Магдалена Цветковска со нова песна – „Ко да нема утре ден“ (ВИДЕО)

Антонио Димитриевски — Mon, 30 Jul 2018 12:55:56 +0000

Најавената нова песна на Магдалена Цветкоска Ена – „Ко да нема утре ден“ – конечно ја здогледа виделината на денот. Се работи за разиграна летна ар ен би нумера, која претендира да биде само уште еден вонизата хитови на талентираната пејачка и авторка.

Овој пат покрај вообичаеното авторство кога е пишувањето на стихови како за своите, така и за многуте туѓи песни во прашање, Ена заедно со нејзиниот брат Лазар Цветкоски се јавува и како коавтор на музиката на нејзината најнова песна. Аранжманот, миксот и мастерингот вообичаено се на дело на брат и Лазар, кој ги свири и сите инструменти, а пее и дел од придружните вокали, заедно со самата Ена, додека песната е снимена во нивното домашно студио.

Во исто време со песната се појави и видеото за неа, а овој потенцијален летен хит го визуализираше нивниот веќе редовен соработник Даниел Јовески.

Соодветно за летниот ритам на песната, видеото се снимаше на егзотичните плажи во Кушадаси во Турција, поточно во „Омер холидеј ризорт“.

„Никој не знае денот што ќе донесе...“ - пее Магдалена, но ако поутрото денот се познава, ова лето ќе се памти по уште еден хит од фабриката за музичка забава на семејството Цветковски. https://www.youtube.com/watch?v=kDwwSLt_DJc

„Ко да нема утре ден“ на Магдалена Цветковска наскоро ќе го дочека својот ден

Антонио Димитриевски — Mon, 16 Jul 2018 11:05:29 +0000

По пејачка пауза од две години и безброј напишани стихови за други изведувачи, Магдалена Цветковска - Ена ја најавува својата нова песна.

Талентираната пејачка и текстописец, деновиве сподели фотографија откривајќи ги деталите за новата тема што се очекува наскоро заедно со видеото да ја здогледа виделината на денот.

Веројатно станува збор за песна со нејзин текст, а со музика и аранжман на нејзиниот брат - хитмејкерот Лазар Цветкоски, а сето тоа насловено „Ко да нема утре ден“.

Видеото а песната го потпишува режисерот Даниел Јовески, а промоцијата се очекува наскоро.

ко да нема утре ден – Вистина.мк

Магдалена Цветковска со нова песна – „Ко да нема утре ден“ (ВИДЕО)

„Ко да нема утре ден“ на Магдалена Цветковска наскоро ќе го дочека својот ден