ќерки – Вистина.мк

Познатите Македонски добија осмомартовски честитки кои се чуваат, траат и вредат за цел живот (фото)

Слободанка Илиева — Fri, 08 Mar 2024 08:28:37 +0000

Денес, 8-ми Март, Меѓународен ден на жената се слави насекаде низ светот! Ден кога се одбележува борбата на жените за економска, политичка и социјална рамноправност со мажите, ден кога жените добиваат безброј честитки, цвеќе, разни подароци... Секоја година главниот симбол на месец Март е жената и се’ околу неа. Во време на супериорна технологија и социјални мрежи, голем број жени, мајки, сопруги, сакаат да се пофалат и покажат како се уважени за нивниот ден, но најголем број од ваквите пофалби со подароци се сведуваат на честитките од најдрагите, најмалите. Особено драги се честитките, односно ракотворбите изработени од малите вредни рачиња на дечињата кои штотуку почнале да пишуваат или ги направиле осмомартовските честитки со помош на учителките. Со очи полни љубов и солзи, трепет на срце, вакви честитки добија познатите Македонки кои на својот Инстаграм ги објавија јавно. Меѓу нив беше Сара Мејс која се израдува на честитката од Илина која за мама ги направи најубавите цветчиња и ги избра најубавите зборови. Утрото со иста радост го почна и Тамара Тодевска стопена од букетот цвеќе и честитката на својата Хана. Истото од ќерка си ја дочека и ТВ презентерката Бубе Илиевска која од Нела на подарок доби љубов искажана на хартија и благодарност што е центар на нејзиниот свет. Овие честитки немаат цена, тие траат засекогаш, а сигурно многу од мајките ги чуваат за цел живот како потсетник дека жената има моќ да биде центарот на светот! фото:Instagram printscreen

Празничниот дух може да започне: Во домот на Гавазова со здружени сили се украсува, а еве го и резултатот (фото)

Слободанка Илиева — Sat, 09 Dec 2023 08:36:43 +0000

Стартот на месец декември го најавува почетокот на празничниот период и украсувањето во домовите. Се вади складираната елка, лампиони, гиланди,светилки и слични декоративни украси кои ја создаваат магијата. Секоја година поголем број од познатите сакаат да откријат што се случува, односно како се подгорвува и изгледа амбиентот зад четири ѕида од нивниот приватен рај. Годинава меѓу првите е Сузана Гавазова која по традизија украсувањето им го препушта на своите наследнички, ќерките Селена и Емили. Откако го споија големото новогодишно дрво, се започна со редењето на лампионите во разни бои. Колоритот е изборот за пречекот на Новата 2024 година, а малите убавици полни со ентузијазам се трудеа тоа да го направат на најдобар начин. Резултатот одличен! Секоја од нив сигурно доби пофалба од мама и тато,а на крајот останува ужуивањето во амбиентот и позитивната празнична енергија. фото:Instagram printscreen/ suzanagavazova

Мама Луна Ѓогани покажа што прави со ќерките кога тато Марко не е дома (фото)

Слободанка Илиева — Mon, 04 Dec 2023 10:46:07 +0000

Луна Ѓогани пред два месеци се породи по втор пат и на свет донесе уште едно девојче, на кое со нејзиниот сопруг Марко и го дадоа името Лана.

View this post on Instagram

A post shared by Luna Djo Miljković (@luna_djogani)

Марко и Луна на својот Инстаграм профил редовно објавуваат слики и видеа со наследничките, а Ѓогани сега покажа како се забавува со ќерките кога нејзиниот сопруг е отсутен од дома. Имено, Луна си поигра со Миа и Лана, а во еден момент се сликаше со наследничките со ефекти на лицето, што беше особено интересно за малите. Луна се пошегува и покажа што прави со ќерките кога Марко не е дома. -Кога маж ми ќе ме праша што правиме сами дома - напишала Луна. фото:Instagram printscreen/ luna_djogani

Горд и благодарен на Бога: Ѓоко Танески се пофали со своето најголемо богатство (фото)

