клуч – Вистина.мк

Овие 2 збора се клучни за врска или брак: Колку често ги кажувате?

Слободанка Илиева — Wed, 31 Aug 2022 11:43:14 +0000

На почетокот на емотивната врска, повеќето парови се опседнати со страст. Но, како што одминува времето и бледнее страста, до израз доаѓаат сличностите и разликите меѓу партнерите, кои, всушност, се пресудни дали ќе продолжат да функционираат како пар или ќе раскинат. Експертите за врски тврдат дека постои кратка и ефективна реченица која може да ја спаси секоја врска или брак од раскинување и развод. Таа гласи: „Ти благодарам“. – Најдлабокиот принцип во човековата природа е желбата да се чувствуваме ценети – вели американскиот психолог Вилијам Џејмс. Благодарноста е подарок што им го даваме на другите и кој не не чини ништо. Заблагодарувањето преку ефективна комуникација ги подобрува односите меѓу партнерите повеќе од било што материјално. Зошто тогаш станавме толку скржави кога треба да и кажеме „благодарам“ на „другата половина“ секогаш кога ќе направи нешто за нас? Дали станавме премногу зафатени? Премногу себични? Премногу тврдоглави? Дури и најголемите љубови паѓаат во опасна замка кога партнерите почнуваат да ги земаат здраво за готово добрите работи што „другата половина“ ги прави за нив. Кога ќе почувствувате дека ситуацијата во вашата врска или брак станува напната, застанете и запрашајте се кога последен пат сте се почувствувале ценети. Исто така, подеднакво е важно да се сетите кога последен пат сте направиле нешто за вашата „друга половина“ да се чувствува ценето. Ова помага да се отстрани лутината, фрустрацијата, стравот и болката и ви овозможува повторно да ја фокусирате вашата енергија на добра и здрава комуникација. Благодарноста не може да се потроши. Обрнете внимание на она што го прави вашиот партнер и заблагодарете се за тоа. Освен што ќе го разбудите чувството за важност и благодарност кај „другата половина“, и самите ќе се чувствувате подобро. Не претпоставувајте едно над друго – во спротивно, тоа е сигурен пат до колапс на врската или бракот. извор:попара.мк

Адвокат за разводи советува: „Клучот на одржлив и хармоничен брак е во овие 10 работи“

Христина Ѓоргиевска — Thu, 17 Dec 2020 13:30:37 +0000

Најдобриот извор за брачни совети секако дека се адвокатите за разводи, оние кои што ги набљудуваат љубовните односи, но и ги слушаат причините за брачните бродоломи. Со оглед на тоа што поголемиот дел од луѓето во брак влегуваат поради љубов, вистинска штета е да се занемарува таквиот однос. Во продолжение прочитајте ги советите од адвокатите, за тоа како да го сочувате вашиот брак: 1. Клучот е во толеранцијата Можете ли да ги толерирате и поднесете „бубачките“ на вашиот партнер? Не влегувајте во брак мислејќи дека таквото однесување е неподносливо или пак дека ќе се трудите да го смените кај вашиот партнер. 2. Обидете се да верувате во добро За жал кај поголемиот дел oд паровите кои што поминуваат низ процесот на развод тие настојуваат на својот партнер да му ги препишат најлошите потези или пак однесување. 3. Партнерот треба да биде поголем приоритет од децата Ова можеби не е популарен совет, особено за оние кои што се родители, но е една од причините поради која шт поголем дел од браковите се распаднале. 4. Понекогаш „нахранете го“ егото на вашиот пртнер Колку и да звучи тоа лудо, партнерот сака да се чувствува привлечно, духовито, паметно, убаво и посакувано. Луѓето во брак најчесто изневеруваат кога не добиваат доволно внимание од својот партнер. 5. Не чекајте го последниот момент да гo поправите бракот Работете на вашиот брак додека се уште е добар затоа што подоцна може да биде прекасно, а штетата огромна – да се изгуби довербата, надежта и желбата. 6. Кога дебатирате за важни работи – важен е и моментот Кај носењето важни одлуки клучно е тоа да го правите во вистински момент, додека партнерот се чувствува добро, а не на пример доколку е нервозен. 7. Треба да знаете дека не можете да го замените партнерот Голем број од луѓето имаат потреба да го сменат својот партнер мислејќи дека тоа е правилната одлука, а во тоа предност имаат жените. Но, токму тоа е смислата на бракот – да живеете со некој кој ви се допаѓа таков каков што е. 8. Љубовта се сведува на мали работи Иако за бракот е потребен труд, добриот брак го заслужува тоа. Убави зборови, допири, поддршка, насмевка, одржување на љубовта. 9. Комуникацијата е темел на секаков здрав однос Лошата комуникација секогаш на крајот завршува со развод, а со неа може да се дојде и до лош секс, неискажување емоции, финансиски проблеми. 10. Активно слушање Слушањето еден на друг секогаш треба да биде тука, па дури и кога сте во некаков конфликт. Обидете се да го разберете партнерот и неговото мислење, па дури и доколку не се согласувате во одредени работи. извор: точка.мк

