коњ – Вистина.мк

Бритни Спирс топлес јава коњ, ама и тоа и е малку: „Требаше да бидам гола“ (фото)

Слободанка Илиева — Mon, 04 Sep 2023 12:18:42 +0000

По веста за разводот, Бритни Спирс повторно ја шокира јавноста со своето однесување. По бизарните видеа со пријателите, на кои една нејзина пријателка и ја лиже ногата, Бритни реши преку својот Инстаграм профил да сподели видео на кое се гледа како јава коњ топлес. „Морав да го соблечам горниот дел во пустина. Требаше да бидам гола“, напиша пејачката во описот, но видеото набрзо беше избришано од Инстаграм. Имено, на дел од фотографиите кои ги сподели од својата авантура во пустина, Бритни Спирс носеше каубојска капа, бели панталони и жолт топ, но на споменатото видео грбот и беше гол. Нејзиното однесување по разводот со Сем Ашгари повторно ја загрижи јавноста . Иако гласините се шират од март оваа година, поранешната двојка официјално се огласи кон средината на август.

View this post on Instagram

A post shared by Maria River Red (@britneyspears)

После тоа, Бритни била видена со друг маж, за со кој постои сомневање дека е во романтична врска. Наводно, станува збор за Пол Ричард Солиз, кој речиси една година е вработен како нејзин персонал, а наводно има и криминално потекло, што Бритни не го проверила при вработувањето. Инаку, Бритни и Сем Ашгари моментално се среде развод, а постигнаа договор за сопственоста на домашни миленици, каде од пет кучиња, Бритни доби старателство над четири кучиња. Ашгари нема да добие пари бидејќи потпишале предбрачен договор со кој таа не е обврзана да му плати по разводот. фото:Инстаграм принткрин

Погледнете како Лила спадна од коњ на магаре: „Господе здравје давај, за памет доцна е“! (ФОТО)

Антонио Димитриевски — Thu, 17 Nov 2022 09:15:36 +0000

Најпознатата и најпопуларна македонска ТВ водителка Лила Филиповска се здаде во нова авантура. Како проверен трагач по возбуди, Лила не чекаше возбудата да и дојде сама, туку и овој пат таа и тргна во пресрет, па реши да фати пустина... Поточно да заврши во прегратките на арабиската пустина. А кога ќе се најдеш среде пустина не важат истите правила како оние во урбана средина. Како на пример превозот, кој во старт е поинаков... Камилата е основното и најпознатото превозно средство во пустината, ама на Лила некако и се виде висока за качување, а во моментот и камилите беа „паркирани“ на пауза за појадок, па водителката мораше да се задоволи со алтернативна варијанта. До душа, среде пустина „на коњ си“ ако ја имаш, а на Лила токму тоа и се посреќи: Да јава коњ, иако не и е прв пат, зашто водителката веќе има јавачко искуство. Да, ама не и среде пустина! Патем да го користи и како „пустинско такси“ што ќе ја однесе до посакуваната локација - изгубениот град Петра. А таму, поглед од милион долари од кој ќе ви се смрзне крвта во жилите. Резултатот: Селфи над бездната на ТВ водителката! По разгледувањето на пустинските убавини и знаменитости... време е за дома. Или поточно, за во хотел среде пустина. Ама од една до друга дестинација одново потребен е такси превоз. Камилите беа веќе букирани од мноштвото други туристи, коњите си заминаа назад, па на Лила не и преостана ништо друго освен да се снаоѓа како знае и умее од она што и преостана како превоз низ пустината. Сакала или не, водителката мораше да прифати компромисно решение. Од максимата: „Господе здравје давај, за памет доцна е“, Лила го извлече она второто, па паметно го прифати компромисот - да спаднеш од коњ на магаре! Иако како и со коњите и со магаренцата Лила има искуство уште од дома. А, магаренцето не само што и заврши работа, туку на водителката и стана и ново другарче кое ја дружеше дури до месечината. Така се вика барем локацијата во пустината каде што се наоѓаше нејзиниот пустински апартман. Дали во него Лила по бурниот ден имаше и бурна ноќ, остана пустинска мистерија, ама затоа утрото и започна со појадок и кафе... како да го пиела на месечината!

