ќеркичка – Вистина.мк

Ќеркичката на Викторија Јаначковиќ го прослави првиот роденден: „Ти благодарам Боже за се’!“ (ФОТО)

Антонио Димитриевски — Fri, 02 Feb 2024 11:00:49 +0000

Викторија Јаначковиќ, една нашите најпознати манекенки и некогашна мисица, екс дама од политиката и дипломиран стоматолог се врати во модниот свет како едно од заштитните лица на модната куќа ЕЛ, во првиот месец од минатата 2023 година на социјалните мрежи ја изненади јавноста со веста дека станала мајка! Откако се дозна дека Викторија на свет донела девојче, љубопитните душегрижници веднаш почнаа да се интересираат кој е таткото на детето, дали е и сопруг на Јаначковиќ, кога стапила во брак...? Но, бившата мисица веднаш ги „урна“ сите нагаѓања и претпоставки, обзнанувајќи дека нема намера да се мажи за таткото на своето дете, кој патем, за македонската јавност беше непознат, зашто е странец и не е државјанин на Македонија. Но тоа не значи дека таа и таткото на најзиното дете не се во контакт и постојана комуникација, и дека немаат добри релации како и секои грижливи родители, без оглед што официјално не се врзани со никакво брачно парче хартија, односно не се венчани. Една година подоцна, малечката убавица која го доби името Никита го прослави својот прв роденден. Свечено славенички променета како малечка принцеза, слатката убавица во присуство на мама, баба, семејството и блиските пријател(к)и на Викторија почувствува како е да си за прв пат главна на денот што го чекаме цела година. Честитки, бакнежи, прегратки, најубави желби и дузина подароци за малечката убавица која уште сега неизмеро личи на мама... Или што би рекле, убавица од мали нозе... Уште од пелени! А принцеза како принцеза, без круна не ја бидува, како ни роденден без роденденска торта. И обете слатки у убави, а мама и баба најрадосни и најнасмеани... Впрочем, среќата од лицата им се чита, а како и не би, кога првиот роденден го слави нивната мала наследничка Никита! Како прва епизода од нивната најубава семејна сторија или... „Ти благодарм Боже за се'“ - што би рекла мама Викторија! Фото: Фаејсбук/Viktorija Janackovic

Водителката со извинување за соседите: Милена Антовска под наплив на еуфорија, но и со чувство на вина (фото)

Слободанка Илиева — Mon, 15 Jan 2024 09:28:35 +0000

Месец јануари е посебен за ТВ водителката Милена Антовска- Станковска. Таа и нејзиното семејство имаат дупли повод за славење откако пред две години ја добија и малечката Јоана. Но, првин повод за радост и славење беше денот на мама Милена која на роденденот му се радува како дете. Славеничката за прославата на своите 37 години најпрвин ги собра другарките, подготви полна трпеза, обезбеди пиење, ама и избрана плејлиста на музика за караоке со другарките на домашна забава. Арно ама веројатно заборави да постави известување на огласната табла од зградата каде живее. Наплив на еуфорија, распеани и разиграни, Милена се сети и и проработи грижата на совест дека веројатно ги вознемирува соседите поради бучавата, па јавно им се извини преку своите „стори“ на Инстаграм. Бидејќи имаат позната соседка, големи шански има да и прогледале низ прсти и да ја толерираат без реакција и пријава, особено кога е славеничка. Следниот ден повторно не беше така тивко од домот на водителката. Повод за славење, повторно роденден, овој пат на помалата ќерка Јоана која наполни две годинки. Се собраа сите членови на семејството, сега се пееја детски песнички, а на радоста и немаше крај. Ако минатата година Милена имаше извинување за колегите поради нејзиното постојано зборување за роденденот и крштевката на втората ќеркичка, овој пат извинувањето беше за соседите. Милена и ја посака целата среќа на Јоана, а преубавиот празник Василица засекогаш останува да биде посебен за водителката и нејзиното семејство, а исто и за соседите кои веќе ќе си знаат што ги чека на 13-ти и 14-ти јануари. Среќен роденден мама и Јоана!

