колено – Вистина.мк

За коленото повеќе да не се вкочанува: Ако имате маслиново или рицинусово масло, проблемот е до половина решен

Слаѓана Атанасова — Mon, 21 Aug 2023 13:15:24 +0000

Проблемите со колената се чести, особено кај постарата популација, а екстремната болка може да ги попречи секојдневните активности, како што се одење или качување и симнување по скали. Повеќето проблеми со колената се резултат на постојан стрес и возраст, но повредите или ненадејните движења на напрегање исто така може да предизвикаат болка. Може да се движи од блага болка до целосна онеспособеност и може да се зголеми во интензитет со текот на времето. Ако имате проблем со колената, не е лошо да ги примените овие совети за да ја елиминирате болката или да ја спречите. Користете ѓумбир Студија од 2013 година покажа дека ѓумбирот во прав може да помогне во ублажување на симптомите на остеоартритис и е безбеден за употреба. Покрај тоа, употребата на масло од ѓумбир за масажа на колена е ефикасна терапија. Масло од еукалиптус Познато е дека маслото од еукалиптус има мирис кој може да помогне во ублажување на болката, особено корисен за пациентите со остеоартритис. Студијата спроведена во 2013 година покажа дека вдишувањето масло од еукалиптус помогнало да се намали болката во коленото кај пациентите кои биле оперирани на коленото, пишува „Емеди здравје“. Можете да го користите во форма на суплементи или како ароматична масажа. И витаминот Д е важен Ниските нивоа на витамин Д се поврзани со дисфункција и кај луѓе со болки во колената. Студија од 2015 година заклучи дека лекувањето на недостаток на витамин Д кај пациенти со артритис помогнало да се подобри јачината на квадрицепсните мускули и болката во долниот дел на коленото. Зголемете го внесот на млеко и друга храна што го содржи овој витамин. Обидете се со рицинусово масло Рицинусовото масло долго време се користи за лекување на различни заболувања, вклучувајќи ишијас и артритис. Масирајте го заболеното колено со рицинус, покријте го со натопена крпа и оставете да отстои до седум часа. Масажа со маслиново масло Маслиновото масло содржи различни активни соединенија кои можат да помогнат да се намали оштетувањето на зглобовите од ревматоиден артритис. Земете малку маслиново масло и масирајте го коленото со нежни движења. Извор: Курир

Дали треба да бидете загрижени за вашите колена ако почнувате со трчање?

