кога не си ти до мене – Вистина.мк

Моќно и емотивно: Наташа Малинкова Ви ја претставува „Кога не си ти до мене“ заедно со видео спот (видео)

Слободанка Илиева — Mon, 04 Mar 2019 10:33:28 +0000

„Кога не си ти до мене“ е најновата поп и R’N’B балада на Наташа Малинкова за која беше изработен и видео спот. Песната и видео записот на Малинкова премиерно се објавени на интернет каналот Youtube. Видео приказната е снимена во винаријата Queen Marija во Демир Капија и на преубавиот снежен Пелистер. Автор на музиката и текстот е Столе Аврамов кој како засилување во изработката на аранжманот го имаше и Зоран Алексиќ, а во студиото „Yard“ исто така Аврамов и Алексиќ заедно работеа и на продукцијата на песната.

За снимањето на спотот беа задолжени тимот на „Pinestel“ продукција. „На комплетната изработка на „Кога не си ти до мене“ се работеше трпеливо за да бидат правилно избрани, реализирани и финализирани зацртаните идеи за ова за нас посебно музичко парче. Велат дека тимот кој победува не се менува, затоа и овој пат работевме со истиот проверен музички тим кој создаде хитови на кои сме особено горди, а веруваме дека токму тоа ќе се случи и со „Кога не си ти до мене“, вели Наташа Малинкова.

Особено впечатлив е моментот на костимографијата и целокупниот стајлинг на Нашата во спотот, а за истиот за првпат имаат соработка со модната куќа „Елена Лука“. За останатиот дел од стајлингот пак, како шминка и фризура, беа задолжени Марија Лазов и Валентина Доневска. https://www.youtube.com/watch?v=wdKtUzCZzOc

Наташа Малинкова доминантна во црвено на убавиот и снежен Пелистер (видео)

Слободанка Илиева — Mon, 18 Feb 2019 13:51:28 +0000

Наташа Маликова преку социјалните мрежи на своите фанови и следбеници им ја најавува новата поп и R’N’B балада насловена „Кога не си ти до мене“. Како што самата вели во „making off“ видеото, песната и спотот наскоро ќе бидат објавени, а дотогаш со најавата на кусото видео и неколкуте фотографии од снимањето, ја заскокотка љубопитноста на публиката. Велат дека дека тимот кој победува не се менува, затоа и овој пат музиката и текстот, таа му ги препушти на Столе Аврамов, додека аранжманот и продукцијата се на Зоран Алексиќ и Столе Аврамов.

View this post on Instagram

#коганеситидомене ❤ Излегува за некое време ... Задоволтво да се работи со тим како нив, вистински професионалци! @stoleavram @aleksikzoran @gvacev @zdravkovskii @vajdev #staytuned #new #single #music #video

A post shared by Natasa Malinkova (@natasamalinkova) on Feb 18, 2019 at 1:06am PST

Спотот е снимен во винарија Queen Marija во Демир Капија и на преубавиот снежен Пелистер, каде Малинкова доминира над снежната убавина во црвен впечатлив фустан од модната куќа „Елена Лука“.

Исто така, впечатливи се и кадрите каде таа се капе во када и ја нагласува својата женственост и сексапил.

Режисерската палка овој пат им е доделена на Пеце Здравковски и Ѓорѓи Вацев и Александар Вајдевски од нивниот тим.

Од снимањето на сцените на спотот се извадени и впечатливи фотографии кои исто така ги потпишуваат Вацев и Вајдевски. фото:инсаграм/наташа малинкова

Наташа Малинкова има стилист – двојник: „Тешко мене, кога не си ти до мене“ (ФОТО)

Антонио Димитриевски — Fri, 01 Feb 2019 08:29:22 +0000

Наташа Малинкова подговува нов проект. Пејачката најави дека наскоро треба да промовира нова песна и видео за истата. А кога е нова песна во прашање, тогаш се' е ново. Нов изглед, нова имииџ, нова фризура, нова гардероба, нова фотосесија...

Во неа сексапилната кавадарчанка иако закопчана од грло до глуждови, сепак е секси до болка. Очигледно возбудата била толку голема што под модерниот долг фустан се' се отцртува. Кога градник не е потребен, потребно е само малку за бујните телесните атрибути да ги покажат своите адути... Па брадавиците на пејачката да се отцртуваат преку ткаенината како „на ѓавол рогчиња“, што на целата фотосесија и дава латентна еротска димензија.

Но, не само градеробата, туку и шминката и фризурата се важни детали за изгледот на пејаката да биде комплетен. Но Наташа за среќа ја има најдобрата до себе. Зашто, како што вели новата песна: „Кога не си ти до мене“... Ама таа е секогаш тука до неа, кога и треба. Да ја среди, нашминка, исчешла, исфенира...

Зашто стилист на пејачката и е нејзината сестра, со која иако не се близначки толку многу личат, така што Наташа и не мора да се погледне во огледало, за да се види себе. Не знаеме како пее, ама затоа стетско занаетските способности се гледаат од приложеното, па по прашање на изгледот Малинкова секогаш е ВИП.

А што се однесува до сличноста... Сестра и слободно може да ја замени Наташа во некој спот или телевизиско појавување. Сепак, сега за сега доволно е само нејзиното естетско умеење. За да не биде: „Кога не си ти до мене“ - тешко мене!