комуникација – Вистина.мк

„Не зборуваме 23 години“: Ова е единствениот човек од естрадата со кого Саша Поповиќ не комуницира (фото)

Слаѓана Атанасова — Wed, 31 Jan 2024 13:20:39 +0000

Креативниот директор на „Гранд“, Саша Поповиќ, на естрадата е веќе четири децении, а како што истакнува, се труди да одржува добри односи со сите познати личности. Сепак, тој не разговарал со познтиот пејач повеќе од две децении. - Нема со кого не разговарам. Всушност, да, со Мирослав Илиќ не сум разговарал 23 години - изјави Поповиќ. - Не сум го ни среќавал често . Едноставно, тој престана да комуницира со мене уште во 2000 година, па поминаа 23 години откако разговаравме - изјави тој. - Да разјасниме, многу ја ценам неговата работа, неговите песни, музички. Неговите нумери се секогаш добредојдени во „Ѕвездите на Гранд“. Приватно, што мислам за него е друга приказна - изјави еднаш Саша за медиумите. Фото: printskrin/YouTube

Карлеуша откри како комуницира со Душко: „Тој не коментира ништо, се’ оди преку адвокат“

Слободанка Илиева — Fri, 22 Dec 2023 12:42:35 +0000

Јелена Карлеуша го најави спектаклот што ќе го приреди пред публиката во најпрестижниот хотел во Белград на 1 јануари, а потоа пред медиумите проговори за актуелни прашања. Јелена неодамна ја имаше најискрената исповед до сега, во која откри бројни детали од својот живот, а сега откри и како луѓето околу неа реагирале на тоа.

View this post on Instagram

A post shared by Dusko Tosic (@duskotosic)

- Бојан не зборуваше по подкастот. Душко нема коментар во куќата. Чекам некоја тужба, можеби ќе проговори неговиот адвокат, тој тоа го сака. Реакциите беа многу позитивни. Не знам што ми се случи, веројатно поради затворениот простор од мене излезе се што се насобра со годините. Мислам дека беше потребно во еден момент. Доживеав голем стрес,. Не сум сигурна што ги поттикна луѓето толку многу и што толку многу им се допадна. Многумина плачеа и велат дека го смениле мислењето за мене – истакна таа, а потоа продолжи:

View this post on Instagram

A post shared by Jelena Karleuša (@karleusastar)

- Ме гледаа како силна, агресивна жена. Сега видоа дека имам мека страна. Не сум го гледала подкастот и нема да го гледам бидејќи би се вратила во стресниот период од мојот живот. Да потсетиме, ЈК си ја разголи душата и со тешко срце призна дека знае дека Душко не ја сака, но дека сепак го сака со сето свое срце и дека дури и ќе го даде животот за него. фото: Instagram printscreen/ karleusastar

„Мемоарите ги оддалечија уште повеќе“ : Бритни Спирс на погрешен начини сака да ја обнови врската со синовите (фото)

Слаѓана Атанасова — Fri, 03 Nov 2023 12:39:20 +0000

Бритни Спирс неодамна ги објави мемоарите под наслов „Жена во мене“ и ја разбранува јавноста. Во својата автобиографија, која беше објавена и како аудиокнига, контроверзната пејачка зборува за многу непознати детали од кариерата, браковите, депресијата, односот со семејството, а една од најкоментираните теми беше нејзиното признание дека абортирала за време на нејзиниот врска со Џастин Тимберлејк. Тие двајца беа заедно од 1998 до 2002 година и за тоа време Бритни останала бремена, но и двајцата се согласиле дека е прерано да станат родители, па заедничката одлука била Бритни да абортира. Ова признание имаше многу вознемирувачки ефект врз синовите на поп принцезата, кои ги имаше во вториот брак, со Кевин Федерлајн. - Абортусот беше една од работите во книгата што најмногу ги вознемири. На нејзините синови им било тешко да го прочитаат бидејќи биле во роднинска врска со нероденото дете – изјавил за „ОК“ извор за реакцијата на синовите. Инаку, наследниците на пејачката, Шон и Џејден, околу една година живеат на Хаваите кај нивниот татко, кој има целосно старателство над нив. Бритни подоцна призна дека се согласила на тоа како услов да може да ги види, бидејќи нејзиниот татко, Џејми Лин Спирс, имал целосно старателство над неа во тој период. - Мислат дека книгата е премногу. Ако Бритни сака да ја обнови врската, тие мислат дека таа го прави тоа на погрешен начин. Поради бројните скандали, како и лошиот однос со нивниот татко, Бритни со години нема комуникација со синовите. - Момчињата се навистина загрижени за својата мајка. Тие отсекогаш се надеваа дека еден ден ќе имаат врска со неа, но книгата ги оддалечи уште повеќе и тешко е да се види што се случува сега. Многу е тажно – рекол изворот. Инаку, мемоарите се посветени на Шон и Јајдан, а почнуваат со реченицата: „На момците, кои се љубовта на мојот живот“. Фото: Принтскрин/Инстаграм/Бритни Спирс

