компанија – Вистина.мк

Компанија нуди свадби во вселената

Слободанка Илиева — Wed, 10 May 2023 12:13:28 +0000

Џејн Појнтер е една од основачите на компанијата за вселенски патувања, „Спејс перспектив“ (Space Perspective), и сака таа да биде првата што ќе понуди можност за венчавки во вселената. – Веќе има заинтересирани да се венчаат во вселената, а свадбите ќе се изведуваат на вселенското летало „Нептун“. Има двојки кои сакаат да бидат првите што ќе се венчаат во вселената, па ќе видиме кој ќе биде тоа, рече Појнтер за „Кул даун“ (The Cool Down). „Нептун“ е одржливо и безбедно летало за на или над планетата Земја. Се состои од „Вселенски балон“, „Резервен основен систем“ и „Капсулата Нептун“. За разлика од другите вселенски бродови каде што делот со екипажот се одвојува од другите делови при летот, капсулата тука останува поврзана со „Вселенскиот балон“ во текот на целиот лет, од полетувањето до слетувањето, со што нуди безбеден и удобен лет. „Спејс перспектив“ сака да овозможи вселенско патување за што повеќе луѓе.

Галеника со нов изглед што ја рефлектира трансформацијата во модерна компанија ориентирана кон иднината

Дејан Донев — Wed, 21 Jul 2021 10:21:54 +0000

Едeн од најпрепознатливите брендови во регионалниот фармацевтски бизнис, Галеника во мај го промовираше новиот визуелен идентитет, во согласност со модерната деловна визија на компанијата. Новиот изглед ги одразува трансформациите и инвестициите низ кои помина Галеника од 2017 година, кога стана дел од бразилската Групација НЦ, во која спаѓа и ЕМС - една од најголемите фармацевтски компании во Латинска Америка Фармацевтската компанија „Галеника“ со нов изглед ги прославува 76. години успешен бизнис во служба на здравјето со производство на продукти и лекови што се значајни за животот. Еден од најпрепознатливите брендови во регионалниот фармацевтски бизнис минатиот месец лансираше нов визуелен идентитет, во согласност со модерната деловна визија на компанијата. Новиот изглед ги одразува трансформациите и инвестициите низ кои помина Галеника од 2017 година, кога стана дел од бразилската Групација НЦ, која ја вклучува и ЕМС - најголемата фармацевтска компанија во Бразил и една од најголемите фармацевтски компании во Латинска Америка. Групацијата НЦ во аквизицијата на Галеника виде можност за вистинско стратешко партнерство што за бразилскиот инвеститор ќе го отвори европскиот пазар. Возобновувајќи се како регионален лидер кој обезбедува фармацевтски производи дизајнирани за подобрување на квалитетот на животот, во последните две години Галеника мина низ интензивен период на инвестиции и трансформации. Врз основа на традиционалните позитивни вредности на доверба и квалитет, што ја прават Галеника препознатлива во регионот, новиот бразилски стратешки партнер инвестираше во модернизација на компанијата, носејќи иновации на српскиот пазар и во регионот. Во првиот квартал од 2021 година, во споредба со истиот период во 2020 година, Галеника го зголеми извозот во земјите од регионот - Македонија, Босна и Херцеговина и Црна Гора за 147%. Исто така, во соработка со својата сестринска компанија од Бразил - ЕМС, Институтот за истражување и развој на Галеника работи на трансфер на технологија за уште четири производи од поновата генерација на генерички лекови. Иновативниот начин на размислување бараше промена на визуелниот идентитет на компанијата на начин што ќе ја рефлектира новата модерна Галеника со многу силни вредности како што се интегритет, страст, храброст и одговорност. Новите бои на логото се сина, зелена и розова, а сите заедно прикажуваат дека Галеника е посветена на луѓето и верна на здравјето.

„Сината ја претставува традицијата и посветеноста, истрајноста, квалитетот ... наследство кое го негуваме и со кое се гордееме. Зелената е боја на природата, безбедноста и е симбол на здравјето, здравиот раст на кој сме фокусирани, додека розовата е боја на грижата и љубовта, но и на солидарноста. Ова е круната на иновациите што беа донесени во Галеника преку разни и значителни инвестиции во новото производство, деловните стандарди, развојот на вработените, растот на портфолиото, заштитата и одржливост на животната средина, дигиталната трансформација, како и во корпоративните односи и кампањите за производи. Во 2018 година Галеника беше 4-та компанија според уделот на фармацевтски пазар во Србија, а заклучно со 2019 година, Галеника има стабилна втора позиција. Во исто време Галеника останува посветена на луѓето и верна на здравјето “, вели Даниел Јаневски, генерален директор во Галеника, Северна Македонија.

Галеника почна да го применува новото лого на производи што се присутни на македонскиот пазар. Но, воведувањето на логото на пазарот, според генералниот директор Јаневски ќе биде долг процес спроведен во Агенцијата за лекови и медицински помагала - МАЛМЕД. На македонскиот пазар, Галеника е присутна со различни генерички лекови на рецепт, додатоци во исхраната и козметика, кои се етаблирани како познати брендови, а во блиска иднина се планираат и лансирања на нови производи.

Најмладата милијардерка на светот стана уште побогата: Кајли Џенер продаде свој дел од фирмата за 600 милиони долари

Христина Ѓоргиевска — Wed, 20 Nov 2019 12:45:29 +0000

Најмладата милијадерка на светот Кајли Џенер (22) без оглед на тоа што има милиони изгледа не се снаоѓа најдобро да раководи со истите. Како што пишуваат одредени медиуми, Кајли е во тешка финасиска криза, па токму поради тоа се одлучила да продаде дел од својата компанија "Kylie Cosmetics". Еден светски гигант во светската козметика откупи 51% од компанија на Кајли, што значи дека младата милијадерка не е сопственик на поголемиот дел на компанијата. Имено, Кајли својот дел го продала за 600 милиони евра. Сепак, 22 годишната бизнисменка ќе биде заштитно лице на својата козметика, но и ќе биде вклучена во процесот на креирањето, тврдат странските медиуми. Нејзините производи беа распордавани неколку минути по нивното лансирање. Џенер бизнисот го започна со продавање на руменила. Меѓутоа, толку добро и тргна што таа го прошири на продажба на други шминки и комзетика за нега. Според листата на Форбс. Самито бренд кој Кајли го отвори во 2015 година вреди 900 милиони долари.

Компанија од Шведска им дава слободни денови за мастурбација на вработените

Христина Ѓоргиевска — Fri, 16 Nov 2018 15:00:54 +0000

Шведската компанија за производство на сексуални играчки и кондоми „Лело“ ќе им дава слободни денови за мастурбација на своите вработени. Овие денови официјално ќе се нарекуваат „Денови на љубовта кон себе”. Вработените ќе имаат право на четири такви денови во кои ќе можат да се посветат на својата сексуална сатисфакција, а компанијата ги охрабрува за време на тие денови да се погрижат за онолку оргазми колку што им е потребно за да се релаксираат. Резултатите од една анкета спроведена на 2000 Британци покажаа дека најсреќни ги прават – оргазмите. Околу 78 отсто од нив на прашањето што ги направило среќни, тие одговориле дека тоа е оргазмот, без оглед на тоа дали го постигнале со својот партнер или самостојно. 66 отсто рекле дека по оргазмот се чувствуваат попродуктивни, а 40 отсто рекле дека придобивките од оргазмот ги чувствувале и една недела подоцна.