ќотек – Вистина.мк

Македонскиот рапер заврши со ќотек и модро око? Слаткар навистина претепан, па најави детали како ја заработил големата модринка или само „глуми маркетиншко лудило“ пред Нова Година? (ВИДЕО)

Антонио Димитриевски — Wed, 27 Dec 2023 08:12:21 +0000

Марко Маринковиќ кого јавноста, особено онаа естрадната многу повеќе го знае под уметничкиот прекар Слаткар(истика), вчера се појави на својот Инстаграм профил со модро око! Раперот најприн објави фотографија на која се сликал со голема модринка под левото око, а во описот на фотографијата напишал: „Паметните луѓе простуваат... Ама јас сум глупав во последно време“! Засега никому не му е јасно кој вака го „нашминкал“ Слаткар, но оние што умеат да читаат меѓу редови, од неговата порака веднаш сфаќаат дека раперот нема да седи мирен додека не го возврати ударот. Кога и како, со која тактика, знае само желниот за одмазда, Слаткаристика! Она што сака да биде познато срамежливо го најави во второто, овој пат видеообраќање, во кое Марко Маринковиќ појаснил дека вака го „унередил“ некој, со кој очигледно добро се познава. Што е причината не кажа, ама затоа најави дека денес, среда 27 декември после 14.00 часот ќе ги соопшти деталите. Во меѓувреме во споделеното видео само кусо објаснил што се случило: „Ме нападнаа едни к*њи, еден ку*тон што глуми Дон... Самата истрага уште е во тек, ама мислам дека утре (за денес) после 13 или 14 часот ќе можам сите детали да ги изнесам“ - сподели раперот, иако во неговата веродостојност многумина „со искуство“ веднаш се посомневаа, тврдејќи дека Слаткаристика одбрал добра тактика да „глуми маркетиншко лудило“ пред Нова Година, како најава со кревање џева за нешто што допрва на музички план од него следува! „Ѓаволот лежи во деталите“ - велат, а упатените тврдат оти деталите кај Слаткаристика укажуваат дека има модринка на окото без видлив подлив и испукани капилари!!? Па сега вие видете дали раперот навистина бил претепан или само сака да ве насамари, да ја лапнете јадицата и да загризете на неговата „евтина приказна“ од улицата? Впрочем, да почекама до рано попладне и да видиме дали навистина Слаткар некој со тупаница го „нашминка“ или се' е само (не)вешт трик и „уметничка шминка“?

View this post on Instagram

A post shared by Slatkaristika (@slatkaristika.official)

Фото и видео: Инстаграм/slatkaristika.official

Вељко Ражнатовиќ за прв пат отвори душа: За девојките пред Богдана, за смртта на Аркан и човекот во кого нашол втор татко, за детството и ќотекот од Цеца… (ФОТО)

Антонио Димитриевски — Mon, 01 May 2023 07:48:00 +0000

Младиот боксер ја отвори душата и раскажа сè за своето детство и тоа како растел без едниот родител, девојките што ги имал пред сопругата Богдана, ќотекот од неговата мајка Цеца, човекот во кого нашол втор татко... Најтешкото за наследникот на Аркан и Цеца било тоа што тој речиси и да не се сеќава на својот татко, затоа што Аркан беше убиен кога Вељко имал само четири години, на 15 јануари 2000 година. „Постојано прашував каде е татко ми, а мајка ми и тетка ми не сакаа да ме лажат, па ми признаа дека е мров. Тоа беше шок за мене. Тоа е шок за секое дете ... За среќа, бев многу мал. Не сакам да зборувам за тоа, тоа е тешка тема, само ние знаеме како ни беше. Не можам веќе да размислувам за нефер нештата што ми се случија. Сега останува на мене да му дадам сè на моето дете, да продолжам со животот “ - вели Ражнатовиќ. Вељко зборуваше и за неговите поранешни девојки Маша Терзиќ и Луна Ѓогани: „Единствената сериозна врска ми беше со Маша, која траеше четири години. Тоа беше мојата прва голема љубов, но бевме деца, не бевме зрели ... Бев во смешна врска со Луна. Всушност, тоа не беше ни врска, бевме во мали. Мислам дека имавме шест години. Како деца бевме вљубени еден во друг. Слушнав дека е бремена и и' посакувам се најдобро, да се омажи и да има што повеќе деца. Покрај смртта на неговиот татко, неговото детство беше обележано и со апсењето на неговата мајка Светлана. Никој не го криеше убиството на неговиот татко, но за апсењето на неговата мајка го излажале. „Додека мајка ми беше во затвор, мислев дека е во Америка. На мене и на Анастасија ни рекоа дека таа е отидена на турнеја и јас верував во тоа. Бев дете, одев на училиште и чекав да се врати мајка ми, а тие тие рекоа дека ќе си дојде наскоро. Ниту едно од децата не ме задеваше, сите бевме мали, па не ни помислувавме на тоа“ - рече Ражнатовиќ. Бурни настани од тој период го погодиле Вељко, па тој бил проблематичен за време на школувањето. Затоа од Цецаа често добивал и ќотек. „Мајка ми постојано ме казнуваше, не ме пушташе да излезам надвор од дома, но кога веќе не знаеше што друго да прави со мене, најде еден наш домашен пријател. Не сакам да го откривам неговото име. Поради него, во животот како да имав и татко, иако немав татко. Многу го почитувам! Повеќе се плашев од него отколку од мајка ми Цеца. Дури и денес. Тој е единствениот пријател на татко ми, кој беше со него до самиот крај и кој е постојано со нас. Ме гледа како да сум му син, тој не ме одделува од своите деца. Се обидува да ми помогне секогаш кога тоа ќе ми треба, како и да ме советува. Го слушам сè што ќе каже, без поговор, без дискусија! А кога мајка ми ќе ми каже нешто, јас се расправам со неа и си го терам своето. Сите сме многу благодарни на пријателот на татко ми. Сепак, никој не може да го замени Аркан...“ - раскажал Вељко.