Старлетите се отследија на Инстаграм: Тијана-Ајфон и Александра Суботиќ ја прекинаа комуникацијата, а еве и зошто? (ФОТО)

Антонио Димитриевски — Wed, 07 Dec 2022 09:43:25 +0000

Старлетата Тијана - Ајфон неодамна зборуваше за дружењето со Александра Суботиќ. Тие две летово беа фатени на заеднички ручек на сплав, а според сите индикации сега дошло до прекин на дружбата. Имено, старлетите се отследиле една со друга од социјалната мрежа Инстаграм, а многумина веруваат дека Александра ја изневерила Тијана со последната објава. „Отсега се дружам само со успешни и остварени луѓе на кои можам да се потпрам и од кои нешто можам да научам. Се дружам со онакви луѓе каква што жена јас сакам да станам“ - изјавила Суботиќ. Од друга страна, не многу потоа, Тијана на својот профил сподели видео во кое жена пристигнува во семејниот дом со полни торби брендирана облека, а кога ќе го види сопругот во прегратките на швалерката, таа едноставно ја врти главата и се преправа дека ништо не видела. „Ја почитувам Александра Суботиќ, но жал ми е што таа поминува низ сето тоа. Ама и реков, не можеш да имаш дадилка да ти ги чува децата и одржува куќата 24 часа. Ти да имаш огромни нокти и да се шминкаш по цел ден, а дадилката да го пегла и да му готви на твојот сопруг! Не функционира тоа така“ - раскажуваТијана. „А зошто замина нејзиниот сопруг? Па, тој чувствуваше дека нема жена туку фигура. На мажот не му треба фигура, туку ку*ва во кревет, чистачка во куќата и готвачка во кујната. На мажот треба да му се посвети внимание. И мајка ми згреши бидејќи гледаше само во брат ми и мене, а не обрнуваше внимание на својот сопруг“ - заклучила Ајфон-ка. Фото: Инстаграм принтскрин/sandrasuboticss/ticamaksimoviccocoti

Јасни знаци дека љубовта исчезнала: Пет реченици кои мажите ги кажуваат кога веќе не ве сакаат

