ќофтиња – Вистина.мк

Рецепт за крцкави ќофтиња од компири и сирење

Слободанка Илиева — Thu, 01 Oct 2020 13:00:09 +0000

Ако сте љубител на компири и сирење и на сите комбинации на овие две намирници, мора да ја пробате и оваа комбинација. Подготовката е многу едноставна, а резултатот е вкусни крцкави ќофтиња на кои е навистина тешко да им одолеете. Потребни состојки: 400 грама ладно пире од компири 1 мал кромид 100 грама рендан пармезан 70 грама скробно брашно 1 јајце сол и црн пипер 2 лажици масло за пржење 2 лажици путер за пржење Начин на подготовка: 1. Исечкајте го кромидот ситно. Потоа, ставете го пирето од компири во еден сад, додајте го кромидот, додајте сол и црн пипер по вкус, а потоа додајте го изматеното јајце и добро измешајте. 2. Потоа, додајте ги ренданото сирење и скробното брашно и измешајте. Смесата треба да биде малку сува, но да може да се обликува. Ако забележите дека е премногу леплива и не можете да ги обликувате ќофтињата, слободно додајте уште неколку лажици скробно брашно. 3. Оставете ја смесата во фрижидер околу 45 минути за да се стврдне. Откако смесата ќе се олади, извадете ја од фрижидерот. Земете малку смеса и формирајте топче кое потоа лесно ќе го сплескате со дланките во форма на диск. Ставете ги ќофтињата на мрсна хартија. 4. Ставете масло и путер во тава за пржење и загрејте на средна топлина. Кога мрснотијата ќе загрее, внимателно ставете ги ќофтиња на неа. Пржете на едната страна околу 3-4 минути или додека не забележите дека ќофтињата добиваат златно-жолта боја. Потоа, внимателно свртете ги и пржете на другата страна околу 3-4 минути. По пржењето, ставете ги на чинија обложена со хартиена крпа за да се впие вишокот мрснотии. извор:кафепауза.мк

Идеја за ручек: Запечени макарони со ќофтиња и зеленчук

Христина Ѓоргиевска — Mon, 25 Nov 2019 13:04:51 +0000

Вкусен оброк, сè во едно тенџере. Доколку сте љубител на тестенини, ви препорачуваме да го подготвите овој рецепт.

Состојки:

400 гр. тестенини 200 гр. мешано мелено месо100 гр. шери домати100 гр. печурки Конзерва домати Главица кромид Две чешниња лук Маслиново масло Сол, бибер Сушено оригано

Начин на подготовка:

Сварете ги макароните кои треба да бидат „ал денте“. Загрејте масло во тавата, посолете го меленото месо и направете мали ќофтиња од него. Пржете ги ќофтињата од сите страни за да добијат златна боја, а потоа ставете ги на чинија. Во иста тава испржете кромид, лук, шампињони и по пет минути пржење додајте ја конзервата со домати. Зачинете со оригано и динствувајте неколку минути додека рерната се загрева на 200 степени. Промешајте ги макароните со добиениот сос, ќофтињата и шери доматите. Префрлете ги во тава за печење и печете 15 минути. Сервирајте со пармезан. извор: точка.мк

Брз ручек- пилешки ќофтиња во сос

Билјана Цветковска — Tue, 12 Nov 2019 13:45:54 +0000

Тешко дека некој би одолеал на мини бомбици (ќофтиња) од пилешко месо, а вреди да ги пробаат и оние што се толку искусни во кујна. Пилешко месо со малку сланина, потопено во сос е идеален ручек, а за уште побогат вкус, може да ги комбинирате со тестенини.

Се што ви е потребно е:

За бомбици: 1 лажица масло 1 кромид, сечкан на коцки 1 чешне лук, ситно сечкано 300 g пилешко месо (мелено) малку сланина, сечкана ситно (по желба) Сол и бибер 1 јајце 1/2Лебни трошки

За сос:

1 лажица путер 1 лажица брашно 400 гр хопла за готвење Рендана кора од 1 лимон

Ставете го маслото во тавче на средно загреана рингла и запржете ги малку кромидот и лукот додека не добијат златеста боја, а потоа тргнете ги од оган. Во сад, ставете го меленото пилешко, сланината, сол и бибер и мешајте додека не се соедини смесата. Потоа додадете ги кромидот, лукот, јајцето и лебните трошки и соединете ја смесата. Од смесата обликувајте мали топчиња и ставајте ги во тавче со малку маслинов зејтин. Кога ќе фатат боја, тргнете ги настрана. Во истото тавче, стопете го путерот, додадете брашно и мешајте додека се растопи. Потоа додадете ја хоплата, лимоновата кора, сол, бибер и гответе додека не стане кремаста смесата. Додадете ги топчињата, наросете со магдонос и сервирајте ги со тестенини или со друго јадење по желба.

Ќофтиња со сос од кромид – Деликатесни мали топчиња

Христина Ѓоргиевска — Wed, 14 Aug 2019 12:30:45 +0000

Направете сочни и вкусни ќофтиња во вашиот дом. СОСТОЈКИ. 500 гр. мелено месо 1 кг. кромид 2 компири 1 чешне лук 2 лажички црвен пипер 1 лажица доматно пире 2 листа ловор ПОДГОТОВКА: Се сече ситно кромидот и се пржи на масло, па се става доматно пире и ловор со црвен пипер. Се динста додека кромидот не се распадне. Се меша меленото месо со ситнет лук и со варен и пасиран компир. Се прават ќофтиња од смесата и се пржат на масло. Се ставаат во тепсија со сосот со кромид. Се печат на 180 степени еден час. извор: готви.мк