ќеркички – Вистина.мк

Среќен 8 ми Март од креативните рачиња на дечињата на познатите мајки (фото)

Слаѓана Атанасова — Thu, 09 Mar 2023 09:58:22 +0000

Дефинитивно нема поголем и поубав подарок или честитка за една жена од креативната изработката на малите, вешти рачиња, кои се потрудиле со голема љубов да ја создадат сами. Денот на жената како и секогаш беше исполнет со многу насмевки, а на профилите познатите Македонки на „Инстаграм“ ги споделија рачно изработените честитки од нивните најмили. Се разбира, вештите прстиња создале прекрасни изработки кои нивните горди мајки со големо задоволство и ги претставија и на Инстаграм заедницата. Пејачката Тамара Тодевска сподели фотографија на нејзините кратки приказни две прекрасни честитки изработени од нејзината ќеркичка Хана и синот Дарен. Пејачката, модел и екс мисица, Кристина Димитри сподели емотивна фотографија од подароците кои ги добила од нејзиното синче Давид. „Рачињата мајкини ме разбудија со подароци“ - стоеше пак во објавата која ја напиша таа за изненадувањето што го добила од малиот Давид. И Пејачката и докторка Симона Поповска го доби најубавиот подарок од поголемото синче Никола. „Најубавиот и најемотивниот 8 ми Март“ - напишаа таа на нејзиното „стори“, откако ја сподели рачно изработената честитка до која имаше и прекрасна црвена ружа. Македонската фолк пејачка Сузана Гавазова се пофали колку се вредни и креативнинејзините дечиња. Па, убавата струмичанка објави кратко видео од честитка и рачно изработени цвечиња од рацете на нејзините најмили, двете ќеркички Емили и Селена. Атрактивната ТВ водителка на Канал 5, Милена Антовска сподели фотографија од нејзината ќеркичка Лана Марија. Додека пак во објавата пишуваше: Лана Марија и мама држат срце - надополнето со емотикони од црвени срциња. Фото: Социјални мрежи/ Инстаграм и Фејсбук принтскрин

Кај Гавазова елката накитена: Годинава место Сузана, елката ја китеа двете најблескави ѕвездички во нејзината вселена, ќеркичките Емили и Селена (ФОТО)

Антонио Димитриевски — Thu, 01 Dec 2022 10:12:39 +0000

Нова Година наближува, а неа најмногу и се радуваат децата. Целокупната предновогодишна атмосфера и амбиент потсетуваат на една голема волшебна бајка, во која Дедо Мраз им ги исполнува желбите преку своите подароци, а најблиските се тука секогаш да ја споделат новогодишната магијата со својата фамилија. Така е кај сите, или барем треба да биде, па и кај познатите и популарни личности и естрадните ѕвезди. За разлика од многу познати личности кои приватноста ја кријат како „змија нозете“, фолкерката Сузана Гавазова е една од оние која не само што не го крие приватниот живот, туку и го сервира на увид на јавноста, дури и кога се нејзините деца во прашање. Покрај кариерата, струмичката фолкерка неретко знае да ги отвори вратите на домот и да ја покаже својата домаќинска страна, особено кога се ближат празници, а а Нова Година и Божиќ се секако едни од најубавите и назначајните. И за неа и за нејзините две мали куклички, ќеркичките Емили и Селена! Затоа уште со време Гавазова се погрижи да го украси домот и новогодишниот амбиент да го пренесе во новното живеалиште. Но, ако досега тоа го правеше воглавно таа, сега новогодишните декорации, стана обврска и дело двете мали грации! Меѓу сите украси, се разбира доминира, новогодишна елка, годинава целата во бело. За нејзиниот украсување, со лампиони во неколку бои, машнички, ѕвездички, сијалички и балони, се погрижија двете сега веќе потпораснати бомбони! Она што го гледале и научиле од мама Сузана, нејзините убавици Емили и Селена го применија декорирајќи ја и новогодишната елка и целиот празничен амбиент со украсување на домот. Така е секоја претходна, така е и оваа година, кога празници се ближат и доаѓа Нова Година! А, Нова Година уште отсега почнува се празнува во домот на Гавазова! Најрадосни и највесели разбирливо двете најблескави ѕвездички во нејзината вселена, нејзините вредни ќеркички Емили и Селена! Фото: Инстаграм принтскрин/suzanagavazova

Живко Динев – екс „Браво бенд“ стана татко: Прва, па двојна радост – Жика и неговата сопруга Ана добија близначки (ФОТО)