Пејачката Инди ја претепале на свадба: „Еден од гостите беше нападен па му удрив тупаница в лице, а потоа двајца мажи скокнаа врз мене и добив жесток ќотек“! (ФОТО)

Антонио Димитриевски — Tue, 29 Jun 2021 11:01:47 +0000

Пејачката Индира Инди Арадиновиќ открива дека била жестоко претепана на една ромска свадба! Фолкерката вели дека двајца мажи ја претепале, затоа што претходно го удрила едниот во главата, бидејќи тој се однесувал кон неа нападно, вулгарно и безобразно. „Ја доживеав најлошата и најсурова несреќа на една ромска свадба. Јас му удрив тупаница на еден гостин кој се однесуваше нападно кон мене и после тоа добив брутален ќотек од двајца мажи. Беше страшно! Прославата беше прекината, а јас завршив со хематом на главата и бутот. На истата таа венчавка пееја нашите најголеми sвезди, како што се Снежана Ѓуришиќ, Ѓани, Илда Шаулиќ ...“ - раскажа Инди во шоуто „Контра шоу“ и додаде дека зажалила што ја започнала тепачката: „Мојот потег не беше паметен. Требаше да го контактирам менаџерот кога имав проблем со некои од гостите, а не да ја влошувам ситуацијата. Едноставно, не можев повеќе да издржам, да толерирам провокации и вулгарности и бурно реагирав“ - појасни Инди. Фолкерка исто така рече дека честопати била мета и на женски напади, а не само на мажи: „Ме бркаа да ме убијат! Една ме турна од бината додека пеев на свадба во Париз, а потоа се обиде да ми ја скрати косата. Беа љубоморни затоа што нивните мажи ме гледаа. Се' и се'што ми се случувало на настапи“ - раскажа Инди за „проклетството на професијата“ и непријатните случки што можат да произлезат од неа. Фото: Инстаграм принтскрин/indira_indy_aradinovic

Зоки – Фаци распука по македонските јавни лица: „Пејачките денес имаат секс за сок и тост!“ (ВИДЕО)

