клима – Вистина.мк

Совети за посвеж дом во лето

Слаѓана Атанасова — Fri, 30 Jun 2023 11:58:59 +0000

Одредени подробности при уредувањето на домот може да станат „проблем“ во лето, покрај високите температури и да придонесат за дополнително загревање на внатрешноста на куќата. Тука спаѓаат изборот на бои, употреба на одредени апарати и несоодветна изолација. При високите дневни температури и силна сончева енергија, лекарите ги советуваат луѓето да го ограничат своето време надвор. Сепак, неретко во домот е потопло отколку надвор. Следат неколку совети за тоа. Погрешни и вистински бои Говорејќи за надворешноста на куќата, Гудел Дејвид, стручњак за домови и основач на компанијата за бојадиување „Пејнтс акрилик“ (Paints Acrylic) советува да се избегнуваат каква било потемна боја за надворешните ѕидови од куќата. – (Темните бои) апсорбираат повеќе топлина отколку светлите бои, така што ако ја обоите надворешноста на Вашата куќа во темна боја, многу веројатно е оти ќе се чувствувате потопло внатре. Наместо тоа, се препорачува посветла или рефлектирачка боја за надворешноста на Вашиот дом – како бела, беж или сива, објаснува тој. Апарати кои произведуваат топлина Многу од секојдневните активности во домаќинството создаваат повеќе топлина. Тука спаѓаат готвење, сушење алишта, па дури и вклучување на машината за миење садови. Се разбира, не треба да се престане со тие работи, но познавачите едноставно предлагаат да не се користат тие уреди во најжешките делови од денот. Оваа промена може да направи забележителна разлика во вкупната температура дома. Премногу сончева светлина Многумина претпочитаат повеќе природна светлина во секојдневниот простор, особено во долгите летни денови, но и тука не треба да се претера. И прекумерната сончева светлина создава потопла средина во домот. Препораките, секако, говорат за завеси и ролетни за заштита од Сонцето. Како и топлината, така и сончевата светлина треба да се зачува ограничена. Несоодветна изолација Уште една честа грешка што придонесува за дополнителна топлина во просторот за домување, е лошата изолација. Том Алан, стручњак за греење, водовод и апарати смета дека сопствениците на куќи треба да додадат изолационен материјал на ѕидовите, покривот и прозорците. – Но, тоа мора да се направи стручно. Најдобро е да се консултирате со професионалец, за да ги одредите најдобрите можности за изолација за Вашиот дом, забележува тој. Прениска температурата во разладувањето на домот Логично е да се претпостави дека поставувањето на температурата на термометарот на клима-уредот на што пониско ниво – ќе доведе до побрзо ладење на домот… Тоа е огромна заблуда, според стручњаците. Тоа само прави клима-уредот да работи со поголема сила и подолго, зголемувајќи ги температурите и трошоците за енергија. Извор: Курир.мк

Емилија Розман доби „електрошок“ на своја сметка: „Сите што ме знаат, знаат дека не пцујам, ама… EН све да ви еам, кој не отвори дуќан во Арачиново, Емилија да не се викам“! (ФОТО)

Антонио Димитриевски — Thu, 01 Sep 2022 08:24:33 +0000

Емилија Розман, на пошироката јавност позната како македонска мисица, манекенка, модел, дипломиран дефектолог на Институтот за дефектологија при Филозофскиот факултет во Скопје, а во меѓувреме го доби и епитетот „најубавата цвеќарка“,откако стана горда сопственичка на своите продавници за подароци, свечена декорација, украси и цвеќе. Можеби во љубовта не и „цветаа рози“, ама затоа бизнисот и тоа како и цветаше, па дури и во времето на пандемјата, па Емилија ја прошири својата дејност, од една на уште неколку нови локации... Деновиве г-ѓица Розмантична доби идеја да отвори нова цвеќарница и гифт продавница на позната локација, толку споменувана, прозивана по медиумите и социјалните мрежи споделувана... Едно од „најславните“ села во околината на Скопје, познато по многу чудни нешта, феномени кои само таму е можно да се случат! Мотивот за идејата на убавата цвеќарка уште почуден... Или поточно - шокантен! Имено, Емилија Розман доби „електрошок“ на своја сметка, откако истата во вид на фактура за „наводно“ потрошена електрична енергија за месец август во еден од нејзините дуќани ЕВН и ја испорача! Иако е позната потоа што можеби секогаш не е баш „најприземна“ во одлуките, сепак мисицата е уште попозната како мошне културна и воспитана девојка, која бира зборови пред нешто да каже или јавно да соопшти. Овој пат очигледно „шокирана“, видно изнервирана и извадена од штекер, „пикантно“ ја поздрави енергетската компанија со „сочни зборови“, срочени во едно постирано писание: „Сите што ме знаат, знаат дека никогаш не пцујам, ама ЕВН, ооо00... све да ви е*ам бе дали остна некој нормален од циркузов од државичкава? Две сијалици и една клима во дуќанот вакви сметки бе, леле бе, супер бизнис идеја ми дадовте, кој не отвори дуќан во Арачиново, Емилија да не се викам, да ме плукнете ако не го направам тоа и ќе ве др*ам во здрав мозок... и.т.н.“ - им порача Розман на која веројатно „и се споиле жичките“ откако „и паднал мрак на очи“ кога ја видела испоставената фактура за струја од 9148.00 денари среде август, за само една клима која не работи 24/7 во дуќанот и две лед светилки! Ќе и помогнат ли на Розман клетвите со ЕВН да ги „израмни сметките“ и дали во Арачиново наскоро ќе осамне нова продавница за подароци со цвеќарница, останува недоумица?! Само, како тргнало ова со сметките, да не се случи да ги затвори и оние постоечките!? Фото: Фејсбук и Инстаграм принтскрин/rozmanticna

Како да го разладите домот без клима уред?