Слаѓана Атанасова — Thu, 17 Aug 2023 11:10:17 +0000

Кога трчате, секој чекор што го правите е под сила која е речиси четири пати поголема од вашата телесна тежина. Иако сите ние сме анатомски родени да трчаме и еволутивно приспособени да ловиме дивеч, нашите предци не трчале на бетон, а просечниот ловец веројатно тежел помалку од типичниот човек денес. Така, Гардијан го поставува прашањето – ако почнувате да трчате или го правите тоа со децении, дали сте подготвени за крцкање на колената и други проблеми во староста? – Многу истражувања покажуваат дека има помалку случаи на остеоартритис на коленото кај тркачите отколку кај луѓето кои седат. Исто така, постојат студии кои покажуваат дека тркачите пријавуваат многу помалку болка во колената од оние што не трчаат, а оваа рекреација е исто така поврзана со намалена попреченост во подоцнежниот живот. Сè на сè, пораката на истражувањето е дека трчањето е добра работа – вели тренерот Џозеф Лајтфут. Остеоартритисот, најчеста форма на артритис, е поврзан со абење и кинење на коленото со текот на времето. Тоа е болест на целиот зглоб, кој вклучува коски, ‘рскавица, лигаменти, маснотии и ткиво. И за целиот систем на колена, трчањето делува како заштита, а не како опасност. Една неодамнешна мета-анализа покажа дека промените во ‘рскавицата во зглобот на коленото после трчање се привремени, а некои истражувачи сугерираат дека трчањето всушност може да доведе до подобро целокупно здравје на коленото. Други студии сугерираат дека тркачите имаат помала веројатност да развијат остеоартритис и имаат помала стапка на замена на колкот, главно поради понискиот БМИ. Се разбира, ова не ги прави вашите драгоцени колена непобедливи: повредите на колената сè уште се еден од најчестите проблеми за тркачите. „Очигледно има разни други фактори кои треба да се земат предвид“, вели Лајтфут. – Телесната тежина, техниката на трчање, обувките… сето тоа влегува во игра, но најголемата грешка што повеќето ја прават е тоа што прават премногу прерано. Ако не сте во форма, почнете со одење, потоа брзо одење, па повремено џогирање и одење, па дури потоа подолги периоди на стабилно трчање. Бидете трпеливи. Со трчање, можете исто така да го намалите ризикот од развој на проблеми предизвикани од нерамнотежа на други места во телото, на пример во колковите. Работите стануваат контроверзни кога станува збор за патиките за трчање. Студиите сугерираат дека чевлите за трчање со висока амортизација малку го намалуваат ризикот од повреда, а некои истражувања сугерираат дека тие повеќе болат отколку што помагаат. Со олеснување на притисокот врз вашите стапала, според теоријата, тие всушност ве тераат да трчате со лошо држење на телото – на пример, со спуштање на вашите потпетици наместо прсти што апсорбираат удари – што значи дека, спротивно на некоја логика, тенките чевли всушност можат да помогнат. Општо земено, модерните чевли за трчање ни овозможуваат да трчаме во „поудобен“ стил за кој не сме еволутивно добро прилагодени. А што е со промената на површината на која трчате? Иако постојат неколку студии за трчање на една површина, трчањето на трева сигурно ја намалува силата што ја ставате на колената. Исто така, вреди да се запамети дека трчањето низ зеленилото може да го подобри вашето расположение, да ве заштити од загадување, па дури и да го намали крвниот притисок. На крајот на краиштата, не е сè до вашите колена. Извор: Курир

Лек од само 2 состојки кои ги имате дома: Болките во грбот, вратот, рамената и колената ќе исчезнат брзо

Слободанка Илиева — Fri, 07 Apr 2023 11:45:46 +0000

Како што годините минуваат, така се зголемува болката во грбот, вратот, рамената и колената. Вака ќе ја спречите! Ако постојано ве болат грбот или колената, а болката со текот на времето ви го оневозможува движењето, време е за конкретен лек. Ќе ви треба едно пакување желатин (5 грама) и четвртина чаша ладна вода. Приготвување: Навечер, разматете кесичка од кој било желатин во четвртина чаша ладна вода и оставете го да отстои до утрината. Примена: Секое утро, на празен стомак изедете ја оваа желатинеста смеса. Бидејќи не е многу вкусна, може да додадете и лимонов сок или мед или јогурт. Додајте што било што би го подобрило вкусот. Оваа терапија мора да трае 30 дена, па затоа обидете се да не ја прескокнувате ни едно утро. Веќе по 10 дена ќе почувствувате олеснува, но немојте тогаш да заборавите на желатинот. Издржете и цели 30 дена пијте го овој лек. Кога ќе завршите со користењето на овој лек, не смеете да го користите во наредните 6 месеци. Ова е проверен метод на лекување кој на милиони луѓе им помогнал да ја обноват рскавицата и така да ги намалат или целосно да ги отстранат болките од зглобовите и половината. Зошто желатин? Овој производ се добива со обработка на коските и тетивите на говедата. На луѓето им ја подобрува состојбата на крвните садови и влакната во телото. Желатинот содржи и корисни аминокиселини кои благотворно влијаат врз сврзното ткиво, што е посебно важно кога станува збор за болестите на зглобовите. Желатинот поттикнува: зајакнување на срцевиот мускул и зглобовите, нормализација на метаболизмот, подобрување на здравјето на кожата и косата, подобрување на растот на косата и ноктите, еластичност на тетивите и лигаментите, спречува развој на болести на зглобовите… извор:попара.мк

Одморот му преседна: Мили повреден на Тајланд (фото)