Антонио Димитриевски — Thu, 16 Dec 2021 08:13:00 +0000

Бившиот басист и вокал на „Браво Бенд“, пејачот Живко Динев, стана татко за прв пат. Прва, па двојна радост кај Жика, како што сите го викаат и неговата сопруга Ана Колевска Динев, кои по осум години во брак, ги добија близначките Мила и Миа. Двете мали принцези се долго очекуваната круна на нивната љубовна врска и хармоничен брак. Ана и Жика долго чекаа на проширувањето на семејството кое може да се каже дека дури сега е комплетно со доаѓањео на свет на двете ќеркички. Сега се тие најважните, центарот на нивниот универзум околу кои веќе почна се' да се врти, иако како што велат старите, ако штркот еднаш долетал, можеби ќе долета и друг пат. Но, за тоа потоа, сега се најважни Мила и Миа! Сопругата на Жика, Ана, двете мали убавици на свет ги донела со породување во Клиниката за гинекологија и акушерство при Клининичкиот центар „Мајка Тереза“ во Скопје и мајката и двете ќеркички се во најдобар ред. Инаку имињата малечките наследнички ги добиле откако кумот и кумата кажале како двете девојченца ќе се викаат. „Кажи куме име“ и кумот и кумата кажаа... И тоа не едно, туку две: Мила и Миа се новите членки на среќната фамилија. И пред мајката и двете ќеркички да си дојдат дома, Жика, кој ионака е познат и самиот по веселиот дух, секогаш расположен и насмен, овој пат наместо тој да ги забавува и весели другите, заедно со браќата, дел од семејството, другарите, пријателите, колегите... и самиот се веселеше до зори, прославувајќи го еден од најсреќните и најрадосни денови во неговиот живот. По доаѓањето на сопругата и ќеркичките дома, следуваат „слатките обврски“ околу приновите, но и работните, зашто Жика заедно со својот придружен бенд музичари се речиси „распродадени“ уште отсега за деновите пред новогодишните празници, а и во деновите по Нова Година, кога продолжува божиќната магија, која ќе ја замени новогодишата еуфорија. Како и да е на Жика и неговата Ана им останува да уживаат во она што во животот е најслатко - за прв пат да се биде родител, горди мајка и татко! Нека им се живи и здрави наследничките! Фото: Фејсбук принтскрин/Zivko Dinev

Влатко стана татко… по втор пат: Македонскиот фудбалер доби уште една ќеркичка (ФОТО)

Антонио Димитриевски — Thu, 19 Nov 2020 08:04:22 +0000

Некогашниот македонски фудбалер, играч на Вардар и неколку други македонски и странски клубови и државен репрезентативец, а сега помошник тренер во У-21, Влатко Грозданоски за разлика од повеќето од нас оваа 2020 година ќе ја памети по добро. А има ли подобра и поубава вест, отколку тоа да станеш родител. Влатко стана татко... и тоа по втор пат. Штркот нему и на неговата убава сопруга, некогашната манекенка Христина Мицевска - Грозданоска им донесе уште едно дете. Уште една ќеркичка, уште една преубава принцеза покрај онаа првата, Мила, која ја добија пред неполни две години. Радосната вест прв ја обзнани фудбалерот на социјалните мрежи, на Фејсбук и своите Инстаграм приказни. „Денес, 18-ти ноември 2020 по втор пат станав татко. Мојата сопруга Христина Мицевска Грозданоска на свет ја донесе нашата втора ќеркичка Ива. Мила си доби сестричка. Да си жива и здрава ќерко“ - беа зборовите со кои Влатко откако одново стана статко и посака добредојде на овој свет на својата втора ќерка, пресреќен што двете сестрички ќе растат заедно. Раѓањето на своето второ чедо не пропушти да го обзнани ни мама Христина, која се огласи преку својот и Фејсбук профилот на својот сопруг: „Денес станавме побогати со уште еден член во нашето семејство .Ни се роди нашата втора гордост, нашата ќерка Ива. Пресреќна сум и благодарна на Бога што ни подари ваква среќа и радост во животот. Да ни бидеш жива и здрава ќерко моја да ми те пратат само убавини во животот, да ни бидеш најсреќна, а ќе бидеш најсакана од мама, тато и твојата дада Мила“ - сподели пресреќната манекенка, сега мајка на две преубави малечки принцези, пред која сега се двојно зголемени мајчинските обврски, а на ред е веројатно и... втора тетоважа? Бројни честитки стигнуват од сите страни. Најблиските, роднините,другарите, пријателите, колегите... Безброј посакани убавини на едно место, најчесто лично, но и преку социјалните мрежи заради задолжителната „социјална дистанца“! Инаку, Влатко Грозданоски стана татко за прв пат пред речиси две години кога неговата сопруга Христина на неговиот 36. роденден на свет ја донесе малата Мила. „Мојата сопруга ми го даде најубавиот роденденски подарок што можам да го замислам. Се роди нашата ќеркичка Мила“ - обзнани тогаш фудбалерот на социјалните мрежи. Инаку, со Христина се венчаа во 2016 година, а претходно беа долги години во врска. Кум на Грозданоски е неговиот колега од теренот, некогашниот фудбалер и репрезентативец, сега фудбалски тренер Александар Васовски, кој и ја крштеваше малата Мила. На Влатко Грозданоски и неговата сопруга Христина, нека им е со среќа приновата во семејството!

