колачиња – Вистина.мк

Ежење од среќа и убаво на душа: Сара Мејс и Димитар пред нова етапа во која главна улога има синчето Кирил (видео)

Слободанка Илиева — Wed, 04 Oct 2023 07:16:17 +0000

Второродената љубов на Сара Мејс и Димитар Атанасовски, бебенцето Кирил ги направи првите чекрчиња. Рака за рака со тато Диме, малиот Кирил за првпат во градинка влезе на свои нозе, секако со помош на гордиот татко кој пресреќен рано утринава ја сподели среќната вест. Колачиња за проодување во форма на стапалца имаше за сите дечиња во градинката каде Кирил е на чување додека мама и тато работат. Помина еден месец по роденденот на малиот наследник, а тој веќе стигна пред нова етапа од развојот. Родителите пред нов предизвик со малиот, но веќе изскусни од дада Илина, сега полесно и тие ќе чекорат во новите истражувачки подвизи на наследникот. Сега синчето кое ги направи среќни и горди после дада Илина, е потпораснато, во нова фаза од растењето и со неколку запчиња кои го прават неодолив. Со малиот шармер мама и тато кој сигурно веќе ги кажува и првите зборови, овие бесценети моменти едниоставно се празник за душа. Лесни чекорчиња! фото:Инстаграм принтскрин

Цела куќа да замириса убаво: Колачиња од јаболка и овесни снегулки

Riste Zdravkov — Tue, 12 Apr 2022 12:04:40 +0000

Пробајте здрава верзија на колачиња од јаболка и овес кои ќе бидат меки, миризливи и вкусни со денови. Уживајте! Состојки: шолја овесни снегулки шолја брашно две третини шолја шеќер половина лажичка прашок за пециво половина кафена лажичка пченкарен скроб малку цимет половина шолја рендани јаболка четвртина шолја путер или маргарин четвртина шолја обично или бадемово млеко Подготовка: Измешајте ги овесните снегулки, брашното, шеќерот, скробот, циметот, прашокот за пециво и малку сол. Се додаваат ренданите јаболка, омекнатиот маргарин и млекото, се убаво се замесува, па од добиената смеса се формираат бисквити и се редат во плех обложен со хартија за печење. Се пече во рерна на 180 степени 15 минути.

Колачиња со вкус на кокос кои им успеваат на сите

Слободанка Илиева — Fri, 12 Mar 2021 14:20:40 +0000

Бидејќи нема подобри десерти од оние направени со наши напори, подолу издвоивме еден одличен рецепт што сигурно ќе ве освои на почетокот! Потребни состојки: 220 гр пченично брашно тип 00 или тип 550 110 гр кокосово брашно 100 гр шеќер 1 ванилин шеќер 8 гр прашок за пециво 2 јајца 90 гр масло (кокосово или сончогледово) 30 гр млеко прстофат сол За глазура: 4-5 лажици ситен шеќер 4-5 лажици шеќер во прав Начин на подготовка: Во сад, измешајте го пченичното брашно, брашното од кокос, прашокот за пециво, солта, шеќерот, ванилиниот шеќер и додадете две изматени јајца, млеко и стопено масло и измешајте со вилушка. Потоа рачно измесете го тестото. Тестото ќе биде малку лепливо (ако е премногу лепливо додадете уште една или две лажички брашно, но не претерувајте). Од измесеното тесто откинете парчиња тесто со тежина од 12-13 гр и со дланките формирајте топчиња, кои прво ќе ги превртите во ситен шеќер, а потоа во многу шеќер во прав. Топчињата распоредете ги на плех покриен со хартија за печење, оставајќи простор од околу 3-4 см помеѓу секое топче, бидејќи тие малку ќе се рашират за време на печењето. Ставете го плехот во загреана рерна на 180 °C и печете помеѓу 13-15 минути. Колачињата мора да останат целосно светли. Извадете ги од рерна и оставете да се оладат. Послужете веднаш или чувајте ги во херметички затворена кутија до 10 дена. Од овој рецепт ќе добиете околу 55-60 колачиња. извор:кафе пауза.мк