Слободанка Илиева — Tue, 30 Aug 2022 13:00:33 +0000

Комуникацијата е најдобар показател дека нешто не функционира во вашата врска Дури и кога ги има сите знаци, тешко е да се признае дека нема повеќе љубов, барем од страната на партнерот. А најдобар показател за добрите или лошите страни на вашата врска со партнерот е комуникацијата. Ако веќе не разговарате за проблемите или пристапот на вашиот партнер е целосно променет, тоа е голема причина за загриженост. Психолозите издвојуваат пет реченици кои мажите ги кажуваат кога веќе не ја сакаат партнерката. „Тоа е твој проблем“ Мажот кој има чувства кон жената ќе се обиде да ја заштити од тешкотиите со кои може да се соочи, наместо да ја остави сама. Преземањето одговорност за друга личност е манифестација на љубов, со која тој ги докажува своите чувства. Уште една верзија е „тоа не е мој проблем“. Сакана личност е некој што сака да биде тука за вас кога ќе дојдат бурите, а не некој што ве остава секогаш да се борите сами. „Уморен сум од тебе“ Обично оваа фраза може да се слушне кај парови кои се заедно долго време. Ако партнерот го каже ова во афект за време на расправија, а подоцна се извини, тогаш можно е се да е во ред. Меѓутоа, ако постојано го повторува ова, тоа значи дека нешто недостасува во вашата врска. Прашајте го што е проблемот, како да го решите и дали му треба повеќе простор и зошто… Разговарајте за проблемот. Но, ако овој став продолжи, тогаш е време да заминете и да бидете со некој кој ве заслужува. „Прави што сакаш“ Ова е фраза на рамнодушност која покажува автономија и одвоеност од другата половина. Кога оваа фраза се користи во секојдневната комуникација, можно е оваа врска да нема многу шанси во иднина. „Мора да се промениш“ „Што ти е со шминката?“; „Треба да изгубиш неколку килограми“; „Не се смеј така“; „Промени ја таа облека“; „Зошто не изгледаш како другарките“… Ова се исклучително токсични фрази со кои мажот покажува дека, всушност, не ве сака такви какви што сте, туку дека очекува да се промените. Во ред е некому да му дадете совет или да предложите некаква промена, но ако мажот ве критикува вас, вашиот изглед, однесување, ве споредува со другите, тоа сериозно ја загрозува вашата самодоверба. А тоа не го прави човек кој искрено сака. „Ќе сфатам без твоја помош“ Уште еден начин да го одвои вашиот живот од неговиот. Ако постојано ја одбива вашата помош, идеи, решенија, предлози – можно е да сака да живее целосно самостојно. Разговарајте за тоа, кажете што ви пречи, што сакате да подобрите… Комуникацијата е неопходна во секоја врска, но ако и низа разговори по долго време не помагаат, вашите напори не се исплатат, можеби е време да продолжите понатаму. Можеби додека чекате во врска која нема иднина, која ве гуши и угнетува, некаде некој чека само да ве сака со целото свое срце. извор:курир.мк

„Сè ќе биде поинаку кога ќе се роди бебето“: Луна Ѓогани открива каква комуникација има со идните свекор и свекрва

Слободанка Илиева — Thu, 12 Nov 2020 09:49:16 +0000

Ријалити учесничката и пејачка Луна Ѓогани ја отвори душата за српските медиуми и откри во какви односи е со мајката на нејзиниот партнер Марко Миљковиќ, а за прв пат зборуваше и за неговиот татко. "Свекрвата често ми се јавува, сака да знае дека сум добро, ми вели да не одам боса, да немам гол стомак, да се хранам здраво, да не се кревам тешко. Често се слушаме, таа е искусна", рече Луна. , потоа додаде: "Што се однесува до таткото на Марко, не се слушаме, Марко е во контакт со него. Човекот е поизолиран, но тој е многу среќен за нас. Сè ќе биде поинаку кога ќе дојде бебето".

View this post on Instagram

@makeupnenad @ipecenica ❤️

A post shared by Luna Djo (@luna_djogani) on Nov 11, 2020 at 5:46am PST

Сара Рељиќ неодамна коментираше дека сите ќе го гледаме детето на Луна во реално шоу за 15 години. "Ако сакав да го коментирам тоа, тогаш ќе го направев. Не сакам да му дадам значење на тоа, мислам дека има и други, убави работи. Сакам сите да бидат во оваа состојба во којашто сум јас во моментот. Тогаш тие ќе разберат колку е убаво ова", рече Ѓогани.

Сами или со партнерот: 3 чекори до полесен оргазам!

