компири – Вистина.мк

Предлог за одличен ручек, кременадли со компири во рерна (рецепт)

Слаѓана Атанасова — Fri, 09 Feb 2024 13:45:55 +0000

Компирите и месото се совршена комбинација СОСТОЈКИ:

2 поголеми свински кременадли
3 поголеми компири
1 пиперка од туршија
1 домат
масло

Зачини:

Сол, бибер
мелен црвен пипер
1 лажица кисела павлака
1 лажичка гранули лук
1 лажица рендан кашкавал
1 лажица соја сос
1 лажичка зачини за месо

Подготовка: Измешајте ги сите зачини и извалкајте го месото во маринадата. Обложете го садот за печење со хартија за печење. Печете во рерна на 250 степени C покриено со фолија. Кон крајот откријте да се запече. Извор: Попара

Оригинален рецепт за пита од компири: Совршено вкусна! (видео)

Слаѓана Атанасова — Tue, 14 Nov 2023 13:10:10 +0000

Послужете со јогурт и уживајте! СОСТОЈКИ:

500 гр рендан компир
200 гр брашно
1-2 јајца
1 мала главица кромид, сечкан
3 чешниња лук
200 гр кисела павлака
бибер
сол

НАЧИН НА ПОДГОТОВКА: Во изренданите компири додајте 1-2 јајца, сечкан кромид и лук, сол, бибер, масло и сѐ добро изедначете. Плехот добро намастете го со масло па ставете во рерна маслото добро да се загрее. Кога маслото ќе биде загреано ставете ги компирите во плех и изедначете. Печете 40 минути на 200 степени. Добар апетит! Извор: Попара

Похувани палачинки со фил од компир (рецепт + видео)

Слаѓана Атанасова — Wed, 06 Sep 2023 13:00:37 +0000

Едноставно јадење од евтини состојки со фантастичен вкус. Похуваните палачинки се одличен предлог за ручек или вечера. Палачинките се стар и евтин деликатес кој се јаде уште од дамнина. Порано се полнеле со шеќер или се премачкувале со џем, а денес има толку многу различни филови што не знаете кој да го изберете. Без разлика дали станува збор за солени или благи, тие се омилени на сите, а наш предлог денес се похувани палачинки полнети со пире од компири. Потребни состојки: 3 јајца 1 лажичка шеќер 500 мл млеко 200 гр брашно 2 лажици сончогледово масло сол За филот: 900 гр компири 1 кромид 2 лажици маслиново масло 1 црвена бабура младо кромитче 100 гр тврдо сирење сол бибер За похувањето: 3 јајца 3 лажици брашно презла путер Подготовка: Компирите сварете ги, па процедете ги и изгмечете ги. Потоа на малку масло во тавче пропржете ситно сечкан кромид, а кога малку ќе омекне додадете сечкана пиперка. Зачинете со сол и бибер, па измешајте. Покријте и оставете да се готви уште 5-7 минути. Додадете ги во пирето заедно со сечкано младо кромитче и рендано сирење. Сè добро соединете. Јајцата се изматате ги со прстофат сол и шеќер, па сипете млеко. Соединете и додадете брашно, па повторно изматете. На крајот додадете масло и соединете. Испржете ги палачинките. Ставете го филот врз секоја палачинка и виткајте ги (како на видеото подолу). Правете така додека не ја потрошите целата смеса. Изматете ги јајцата и додадете го брашното, па соединете. Во друг сад ставете презла. Валкајте ги палачинките во јајца со брашно, па во презла. Пржете ги во растопен путер. Извор: Кајгана. мк

Совети за вкусно-крцкави печени компири

Слободанка Илиева — Fri, 26 Aug 2022 12:58:31 +0000

Нутриционистка ја откри тајната што самата ја користи за приготвување печени компири, кои секојпат излегуваат крцкави. Лора Форд од Мелбурн, Австралија, го сподели рецептот од осум состојки на својот интернет-простор. Таа, имено, користи бели компири со црвена лушпа, „екстрадевствено“ маслиново масло, путер, свежи лисја од мајчина душичка и мед. -Овој печен компир предизвикува вистинска зависност. Совршена рамнотежа на слатко и солено, со крцкави рабови. Едноставно, нема да може да престанете да го јадете, напиша таа. Потребни состојки: – два килограми црвен компир. – две лажици екстрадевствено маслиново масло, – 50 грама путер, – зачини за сите намени, – сол и бибер, – една / две лажици мед (или јаворов сируп). Се става вода да зоврие и се додаваат компирите. Се приготвуваат 4-5 минути додека не омекнат, но да не станат кашести. Додека компирот се вари, рерната се загрева на 200 Целзиусови степени. Се става маслиновото масло и путерот се пржи во тава две минути – додека не се растопи. Се додаваат компирите и зачините, а потоа и сол и бибер. Компирот треба да биде рамномерно распореден и да не се преклопува – заради максимална крцкавост. Сѐ тоа се пече 30 минути, потоа се превртува и се пече уште 25-30 минути додека не стане крцкаво. Потоа се истура медот (или јаворов сируп) врз компирите, додека се топли. извор:курир.мк

Посни плескавици од компири – исклучително хранливи и вкусни

Слободанка Илиева — Fri, 11 Mar 2022 13:15:53 +0000

Состојки за посни плескавици од компири: 500 гр компири 5 лажици брашно 100 гр парчиња соја две лажици доматно пире презла масло сол бибер Посните плескавици од компири се подготвуваат на следниов начин: Компирите се лупат и се варат во солена вода (внимавајте да не се преварат). Исцедете ги и оставете да се изладат. Истурете млака вода во парчињата соја и оставете ја да набабри, па добро исцедете ја. Компирите убаво истискајте ги со месење, да се добие еднолична маса. Додадете брашно, доматно пире и соја, па добро измешајте и зачинете по вкус. Од добиената смеса формирајте подебели плескавици, па секоја убаво извалкајте ја во презла и истапкајте со прстите. Се пржат на врело масло и се редат на кујнска хартија за да се исцеди вишокот маснотии. Послужете топло. извор:попара.мк