Почина легендарниот српски ТВ водител и композитор Миња Субота

Христина Ѓоргиевска — Fri, 17 Sep 2021 10:05:55 +0000

Телевизискиот водител и композитор Миња Субота почина на 82 -годишна возраст, објави заменик -градоначалникот на Белград, Горан Весиќ. Српските медиуми пишуваат дека починал од опасната болест со која се борел долго време. Во саботата тој итно бел пренесен на одделот за пулмологија. По укажаната помош, неговата состојба била стабилна. Милан Миња Субота е роден на 8 ноември 1938 година во Сараево. Дипломирал на Електротехничкиот факултет, а посетувал и основно и средно музичко училиште во Белград. Тој беше автор и водител на „Музички тобоган“ – популарна програма за деца која се емитуваше 18 години. Беше претседател на Здружението на поп-уметници на Југославија и Србија, во одборите на директори на Сојузот на композитори на Србија и Здружението на џез, поп, рок и рок музичари на Србија, и член на програмскиот совет на Детски игри Змеј. Инаку тој е човекот кој во својата емисија „Музички топоган“ ја прослави Наташа Беквалац. Поради својата посветеност на работата со децата, тој доби и многу награди, а неговите песни за деца се составен дел од музичкото образование на помладите ученици од училишна возраст. фото: принтскрин/студио булевар/саша џамбиќ/србија данас/ата имагес/анотниоа ахел

Грст честитки од македонските и регионалните ѕвезди пристигнаа на адреса кај Дарко Димитров

Христина Ѓоргиевска — Wed, 22 Jan 2020 08:40:06 +0000

Македонските јавни личности, но и мнгоубројни познати од регионалнта музичка сцена често доаѓаат на адреса кај македонскиот мајстор за уметничко дело, композиторот Дарко Димитров. Тамара Тодевска, Лина Пејовска, Наташа Беквалац, Емина Јаховиќ, па се до Анастасија Ражнатовиќ знаат да се најдат во студиото на Дарко каде се чека ред за нов хит. И кога новата песна ќе биде објавена, познатите ја споделуваат на своите профили на социјалните мрежи, а Дарко како композитор може да биде горд бидејќи песните бројат по милионски прегледи. Меѓутоа, деновиве на адресата на Димитров пристигнаа многу честитки по друг повод. Имено, композиторот вчера го славеше 47 роденден, па неговите соработници, пријатели, колеги како од Македонија, така и од регионот упатија искрени честитки со желби за здравје, успех и среќа. Македонската пејачка Лина Пејовска објави заедничка фотографија, а во описот напиша: „Среќен роденден на кралот за правење на музика. Те сакам“. Честитки пристигнаа и од Бостон, од Ања Ветерова. Даниела Кариќ исто така го честиташе роденденот на Дарко „Среќен роденден на нашиот драг пријател Дарко“. „Happy birthday man“ напиша и Филип Божиновски. Честитки пристигнаа и од хрватската пејачка Јелена Розга. Aлександар Тарабунов.. Кон честитките се приклучи и Тамара Тодевска која често соработува со Дарко. Српската пејачка Каја Остојиќ преку својот „Инстаграм“ испрати честитки: „Среќен роденден, остани секогаш толку скромен и најстрашниот продуцент“. Ни Анастасија Ражнатовиќ не го заборави Дарко, па напиша: „Среќен роденден Даре. Да си жив, здрав, уште 100 години“. Веруваме дека на Димитров му поласкале убавите и искрени пораки за овој важен ден, а очекуваме и дека композиторот во 2020 ќе продолжи да прави песни за најпознатите ѕвезди.

компзитор – Вистина.мк

Почина легендарниот српски ТВ водител и композитор Миња Субота

Грст честитки од македонските и регионалните ѕвезди пристигнаа на адреса кај Дарко Димитров