кофеин – Вистина.мк

Кофеински оргазам: „ТикТок“ секс трик ветува двојно појако уживање

Слаѓана Атанасова — Thu, 06 Apr 2023 11:00:06 +0000

Кофеинот е вазодилататор, што значи дека предизвикува проширување на крвните садови, а потоа дозволува повеќе крв да тече низ нив. Ова е причината зошто луѓето пијат кафе наутро или во текот на денот, кога чувствуваат дека им треба повеќе енергија. Знаеме дека шолја силно кафе е токму она што ќе ве „освежи“ наутро, но дали знаевте дека може да ви го разбранува и сексуалниот живот? Нов тренд на TikTok ги натера жените да пијат еспресо со надеж за подобар оргазам. Сексологот Надја Бокоди (34) од Австралија сакала да го проба самата, па јавно го сподели своето искуство. „Се напив двојно еспресо пред да го вклучам на полна брзина вибраторот. Дозволете ми да објаснам...“, напиша таа во својата објава. Секс советот од TikTok вели дека ако пиете кафе непосредно пред да имате секс или да мастурбирате, можете да очекувате да уживате во поквалитетен оргазам од најквалитетното пакување органско кафе Арабика.

Кофеински оргазам

Трендот кофеински оргазам се појави кога @cupofalexx_official објави видеа на TikTok во кои тврди дека шолја кафе го зголемува вашиот оргазам за 50 проценти. Не долго потоа, други тиктокерки почнаа да објавуваат свои сведоштва за ефикасноста на овој трик. Теоријата зад кофеинскиот оргазам има неколку аргументи во своја полза. „Не беше баш еуфоричното искуство што го вети TikTok, но мојот голем оргазам сепак беше поинтензивен од вообичаено“, заклучи Надја Бокоди. За жал, нема конкретни студии кои покажуваат дека овој ефект се протега до гениталиите. Студијата од 2018 година на стаорци покажала корелација помеѓу внесот на кофеин и сексот, но женските стаорци на кои им бил даден кофеин биле повеќе расположени за секс и доживеале повеќе оргазми од вообичаено. Гинекологот од Мелбурн, д-р Јозеф Грој ѝ кажа на Надија Бокода дека тоа не е целосно исклучено, иако верува дека користа од кофеинот во сексот веројатно би била мала. „Интересно е што ефектот на кофеинот на крвните садови варира. Оние во мозокот и белите дробови имаат тенденција да се стеснуваат, додека оние во стомакот се шират. Додајте го тоа на ефектот врз мозокот како стимуланс и може да почувствувате подобрување во вашиот оргазми“, објасни д-р Грој. Сепак, кофеинот не е замена за правилна предигра во врската со партнерот. Здравата меѓусебна почит ќе ја надмине секоја придобивка што би ја добиле од кафето, додава д-р Грој. Ако веќе посегнувате по кафе за да се уверите сами, внимавајте: иако не постои ризик поврзан со пиењето кафе пред секс ако сте во добро здравје без постоечка срцева болест или висок крвен притисок, прекумерното консумирање кофеин може да доведе до голем број на непријатни несакани ефекти како што се срцеви палпитации, анксиозност, несоница и дехидрација. Извор: Кајгана.мк

Симптоми кои укажуваат дека претерувате со внесување кофеин

Слаѓана Атанасова — Mon, 11 Jul 2022 12:30:46 +0000

Кафето е еден од најпопуларните пијалаци во светот, а според експертите умереното консумирање на кафе може да има позитивни ефекти на здравјето. Но, од друга страна, во случај на преголеми консумации може да се развие и зависност од кофеин. Зависност се смета консумирање кофеин секојдневно во преголеми количини така што тоа има негативни последици на социјалните интеракции, здравјето и другите сфери во животот. Доколку се претера со кафе, кофеинот може негативно да влијае на срцето, може да се зголеми крвниот притисок и да се појават други последици: – несоница – анксиозност – дигестивни проблеми Кофеинот исто така може да ги влоши симптомите кои се однесуваат на цревата и мочниот меур. За да се појават некои негативни последици повеќето луѓе би требало да внесат баш многу кофеин. Прифатливо е 4 до 5 шолји кафе дневно, но се зависи од тоа колку сте чувствителни на кофеин. „Истражувањата покажуваа дека оваа количина кофеин би требало да биде штетна по здравјето на срцето, нивото на холестерол и ритамот на срцето“, вели Викторија Тејлор од британското Здружение за срце. Од друга страна, консумирањето во умерени количини штити од дијабетес тип 2, Паркинсова болест, болести на црниот дроб, инфаркт и од мозочен удар.