Бомбакис стана татко: „Сега веќе животот има смисла, има за кого да се живее, животот ќе го дадам за тебе“! (ФОТО)

Антонио Димитриевски — Tue, 26 Dec 2023 07:19:16 +0000

Кристијан Станковски или едноставно Бомбакис /@Bombakis/, како што се потпишува, за кусо време стана вирален хит со своите довитливи написи и пароли испишани на картон, така што на неговиот Инстагарам профил преку ноќ собра десетици илјади следбеници. Нема човек, особено помеѓу помладите кој не знае кој се крие зад овој прекар, освен што не знае што треба да очекува од неговиот следен картон. Oткако кон крајот на месец јуни годинава (2023) влијателниот инфлуенсер и подкастер се ожени со неговата девојка Вики, Бомбакис неполн месец подоцна обзнани дека ќе стане татко! Тој наместо вообичаениот картон со испишана порака, овој пат високо го крена резултатот со фотографијата од ултразвук на која се гледа дека неговата сопруга носи бебе и напиша: „Најдобриот ‘картон’ што сум го држел во животов“. А сега, само неколку дена пред дочекот на новата 2024-та година, момчето со картоните со нова порака ја обзнани веста дека ова е најдоброто нешто што му се случило во животот. Дедо Мраз му го донесе најубавиот новогодишен подарок, па Бомбакис за прв пат стана татко! Имено, неговата сопруга Вики на свет донесе женско чедо, а девојчето доби преубаво македонско име. Тато Кристијан разбирливо, со порака на картон на својата од бисер поубава ќеркичка и посака: „Добредојде на светов Бисера“! Пресреќен, гордиот татко картон пораката ја споделил на својот Инстаграм, а во постот не можел поубаво да ја прикаже својата радост и среќа за приновата: „Сега веќе животот има смисла, има за кого да се живее, животот ќе го дадам за тебе!“ - сподеил Бомбакис. Со цврста вера ја надмина опаката болест, со надеж дека ќе има подобро утре и уште долг живот, сега Бомбакис сета своја љубов и ја дарува на малечката штотуку родена принцеза и неговата сакана сопруга, на семејството... Нека им е живо и здраво малечкото Бисерче во нивната семејна школка! Фото: Инстаграм/bombakis

Празнично расположение во домот на Емра Куртишова – актерката на мошне креативен и необичен начин и подготви мало изненадување на ќеркичката (фото)

Слаѓана Атанасова — Tue, 05 Dec 2023 09:41:35 +0000

Како и секогаш декември е резервиран за новогодишно украсување на топлите домови, а во тој студен зимски месец украсите го креваат празничното расположение, но секако најзабавно и најинтересно им е на најмалите членови во семејството. Актерката Емра Куртишова Стојанова која на публиката и стана позната по нејзината улога на Исаура во серијата „Преспав“, неодамна ја сподели радосната вест дека таа и нејзиниот сопруг и колега Петар Стојанов го проширија семејството и ја добија ќеркичката Лена. Тие двајцата сега за прв пат ќе ја дочекаат Новата Година во улога на родители. Па така на убавата наследничка, меѓу првите, побрзаа да и подготват празнична атмосфера но, на мошне креативен и необичен начин. Овој пат Емра во тој празничен дух, сподели две преслатки фотографиии, од кои едната беше со елката од нивниот дом, и беше украсена со еден лампион на кој стоеше испишано името за кое тие се одлучија и му го дадоа на слаткото девојче, Лена. Додека на другата беа само рачињата на малечката кое сега е најголема инспирација на актерката за се' што е убаво и весело. Лена иако е малечка, веројатно се израдувала на убавиот лампион, кој ќе и остане како убав спомен од нејзините родители, а кога ќе порасне голема девојка со задоволство ќе го чува во кутијата полна со новогодишни украси. Фото: Printskrin/Instagram/emra.kurtishova