View this post on Instagram

A post shared by Lila (@lilafilipovska)

Фото: Инстаграм принтскрин/lilafilipovska

Со коњот Цезар до Крушево: Ели Апостоловска единствената жена на Илинденскиот марш

Слободанка Илиева — Sat, 30 Jul 2022 07:00:02 +0000

Ели Апостоловска (27) од Велес е единствената девојка која оваа година учествува на илинденскиот марш до Крушево, помеѓу 27 мажи. По професија e војник во Армијата. Воодушевена од илинденската коњаница која секоја година поминува низ Велес било инспирација таа да се пријави оваа година како учесник. „Секоја година коњаницата поминува низ Велес и тоа ми беше мојата животна желба која што сакав да си ја исполнам. Се надевам дека со ова ќе бидам поттик и за останатите да си ги исполнуваат своите животни желби, затоа што тоа треба да го прават сите во животот“, изјави Ели за Репортер. Низ историјата многу жени комитки и војвотки се отпеани во македонските народни песни, со што борбата за рамноправност започнала уште во минатото. Денес Ели е дел од толпа со повеќе мажи, но вели дека тоа не и пречи и е презадоволна од тоа како ја прифатиле. „Тие се сите супер луѓе, ние сме како едно семејство. Не би рекла дека ние жените немаме рамноправност, ние секогаш можеме да ги работиме работите кои што ги работат и мажите. Тоа не значи дека јас само затоа што сум жена не знам да јавам коњ или дека останатите жени не би требало да се пријават во иднина. Се надевам ќе бидам мотив да се пријават што повеќе жени следната година“, рече Ели. Патот до Крушево, Ели ќе го помине во друштво на нејзиниот коњ Цезар за кој вели дека ја засакал и дека е послушен. „Немав подготовки, бидејќи сум физички активна, спортувам со што мускулите ми се подготвени и навикнати за да можам да издржам“, рече Ели, единствената жена во илинденскиот марш. Ќе имаат неколку преноќувања, Скопје, Велес, село Теово. Комитската автентична облека која ја носи, ја носат само првиот ден кога тргнуваат за Крушево и последниот кога пристигнуваат на свеченоста за Илинден. Кога не е комитка, таа е војник. „Не размислував никогаш во животот дека ќе бидам жена војник. Имам завршено средно медицина. Едноставно ми се појави желба. Сакам предизвици и сфатив дека не се пронаоѓам во медицината, туку сакам нешто по борбено. Поради тоа се пријавив во Армија“, раскажа таа. Досега нема учествувано на воени мисии надвор од земјата, но постои амбицијата во иднина да замине во некоја земја. За тоа дали мажите имаат страв и гард кон жените кои носат униформа, Апостоловска вели: „Мажите мислам дека чувствуваат страв кога ќе видат жена војник. Мислат дека тоа асоцира на агресивност, ароганција. Едноставно се плашат покрај себе да имаат жената војник. Можам да кажам дека ние имаме повеќе самодоверба, отколку останатите затоа што градиме карактер на борбеност и дисциплина. Не би требало да се плашат од жена војник, би требало малку да размислат за тоа“, вели Апостоловска. За нив како жени во оваа професија има посебни правила и кодекси кои треба да ги почитуваат, во однос на шминка, нокти и фризура. „Имаме правила кои секогаш ги почитуваме и досега немало отстапки. Имаме кодекс на облекување и однесување. Сето тоа мораме да го почитуваме. Косите мора секогаш да ни бидат собрани, нокти не треба да имаме и да сме секогаш добро облечени како што ни налага униформата. Шминката може да е нежна, но никако нападна, открива Ели за тоа како е да се биде жена војник. Ќе дознаете ако го погледнете интервјуто

„Се качив на коњ поради коњ“: Милица Тодоровиќ повторно го „поткачи“ Петар Стругар

Слободанка Илиева — Mon, 28 Dec 2020 13:59:21 +0000

Пејачката Милица Тодоровиќ откри која е најлудата работа што ја направи оваа година од љубов. - Јавав коњ, иако не ми се допаѓа. Се плашев, но се качив на коњ поради коњ - рече Милица, не сакајќи да прецизира за кого точно мисли, додека познато е дека нејзиниот поранешен партнер, актер Петар Стругар е голем обожавател на овие животни, и дека тој има коњички клуб.

View this post on Instagram

A post shared by Milica Todorovic (@milicatodorovicofficial)

- Тој е убав господин и тие се убави животни. Но, ми беше непријатно. Коњот е виновен за сè - изјавила Милица во шоуто „Магазин ин“ со насмевка на лицето, што ја насмеа публиката.

