Кога сите години немање патриотско чувство за светост и национална свест, ќе се покажат во еден непромислен гест!

Антонио Димитриевски — Mon, 09 May 2022 11:41:38 +0000

Евровизија на која речиси никој во современа Европа не и придава кој знае какво значење третирајќи ја само како „три дена забава за милиони“, за нас како да е проколната. И тоа е така со години наназад, како некој да има фрлено некакво проклетство врз секој наш претставник, а и самата МРТ, како национален сервис кој е носител на овој проект. Нема година нам „најважниот музички настан во годината“ да не ни мине без скандали... И при домашните избори и при учеството на избраните претставници на Евросонг. Колку за пример, на пред неколку години на Лозано и Есма два пати им правеа ново видео,оти првото било скандалозно, лани Гарванлиев со бугарштината не знаевме дали ја претставува Бугарија или Македонија, годинава одново скандал со знамето... Но едно е сепак сигурно: За се' што ни се случува последни вината ја имаат оние што не претставуваат и на кои скандалите „случајно им се случуваат“, зашто се што се случува, ништо не е случајно... Се има свои корени, своја предисторија, своја генеза, која кулминира со идиотски потези, непромислени гестови, сканадлозно однесување, глупави, иритирачки изјави... И сето тоа заради немањето „чувство за осет“ за тоа што е патриотизам, што е национална свест, што е светост која не смее да се урива, која треба да се чува како капка вода на дланка, зашто за неа генерации претходно лиеле реки крв за да ја имаме. А ние, за жал и по 30 и кусур години независност ја немаме, зашто со истата таа светост некои во наше име се „ку*ваа“, ја продаваа за лични интереси, правеа суицидни компромиси, под плаштот дека „така мора“, тоа го бара светот, Европа, „Калето“... кој и да е. И потоа, по немоќта, на сцена стапува колективната апатија, најмногу изразена кај младите генерации, на кои освен спортистите со своите спортски успеси, никој друг од оние што се најповикани, ниту им кажал, ниту им покажал како се сака татковината, како се „гине“ за државата и нејзините свети симболи: Името, грбот, знамето, химната...? Напротив, истите тие „светоста“ ја распродаваа како на сточен пазар, ги менуваа државните симболи онака како што другите ќе посакаат, оставајќи лузна на голото и ранливо национално ткиво, лузна која тешко, речиси невозможно е да се избрише... И потоа последиците се тука... Катастрофални, трагични, несфатливи... Потоа целата нација станува „инквизиција“ пишувајќи им пресуди на онаа што ги промашила зборовите во химната или на оваа што сега го фрлила македонското знаме на земја... Како и нема, кога не ги научивме дека химната е ода на припадноста, а не само таму некоја си обична песна како и сите други, дека знамето е симбол кој се вее и кога се гине и кога се празнува и кога се пее, а не само таму некој “сувенир“ во рацете, крпче со кое може „да се избрише“ подот...! Фрлањето на знамето на евровизиската претставничка е дефинитивно само последица на тоа што никој во овие триесет години не ги учеше дека треба да си ја сакаме државата, дека татковината ни е втора мајка, дека знамето, грбот, химната се не само обелжја на државата, туку нешто најсвето што може да го има еден народ... Напротив, последниве години живееме во општество во кое оној кој ќе стави знаменце од државата во автомобилот или пак истетовира симбол поврзан со државата дека е 'сељак', дека е националист, дека е срамота да си патриот...“ - као што напишал еден од колегите новинари Васко Спасовски на својот Фејсбук профил, а многумина со истото се согласуваат споделувајќи слични содржини... Но, се чини доцна. Сега можеме да се занимаваме само со последиците. Причините, оддамна „ги пропуштивме“! Затоа, тоа што Андреа го фрли знамето не е срам само за неа... Можеби дури и најмалку за „кутрото неуко и невоспитано девојче“ кое никој не го научил како треба да се однесува кога ја претставува државата... Ниту домашното воспитание, ниту образовниот систем на училиште, ниту протоколот во јавниот сервис - МРТ, никој... Скандал, срам и пораз е за сите нас, за цела една нација која молчечкум си дозволи децата вака да ни ги воспитуваат разно - разни „шарени министри“ и „политички квислинзи“. Затоа, пред да ја обвиниме Андреа, која патем имаше доблест да се извини, најпрвин треба да се обвиниме себе си, со прстот на чело прашувајќи се: Како можевме да си дозволиме сите овие години, генерациите да ни ги воспитуваат „партиско-политички кловнови“? Сега за жал, го гледаме само циркузот! Во случајов, евровизиски!

Аца Лукас „мајчето им го расплака“ на колегите од жирито во „Ѕвездите на Гранд“: „Таму седат кловнови…“ (ФОТО)

Антонио Димитриевски — Thu, 10 Jun 2021 09:00:59 +0000

Аца Лукас за сите теми зборува без влакна на јазикот. Во емисијата „Десетка“ одговораше на бројни прашања, а беше жесток кога станува збор за темата „Ѕвездите на Гранд“. „Го напуштив жирито од многу причини. Една од нив е дека ми дојде преку глава, а другата е дека идејата во која верував повеќе не постоеше. Оние деца кои дојдоа добија убава приказна, да се појават на телевизија, по три емисии тие станаа популарни, а тоа го немаше во мое време, ниту пред мене. Некои можеа да станат поголеми sвезди ако „Гранд“ сакаше да ги истретира како што треба. Од „Ѕвездите на Гранд“ единствени кои направија вистинска кариера се Милица Павловиќ и дозволете ми да се сетам на уште по некој. Милица беше единствената која направи вистинска кариера. Намерно ја изоставив Тања Савиќ, која можеше да биде најпопуларната пејачка во регионот, само ако ја третираа како што треба“ - рече Лукас, а потоа тој се осврна на судењето и жирито на популарно музичко натпреварување. „Во „Гранд“ беше само потпиши го договорот, половина за мене, половина за тебе, па нека биде илјада евра, па потоа 500, а можеше да биде и 15.000 евра. Но, ајде, не сакав да се мешам во тоа, јас не сум тој што учествуваше, но кога се појави приказната дека ние шестмина од жирито станавме главна тема во тоа шоу, всушност шест кловнови кои нешто таму дрдорат, никој веќе не се сеќава на тие деца што пејат, а и јас ги заборавив и оние тројца победници што ги познавав“ - вели Лукас и продолжува: „Тоа е претстава со шест кретени, вклучително во кои бев и јас, шест кловнови кои изведуваат некои 'керефеки', а тие деца што пеат воопшто не се важни. Сега главните лица во шоуто се на луѓето од жирито. Сега тие се расправаат со една девојка и тоа беше најзважно за медиумите. Додека бев јас во жирито, тоа шоу беше забавно, хумористично, а сега се сведе на дерење и напади и скокање еден на друг. Во жирито има луѓе за кои мислам се најлошо, но нема да ги спомнувам. Излегов затоа што не сум тип да им наплаќам на децата божем за совети, а го има и тоа, што е лигаво“ - резимира Лукас на тема жирито во „Ѕвездите на Гранд“. Фото: Инстаграм принтскрин/zvezde_granda_2021/aleksandar_vuksanovic_off

кловнови – Вистина.мк

Кога сите години немање патриотско чувство за светост и национална свест, ќе се покажат во еден непромислен гест!

Аца Лукас „мајчето им го расплака“ на колегите од жирито во „Ѕвездите на Гранд“: „Таму седат кловнови…“ (ФОТО)