Слободанка Илиева — Thu, 10 Sep 2020 13:20:53 +0000

Мастурбацијата и прифаќањето на вашето тело се првите и основни чекори што жената треба да ги преземе за полесно да достигне оргазам. Вибраторите се исто така голема помош, а на мажите треба да им се објасни што да прават Многу студии укажуваат на јаз меѓу тоа колку често жените постигнуваат оргазам за време на сексот наспроти мажите. Психологот и автор на две книги за секс, др. Лори Минтц, за „Психологија денес“, тврди дека тоа е затоа што ние прецениме продорен секс, во кој мажите најлесно достигнуваат оргазам и ја потценуваме стимулацијата на клиторисот, што е најбезбеден пат до оргазам за жените. Мастурбација По неколку децении истражување на ефективни стратегии за да им се помогне на жените да достигнат оргазам, „насочената мастурбација“ е стратегија што има најмногу емпириски докази во нејзина корист. Во суштина, насочената мастурбација значи дека терапевтот едноставно им дава на клиентите за сексуална терапија задача да мастурбираат дома. За оние кои се двоумат, ова може да се направи постепено, со чекори што треба да се преземат пред мастурбацијата, и овие вклучуваат: 1) гледање на слики на други женски гениталии 2) учење за тоа како другите жени мастурбираат 3) гледање во сопствените гениталии во огледало. Сите овие прелиминарни чекори се проследени со сè поинтензивна соло-стимулација, раце, лубриканти (бидејќи женските гениталии не смеат да бидат суви на допир) и вибратори. Вибратори Многу жени не го доживуваат првиот оргазам се додека не користат вибратор. Знаеме дека клиторисот реагира особено добро на чувството на вибрации. Истражувањето на оваа тема е исклучително јасно: жените кои користат вибратори имаат полесен и почест оргазам, а прифаќањето на машки партнер дека неговата партнерка користи вибратор е многу поврзано со нејзиното сексуално задоволство. Комуникација Мастурбацијата, со или без вибратор, е нешто што жената може да го направи самостојно, а само достигнувањето оргазам е првиот и важен чекор кон постигнување оргазам со партнерот. Сепак, за да го пренесете сопственото задоволство во задоволство со вашиот партнер, потребно е нешто друго – комуникација. Истражувањата го поддржуваат ова тврдење. Добрата сексуална комуникација е во голема мера поврзана со сексуалното задоволство и стапката на оргазам. Ова откритие е во согласност со фактот дека прифаќањето на мажот од вибратори на партнерот е поврзано со нејзиното задоволство. Маж, од друга страна, не може да започне процес на прифаќање се додека неговиот партнер не му ги соопшти своите потреби. И додека многу жени велат дека би се чувствувале непријатно да им кажат на своите партнери, особено на новите, за нивната потреба за стимулација на клиторисот, многу мажи велат дека се благодарни за ваквите упатства. На кратко, за да постигнете оргазам самостојно ви требаат само вашите раце и вибратор, а за оргазам со партнерот ќе ви треба комуникација за да му кажете што сакате и што сакате. На различни жени им е потребна различна стимулација за да постигнат оргазам, а понекогаш дури и истата жена може, од состанок до состанок, да има различни потреби, па затоа е потребно да комуницирате со партнерот за нивните желби. извор:попара.мкоргазам,мастурбација

Машко – женска комуникација на првиот состанок

Наташа Тасевска — Fri, 22 Jun 2018 21:00:11 +0000

Дали го мислите тоа што ќе го кажете или зад тоа се крие нешто друго. Во следните редови прочитајте пет типични ситуации на првиот состанок или што машките кажуваат, а женските слушаат... Ситуација бр. 1 ТОЈ ВЕЛИ: Мене не ми е важен физичкиот изглед. ТАА СЛУША: Да, и затоа мене ме викна да излеземе. ТОЈ МИСЛИ: Мене ми е важно тоа под површината. Ситуација бр. 2 ТОЈ ВЕЛИ: Има ли во твојот живот место за љубов? ТАА СЛУША: Ужасно сум осамен и очајно ми треба било каква жена. ТОЈ МИСЛИ: Не мислам само на секс, а ти? Ситуација бр. 3 ТОЈ ВЕЛИ: Ме потсетуваш на сестра ми. ТАА СЛУША: Не ми се допаѓаш како жена, но би сакал да бидеме пријатели. ТОЈ МИСЛИ: Со тебе ми е така пријатно како да те знам цел живот. Ситуација бр. 4 ТОЈ ВЕЛИ: Утре ќе имам цел ден да размислувам за нешто. ТАА СЛУША: Утре цел ден ќе се смеам на твоја сметка. ТОЈ МИСЛИ: Многу си ми интересна, не ми излегуваш од глава. Ситуација бр. 5 ТОЈ ВЕЛИ: Би сакал да одиме чекор по чекор ТАА СЛУША: Досадно ми е со тебе, не сакам често да се гледаме. ТОЈ МИСЛИ: Ова со тебе би можело да биде нешто супер. Не сакам цела забава да ја расипам со брзање.

Како да комуницирате на јазикот на мажите?