Празнични лешник-карамел колачиња на кои им нема рамни (видео)

Слободанка Илиева — Fri, 11 Dec 2020 13:00:49 +0000

Денеска ви претставуваме еден рецепт за вкусни колачиња кои морате да ги пробате оваа зима. Потребни состојки: - 1 шолја просеано брашно - 2/3 шолја шеќер - 1/3 шолја какао - 110 гр. путер - 1 жолчка - 2 лажици млеко - 100 гр. крупно сецкани печени лешници - 1 белка од јајце Полнење: - 100 гр. лешник-карамела - 1 лажица млеко - 50 гр. чоколадо Начин на припрема: 1. Во еден сад ставете ги омекнатиот путер, шеќерот, жолчката, млекото, брашното и какаото. Измешајте малку со миксер без да го вклучите, за да не се разлета брашното, а потоа вклучете го и измешајте ги состојките. Завршете со мешање со раце. 2. Ставете го садот во фрижидер да отстои околу 30 минути. Ако сакате да го оставите подолго да стои, тогаш покријте го со фолија. 3. Обликувајте топчиња во големината што ја сакате. 4. Ставете хартија во тавата за печење. Изматете една белка од јајце со вилушка, па извалкајте го секое топче во белката, па во лешниците и редете ги во тавата за печење. 5. Во секое топче направете мала вдлабнатина со прст, рачката на лажицата или мало сукало. Печете во загреана рерна на 180 Целзиусови степени, 15 минути, а потоа оставете да се изладат. 6. Растопете ги карамелата и млечното чоколадо. Додајте млеко во карамелата и ставете ја во микробранова печка, додека не се стопи. Направете го истото и со млечното чоколадо, а потоа оставете ги и тие да се изладат. Доколку немате микробранова печка, истото можете да го направите и на пареа. 7. Наполнете ги колачињата со преливот. 8. Оставете филот да се стегне, а потоа уживајте во совршениот вкус. извор:точка.ком.мк

Идеја за десерт: Колачиња со јагоди

Христина Ѓоргиевска — Thu, 30 Apr 2020 12:45:30 +0000

Пробајте го овој едноставен рецепт за вкусни колачиња со јагоди. Потребни ви се околу 20 минути.

Состојки:

Тесто
Малку масло
150 гр. исчистени и исечкани јагоди
Лажица сок од лимон
100 гр. шеќер
250 гр. прашок за пециво
Малку сол
110 гр. путер на собна температура
55 гр. кафеав шеќер
1 поголемо јајце
Лажичка екстракт од ванила

За фил

4 лажици крем сирење
3 лажици шеќер
Изрендана кора од лимон

Начин на подготовка:

Загрејте ја рерната на 180 степени и ставете хартија за печење- врз неа сипете малку масло. Во помала чинија измешајте исечкани јагоди, сок од лимон и лажичка шеќер и оставете да отстојат околу 10 минути. Во друга чинија измешајте брашно, прашок за пециво и сол. Во трета чинија со мискер изматете путер, преостанатиот бел и кафеав шеќер додека да добиете пенлива смеса. Додајте јајце и екстракт од ванила и матете додека да се соединат. Потоа, додајте брашно и матете постојано додека да добиете соединета смеса. Додајте ги јагодите. Во друг сад измешајте крем сирење, шеќер и кора од лимон и матете додека да добиете кремаста смеса. Треба да добиете 24 колачиња, на 12 од нив ставете од филот и поклопете ги со преостанатите 12. Печете околу 18 до 20 минути или додека да добијат златеста боја. извор: Кајгана

Наташа Мерсовска имаше нов повод за честење: „Лесни чекорчиња, мило мое“! (ФОТО)