Бремените жени ова мора да го знаат: Колку кафе смеете да пиете?

Слободанка Илиева — Tue, 30 Mar 2021 12:21:43 +0000

За време на бременоста, треба да се обрне внимание на повеќе работи, но особено на она што го внесувате во телото. Ова првенствено се однесува на кофеинот. Тој вообичаено се наоѓа во црниот или зелен чај, во кафето, газираните и некои енергетски пијалаци, чоколадото… Како стимуланс што нѐ држи будни. Но, кофеинот го зголемува и крвниот притисок и отчукувањата на срцето, како и количината на урина што ја произведува телото. Може да предизвика и нервоза, проблеми со варењето или со спиењето. Кофеинот во бременоста минува и низ плацентата до бебето. Затоа, стручњаците советуваат бремените жени да не консумираат повеќе од 200 милиграми кофеин дневно. Зголемувањето на таа количина, како што пишува „Марч оф дајмс“, може да предизвика спонтан абортус, предвремено породување или губење на тежината кај новороденчето. Важно е да се нагласи дека 200 милиграми кофеин се содржани во две шолји кафе. извор:курир.мк

Останете свежи во текот на целиот ден, без да конзумирате кофеин

Наташа Тасевска — Wed, 10 Oct 2018 12:45:07 +0000

Следете ги овие 6 правила континуирано и ќе видите дека можете да останете свежи целиот ден без кофеин! Одете на прошетка Истражувањата покажале дека само со 20 минутна прошетка, може да го зголемите нивото на енергија и да го намалите заморот. Поедноставни и помалку напорни вежби го намалуваат заморот, што значи дека не треба брзо да пешачите или да претерувате со интензитетот на вежбање, за да постигнете резултати. Дополнително корисно кај прошетките е тоа што оние кои ги практикуват, спијат подобро. Облечете удобни патики и излезете на прошетка. Со 20 минути пешачење, ќе го зголемите нивото на енергија. Вклучете ги ушите Експертите сметаат дека слушањето музика за време на работното време, придонесува да се одржувате будни и свежи. Музиката исто така го зголемува нивото на концетрација. Ставете слушалки на ушите и проверете која музика Вам најдобро ви одговара. На некој луѓе им одговара музиката на Бах, додека на останатите можеби Lady Gaga. Ова зависи од секој поединечно и од работата која во моментот ја работите. Одморете ги Вашите очи Доколку постојано сте пред компјутер, Вашиот работен ден често може да заврши со главоболки, уморни очи кои Ве чешаат и општа исцрпеност. Вашите очи ќе бидат среќни доколку одвреме на време им дадете кратка пауза. На секои 20 минути, погледнувајте надвор по отприлика 20 до 30 секунди. Погледот кон природата помага да ги релаксирате мускулите на очите и го спречува заморот на очите. Одличен одмор за Вашите очи е да отидете до прозорецот и да погледнете кон нешто многу оддалечено. Протегнување Целодневното седење може да предизвика болки во вратот, вкочанетост во грбот и чувство на изнемоштеност. Протегнувањето помага да се заштитите од ваквите појави. Секој може да ги почувствува позитивните ефекти од протегнувањето. Едноставно протегнете го секој дел од Вашето тело. Подигнување на рамениците нагоре и надолу, претставува одлична вежба за вкочанети раменици: подигајте ги рамениците кон ушите во седечка или стоечка позиција. Подигајте колку што можете повеќе и задржете во таа позиција неколку секунди. Потоа вратете ги во нормална позиција и одморете ги. Повторете ја оваа вежба осум пати. Конзумирајте мали, здрави оброци Големите оброци, исто така предизвикуваат замор и поспаност. За да го одржите високото ниво на енергија во текот на денот, обидете се да јадете помали, здрави оброци. Наместо да купувате сендвичи или пак слични висококалорични јадења, подобро понесете нешто од дома – ореви, овошје или зеленчук. Имајте повеќе помали оброци наместо еден голем. Доколку ништо од ова не помага, обидете се со ладна вода Нема ништо подобро за освестување од млаз со ладна вода на лицето. Кому му е потребно кафе кога имаме вода? Не заборавајте да пиете многу течности. Доколку Вашето тело е доволно обезбедено со течности, тоа помага во зголемувањето на нивото на кислород во крвта, нивото на енергија и ги одржува Вашите мисли свежи.