Антонио Димитриевски — Wed, 03 Feb 2021 08:48:52 +0000

Зоран Василевски, или на јавноста попознат под прекарот Зоки - Фаци, познат македонски естраден новинар кој нема медиум во кој не работел. Дневен весник, магазини, портали, ТВ... Но сепак, најзапазен по своите телевизиски емисии и остварувања, но и по контроверзниот начин на ооднесување, облекување, живот... Oсобено по тоа што Зоки никогаш немал „влакна на јазикот“, па без пардон знаел на познатите да им го „плесне в лице“ пред камера или зад неа, сеедно... До душа, „му го плескале“ и нему, но никогаш ниту се налутил, ниту изреагирал непријателски, напротив... Секогаш се водел по максимата: „Не сум толку несериозен, работите да ги сваќам сериозно“, па затоа можеби и толку долго опстојува во јавниот живот иако повеќе не во професијата. Имено, Зоки- Фаци од пред една година работи во маркетингот и го работи ПР-от на најпознатото и најголемо казино во Македонија, кое покрај она на излезот од Гевгелија, на самиот граничен премин со Република Грција, лани отвори и во Скопје, во срцето на градот, на самиот плоштад Македонија, во големиот хотел на истата локација. Фаци деновиве му беше гостин на младиот колега Стефан Лазаров кој го „провозе“ во своето „драјв ток шоу“, па го „протресе“ со прашања на кои Зоки не одолеа да не даде „сочни“ одговори кои ќе ја заскокоткаат јавноста, а некои од јавните лица ќе ги изнервираат, налутат, шокираат, запрепастат... „Светските ѕвезди направија кариера не само од песните туку од многу други нешта, како голотијата, на пример... Една Мадона или Џеј Ло, еве сега на пример, на 50 и кусур години гола снимаше спот... Добро и Тамара кај нас се соблече своевремено за календарот на еден познат наш бренд за вода, ама јавноста ја исплука. А жената беше баш убава, згодна, млада... Што и фалеше? Ама ете, мора да биде проститутка зашто се соблекла гола! А оние што работат во банка и обложувалница, тие не се е*ат, тие се фини девојки? До душа за тие пари јас би се соблекол и пиштол гол, и тоа качен на коњ“ - му објаснуваше Фаци на младиот колега, за тоа како се станува ѕвезда и како голотијата кај нас се доживува! Во својата новинарска кариера, наводно заради својата отвореност добил и ќотек, односно бил сериозно истепан, особено кога пред 10-ина години беше начекан навечер пред неговата зграда од две маскирани лица и удрен со шипка во главата, а медиумите и истрагата подоцна тоа го третираа како обид за убиство!? „Никогаш не го фатија сторителот, иако се шушкаше кој е во прашање, ама ете... Паднав во бесознание и кога се освестив, бев сиот облеан во локва крв, а ме најде соседот. Но, тоа не ме обесхрабри, јас продолжив емисијата да си ја работам со љубов и се' што обајвував во неа беше вистина, иако жолтиот печат понекогаш знаеше тие настани да ги преувеличи“ - раскажува Фаци за своето ТВ искуство. На прашањето дали во Македонија постојат ѕвезди, Зоки- Фаци категорички тврди: „Не! Последна ѕвезда во Македонија беше Тоше Проески! Имавме можност и сакавме да направиме вистинска естрада како што имаат една Србија или Бугарија, ама нашиве пејачки како Калиопи или Елена Ристевска се 'стерилни'. На пример, кога Елена Ристевска се мажеше, прв земав камера, снимав дело од атмосферата, а кога се разведе, ја снема и буквално го исклучи телефонот, зашто тоа е приказна која не смее да се раскаже во јавноста!? Фаци смета дека во Македонија нема класични старлети како Сораја во Србија да речеме, иако тврди дека некогашното момче на Александра Накова кога била млада и анонимна, му пришло на маса во еден локал и му дало 500 евра со зборовите: „Ти создаваш познати, сакам од ова девојче од Гевгелија да направиш ѕвезда“, па Александра Накова е тоа што е денес, тврди Фаци, кој распука по денешните млади пејачки: „Ма врска немаат... Денес тие се е*ат за сок и за тост... За една пијачка!“ - тврди контроверзниот Фаци, кој има своја теорија зошто еден Влатко Лозаноски не може да го наследи Тоше или зошто момчињата од „2 Бона“ во своите спотови го имаат сето она што приватно го немаат, а не пропушти да го искоментира и можеби единствениот поконтроверзен јавен лик од него, Боки 13-ка: „Ми се јавува едно утро Бокица кога ја правеше '1 ТВ' и ми вика: Зоране, јас тебе ич не те сакам, ама ти ја почитувам професионалноста и твојот труд. Ајде дојди во телевизија да се договориме да правиш емисија. Во денешно време генерално не постои морал. Отвори Инстаграм и види дали има една морална девојка? А во последно време и мажи! Тие се полоши, тие се прифаќаат...“ - тврди Фаци убедувајќи не дека тоа е реалноста. Што се уште му раскажа поискусниот колега на младиот водител, а преку видеото на неговиот Јутјуб канал и на целата јавност, погледнете од видеото во кое е содржан разговорот на Зоки - Фаци и Стефан Лазаров. https://www.youtube.com/watch?v=jMW3nQgCnDs

Милица Тодоровиќ за малку претепана во Загреб: Ќотек наместо хонорар за настап! (ФОТО)

Антонио Димитриевски — Wed, 12 Jun 2019 10:46:11 +0000

Милица Тодоровиќ води војна со бившиот менаџер Војислав Петровиќ - Воја, кој инаку и е и зет, односно сопруг на нејзината сестра Јована. Таа го обвинува за кражба на 60.000 евра кои наводно тој и ги затаил, пари кои биле наменети за купување стан на пејачката.

Но тоа не е единствениот инцидент кој таа го имала со сега веќе својот бивш менаџер. Иако првите две години соработка одела како подмачкана, потоа почнале да се слулуваат инциденти и немили ситуации. Во една таква, Милица за малку не добила ќотек, а Воја едвај извлекол жива глава и тоа по негова вина.

Имено, додека Милица пеела на сцената во еден ноќен клуб во Загреб, само што почнал настапот Воја на сопственикот му побарал поголем хонорар од договореното. Овој нормално, не сакал ни да слушне, по што дошло до кошкање, внесување лице в лице, а се вмешало и обезбедувањето. Само присебноста на Милица довела до тоа настапот да не заврши со тепачка. Истотото се повторило и друг пат во друг клуб во Хрватска, по што газдите на клубовите почнале повеќе да не ја викаат, велејќи и дека само заради почитта кон неа, менаџерот не бил претепан!

По ова пејачката била длабоко повредена и разочарана, но продолжила да соработува... Сепак, откако инцидентите станале се почести, решила да го отпушти, по што и денес е во лоши односи со својата сестра!