Кај неа нема криза: Ана Николиќ ја почести ќерката со подарок од 8 000 евра (фото)

Христина Ѓоргиевска — Wed, 29 Jul 2020 08:05:13 +0000

Ана Николиќ купила коњ за 8 000 евра. Пејачката одлучила за роденден да ја израдува својата ќерка Тара и да го подари овој подарок. Имено, пејачката заминала во Шимановци, а таму одбрала бел коњ. „Ана редовно одеше да јава на хиподром во Белград, но во последните години потполно го запостави тоа хоби. Бидејќи поради короната сега нема настапи, одлучи повторно да најде време за дружење со коњите. Оди на јавење кога нема гужва, а се обидува љубовта кон коњите да ја пренесе и на нејзината ќерка Тара. Така, тие неодамнаа замина на имот во Шимановци и на Ана и се допадна еден бел коњ“, вели добро известен извор. „ И на Тара и се допадна тоа животно, па ја праша мајка и дали може да го носи дома. Ана само се насмеа, а потоа и текна дека може да го купи за 3иот роденден на ќерката. Се јави на Раста, го праша што мисли за тоа и на него му се допадна идејата“, додава изворот. Утредента Ана заминала да среди се околу купувањето на коњот. „Сопственикот кажа дека коњот чини 8 000 евра и дека месечно мора да плаќа храна и одржување. И ја покажа шталата и просторот за јавање. Ана истакна дека често ќе доаѓа со ќерката на јавање“, објаснува соговорникот за ало.рс Инаку, пејачката и порано даваше многу пари за животни.

Кралицата Елизабета на 94 години јава пони (фото)

Слободанка Илиева — Mon, 01 Jun 2020 08:49:32 +0000

Откако започна коронакризата, кралицата Елизабета Втора е во изолација заедно со сопругот, принцот Филип (98). Деновиве британската кралица излезе да јава пони во паркот во Виндзор. Оттаму таа неколкупати ѝ се обрати на нацијата, преку соопштенија или телевизиски обраќања. Taa e позната по својата љубов кон коњите. Коњчето Балморал Ферн е старо 14 години, точно 80 години помалку од Нејзиното височество.

View this post on Instagram

A post shared by Queen Elizabeth II UK ?? (@queenelizabethiiuk) on May 31, 2020 at 11:22pm PDT

Тешка емотивна разделба: Петар Стругар остана без својата голема љубов

Слободанка Илиева — Wed, 26 Feb 2020 11:55:49 +0000

Актерот Петар Стругар и сегашно момче на Милица Тодоровиќ, откако е во врска со пејачката, се почесто го има во регионалните медиуми. Познато е дека Петар е голем љубител на коњите, а сега тој имаше доста емотивен момент, бидејќи мораше да се раздели со својот сакан миленик. Имено, тој со емотивна порака се опрости од животното. -Скокавме од недела во недела и така се разделивме од Арес. Му честитам на новиот сопственик, купи опасна фаца. Долго нека ве весели, порача актерот. Инаку, деновиве доста се пишуваше дека актерот веќе ја запросил пејачката, а колку за колку брзо ќе запловат во брачните води, останува да видиме...

Милица Павловиќ е на коњ… и тоа речиси гола: На „секси сењорита“ ни коњот не можеше да и одлее! (ФОТО+ВИДЕО)! (ФОТО)

Антонио Димитриевски — Mon, 17 Feb 2020 11:46:24 +0000

Милица Павловиќ напорно работеше на својот изглед, им се посвети на редовниот тренинг и ригорозната диета за да ја доведе линијата до совршенство, па не остави никого рамнодушен во својот најнов видеоспот за песната „Статус кво“. Милица отсекогаш изгледала добро, но никогаш не изгледала подобро, па и овој пат ги истакна своите телесни адути, каде доминираат долгите нозе на пејачката, со кои одамна го презема статусот на една од неколкуте најсекси фолк пејачки во регионот. Во текот на неделата, таа сподели неколку објави на својот Инстаграм профил, привлекувајќи ги фановите со своите хумористични видео клипови во кои зборуваше за љубовните ситуации во кои се нашла, а обожавателите на пејачката не можеа да ја сокријат воодушевувањето со оригиналните објави на пејачката. Судејќи според коментарите за новото видео, Милица Павловиќ е прогласена за најзгодната пејачка и многумина ја споредуваат со познатите ангели на Викторија. Како и да е Милица Павловиќ е на коњ... и тоа речиси гола. Секси сењорита е толку секси, што во еден момент ни коњот не можеше да и одолее... Конечно погледенете го целото видео за „Статус кво“ и уживајте во убавините и сексапилот на „голата јавачка“:

Македонските фолкерки во акција: Тргнаа да го бараат принцот, едната го најде само коњот! (ФОТО+ВИДЕО)

