кочани – Вистина.мк

ДНК за Петровден на илјадници кочанчани им приредија концертна ноќ за паметење (ФОТО)

Антонио Димитриевски — Thu, 13 Jul 2023 06:25:30 +0000

По се изгледа македонската публика веќе се засити од „увезената“ музика и „увзените“ пејачи од соседството. Најдобар доказ за тоа е вчерашниот настап на музичкиот бренд ДНК во Кочани, по повод големиот празник Петровден. Вчера Кочани „пулсираше“ во ритамот на македонската музика и многубројните хитови на ДНК. Плоштадот во градот беше претесен да ги собере илијадниците луѓе, кои ги имаше од сите генрации, од најмлади до најстари… „Што сака нека биде“, „Навлечен на тебе“, „Ако утре ме нема“, „Полна месечина“, „Горе или доле“, „Авион“ се пееја во еден глас, а енергијата која Панчо и Андреј ја пренесоа на публиката, по се изгледа кочанчани ќе ја чуствуваат уште долго… Доста интересни коментари имаше и на социјалните мрежи после нивниот настап, а неколку од нив гласат вака: „Ма, каква Цеца, браво за ДНК“, „Браво! Конечно уште една добра македонска група. Некој се сетил дека турбофолкот (ако може да се смета музика) не е музика за кочанчани. Сепак народот во Кочани има култура, сака библиотека, сака театар, спорт, сака квалитетна музика“… Инаку викендот што измина, ДНК заедно со нивниот колега Лозано настапија во Гевгелија, каде одлично беа пречекани од публиката, а токму во истиот состав ќе ги видиме и на 31-јули во Охрид…

Близначките Марија и Магдалена се „македонските Спартанки“: Секси до болка, издржливи до коска… до последен здив! (ФОТО)

Антонио Димитриевски — Sat, 10 Apr 2021 07:51:40 +0000

26 годишните сестри - близначки од Кочани, Марија и Магдалена се ѕвезди на социјалните мрежи каде имаат бројни следбеници.

За себе, покрај студиите по право, велат дека не би можеле да го замислат својот стил и начин на живот без спортот и вежбањето.

Дека посветено се трудат да изгледаат атлетски и секси потврдуваат фотографиите на нивните профили, од кои пошироката јавност дознава дека близначките не го практикуваат спортот само рекреативно, туку имаат и натпреварувачки мотиви.

Беа во Бугарија, каде трчаа на Софискиот Маратон и освоија медали со кои се пофалија на Фејсбук. Трчаа и на Скопскиот маратон, а пак претходно беа на трка и во Подгорица.

Последното нешто со кое можат да се пофалат е Спартанската трка која се одржува во 30 различни земји во Светот. Се работи за трка на издржливост која се состои од повеќе различни дисциплини, но во принцип сите се подеднакво тешки.

Сестрите беа учесници во Супер трката на 19 километри офф роад, која вбројува повеќе од 30 препреки, влечење и носење товар, преминување реки, пливање по калливи канали и што ти уште не.

На крајот завршија како 7-мо и 8-мо пласирани од вкупно 150 натпреварувачи, што е повеќе од одличен резултат за Марија и Магдалена.

Покрај освоените медали, сестрите добија е еден дел од Трифектата која се состои од три дела, што се добиваат со завршување на останатите дисциплински трки на ова екстремно тешко натпреварување.

Сестрите - близначки, кочанчанките Марија и Магдалена дефинитивно се „македонските Спартанки“.

Секси до болка, издржливи до коска... Упорни и неуморни... до последен здив!