Гавазова има не една, туку две достојни замени: Емили и Селена и го „украдоа шоуто“ на мама Сузана (ВИДЕО)

Антонио Димитриевски — Tue, 31 Mar 2020 06:56:09 +0000

Сакале или не, полека почнавме да се навикнуваме на новите правила на живот што ни ги наметна корона пандемијата. Седи дома, не излегувај, одржувај хигиена и прави се што треба. Оние што можат да работат и одо дома, го прават тоа, но повеќето мораат да си најдат неакаков начин како да си го олеснат животот во четири ѕида и да си го направат, поедноставен, покомотен, позабавен. Естрадата е една од оние кои по силата на нештата е „на принуден одмор“, па затоа од дома по пат на живи вклучувања, онлајн или со снимени видеа се обидуваат пеејќи ем да ја одржат формата, ем со нивната песна малку да го развеселат народот во овие тешки денови. И сето тоа преку социјалните мрежи, кои станаа главно средство за комунуикација помеѓу луѓето, главен прозорец кон светот, дури поважни и од телевизијата и радиото. Македонската фолкерка Сузана Гавазова е една од оние која редовно ги практикува онлајн настапите од карантинот и со својот репертоар на песни и својот глас и интерпретација ја забавува целата нација, олеснувајќи му го на народот, животот во изолација. Нејзините онлјан концерти веќе станаа навика, па однапред закажани со душа се чекаат. Ем се бесплатни, ем се мелем за душата во овие тешки времиња кои ова ни го сторија и дома не затворија. Но, Гавазова не е само естрадна фолк ѕвезда, туку и одана и посветена мајка на две прекрасни дечиња, две русокоси куклички, нејзините ќеркички Емили (6) и Селена (5). „Генот е наследен, крушата под круша паѓа, крвта не е вода“... Народни кованици, кои се употребуваат кога некој од своите родители ќе наследи некоја особина? Во случајов - талентот. И тоа оној на мама Сузана за пеење, кој токму го наследиле нејзините две малечки убавици. Дека е тоа така, Емили и Селена покажаа пред целата јавност. Можеби за песните на мама е рано, ама затоа за песничките од нивната возраст се тата-мата. Тие двете пред камерата и Гавазова заедно со нив и... новото женско вокално трио е тука. Семејна хармонија која звучи како симфонија, иако е само детска песничка која открива многу. Зашто тоа не обична симфонија, туку вистинска ода на радоста, љубовта, семејната среќа, безгрижната детска игра и насмевки... А во настапот на двете мали и големата убавица, Емили и Селена покажаа дека Гавазова има не една, туку две достојни замени. Нејзините две куклички пеат без маана, па и го „украдоа шоуто“ во карантинот на мама Сузана!

Нова Година уште отсега вака се празнува во домот на Гавазова: Ќеркичките Емили и Селена подготвени го чекаат Дедо Мраз (ФОТО+ВИДЕО)

Антонио Димитриевски — Sat, 30 Nov 2019 08:30:22 +0000

За разлика од многу познати личности кои приватноста ја кријат како „змија нозете“, фолкерката Сузана Гавазова е една од оние која не само што не го крие приватниот живот, туку и го сервира на на увид на јавноста, дури и кога се нејзините деца во прашање. Двете мали ќеркички, Емили и Селена се најблескавите ѕвездички во нејзина вселена, па затоа Гавазова се обидува секој слободен миг да биде со нив, за да им ја дари сета мајчинска љубов на овој свет, а од нив да го добие она, што секоја мајка го посакува: безгрижна детска насмевка за среќа и радост! Празници се ближат, оние највеселите, најпосакуваните, најшарените... За сите, особено за најмладите! Затоа фолкерката побрза навреме да ги израдува своите ќеркички украсувајќи го домот со рани новогодишни декорации, меѓу кои се разбира доминира, накитената новогодишна елка! Играчки и лампиони, но и специјално брендирана гардероба во вид на новогодишни фустанчиња за двете ангелчиња, нејзините ќеркички - двете куклички Емили и Селена! Веселата атмосфера секако ја збогатуваат новогодишните песнички и игра, исполнети со детскиот џагор и смеа, а тука е и мама да запее, ако треба! Така е секоја претходна, така е и оваа година, кога празници се ближат и доаѓа Нова Година! А, Нова Година уште отсега вака се празнува во домот на Гавазова!