Христина Ѓоргиевска — Thu, 24 Jun 2021 13:50:39 +0000

Нашата земја ја зафати топлотен бран, а во наредните неколку дена температурите ќе достигнат над 40 степени. Високите температури им пречат на сите, па потребно е да се разладите. Меѓутоа, дали знаете како да се разладите доколку немате клима уред? Во продолжение прочитајте неколку корисни трикови што може да ви помогнат. Спуштете ги ролетните Затворете ги прозорците во собата и спуштете ги ролетните за да не навлегуваат сончевите зраци во собата. Користете памучни материјали Сатенската постелнина заменете ја со памучна. Памучниот материјал е пријатен за кожата во летниот период. Обичниот чаршав нека ви послужи како прекривка во врелите летни ноќи. Памукот и ленот се материјали кои ѝ овозможуваат на кожата да дише. Користете вентилатор Доколку немате клима уред, но имате вентилатор, пред него поставете широк и плиток сад и наполнете го со коцки мраз. На овој начин воздухот што излегува од вентилаторот ќе биде поладен од воздухот на собна температура. Свежината ќе трае сè додека не се истопи мразот. Спијте на земја Спијте на што е можно пониско ниво или дури ставете душек на подот за да спиете поубаво. Држете ги стапалата во сад со студена вода. Акупунктурните точки на стапалата се поврзани со внатрешните органи, па на овој начин ќе го разладите организмот oдвнатре. извор: кајгана

Ниеден не е клима: 10 начини како да се разладите кога ноќите се пеколно жешки!

Христина Ѓоргиевска — Wed, 14 Aug 2019 12:45:01 +0000

Последниве денови кога температурите се неподносливи, веројатно многу потешко заспивате, а постојат неколку совети кои може да ви ја намалат непријатноста. Не мора секогаш да користите клима за да се разладите, применете некој од овие совети:

1. Пуштете воздухот да струи Ставете го вентилаторот така што вашиот кревет да биде помеѓу него и прозорецот. 2. Чаршафи за сон Дозволете си и себе и на креветот да дишете. Тенките и лесни чаршафи се најдобро решение за летните горештини. 3. Ладна глава Заменете ја вашата мека и голема перница за малку поцврста. Раскошните меки перници само ја впиваат топлината од главата. 4. Удобноста пред сe' Ако спиете облечени, нека биде тоа лесна, широка памучна маица.

5. Мокра коса Обидете се да заспиете со мокра коса. 6. Ниско Спијте на понизок спрат или на под. Колку што сте пониско, толку ќе ви биде поладно. 7. Замрзнато шише Наполнете обично пластично шише со вода и замрзнете го. 8. Ладна постела Намокрете и замрзнете пешкир. 9. Леден вентилатор Пред вентилаторот ставете сад наполнет со лед. Внимавајте само на струјата. 10. Морнарите знаат Оптегнете морнарска мрежа, за воздухот да кружи околу целото тело. извор - точка.мк

Трик со кој ќе го освежите воздухот со помош на клима уредот

Слободанка Илиева — Mon, 13 May 2019 12:00:42 +0000

Топлите денови не можат да се замислат без клима уред. Тој го разладува приватниот и работниот простор и ви овозможува дневните активности да ви поминат полесно, а сонот навечер ви трае подолго и без прекин. Но, освен што може да ви го разлади одредениот простор, важно е да знаете дека со помош на клима уред може да го прочистите просторот и да направите да мириса убаво. За да биде исполнет со мирис просторот во кој секојдневно престојувате во летните денови, без користење на миризливи свеќи или апарати кои се приклучуваат во струја – може да искористите неколку парчиња хартија, секако во комбинација со клима уред. Како со помош на клима уред да го исполните домот со омилениот мирис од природата Под отворот од кој струи ладен воздух на клима уредот, со помош на самолеплива трака залепете парче хартија кое претходно сте го натопиле со омиленото етерично масло (не треба да се претера со тоа). Струењето на воздухот и мирисните ноти ќе се шират низ просторијата. Може да си изберете мирис по желба, а доколку сакате опуштена атмосфера во вашиот дом, тогаш ве советуваме да изберете етерично масло од лаванда. Исто така, важно е да знаете дека воздухот ќе ја прочисти просторијата доколку искористите еукалиптус и нане, додека пак сите етерични масла ќе придонесат во подигнување на расположението. извор:пулс24.мк

Разладете се без клима со помош на овие трикови

Христина Ѓоргиевска — Fri, 20 Jul 2018 13:20:37 +0000

Високите летни температури се повеќе се зголемуваат од ден на ден. Доколку немате клима уред или ви пречи, сигурни ви е потребна алтернатива за разладување. Обидете се со стариот добар вентилатор, но на малку поинаков начин. Пред да го вклучите, под него поставете голема чинија со што повеќе коцки лед или две-три флаши замрзната вода. Вклучете го и ќе го почувствувате ефектот на разладување, бидејќи поради ледот воздухот кој струи ќе биде многу поладен. Бидејќи вентилаторот се преместува лесно, од време на време преместувајте го од една точка на друга, за да се разлади просторот рамномерно. Спас од топлината ќе ви пружат и собните билки, бидејќи тие внесуваат кислород во куќата и го прават воздухот свеж. Не заборавајте станот да го проветрувате само во текот на ноќта и рано наутро, а сите електрични апарати да ги исклучите кога не ги користите, бидејќи тие дополнително грејат.: извор: курир