клима уред – Вистина.мк

Најлошите грешки што ги правиме при користењето на клима уредот!

Riste Zdravkov — Thu, 12 Aug 2021 06:45:40 +0000

Кога температурата надминува триесет степени, сите ние бараме начини да се разладиме. Климатизацијата е најефективното решение, но важно е да се внимава на неколку работи Клима уредот е спас, но може да има негативно влијание врз здравјето доколку се користи неправилно. Имено, во филтрите се собираат бактерии, вируси, габи и грини, кои можат да предизвикаат голем број здравствени нарушувања, од кои најчести се респираторните инфекции. Поради тоа, во летните месеци се чести настинки, кивање, акутни воспаленија на грлото, средното уво, бронхиите, а понекогаш и пневмонија. За да се спречи ова, редовното чистење на филтерот на климата е задолжително. Од друга страна, ниските температури во просторијата може да доведат до влошување на состојбата кај луѓето кои страдаат од болести на коскениот и зглобниот систем, а поради ефектот на студот врз крвните садови, луѓето со кардиоваскуларни и цереброваскуларни заболувања, исто така, може да почувствуваат непријатност. Неправилната употреба на климатизерите исто така може да предизвика вкочанетост на мускулите на лицето, болка и вкочанетост на вратот, проблеми со видот кај луѓето кои носат контактни леќи, конјунктивитис, чешање и сува кожа. На многу луѓе не им одговараат ненадејните и чести промени од топло во студено. Затоа, важно е да се земе предвид разликата во температурата помеѓу надворешната средина и просторијата. Не треба да биде повисока од осум степени. Ова значи дека ако надворешната температура на воздухот е 35 степени, во просторијата треба да биде околу 27.

Еве ги советите: Клима-уред во автомобилот кога има дете?

Христина Ѓоргиевска — Mon, 05 Jul 2021 12:45:41 +0000

Возењето автомобил налето може да биде вистински предизвик, ако внатре возите мали деца или бебиња. Како што температурите растат, бараме решенија за разладување, па често посегнуваме и по клима-уредот во автомобилите. Но, има неколку работи за тоа коишто треба да се имаат предвид…

1. Изладете го автомобилот пред возењето

Првиот совет е да се обрне внимание на тоа – каде го паркирате автомобилот лете? Ако има можност, оставете го возилото во сенка, но ако тоа мора да биде паркирано на Сонце, тогаш се препорачува да го оладите со клима-уредот, пред да го внесете детето внатре.

2. Умерени температури

Бебињата и малите деца, велат стручњаците, може да бидат во климатизиран простор, но само ако разликата во температурата внатре и надвор не е голема. Се препорачува разликата да не надминува 3 до 5 степени.

3. Прилагодете го воздухот да дува нагоре

Возењето за време на потоплите денови бара употреба на климатизација во автомобилот. Но, ако има дете во возилото, важно е да не биде изложено на воздухот од климатизерот. Најдобро е струењето да се прилагоди така што воздухот ќе дува „нагоре“.

4. Користете одвлажнување

Ако возилото е широко и просторно, прво оладете го, но потоа вклучете ја функцијата за одвлажнување, бидејќи со намалена влажност, и температурата од 26 – 27 степени ќе биде поподнослива. извор: курир.мк

Овие правила за користење на клима уредот мора да се почитуваат!

Слободанка Илиева — Fri, 28 Jun 2019 12:30:15 +0000

За полесно да ги поднесеме високите температури многумина купуваат клима-уреди. Целта на вградувањетo на клима-уредите е во просториите да се обезбедат пријатни усллови за живот и работа, но иако помагаат, нивното користење може да има и негативни последици ако не се употребуваат правилно и и тоа како можат да му наштетат на нашето здравје. Со оглед на тоа дека допрва не очекуваат топлотни удари летово, вистинско време е да повториме некои од советите за користење на овие уреди за да не завршиме на доктор со некои од симптомите како хронично воспаление на синуси, силни глсвоболки и закочени мускули. Еве некои основни правила за користење на клима-уредите. 1. Разликата меѓу надворешната и внатрешната температура не смее да биде преголема, односно не смее да биде поголема од 7 до 10 степени. Во спротивно, нашиот организам нема да може за кратко време да се прилагоди на промената на температураста и доаѓа до шок кој има негативно влијание врз здравјето. Освен тоа, долготрајното изложување на ладно влијае и на работата на метаболизмот. Циркулацијата се забавува, па и сите други активности во мускулите, жилите и нервите се одвиваат побавно. 2. Најздравиот начин на престојување во просторија која се разладува со клима-уред е прво да се излади просторијата, а потоа да се исклучи клима-уредот. При излегување на надворешна температура треба неколку минути да се привикнете без клима за полесно да го поднесете шокот. Посебно внимание треба дс обрнувате на најмладите, затоа што престојот во климатизирана просторија многу лесно може да предизвика воспаление на уво. 3. Одржувањето и чистењето на клима-уредите исто така е битно. Филтерот низ кој излегува изладениот воздух треба да се чисти барем еднаш годишно затоа што влажната и валкана површина е идеална за развој на штетни микроорганизми однкои некои можат да предизвикаат и воспаление на бели дробови. Во сезоната кога се користат клима-уредите препорачливо е да се дизенфицира уредот со соодветно средство. 4. Клима-уредот никогаш не смее да дува директно во вас. Исто така, уредот мора да го поставите така да ништо не го попречува протокот на воздухот. На правилната работа на вентилот може да му пречи и мебелот, па ако е потребно, разместете го мебелот за оптимална работа на клима-уредот. 5. Обрнете внимание на тоа колкава топлина влегува низ прозорецот во текот на денот за поекономично трошење на стријата. Тоа е битно затоа што ако клима-уредот „се бори“ со повеќе топол воздух, ќе троши повеќе струја. Во зависност од тоа колку е силно сонцето, отворајте ги и затворајте ги прозорците за да не пуштите премногу топлина во просториите. Ако се придржувате до овие правила, ќе му ја олесните работата на клима-уредот и ќе му го продолжите векот на траење, а ќе потрошите помалку струја и секако, помалку пари. извор:инивотивност.мк