Елена Миленковска и Гуте го прославија првиот роденден на нивната ќеркичка: Малата принцеза Миона, толку мала, а толку голема во очите на мама

Антонио Димитриевски — Fri, 15 Sep 2023 07:55:51 +0000

Не тајна дека некогашните „Гранд ѕвзди“, брачната двојка Елена Миленковска – Гуте Mаринковиќ важат за еден од најскладните и најхармонични брачни парови. Нивниот брак во могу нешта наликува на совршен, а семејната хармонија ја надополнува онаа музичката, која е дел од нивната професија. Плод на нивната љубов најпрвин е синчето Максим, а лани, токму во месец септември 2022 година, „штркот во нивното семејно гнездо им ја донесе“ и малата Миона, која ја заокружи убавата целина на нивната љубовна приказна. Токму нивната мала принцеза сега, една година подоцна, го славеше својот прв роденден. А кога е во прашање „денот што го чекаме цела година“, тој никако не може да мине без тортата. Мама Елена тато Гуте и бато Максим покрај неа, а на тортата запалена првата свеќичка која се рзбира треба да се дувне со најпознатата роденденска песничка: „Нappy birthday“... А потоа еден бакнеж за славеничката од целото семејство собрано околу тортата за првиот роденден магија да се стори... И се стори. За малата принцеза и нејзиното братче, сладење со шлагот и тортатата...

View this post on Instagram

A post shared by Sara | porodični i dečiji fotograf (@saradivojevicphotography)

Додека мама Елена ја надвладаа емоциите и сеќавањата... „Пред само една година, а како да беше вчера“ - најпрвин напишала пејачката заедно со споделената прва фотографија од малечката Миона, веднаш по породувањето. Но тука не застана со напливот на чувства и сеќавањето: „Од првиот ден те гледам вака заљубено и засекогаш ќе те гледам така. Така си малечка, а толку голема“ - споделила Елена на фотографијата која ги топи срцата на сите мајки. нејзиното секако, најмногу, зашто нејзината Миона навистина иако толку малечка за не е и тоа како „голема мома“! На крајот благослов од мама: „Помина цела година откако бевме благословени со тебе, наше малечко.Ние уживаме во тие благослови секој ден.Среќен прв роденден за тебе. Те сакаат бескрајно, тато, мама и бато“!

View this post on Instagram

A post shared by Elena Milenkovska (@elenamilenkovskaa)

Нека и е среќен првиот роденден! Фото: Инстаграм/elenamilenkovskaa/saradivojevicphotography

Милена Антовска славеше роденден на ќеркичката: Лана Марија наполни шест години (видео)

Слаѓана Атанасова — Wed, 30 Aug 2023 07:00:43 +0000

ТВ водителката Милена Антовска Станковска заедно со семејстото и пријателите го прослави 6- от роденден на постарата ќеркичка Лана Марија која веќе е пораснато девојче. По тој повод, водителката на својот „Инстаграм“ профил објави видео на која позираат двете нејзини ќеркички, а во описот на англиски јазик напиша: „Лана Марија наполни 6“ . Милена во објавата ја покажа прекрасната декорација од прославата за која водителката напиша дека е многу задоволна.

View this post on Instagram

A post shared by MILENA ANTOVSKA STANKOVSKA♑ (@milena_antovska)

Со многу балони, торта и тема од омилениот цртан на Лана Марија „Малата сирена“ уживаа на роденденската забава. За оваа прилика, Милена и двете ќерки ги дотерала во волуменозно здолниште од тул и маичка со принт од убавата сирена Ариел. Под објавата се редеа честитки од нејзините следбеници, пријатели и обожаватели со искрени желби до нејзината наследничка. Среќен роденден! Фото: Принтскрин/Инстаграм/Милена Антовска