Слободанка Илиева — Mon, 09 Jan 2023 11:06:18 +0000

Композиторот и продуцент Александар Милиќ Мили со семејството одмара на Тајланд. Тој веќе неколку недели е на одмор каде се препушти на уживањето. Еден од членовите на жирито на натпреварот „Ѕвезде Гранда“ ја искористи паузата на снимањето за да замине во потоплите краишта. Така, откако јаваше слон, Мили уживаше и во морски авантури, но за време на одморот го следеше малар, па додека се возеше на скутер падна во корали и го повреди коленото на гребен. - Леле, каков луд ден. И го разбив коленото на некој луд гребен - напишала Мили на Инстаграм, додека од неговата рана течело крв. Сепак, тоа не му пречело премногу, па веднаш по чистењето на раната продолжил да ужива во возење скутери и нуркање. Инаку, по враќањето во Белград, Мили го очекува многу работа, како со кандидатите, така и на нови песни за Зоран Миќановиќ, минатогодишниот финалист, но и на нови проекти за „Милиграм“.

93-годишната македонска пејачка Добрила Ивановска Чабриќ брзајќи да стигне на „Охрид фест 2021“ излетала со автомобил од патот: За победничката од „Никогаш не е доцна“, „за влакно“ ќе беше доцна!

Антонио Димитриевски — Sat, 11 Sep 2021 06:43:23 +0000

Пејачката Добрила Ивановска Чaбриќ (93) од Дојран тешко е повредена во сообраќана незгода што се случила завчеравечер. Добрила тргнала за Охрид, каде викендов требало да учествува на фестивалот „Охрид фест - Охридски трубадури 2021“, но со нејзиното возило излетала од патот и поради повредите завршила во болницата „Св Еразмо“ во Охрид. Сообраќајната незгода ја потврдиле и од СВР Охрид и од МВР. Завчеравечер во 20.40 часот во СВР Охрид, пријавено е дека на магистралниот пат Ресен-Охрид, на влезот за селото Свиништа, патничко моторно возило „Опел“ со гевгелиски регистарски ознаки, управувано од Д.И.Ч.(93) од Стар Дојран, излетало од коловозот. Во незгодата Д.И.Ч. се здобила со тешки телесни повреди констатирани во Специјалната болница „Св.Еразмо“ во Охрид. На местото на настанот, увид извршила увидна екипа од СВР Охрид, потврдиле од МВР. Неофицијално, до несреќата дошло заради мало невнимание на пејачката која сама го управувала возилото. откако во еден момент изгубила контрола над управувачот додека му се обраќала на своето кученце, кое било со неа во автомобилот. „Има фрактура во пределот на коленото и набиеница на главата, а ќе и се прават и дополнителни снимања. Свесна е и контактибилна. Неодамна имала операција, при која и е ставена и протеза на колкот. Сега и е ставен гипс, бидејќи од она што го видовме пациентот не е за операција на коленото и ако компјутерот на глава покаже дека е во ред, дека е стабилна ќе ја пуштиме да си замине дома со имобилизирана нога“ - изјавил директорот на болницата д-р Ацо Велевски за ММС. Инаку ова не и е прва ваква сообраќајна незгода на Добрила. Таа во Март годинава при своето гостување во емисијата „Магазин“ на ТВ Сител, раскажа за уште една ваква случка, поточно сообраќајна незгода која и се случила додека се враќала од Србија. Добрила раскажува дека била во центарот на Белград и дека било 16 часот кога нејзините и се јавиле дека до 20 часот мора да биде во Македонија бидејќи се затвораат границите поради пандемијата со коронавирусот. „Јас набивам 130-140 км на час и кај Лесковац, една кола беше пред мене, а беше веќе пред стемнување и нагло застана, и јас за да не го удрам, нагло на лево, бам во банкина, одзади ми ја удри колата тој, па на десно, па на лево, и отидов во тревата. Застанав, и почнав да се тресам. Значи, толав рефлекс на таа брзина, за да не го удрам човекот. Кога гледам доаѓа и ми вели: „Абе, сестро, дали си заспала ти?“ Абе, како заспала, ти застана. Абе, на мене ми се дупна гумата“ - вeли тој. Јас се тресев. И, си тргнав полека, и оттогаш јас повеќе од 80-90 не возам“, раскажува Добрила. Ве потсетуваме, дека Добила во 2018 победи во регионаното музичко шоу „Никогаш не е доцна“ каде што со својата енергија, харизма, талент… успеа да го освои регионот. Уште со првото појавување на музичката сцена на „Гранд“, таа ги освои симпатиите како на присутните, така и на публиката и ТВ гледачите, по што беше наречна “чудо од баба“. Целото интервју за Магазин може да го погледнете подолу.