Горан Силјановски — Tue, 10 Apr 2018 16:39:40 +0000

Мислите дека зборувате на ист јазик со вашиот партнер? Помислете повторно. Иако мажите и жените отсекогаш живееле заедно, недоразбирањата меѓу нив најчесто се појавуваат затоа што вербално и невербално комуницираат на различен начин. Па така, често од женските усти слушаме „Мажите се глупави, ништо не разбираат“, а мажите константно се жалат дека жените никогаш не престануваат да зборуваат и дека се очекува од нив да знаат да читаат мисли. За навистина да бидете слушнати од страна на мажите, потребно е да ги знаете основните разлики во комуникацијата на мажите и жените, кои не ги прескокнал ниту Џон Греј во неговиот бестселер „Мажите се од Марс, а жените од Венера“:

Жените потскажуваат, мажите се директни. Мажите не се глупави, само се едноставни. Тие не се обидуваат да читаат што им велите меѓу редови. Научени се да комуницираат директно, без заобиколување, па истото го очекуваат од вас. Затоа сигналите кои жените ги праќаат до мажите често остануваат непрочитани. На оној што ви се допаѓа му велите „Колку убаво што утре е петок, само што немам никакви планови за вечерта“ и очекувате тој да се сети да ве покани да излезете заедно. На партнерот со молчење се обидувате да му потскажете дека не ви посветува доволно внимание. Не очекувајте тој да ви ги чита мислите и да знае што сакате без вие да го кажете тоа јасно и гласно.
Кога имаат проблем, жените прво бараат сочувство, а мажите – решение.Кога една жена има проблем, таа го кажува за прво некој да сочувствува со неа и да ја охрабри, а потоа да ѝ понуди решение. Кога еден маж има проблем, тој го споделува за соговорникот да му понуди решение, а можеби потоа да покаже дека сочувствува со него. Затоа, кога жена ќе сподели проблем со маж, тој може да го прескокне делот со сочувствувањето, па често се раѓаат расправии кои започнуваат со зборовите: „Ти си нечувствителен, не знаеш како ми е...“
Кога се изнервирани, жените бараат личност на која ќе ѝ кажат сè што им тежи на душа, а мажите сакаат да се релаксираат во тишина. Кога жената е под стрес, нејзиниот партнер треба да ја ислуша и да ѝ поставува прашања кои ќе ја поттикнуваат да зборува за да ја намали нервозата што ја има во себе. Но, кога еден маж е под стрес, тој не сака некој да стои над неговата глава и да го прашува „Зошто? Како? Што?“, туку сака да се релаксира во тишина.

Имајќи ги овие работи во предвид, еве неколку совети кои ќе ви помогнат поефективно да комуницирате со претставниците на посилниот пол:

Бидете специфични за она што го сакате и очекувате од него. Не вртете одоколу за да стигнете до поентата на разговорите. Ако премногу филозофирате, може уште веднаш да го изгубите неговото внимание, за возврат да добиете само кимање со главата и ризикувате вашата порака да се изгуби меѓу непотребните зборови.
Не му зборувајте додека гледа натпревар, чита весник или игра на компјутер. Мажите се скарани со мултитаскингот. Не треба да се изненадувате што тој заборавил дека денес сте на роденден кај вашата пријателка ако тоа сте му го кажале додека пополнувал ливче за спортска прогноза. Сакате да ве слушне? Привлечете го целосно неговото внимание.
Не го анализирајте премногу она што го кажуваат мажите. Не мора да читате меѓу редови во зборовите на мажите. Најчесто нивните пораки се директни и јасни, во нив нема скриени „подпораки“, а доколку премногу ги анализирате, може да правите проблеми од ништо. Не се измачувајте со прашања од типот „Што сакаше да ми потскаже кога ми рече...?“
Заборавете ги SMS-пораките, јавете му се. Сакате да му кажете нешто важно? Не користете пораки, туку кренете го телефонот. Пишаниот збор може да се протолкува на различни начини и да изникнат недоразбирања без причина. Освен тоа, мажите многу помалку сакаат да комуницираат преку пораки отколку жените.
Имајте јасни граници што треба да излезе во јавност, а што да остане меѓу вас. Друштвените мрежи станаа место за флертување, делење на комплименти, фалење, расправање, раскинување... Мажите во минатото се нервираа кога жените споделуваа сè со своите пријателки, денес се нервираат кога случки од нивната врска стануваат дел од „ѕид“ до кој имаат пристап сите пријатели, познаници и роднини. Тој сигурно не би сакал сите да знаат какво романтично изненадување ви приредил вчера, дека сте имале непријатна расправија, дека во врската ви се меша неговата бивша, дека сте љубоморни на комплимент од друга. Зачувајте ја приватноста за да ја зачувате врската. Колку повеќе се отворате, толку повеќе луѓе ќе ви се мешаат.