почетокот на месец јуни. Доколку сте заинтересирани за учество на Меѓународниот конкурс објавен за избор на композиции за најновото издание на „Фолк-Фест Валандово 2023“, со клик на следниот линк погледнете ги документите и начинот и условите на учество. „Фолк-Фест Валандово 2023“ – Меѓународен конкурс за избор на композиции за 36-то издание на фестивалот на новосоздадени македонски песни.

Повеќе на vistina.mk

Распишан конкурс за Интернационалниот музички фестивал „Охрид фест – Охридски трубадури 2022“

Антонио Димитриевски — Fri, 15 Apr 2022 06:59:43 +0000

Интернационалниот музички фестивал „Охрид-фест – Охридски трубадури“ по 29-ти пат распишува конкурс за нови композиции, што ќе го имаат премиерното издание на 2 и 3 септември, преку Фолк и Интернационалната вечер, на најубавата сцена на Балканот, Долни Сарај во Охрид. Фолк- вечер ќе се случува на 2 септември и освен новосоздадени фолк песни од нашата земја, со свои нови композиции ќе можат да учествуваат и странски автори - од регионот и пошироко. Интернационалната вечер е закажана за 3 септември 2022 година. И годинава фестивалот дава голема подршка на дебитантите, охрабрувајќи ги да настапат на 29-то издание на „Охрид фест- Охридски трубадури“, и во Фолк и во Интернационалната вечер. Демо-снимките од нивните композиции треба да бидат со пратечки инструменти, пијано и гитара. Условите за учество на „Охрид фест – Охридски трубадури 2022“ се: * Да се испрати демо-снимка и текст на македонски јазик; * Наслов на композицијата; * Назнака – за која фестивалска вечер е наменета песната (Фолк, Интернационална); * Композициите да не се изведувани; * Податоци на авторите (име, презиме, авторската улога во тимот), и контакт информации. На конкурсот можат да учествуваат сите домашни и странски автори кои ги исполнуваат условите за учеството, а рокот за поднесување на пријавите е 20 мај 2022 година. Своите композиции авторите треба да ги испратат на следните адреси: [email protected], [email protected] и [email protected]

Повеќе на vistina.mk

„ИНАКУ“ распишува конкурс за најдобри бајки и илустрации за деца

Антонио Димитриевски — Mon, 13 Sep 2021 12:36:48 +0000

Институтот за наука, алтернатива, култура и уметност (ИНАКУ) распишa конкурс за Меѓународниот фестивал на бајката, односно за бајки и илустрации наменети за деца од градинка и основно училиште. На конкурсот може да учествуваат домашни и странски автори со неограничен број на свои бајки. Обемот на бајките треба да биде од една до десет страници А-4 формат.

Сите бајки треба да бидат задолжително со машки или женски лик – девојче или момче, или со двата лика заедно. Главните ликови треба да бидат децата кои се во центарот на вниманието и се’ се врти и случува со и околу нив. Тие како ликови имаат позитивни и негативни особини, а приказните треба да бидат необични, современи, духовити, оригинални и поучни. Бајките треба да бидат прилагодени на детската возраст. Целта е да се искреираат два детски лика – девојче и момче, кои потоа ќе бидат и илустрирани и со нив ќе се објавува серијал со најразлични ситуации и приказни. Покрај текстовите може да се испраќаат и илустрации (цртежи во боја, слики и слично) на двата главни детски лика – девојчето и момчето“, објаснуваат од „ИНАКУ“.

Бајките, илустрациите и имињата на главните детски ликови треба да се испраќаат до 1 ноември на мејлот [email protected], со назнака „За Фестивалот БАЈКА 2021“. Авторите заедно со своите бајки и илустрации треба да испратат и своја кратка биографија и фотографија. Најдобрите бајки и илустрации ќе бидат објавени во повеќе сликовници со главниот машки и женски лик за што авторите ќе добијат награда – уметничка слика и признание за најдобра авторска бајка и илустрација.

Повеќе на vistina.mk

Маца – „Дискреција“ јавно бара мажи за снимање филмови за возрасни: „Сите сте добредојдени, ова се моите услови“ (ВИДЕО)

Антонио Димитриевски — Sat, 11 Sep 2021 07:03:32 +0000

Старлетата и реалити sвезда, Маца - Дискреција, отвори јавен конкурс, па ги повика сите мажи кои би сакале да снимаат филмови за возрасни со неа. Таа ги кажа своите услови и се пожали дека се' уште не нашла никого соодветен. Инаку, Сенада Нуркиќ, како што гласи вистинското име на порно-старлетата уште претходно јавно се пожали колку е тешко да се заработат пари на „Only Fans“ апликација за споделување на експлицитни видео и фото-содржини од која таа досега заработуваше сликајќи се гола. „Снимам свои клипови, менувам пози, па ги одрав колената, веќе. Снимам неколку пати, гледам дали сè се гледаа убаво, па ако не, мора да го направам истото тоа повторно“ - се пожали неодамна Маца, која сега решила да ја збогати еротската понуда кревајќи ја „хард - кор“ ниво. Меѓу другото, во условите на Маца стои: Најважно е да сакате да снимите интимни сцени со неа, но пред тоа морате да го фотографирате вашиот машки полов орган по целата должина со линијар покрај него и да ја напишете шифрата „Маца“ и неговата должина на ливче хартија. Потребни ни се високи, впечатливи и надарени мажи, пред се возрасни, од Белград, за да снимаат порно филмови со менеНе плаќам, но и не барам пари- потенцираше Маца.Секој заинтересиран може да ја контактира на нејзината е-пошта. Еве го видеото со нејзиниот јавен порно повик:

Ima posla ko hoće da radi 🤷🏼 pic.twitter.com/TGZiSS2JvI
— 🔱 𝔅𝔢𝔢𝔩𝔷𝔢𝔟𝔲𝔟 🔱 (@eeevunkump) September 5, 2021

Повеќе на vistina.mk

„Синедејс“ објави конкурс за млади од 16 до 20 години за снимање еко-филм

Антонио Димитриевски — Fri, 04 Jun 2021 12:06:29 +0000

Фестивалот на европски филм „Синедејс“ објави конкурс за млади од 16 до 20 години од Скопје и Македонија, кои може да аплицираат како тимови од три до пет учесници за снимање кратки видеа на однапред зададена еко-тема. Учесниците ќе имаат задача во рок од 72 часа да направат сценарио, да снимат и да монтираат кратко видео на тема што ќе ја одберат по случаен избор, во текот на петдневниот престој во Скопје за време на фестивалот, кој ќе се одржи од 10 до 20 јули годинава. Рокот за пријавување е до 10 јуни 2021 до 16 часот, а повеќе информации се достапни на следниот линк. На учесниците ќе им бидат покриени трошоците за сместување, пат, храна и акредитација за фестивалот, а за целата екипа од најдобриот филм, ќе биде обезбедена и награда од фондот на настани во МКЦ.

Повеќе на vistina.mk