Милена Антовска не можеше да ја дочека поубаво изненадување за добро утро: „Бидејќи ме трпиш секој ден, сакав да направам нешто добро за тебе…“ (ФОТО)

Антонио Димитриевски — Wed, 19 Jul 2023 06:55:41 +0000

Водителката на утринската програма на Канал 5 , Милена Антовска е позната не само по својот изглед, стил на облекување и однос кон ТВ гледачите, туку и како вредна и добра домаќинка, посветена сопруга и пред се' мајка. Семејството секогаш е на прво место, но новинарската професија, особено во овие „луди“ времиња е таква, што во трката по информации често немаме време за себе. Особено ако станувате како неа, рано наутро - во „црни зори“ или „бели мугри“, во зависност од тоа дали е зима или лето и брзате да стигнете навреме да ја отворите утринската програма која е толку содржински шаренолика, што навистина бара максимална концентрација при работата. Така, често се случува дури и првото утринско кафе да немате време да го испиете на раат дома, туку тоа да мора да го направите во студиото, непосредно пред да почне програмата. За некакво време за подготвување појадок и да не зборуваме, освен ако не го подготвите одвечер, а тоа не е тоа, зашто едно е јадењето да е свежо, а друго „замрзнато“ или подгреано. Како што е познатом Милена Антовска е мајка на две ќеркички - помалата Јоана и поголемата Лана Марија, која токму на својата „мајка во трчање“ едно рано утро деновиве и приреди толку убаво изненадување, што водителката не одолеа јавно да не го сподели. Имено, додека Милена се' уште спиела, Лана станала и (веројатно) со помош на нејзиниот татко, сопругот на Милена - Гордан, на мајака и и подготвила појадок за на работа. Маслинки, тазе сецкани свежи краставички и домати, малку бело сирење, малку кашкавал, две варени јајца и две парченца шунка... И сето тоа онака убаво „спакувано и подредено“ по прегради во една мала пластична кутија, за мама да си ја понесе на работа, па кога ќе најде време, вкусно да појадува. Но, она што ги „топи чувствата“ е пораката која малечката Лана Марија покрај појадокот и ја оставила на мама Милена. „Добро утро мама! Бидејќи си најдобрата мајка на светот, ме трпиш секој ден, сакав да направам шето добро за тебе! те молам погледни во фрижидер, ти спремив појадок! Те сакам, Лана“ -пишува во оставената порака, која заедно со прекрасниот појадок водителката ги споделила на своите Инстаграм приказни, па и самата додала: „Поубаво утро не сум имала“, откако претходно слатко се изнасмеала на оноа: „Ме трпиш“! И после, ајде оди да те видам... како да не ја „трпиш“?! Фото:Инстаграм/milena_antovska

„Најмилото на мама и тато“ – Пејачот Стефан Величковски и водителката Ана Николовска споделија радосна вест која им ја приреди нивната наследничка (фото)

Слаѓана Атанасова — Tue, 20 Jun 2023 06:53:28 +0000

Овој датум и овој убав сончев ден пред официјално да стапне летото, ТВ водителката Ана Ниоловска и пејачот Стефан Величковски за првпат се остварија и како родители. Имено, македонскиот учесник во „Ѕвездите на Гранд“ на социјалните мрежи минатата година ја сподели радосната вест со јавноста дека нивното семејно гнездо сега е збогатено со принова, а неговаат сопруга Ана, на свет донесе девојче. Точно една година откако на нивнат среќа и нема крај и откако нивниот заедничи сон стана реалност. Нивната керќичка денес слави годинка, а честитки пристигнуваа од сите страни, па на нивните „Инстаграм“ приказни се најдоа фотографиите со најубави желби за роденденот на Зорана. Малку пред објавите за роденденот парот сподели уште една вест преку која и посакаа и лесни чекорчиња на нивната наследничка која веќе почнува самостојно да чекори. „Лесни чекорчиња мило мое, најмилото на мама и тато“ - се надополнија тие на објавата на која јасно се гледа дека Зорана веќе оди.

