коби брајант – Вистина.мк

Коби Брајант и Џиана добија статуа на местото на несреќата: „Хероите доаѓаат и си одат, но легендите се вечни“

Антонио Димитриевски — Thu, 27 Jan 2022 13:41:13 +0000

Легендата на ЛА Лејкерс, Коби Брајант и неговата ќерка Џиана добија бронзена статуа поставена на местото на хеликоптерската несреќа во која го загубија животот заедно со уште седум лица. Скулпторот Дан Медина испрати порака дека „Хероите доаѓаат и си одат, но легендите се вечни“, а на статуата ги испиша имињата и на останатите загинати. Таткото и ќерката се облечени во кошаркарска униформа, Коби го носи легендарниот дрес на Лејкерс со број 24, додека Џиана ја доби 8 која Брајант ја носеше на почетокот на неговата кариера. Многу навивачи и обожаватели на кошаркарската легенда веќе на ова место положија цвеќе. Хеликоптерската несреќа се случи на вчерашен ден пред две години.

Вдовицата на Коби Брајант се огласи со емотивно писмо на една година по смртта на ѕвездата и нивната ќерка (фото)

Слободанка Илиева — Wed, 27 Jan 2021 08:06:55 +0000

Наврши една година од трагичната смрт на славниот кошаркар Коби Брајант и неговата ќерка Џијана, а на својот Инстаграм профил по повод првата годишнина се огласи вдовицата на Коби, Ванеса Брајант. Ванеса објави емотивно писмо од најдобрата другара на Џијана, Обри Калахан која на посебен начин се простила од неа. „Денеска го примив ова прекрасно писмо од една од најдобрите другарки на Џијана, Обри. Те сакам, Обз (како што те нарекуваше мојата Џиџи). Ти благодарам премногу за прекрасните спомени кои ги сподели со мене за мојата Џиџи и што ми дозволи тоа да го споделам со сите на мојот Инстаграм“, напишала Ванеса. „Мојата Џиџи беше неверојатна и ти благодарам на ова прекрасно писмо. Таа толку многу те сакаше. И мене многу ми недостасува моето бебе и мојот Коб-Коб. Никогаш нема да сфатам како можеше оваа трагедија да им се случи на толку убави, драги и неверојатни личности. Сè уште не делува реално. Коб, добра работа завршивме. Џиџи, мама секогаш ќе биде горда на тебе. Ве сакам.“ Обри, меѓу останатото, во писмото го напишала следното:

View this post on Instagram

A post shared by Vanessa Bryant 🦋 (@vanessabryant)

„Драга г-ѓа Брајант, Мојот ум постојано размислува за Вашата прекрасна ќерка. Нејзината насмевка и став ме тераат да бидам подобра. Веројатно сте го слушнале тоа, но ако некогаш станам мајка, се надевам дека мојата ќерка ќе биде иста како што беше Вашата. Таа знаеше кога имав лош ден и знаеше како да го подобри. Беше великодушна и секогаш ми нудеше грицки кога ќе ги заборавев моите. Оставаше белешки во мојот дневник. Беше неверојатна“.

View this post on Instagram

A post shared by Vanessa Bryant 🦋 (@vanessabryant)

„Во име на сите кои ја запознаа, можам да кажам дека нѝ го промени животот. Нејзините едноставни постапки нè направија подобри луѓе и верувам дека резултатите од тоа никогаш нема да престанат да се покажуваат“, заклучила Обри.

„Прво сакам да зборувам за моето мало девојче“: Емотивниот говор на Ванеса Брајант на комеморацијата го расплака светот

Христина Ѓоргиевска — Tue, 25 Feb 2020 11:12:59 +0000

Во Лос Анџелес, синоќа (24.02.2020) се одржа комеморацијата по повод смртта на Коби Брајант и неговата ќерка Џиана кои починаа во хеликоптерска несреќа на 26 јануари. За датумот на комеморацијата е одбран симболичен датум 24.02.2020 во согласност со броевите кои ги носеа Брајант и Џиџи – „24“ и „2“. Комеморацијата која е наречена „Славење на животот“ доцнеше еден час, а потоа на сцената се појави Бијонсе. „Овде сум бидејќи го сакам Коби“ изјави таа и отпеја две песни. По нејзината интерпретација беа пуштени снимки од кариерата на Коби, а кадровите беа проследени со песните од „Memories“ , како и со цитати од големите ѕвезди на НБА лигата. Сопругата на Коби и мајката на Џиана плачеше во текот на целата комеморација. „Ќе зборувам за двајцата, но прво за моето девојче. Беше татина миленичка, но ме сакаше. Секое утре и секоја вечер ме бакнуваше. Беше одлична спортистка. Во училишите на момчињата им покажуваше кошарка. Беше многу драга и слатка, секогаш се грижеше семејството да биде заедно и да сме добри. Секогаш ни посакуваше се најдобро“ изјави Ванеса низ солзи. „Не го гледав како популарен кошаркар, него како сопруг, најдобар пријател. Ако од првата минута ме немаше на моето место на неговите натпревари секогаш се грижеше каде сум. Сакаше да ја тренира Џиџи. За жал, нејзините сестри нема да ја имаат таа прилика, за жал“ вели сопругата на кошаркарот и продолжува: „Јас и Коби секогаш зборувавме како ќе бидеме “кул“ баба и дедо. Тој сигурно ќе беше супер дедо. А сега нема да може своите ќерки да ги води до олтар“. Алиша Киз седна зад клавирот, а во салата одекнуваше: „Коби, Коби“... Во „Стејплс Центар“ беа донесени 35 000 црвени ружи кои беа поствени на центарот на теренот. Сите пари од влезниците ќе бидат донирани за спортската фондација „ Mamba & Mambasita".