На Катарина Ивановска годината не и тргна на арно (фото)

Слободанка Илиева — Thu, 02 Jan 2020 08:54:07 +0000

Нашата македонска убавица Катарина Ивановска, Новата 2020 година ја дочека во кругот на најблиските во вилата на Маврово која ја имаат од минатата година заедно со партнерот Цобе. Оваа 2020 година ја почнаа поразлично од претходната, бидејќи сега се во проширен состав со малата Кира која дојде на свет пред неколку месеци. Според некои верувања, се вели дека како ќе ти тргне годината на 1-ви, а за некои на 2-ри јануари на празникот Св. Игнат, таква ќе ти биде целата година. Катарина објави фотографија како е оставена сама надвор, без клучеви од својот дом, па самата си кажа дека не и тргнало на арно. Но, подоцна, кога успеа да влезе дома, дозна дека тоа важело за 2-ри јануари, односно денешниот ден, па сакаше да верува дека нема да ја следи малер во Новата година. Откако се згреа покрај огнот, си направи и сланина на жар и покажа дека и манекенките знаат квалитетно да се намрсат и влесат многу калории.

Најскапиот автомобилски клуч во светот чини 500.000 долари (видео)

Слободанка Илиева — Tue, 16 Apr 2019 13:00:35 +0000

Златарската компанија од Финска, Awain го претстави најскапиот клуч за автомобили во светот. Накитот чини 500.000 долари (443.557 евра) или колку нов супер автомобил. Омотот е со дијаманти и 18-каратно злато, а централниот дел е тапациран со скапа кожа. Awain нуди и поевтини модели. Serenity надминува 80.000 евра, а Quantum е само 49 000 евра. Исто така се декорирани со злато и скапоцени камења и ќе бидат изработени во тираж од 20 примероци. Компанијата од Финска изработува екслузивни клучеви за Aston Martin, Bugatti, Bentley, Lamborghini, McLaren, Maybach и Rolls-Royce. Секој од производите е дизајниран и изработен според желбите на купувачот. https://www.youtube.com/watch?v=vTHkDGAhYqg извор:24ауто.мк

Одморот за време на викенд – клуч за долг живот

Антонио Димитриевски — Sun, 27 May 2018 10:49:18 +0000

Многу луѓе се жалат околу тоа дека не спијат доволно и изгледа дека имаат право да бидат загрижени. Истражувачите откриле дека луѓето на возраст пониска од 65 години кои спијат 5 или помалку часа во текот на неделата имаат поголем ризик од смрт отколку оние кои спијат барем 7 часа во текот на ноќта. Сепак, она што е интересно е дека во рамки на истражувањето било утврдено дека оние кои не спиеле доволно во текот на неделата, но успевале да се наспијат добро за време на викендот имале исто така помал ризик од смртнотст. Торбјорн Акерстедт, автор на студијата на Институтот за истражување на стресот на универзитетот во Стокхолм посочува дека должината на спиењето е многу важна за долг живот. Ова истражување вклучило 38 000 испитаници кои живееле во Шведска. Тоа траело 13 години. Откако биле земени предвид факторите како пол, телесна маса, пушачки навики, физичка активност, истражувачите утврдиле дека луѓето помлади од 65 години кои спиеле помалку од 5 часа во текот на ноќта имале 65% поголем ризик од смрт. Претпоставката е дека оние кои спијат доволно за време на викендот успеваат да се наспијат и да го надокнадат сонот. Извор:Скопјеинфо.мк