комшија – Вистина.мк

Познатиот фолк пејач брутално претепан во Нови Пазар: Лепи се степал со комшијата за паркинг место, па го извлекол подебелиот крај

Антонио Димитриевски — Tue, 04 Apr 2023 09:07:57 +0000

Познатиот пејач Реџеп Реџеповиќ попознат како Лепи е претепан во Нови Пазар, а како што пренесуваат локалните медиуми, немилиот инцидент се случил во неделата навечер, на 2-ри април 2023 година. Причина за расправијата која резултирала со физичка пресметка е паркинг место, пренесува српски Телеграф. Имено, пејачот се скарал со соседот кој ќе се паркира на слободното паркинг место, по што најпрвин паднале навреди, а набргу потоа започнала и тепачката во која Лепи очигледно го извлекол подебелиот крај. Инаку, Реџеп Реџеповиќ Лепи се прослави со хит песната „Иза облака“ која беше објавена далечната 2011 година, а денес има речиси четири милиони прегледи на Јутјуб. Фото: Јутјуб принтскрин

Горан Бреговиќ на суд, поради сомнеж дека запоседнал туѓа земја (фото)

Слаѓана Атанасова — Mon, 03 Oct 2022 12:12:49 +0000

Горан Бреговиќ бил на распит во обвинителство во Котор поради сомнение дека запоседнал 4 квадрати туѓа земја. На суд не признал вина и извршувањето на кривичните дела кои му се ставаат на товар. „На локацијата немаше градба, само ѕидот што беше таму беше поправен и кога ја купив парцелата и вратата која беше поправена исто така беше на ѕидот, бидејќи само така се влегуваше во градината, затоа малку ја помрднав вратата и ставив еден чекор, а не два“, изјавил Горан Бреговиќ. Тој се товари за кривично дело градење објект без регистрација и документација за градење и кривично дело бесправно заземање земјиште. Изјавувајќи дека не ја признава вината и извршувањето на кривичните дела што му се ставаат на товар, Бреговиќ пред судијата и државната обвинителка на ОДТ Котор изјавил дека ништо не поместил, дека ѕидот е „само поправен“ и дека сè уште има делови од стариот ѕид, пренесува Курир.рс. На прашање на адвокатот, полномошник на оштетениот Божо Кушевија, тој рече дека не барал дозвола или документација пред поправката, бидејќи сметал дека тоа не е потребно. - Ѕидот што го поправав пред тоа беше од цврст камен. Не контактирав со Кушевија бидејќи ѕидот не е блиску до неговата парцела - изјавил Бреговиќ. На прашањето дали побарал одобрение за базенот, Бреговиќ на предлог на својата бранителка, адвокатката Данијела Радуловиќ, изјавил дека не сака да одговори. Наведе дека локацијата на куќите и распоредот на ПД е иста како и кога ја купил зградата, а на локацијата нема објект што вештакот го навел во својот извештај. - Запознаен сум со законските прописи за делот на Пераст, односно Котор, но мислев да не градам ништо, туку да поправам. Не би го ни поправал тој дел да не се градат куќи околу него - рече Бреговиќ и додаде дека не знае дали има камења или дел од ѕидот во делот каде што сега е отворена вратата. Фото:Принтскрин/Инстаграм/Горан Бреговиќ/П. Марковиќ

Открија непознати детали за пејачката: Лепа Брена со нож упадна во домот на сосетката!

Христина Ѓоргиевска — Sun, 13 May 2018 09:30:22 +0000

Фолк ѕвездата Лепа Брена се подготвува за свадбата на нејзиниот посинок Филип, како и за големиот концерт кој ќе се одржи на 20 октомври во „Штарк Арена“. Екипата на магазинот „Сцена“ го посети крајот каде што живее пејачката со цел да открие како течат подготовките, но и да откријат каква сосетка е Лепа Брена. Судејќи по коментарите на соседите, газдарицата на Гранд секогаш е тука да помогне, а еве што велат тие за фолк дивата.

„Жената е нормална, како и сите. Редовно доаѓаат луѓе да и барат помош. Велат дека се “осакатени и ништо не им оди“. Сакаат Брена да им даде пари, некои доаѓаат од странство и прашуваат „Каде живее Лепа Брена да ми даде пари?“ , вели еден сосед и додава: „Таа е фина жена. Кога ќе помине го гали мојот Лаки. Ги сака кучињата, таа има неколку. Кога ќе помине ќе не поздрави љубезно и тоа е сé, не се дружиме. Нејзиниот сопруг Боба ќе помине и ќе рече – Здраво соседе, како сте? Тинејџерка која живее во маалото на Брена исто така е воодушевена од Брена и вели дека се воодушевила кога пејачката покажала дека е “голем човек“.

„Имам прекрасен однос со Брена. Често доаѓа кај нас на кафе, зборуваме, се смееме. Нормална и природна жена. Добра е, се гледа дека сите ги сака. Одиме и ние кај неа. Си помагаме! Еднаш кога се активира алармот, таа и Виктор дотрчаа со нож. Мислеше дека некој сака да краде. Сите се супер“, вели девојката.

Една госпоѓа беше расположена да открие какви сосетка е Југословенската ѕвезда: „Еднаш имаше пожар, а таа излета на улица среде ноќ. Сите се собравме, а таа кажа – Сосетке јас викнав полиција и пожарна. Не беше некој голем пожар, нешто се запали, а димот почна да се шири накај нејзината куќа, па затоа викна пожарникари. Таа е домаќинка во секоја смисла на зборот, а Боба е различен. Тој на мајсторите ќе им даде прасе, јагне, а Брена толку не „расипува“, вели сосетката на Брена. фото: Милош Петровиќ