Погребани Коби Брајант и неговата ќерка Џиана

Антонио Димитриевски — Wed, 12 Feb 2020 11:05:42 +0000

Кошаркарска легенда Коби Брајант и неговата 13 годишна ќерка Џиана се погребани на приватна церемонија во Лос Анџелес, јавуваат американските медиуми. Погребот се одржал на 7 февруари и бил затворен за јавноста, а присутни биле само членовите на семејството на славниот кошаркар. Јавна комеморација ќе биде одржана на 24.2.2020, датум што симболично го означува бројот на дресот на Мамба, неговата 20 годишна кариера и бројката (2) на дрес што ја носеше неговата ќерка. Комеморацијата ќе се одржи во „Стејлпс центарот“ и ќе биде отворен за сите оние кои ќе сакаат да му одадат последна почит на Коби. -Ние сме град во кој луѓњто веруваат едни во други. Верѕваме во нешто поголемо од самите себе. Ќе направиме апсолутно се за да овозможиме секој кој ќе посака да може да дојде, вети градоначалникот на Лос Анџелес, Ерик Гарсети. Коби Брајант, неговата ќерка Џиана и уште 7 лица настрадаа во хеликоптерска несреќа која се случи на 26 јануари годинава. Останатите загинати се Алиса Алтобели (13), нејзиниот татко Џон Алтобели (56) и мајка ѝ Кери Алтобели, кошаркарскиот тренер од училиштето Харбор Деј, каде што учела Џиана, Кристина Маузер (38), Пејтон Честер (13) исто така соученичка на Џиана, Сара Честер (45) мајка на Пејтон, и пилотот Ара Зобајан.

„Ми недостига секое утро да ми кажеш: Добро утро принцезо“: Ванеса со емотивна порака за Коби Брајант и ќерката

Христина Ѓоргиевска — Thu, 06 Feb 2020 11:46:35 +0000

Ванеса Брајант поминува низ тежок период откако остана без својот сопруг Коби Брајант и нивната ќерка Џиџи кои пред повеќе од една недела починаа во хеликоптерска несреќа. Сопругата на Коби, Ванеса во последните неколку дена на социјалните мрежи постојано дели фотографи и снимки посветени на нив. Прво објави фотографија од Коби, а во описот напиша: „Мојот најдобар пријател. Најдобар татко. Многу ми недостигаш. Ми недостигаш да ми кажеш: Добро утро принцезо“. Потоа објави фотографија од комеморацијата на Џиџи, па и на неа и посвети порака: „Моја Џиана. Господе, ми недостигаш. Бев толку среќна кога 13 годни се будев покрај твоето убаво лице и насмевка. Сакав да може така до последниот здив. Мајка ти те сака до месечината и назад. Бесконечно“ напиша таа во описот на фотографијата.

Ким Кардашијан се појави на мисата за Коби Брајант, па доби негативни реакции за нејзиниот стајлинг

Христина Ѓоргиевска — Wed, 29 Jan 2020 09:40:55 +0000

Кошаркарската легенда Коби Брајнат почина во хеликоптерска несреќа. Со Коби почина и неговата тринаесет годишна ќерка Џиџи. По тој повод во Лос Анџелес се одржа миса на која присуствуваа голем број на славни личности. Меѓу познатите се појави и Ким Кардашијан која во своето издание предизвика многу негативни реакции. Старлетата за оваа прилика се облече во бел долг фустан со висок шлиц, а овој стајлинг го дополни со елегантни сандали и големи алки. Фотографиите се проширија низ социјалните мрежи, а критичарите ја нападнаа Ким истакнувајќи дека ова модна комбинација можела да ја чува за некоја прилика за црвен килим. Што мислите вие?