Антонио Димитриевски — Wed, 05 Feb 2020 07:44:42 +0000

Новинарката на ТВ Сител, Наташа Мерсовска објави најнови фотографии од својата ќеркичка Каја. И тоа не случајно, зашто имаше нов, голем повод за честење. Имено, малата убавица прооде, ги направи првите чекорчиња, а по тој повод среќната мајка беше и вредна домаќинка, па подготви преубави колачиња кои го симболизираат првиот чекор на нејзината мала принцеза. „Лесни чекорчиња мило мое“- и посака Мерсовска на својата ќеркичка во емотивната објава покрај споделените фотографии. Прва која ги вкуси слатките колачиња на мама во вид на детски стапалчиња, беше самата Каја. Ем шарени, ем вкусни, им се радуваше исто како што нејзините родители и најблиски им се радуваа на нејзините први чекори. https://arhiva.vistina.com.mk/radio-mileva/novinarkata-na-sitel-pokaza-kolku-lichat-so-novorodenata-kjerkichka-kaja-e-kopija-na-mama-foto/

Десерт на денот: Мексикански колачиња од пет состојки

Христина Ѓоргиевска — Mon, 20 Jan 2020 14:00:08 +0000

За подготовка на овој вкусен рецепт, потребни ви се само пет состојки.

Состојки:

250 гр. путер
60 гр. шеќер во прав
Лажичка екстакт од ванила
210 гр. брашно
100 гр. сецкани ореви

Начин на подготовка:

Загрејте ја рерната на 130 степени, а тавчето обложете го со хартија за печење.
Со миксер изматете го шеќерот додека смесата се соедини.
Потоа додајте ванила, па постепено додавајте брашно и матете. Во смесата додајте ги сецканите ореви, па измешајте. Рацете набрашнете ги со брашно, па вадете по една лажица од смесата и со рацете обликувајте колачиња.
Набрашнете ги рацете пред обликување на секое колаче за да не ви се залепи смесата.
Наредете ги колачињата во тавче и печете околу 40 минути.
Кога ќе се изладат, наросете ги со шеќер во прав и послужете.

извор: кајгана

Совети со кои вашите колачиња ќе останат свежи

Слободанка Илиева — Fri, 27 Dec 2019 13:08:19 +0000

По прославата на некој именден или слава, многумина честопати остануваат со големи количини неизедени слатки. Ако сакате да зачувате неколку бисквити и колачиња и да го продолжите нивниот рок на траење до прославата на Нова година, следете ги предложените совети и ќе видите дека и тоа е можно. Крцкавите колачиња не толерираат влага, поточно влажната средина ги омекнува и придонесува тие да ја изгубат крцкавоста. Затоа се препорачува да ги чувате во херметички затворен сад. Преостанатите колачи од обично или лиснато тесто се препорачува да ги замрзнете. Пред да ги ставите во замрзнувач, прво треба да отстојат во фрижидер половина час, а потоа да се префрлат на температура под нулата. Ако сакате да ги зачувате преостанатите полнети бисквити кои треба да бидат сочни, најдобро е да ги чувате во сад во кој сте додале половина исеченото јаболко. Тоа делува како навлажнувач кој ја продолжува свежината на колачите. Не се препорачува кремастите колачиња да се чуваат во фрижидер повеќе од три дена. По тој период, најдобро е да ги замрзнете, покриени со мрсна хартија, а потоа треба да се префрлат во ќесе или пластичен сад. Пред консумација, имајте предвид дека се потребни најмалку три часа за колачите целосно да се одмрзнат на собна температура. извор:кафепауза.мк

Чоколадни колачиња од Нутела, кои се прават во тегла

Ивана Стојанова — Tue, 20 Nov 2018 14:15:38 +0000

Се прават во теглата од крем и се печат на хартија за печење. Потребни состојки: 90g бело брашно 1 големо јајце 275g Нутела (во голема тегла од 400g) 60g кршени лешници 60g кршено бело чоколадо Подготовка: Сите состојки истурете ги во теглата и добро промешајте со голема лажица. Треба да добиете чоколадно тесто од кое ќе вадите топчиња со лажица за сладолед. Наредете ги на хартија за печење. Печете 10 минути на 180 степени.