Милена Антовска и нејзината ќеркичка тргнаа на упис: Кон училиште итам, прваче ќе бидам (ФОТО)

Слаѓана Атанасова — Thu, 04 May 2023 09:00:25 +0000

Времето лета, а особено кога имаме и некој поголем повод тогаш ни се чини дека е само еден краток момент. Родителството е една работа во која созреваме и ние заедно со нашите деца, а нивното растење е и наше растење и созревање во реалниот свет. Но, иако ни се чини дека туѓите деца растат побрзо, времето сепак си тече и за миг нашите деца веќе се подготвени да седнат во училишните клупи. Токму тој миг нашата позната македонска ТВ водителка Милена Антовска Станковска го сподели на социјалната мрежа Инстаграм, на која се забележува дека блика од среќа. Познато е дека Милена е посветена мајка на две прекрасни дечиња со кои се гордее и често ги покажува на социјалните мрежи. Но, сега таа го сподели моментот кога рака под рака со постарата ќеркичка Лана Марија весело се упатија кон училиштето за да ја запише во прво одделение. Милена веднаш ја сподели радосната вест и со нејзините следбеници на социјалната мрежа Инстаграм им откри дека Лана Марија од септември ќе стане прваче. „Лана Марија од септември ќе стане прваче“ - со задоволство напиша таа и и постави неколку прашања на кои малото девојченце слатко и одговараше. „Каде ќе одиме“ - гордо ја праша таа. „Во училиште!“ - и одговори девојчето. „Што ќе правиме?“ „Ќе се запишуваме“. А на прашањето дали е среќна, доби потврден одговор: „Многу!“ Тргнувањето во училиште денес е голем предизвик и за родителите бидејќи образованието секогаш е многу поинакво од она со кое се стекнале мајките и татковците , а новите генерации имаат привилегија да живеат секогаш во побогато и подостапно општество. Останува само да се радуваме да не да живееме во стравовите од иднината и да им помогнеме позитивно да го искористат нивното знаење и умеење. Фото: Принтскрин/Инстаграм/Милена Антовска

„Сакајте го оној кој ви подарува повеќе…“Александар Белов го прослави роденденот (фото)

Слаѓана Атанасова — Wed, 08 Feb 2023 08:30:59 +0000

Роденденот е ден кој го чекаме цела година. Некои му се радуваат повеќе, некои помалку без разлика на возраста но, кај сите буди убаво чувство дека токму тој е наш посебен ден. Честитките со убави зборови и желби, прегратки и бакнежи се дел од роденденската атмосфера кои славеникот ги доживува. А на славеникот на тој убав посебен ден меѓу другото му следуваат и подароци. Повеќе или помалку вредни најважни се оние кои се искрени и од срце. По тој повод македонскиот поп пејач Александра Белов вчера позираше пред роденденската торта заедно со неговата ќеркичка и неговата сопруга. Дека пејачот ужива во семејниот живот и е најгорд татко потврдува и фактот од минатата година кога токму на неговиот роденден ја објави првата фотографија и ја покажа неговата најсакана, која тогаш ја именуваше како најубавиот животен подарок. Иако пејачот до денот кога стана татко не откри дека очекува принова, ниту дека неговата сопруга е бремена. Овој пат пејачот на социјалните мрежи објави фотографија со наследничката како ја држи во раце и позира пред тортата на која има принт со суперхерој и свеќичка со број 36. Додека пак на објавата пишуваше „Сакајте го оној кој ви подарува повеќе од самиот подарок“ - искрен, емотивен и задоволен со насмевка и полна прегратка изјави Белов на неговиот „Инстаграм“ профил. Македонскиот пејач Александар Белов живее и работи во Србија поточно во Крагуевац, а со неговата сопруга Јелена минатата година се остварија во улогата на родители и ја добија нивната наследничка Мина. Фото: Принтскрин/Инстаграм/Александар Белов