Градска фарма: Центарот на Скопје има коњ без принц, а еве што имаат Прилеп, Битола, Кичево, Кочани… среде центар (ФОТО)

Антонио Димитриевски — Thu, 14 Nov 2019 12:17:43 +0000

Се сеќавате на фотографијата од пред некој ден која најпрвин ги „поплави“ социјалните мрежи, а потоа и порталите, на која бел коњ слободно се шеташе по улицата пред „Рекорд“, среде строгиот центар на Скопје. Принцот нормално, не се ни појави ни пријави, а коњот го снема исто како и што се појави. Со помош на „Џипси меџик“, како во филмот на Столе Попов... И така центарот на Скопје доби коњ без принц, ама знаете ли што имаат останатите македонски градови како на пример, Прилеп, Битола, Кичево, Кочани... среде центар? Или тука некаде, во околината? Прилеп на пример, иако ги има Ат Пазар и Марковите кули, а кралот Марко бил познат по својот коњ Шарац, ама бел „ат“ среде Прилеп нема. Затоа има бело Југо со 45 коња и коза или поточно прч, одозгора на багажникот! Битола отсекогаш важела за покултурна. Ги има село Кравари и Битолска млекарница, па следствено на тоа, логично е да има и крави... И тоа среде улица, на дупла полна! За да изгледа дека битолскиве „пасат асфалт“! Во Кичево ниту коњи, ниту крави... Градот е полн со овци! Ги има и вакви и такви... И црни и бели! Објективот ги начекал, оние белите и тоа нестрижени... Сега ги носат на стрижење, среде центар! Ко божем на бербер или на фризер ќе ги стрижат, па мора да поминат низ строгото градско јадро, покрај сите кафулиња!? Сите си имаат по некое домашно животно среде град, ама како Кочани што има, никој нема... Живо е, ама не е класично домашно животно иако има афинитети, па слободно може да добие прекар и по некој од ликовите од стриповите или филмовите... Човек-лилјак или Бетмен, Човек-пајак или Спајдермен, Супермен... Некој „мен“ е сигурно, ама според постапките кришум да му се качи на покрив на таксистот и така легнат на неговото такси инкогнито да се вози како „слеп патник“ до дома... Мора да е... „МЕНтален“!

Жешката Теа Таировиќ го „запали“ Кочани со егзотичниот секси танц на кој никој не остана рамнодушен (фото)

Слободанка Илиева — Sun, 30 Jun 2019 08:44:27 +0000

Младата српска пејачка Теа Таировиќ која се прослави во минатата сезона на “Ѕвездите на Гранд“, овој викенд настапуваше пред македонската публика. На нејзината агенда најпривин беше Охрид, додека вчеравечер (сабота), Теа пееше и танцуваше пред публиката во една дискотека во Кочани.

Облечена во ултра тесни панталони со реси, споени со миниујатурен топ во гордниот дел, Теа го сервираше сиот свој сексапил, а публиката во која имаше и момци и девојки, не останаа рамнодушни, па полнеа очи се до раните утрински часови.

Како предгрупа на Теа Таироввиќ настапија момците од „Браво бенд“, кои дополнително ја вжештија атмосферата пред атрактивната Србинка.

Таировиќ на Инстаграм објави неколку фотографии и се пофали дека овој викенд е резервирана само за Македонија.

Се огласи сопственикот на локалот во Кочани каде настапуваа „Амадеус бенд“: Српските медиуми измислија дека момче си ги пресече вените!

Слободанка Илиева — Wed, 13 Dec 2017 12:19:13 +0000

Според информација пренесена од српските медиуми „Србија данас“ и „Ало.рс“, од содржините на Вистина.мк беше пренесено дека изминатиот викенд во локал во Кочани каде настапуваше српската група „Амадеус бенд“, се случил драматичен настан, од кој момче пред членовите на групата си ги пресекло вените.

По објавата, до редакцијата на Вистина.мк се обрати сопственикот на ноќниот клуб „Але-Дар“, Александар Алексов, кој вели дека е изненаден од пишувањата на српските медиуми, а уште повеќе е изненаден од тоа што во објавата стои и изјава на член од бендот кој потврдува дека навистина се случил крвавиот настан. Александар објаснува дека настапот поминал без никакви проблеми.

Во саботата бев присутен во текот на целата вечер и немаше никакво сечење на вени со нож во локалот, а најмалку пред публиката. Сите присутни што беа таму се чудат на изјавата од „Амадеус бенд“ што е објавена на српски портал. Немаше ништо такво, туку напротив целата вечер помина во разиграна атмосфера без никаков проблем. Инаку, презадоволен сум од настапот на групата, момците се супер и не верувам дека тие би дале таква невистинита изјава, вели Александар.