Антонио Димитриевски — Wed, 08 Jan 2020 09:10:38 +0000

Деновите предновогодишните празници, Нова Година, Божиќ и Василица се вообичаено најдобриот зимски тајминг за богата „тезга“ кај музичарите и пејачите, особено кај фолкерите. Токму една таква мешовита машко-женска екипа конкрајот на 2019 година замина за САД, каде во периодот од нивниот Божиќ до наша Василица има настапи и ги забавува, весели и расположува нашинците за време на празниците. Во екипата доминанти двете дами - Адријана Кеш и Џесика Палашоска. Згодните македонски фолкерки како светло-темна „еурокрем комбинација“ жарат и палат и со својот глас и со својот стас. Заоблени задници, длабоки деколтеа и гради на мегдан како дополнителен мамец за богат бакшиш од нашите „Американци“. Заедно со останатите пејачи и музичари од екипата во САД го дочекаа и нивниот и нашиот Божиќ, а помеѓу двата - и Нова Година, а сега на ред е и Василица... Обете пејачки покрај сето останато се' уште се немажени, па двете моми престојот во САД решија да го искористи и за друга намена. Имено, Џесика и Адријана патем тргнаа да си ја бараат среќата во љубовта, барајќи го принцот на својот живот... Но, наместо принцот на бел коњ атрактивната русокоса налета само на коњот... И тоа во еден маркет. До душа не е бел, туку розов и е еднорог, ама што дека... Џеси штом го виде, веднаш го грабна во прегратки, па паднаа и првите бакнежи ово „љубовта на прв поглед“. „Моето ново момче“ - напиша Џесика покрај споделената фотографија на социјалните мрежи, па веднаш потоа сфати дека ова момче е добро само да го гушнеш за пред заспивање... За пред и после спиење, сепак ќе мора да си најде ново, вистинско момче. Затоа Џеси реши да го засили сопствениот маркетинг, експонирајќи ја убавината на сите свои телесни атрибути... Бујната предница и уште побујната задница на битолската убавица осамнаа во костим за капење на плажа, среде декември во Флорида. На ваков раскош принцот само што не го паркирал коњот крај базенот, за на Џесика да и го разубави денот. Адријана не остана ништо покуса, па и таа се соблече, и се придружи на Џеси во дводелно црно мини - бикини и се испружи во секси поза крај базенот... Патем, со песна и се обрати на колешката да го потсети принцот: „Пиши му да побрза“...! Љубовниот исход на двете фолкерки е се' уште неизвесен: Ќе го најде принцот и ќе останат со него во САД или ќе се вратат дома сами? До душа, ако и ништо не биде, Џесика барем половично си го исполни сонот - за утеха, секако си го има коњот!

Градска фарма: Центарот на Скопје има коњ без принц, а еве што имаат Прилеп, Битола, Кичево, Кочани… среде центар (ФОТО)

Антонио Димитриевски — Thu, 14 Nov 2019 12:17:43 +0000

Се сеќавате на фотографијата од пред некој ден која најпрвин ги „поплави“ социјалните мрежи, а потоа и порталите, на која бел коњ слободно се шеташе по улицата пред „Рекорд“, среде строгиот центар на Скопје. Принцот нормално, не се ни појави ни пријави, а коњот го снема исто како и што се појави. Со помош на „Џипси меџик“, како во филмот на Столе Попов... И така центарот на Скопје доби коњ без принц, ама знаете ли што имаат останатите македонски градови како на пример, Прилеп, Битола, Кичево, Кочани... среде центар? Или тука некаде, во околината? Прилеп на пример, иако ги има Ат Пазар и Марковите кули, а кралот Марко бил познат по својот коњ Шарац, ама бел „ат“ среде Прилеп нема. Затоа има бело Југо со 45 коња и коза или поточно прч, одозгора на багажникот! Битола отсекогаш важела за покултурна. Ги има село Кравари и Битолска млекарница, па следствено на тоа, логично е да има и крави... И тоа среде улица, на дупла полна! За да изгледа дека битолскиве „пасат асфалт“! Во Кичево ниту коњи, ниту крави... Градот е полн со овци! Ги има и вакви и такви... И црни и бели! Објективот ги начекал, оние белите и тоа нестрижени... Сега ги носат на стрижење, среде центар! Ко божем на бербер или на фризер ќе ги стрижат, па мора да поминат низ строгото градско јадро, покрај сите кафулиња!? Сите си имаат по некое домашно животно среде град, ама како Кочани што има, никој нема... Живо е, ама не е класично домашно животно иако има афинитети, па слободно може да добие прекар и по некој од ликовите од стриповите или филмовите... Човек-лилјак или Бетмен, Човек-пајак или Спајдермен, Супермен... Некој „мен“ е сигурно, ама според постапките кришум да му се качи на покрив на таксистот и така легнат на неговото такси инкогнито да се вози како „слеп патник“ до дома... Мора да е... „МЕНтален“!