Империјата на големата легенда: Колку беше богат Коби Брајант?

Христина Ѓоргиевска — Tue, 28 Jan 2020 12:32:51 +0000

Наследството на Коби Брајант се протега надвор од неговото време на кошаркарскиот терен. Тој беше познат и во деловниот свет како нов производител на брендови, инвеститор и ментор на други спортисти и основачи на компании, раскажува Си-Ен-Ен. Брајант, како што е познато, почина во неделата во хеликоптерска несреќа во Калабасас, Калифорнија на 41-годишна возраст. „За 20 сезони, Коби ни покажа што е можно кога извонреден талент се меша со апсолутна посветеност кон победата“, рече менаџерот на НБА, Адам Силвер во изјавата во неделата. „Тој беше дарежлив со мудроста што ја стекна и виде како своја мисија да ја сподели со играчите на идните генерации“. Надвор од теренот Брајант ја диверзифицираше кариерата со тоа што влезе во светот на инвестициите пред да замине од НБА. Во 2013 година, тој ја основаше фирмата за вложување капитал „Брајант Стибел“, заедно со основачот на web.com, Џеф Стибел. Кога е основана компанијата, Брајант го следеше моделот на други спортски легенди кои беа во можност да ги претворат вештините развиени на теренот во деловен успех. Ирвин „Меџик“ Џонсон беше меѓу првите во 1987 година што основа инвестициската фирма „Меџик Џонсон Ентерпрајзс“, која инвестира во голем број големи бизниси, вклучувајќи ги „Старбакс“ и аеродромот „Ла Гвардија“ во Њујорк. Компанијата на Брајант има повеќе од 2 милијарди американски долари средства, со инвестиции во десетици компании за технологија, медиуми и податоци. „Брајант Стибел“ има најмалку 10 успешни инвестиции, вклучувајќи во „Дел“ и „Алибаба“. Таа, исто така, има инвестиции во креаторот на „Фортнајт“ – „Епик Гејмс“, компанијата за дигитални плаќања „Кларна“ и компанијата за производи за домаќинство „Онест компани“. „Мора да има силни претприемачи. Тоа е клучот за нас – да ги гледаме луѓето“, рече Брајант во интервју за „Си-Ен-Би-Си“ во септември. „Да, важно е да имаме и поврат, нели? Но, исто така е важно да се има одлична можност, одлични односи со нашите инвеститори, одлични можности со нашите претприемачи да им помогнеме да растат и да ги стават во ситуации тие да бидат успешни“. Покрај компанијата, Брајант заработи и милиони долари во својата инвестиција во спортскиот пијалок „Боди Армор“, кој во 2018 година ја зголеми својата вредност, со продажба на удел на „Кока-Кола“. Угледот на Брајант како ѕвезда спортист и креатор на брендот беше еден од клучевите за успехот. Во 2016 година, тој ја основа „Гранити Студиос“, медиумска компанија која се фокусира на креативни приказни околу спортот. Со оваа компанија, кошаркарската sвезда напиша сценарио за краток филм наречен „Драга кошарка“, кој ја освои наградата на Академијата за најдобар краткометражен анимиран филм во 2018 година. „Гранити“ објави и сет книги за млади, заедно со автобиографијата на Брајант наречена „Менталитетот на Мамба: Како играм“. Градењето на брендот „Црна Мамба“ Брајант, познат во кошарката како „Црна Мамба“, започна да ја гради својата марка како спортист рано во кариерата со рекламирање на „Најк“. Брајант за прв пат потпиша договор со компанијата во 2003 година. Тој беше еден од елитната група на НБА играчи кои потпишаа со брендот оваа година, вклучувајќи ги Леброн Џејмс и Кармело Ентони. Ова помогна на спортската компанија да ја зацврсти својата позиција во кошаркарскиот свет во текот на следните неколку децении по пензионирањето на Мајкл Џордан во 2003 година. Со успехот на Брајант на теренот, неговото партнерство со „Најк“ се зголеми. Марката лансираше бројни обувки и опрема на Коби. Во 2017 година, компанијата го изведе Брајант на сцената со тогашниот извршен директор Марк Паркер на својот годишен состанок за инвеститори за да го означи започнувањето на новата деловна стратегија на „Најк“. Компанијата за спортска опрема се здружи со Брајант и Клубот за момчиња и девојки во Лос Анџелес, за отворање на младинска кошаркарска лига во 2017 година, наречена „Мамба лига“, давајќи им на стотици деца слободен пристап до спортот. Подоцна, Брајант ја основаше Спортската академија „Мамба“ за да обезбеди поширока можност за спортување во голем број спортови. Брајант беше на пат за натпревар во Спортската академија „Мамба“ во неделата кога неговиот хеликоптер се урна. Брајант исто така учествуваше во иницијативата на НБА лигата да ја прошири својата публика и надвор од САД, особено во Кина. Во 2015 година, тој работеше со групата „Алибаба“ да го објави документарецот за кошаркарската sвезда „Музата на Коби Брајант“ преку „Тмал меџик бокс“ во Кина. Договорот вклучуваше и работа со Брајант за создавање на нова платформа за социјални медиуми „што ќе доведе до нови можности за поврзување на младите луѓе во Кина директно со Коби и неговите филозофии“, се вели во соопштението од„ Алибаба“ во кое се најавува партнерството. Компанијата, исто така, продава редица производи со брендот „Коби“ на својата платформа за малопродажба. Брајант, исто така, во текот на својата кариера имал договори за рекламирање со голем број други брендови, вклучувајќи ги „Мекдоналдс“, „Спрајт“, „Нинтендо“ и „Туркиш ерлајнс“. извор: курир.мк