Снеже Велков за Новата година има само една желба (фото)

Христина Ѓоргиевска — Thu, 02 Jan 2020 09:21:14 +0000

2019 година ја испративме, а 2020 ја дочекавме со нови желби, идеи, нови планови кои ќе сакаме да ни се исполнат. Многумина од нас посакуваат да се пред живи и здрави, со верување дека другото само ќе си дојде. Некои имаат имаат професионални амбиции, а некои сакат повеќе да се реалзираат на приватно поле. Секој со своите желби, па така и македонската водителка и финтес инструкторка Снеже Велков. Снеже ако не е пред ТВ екраните каде што ја снима емисијата „Вип на еден ден“, тогаш е во сала каде што редовно вежба. Меѓутоа, Велков веќе некој период не оди на вежбање бидејќи си го повреди коленото, а токму и и тоа е нејзината желба за 2020 година. Имено, таа на социјалните мрежи објави фотографија од сала, а во истата напиша: „Мојата најголема желба за 2020: Да ми оздрави коленцето и пак да растурам во сала“ напиша финтес инстукторката. Веруваме дека оваа желба на Снеже многу бргу ќе се оставари и дека ќе се врати на своите секојдневни физички активности.

На среќата и нема крај: Снеже Велков се врати на своето омилено место (фото)

Христина Ѓоргиевска — Thu, 05 Dec 2019 09:15:02 +0000

ТВ водителката и фитнес инструкторка, Снеже Велков, е вистински работохолик. Покрај снимањето на емисијата „Вип на еден ден“, таа секојдневно е е сала за вежбање каде е тренер на група девојки и жени кои го негуваат спортскиот дух и начин на живот. Меѓутоа, Снеќе неодамна се здоби со повреда на ногата, а поради истата Велков е на пауза, па одреден период нема да вежба. https://arhiva.vistina.com.mk/radio-mileva/mi-treba-pauza-sneze-velkov-se-povlekuva-poradi-povreda-foto/ Сепак, Велков се врати на своето омилено односно во теретана, но не за да вежба, како што вели самата инструкторка за да се фотографира. „Голема е радоста кога ќе се вратиш во сала. Макар само за сликање. Вежбањето ќе почека“, напиша Велков во описот на фотографијата. Веруваме дека Снеже наскоро ќе оздрави и во полн сјај ќе се врати на своите обврски и физики активности, а како што вели народната поговорка: „Во здраво тело, здрав дух“. Сите ја знаеме Снеже како изгледа во теретана кога ќе ја облече спортската облека за нејзините ангажмани во теретана, но финтес инстуркторката изгледа уште поубаво кога ќе се “скоцка“ за на свадба. Имено, Велков неодамна беше на една свадба, а за прилика се облече во елегантно издание. Во паузата од орото, Велков застана пред објективот на камерата и моментот го овечковечи со една фотографија.

Драма среде снимање: Кеба заврши на шиење со три конци под коленото – еве што се случи…

Слободанка Илиева — Fri, 27 Sep 2019 07:09:42 +0000

Драган Којиќ Кеба се повреди на генералната проба од шоуто „Твоето лице звучи познато“. Пејачот мораше да биде однесен во болница каде заврши на шиење и доби три конци на левата нога која ја повредил на сцената. "Ние сме навикнати на тоа дека Кеба беше многу посветен на сите задачи и претходната сезона, а така ја продолжи и оваа. Кеба се повреди минатата ноќ, па после повредата заврши со конци на левата нога", раскажува изворот, а потоа и Кеба ја потврди приказната за српски „Курир“: „Се случи на проба минатата ноќ. За мене е комплицирано да зборувам сега. Три конци под коленото на левата нога. Ме зашијаа“, рече Кеба во кратката изјава.