Бекам се прости од Коби Брајант: „Моите зборови не се доволни да опишам што чувствувам!“

Слободанка Илиева — Tue, 28 Jan 2020 10:40:46 +0000

Поранешниот фудбалски ас Дејвид Бекам е шокиран од веста за трагично починатиот кошаркар Коби Брајант. Тој ја сподели емотивната порака на социјалните мрежи, каде напиша дека оваа лоша вест многу го растревожила и едвај избрал зборови за да се обрати.

View this post on Instagram

A post shared by David Beckham (@davidbeckham) on Jan 27, 2020 at 4:46am PST

"Ми требаа часови да видам што да напишам и сè уште моите зборови не можат да опишат доволно што чувствувам после трагичното губење на Коби. Тој беше специјален спортист, сопруг, татко и пријател. Пишувањето на овие зборови е доволно тешко, но исто така знаејќи дека изгубивме прекрасно човечко суштество и убавата и прекрасна ќерка Џиана го крши срцето. Посветеноста на Коби на неговиот спорт беше инспиративна, да ги поминувам болките и да ја завршам играта за да може да ме инспирира да се обидам да бидам подобар. Гледам дека часовникот се спушта до последните 2:00 минути знаејќи дека ќе бидеме сведоци на нешто посебно. Коби секогаш зборуваше за Ванеса и неговите убави девојки и колку е горд што е за него страста беше неговото семејство и кошарката.Тој беше решен да инспирира нова генерација момчиња и девојчиња да го прифатат спортот што тој го сакаше. Неговото наследство ќе живее понатаму .Љубовта и молитвите на моето семејство се упатени кон Ванеса и девојчињата, неговото кошаркарско семејство и секако на семејствата на оние кои трагично загинаа со нив “,напиша Бекам.

Џенифер Лопез со емотивна порака се прости од Коби Брајант

Христина Ѓоргиевска — Mon, 27 Jan 2020 12:25:23 +0000

Од кошаркаската легенда Коби Брајант се прости и познатата пејачка Џенифер Лопез. Џенифер се огласи на својот „Инстаграм“ и истакна дека чувствува голема тага поради загубата на Брајант. „Семејство. Кога гледавме вести за Коби, јас и Алекс разговараме за моментите со него на кои се сеќаваме...семејството е тоа кое е најважно. Сите ние чувствуваме тага поради овој губиток, но на се што можам да помисилам е дека ова е зрно во песок во според она низ што поминува Ванеса. Ти праќам љубов, ќе се молам за тебе, твоите деца и за сите семејства кои изгубија драг член во оваа трагична несреќа. Коби, ни значеше премногу и ќе засекогаш ќе недостигаш. Ти благодарам на твојата работна етика, твојата инспирација и твоите зборови....напиша Џенифер на „Инстаграм“. За потсетување, со Коби почина и неговата тринасетгодишна ќерка Џиана.

Ова се последните фотографии на Коби со ќерката Џиана (фото)

Слободанка Илиева — Mon, 27 Jan 2020 11:33:32 +0000

Американски „ТМЗ“ прв ја објави веста за хеликоптерската несреќа во која загина кошаркарската легенда Коби Брајант, а сега ги објави и последните фотографии на НБА-ѕвездата во друштво на неговата ќерка Џиана која исто така беше на кобниот лет. Џиана имаше голема кошаркарска пасија. На 13 години играше во академијата на Коби и сонуваше да биде негов наследник. Последните заеднички фотографии им се направени во саботата, на турнир во Таузанд Оукс. Коби заедно со Џиана и уште шест други патници во неделата наутро патуваа кон Таузанд Оукс, исто така на турнир, но се случи трагедија. Покрај патниците во хеликоптерската несреќа во Калифорнија почина и еден пилот.