Слободанка Илиева — Fri, 22 Sep 2023 08:00:32 +0000

За Ѓоко Танески не така често може да се прочита нешто во медиумите, освен кога има нова песна, но затоа пак на социјалните мрежи, Ѓоле е меѓу поактивните и тоа со најави за настапи. Кариерата не му стагнира, туку напротив, познатиот пејач работи под полна пареа. Живееме во скапо време кога пари секогаш требаат повеќе, особено кога си фамилијарен човек, токму како него. Па така, Ѓоко иако знаеме дека нема намера да заплови во фолк водите, тој почна да не бира настап и место каде бараат да го слушнат. Свадбената сезона беше и веројатно се уште е исполнета и за Ѓоко Танески кој заедно со бенд знае да им направи мерак на младите и гостите, па и да го собере бакшишот. Го бива и ваму и траму, од настапи со филхармонија, па се до рок свирка, свадби и разни прослави. За неговиот моќен и уникатен вокал е излишно да се коментира, па токму оттука Ѓоко за оние кои знаат што значи добар глас, едноставно е меѓу незаменливите. Се уште е лето, па и нему како и на сите им треба одмор, плажа, вода, сонце. Иако го имаат својот Охрид, Танески и семејството овој август беа во Грција од каде преку социјалните мрежи се пријавија со фотофрафии пред своите следбеници. „Д фиш“ како што многумина знаат да го наречат, посака морска, а не езерска вода, се распосла на плажа и ги покажа своите две убавици, ќерките Анастасија(15) и помалата Михаела (11). Ред работа, ред задоволство и тоа со најголемото богатство од Бога дадено, Ѓоко Танески гордо се пофали со своите наследнички кои се на возраст кога се уште сакаат на одмор со мама и тато. фото:Фејсбук/Инстаграм/ Ѓоко Танески

Ника Тошиќ откри што се случува со нејзината сестра Атина на која не може да и се влезе во трага (фото)

Слободанка Илиева — Mon, 04 Sep 2023 11:50:08 +0000

Како што вообичаено се случува кога се во прашање децата на познатите, ќерките на Јелена Карлеуша и Душко Тошиќ се под будното око на јавноста уште од најраното детство, сакале или не. Особено сега кога веќе се големи девојки, преслатки тинејџерки и вистински дами, привлекуваат несекојдневно внимание и се инспирација за многу врсници во различни сегменти, а прва што доживеа вртоглава популарност беше постарата наследничка на популарната двојка која доби завидна бројка на следбеници на социјалните мрежи. Но, притисокот од јавноста, коментарите и, на крајот на краиштата, тоа што секој нејзин чекор беше внимателно следен, доведоа до тоа Атина да се повлече од социјалните мрежи, а според се, таа е во мирно и безгрижно детство далеку од очите на јавноста и ужива , што не е случај со нејзината помлада сестра. Ника, пак, е вистинска интернет ѕвезда. Со својата харизма, неодолив шарм, убавина и непосредност таа лесно ги освои срцата на фановите на мама и тато, но ги освои и своите со кои сака се почесто да разговара на Тик-Ток. Нејзините објави имаат импресивен број на лајкови и коментари, а некој би рекол дека Ника секоја ја чита со посебно внимание и не и е тешко да одговори, поради што стана многу популарна на споменатата мрежа. Една од поновите објави на ќерката на Јелена Карлеуша и поранешен фудбалер исто така привлече големо внимание во јавноста, а причина овој пат е интересот за Атина Тошиќ, на која веќе никој не може да ѝ следи трага. Бидејќи беше многу активна на „Тик-ток“, фановите сакаа да знаат каде е сега, со што се занимава и како ги поминува деновите постарата сестра на Ника, а најверојатно поради заеднички договор меѓу двете, девојката кратко одговорила и јасно: „Одлично е“. Ника не сакаше да открива повеќе детали, па покажа колкава љубов и почит има кон својата сестра и нејзината одлука да не се експонира, која можеби ќе ја промени во блиска иднина. фото:Принтскрин/Јутјуб/Инстаграм

Милена во летна шема: Водителката е ултра секси мама на плажа со две ќерки и тело ремек дело (фото)

Слободанка Илиева — Fri, 04 Aug 2023 06:30:33 +0000

Летото е период кога сите очајно го чекаме годишниот одмор, да и кажеме чао на работата на десетина дена или повеќе, да ги спакуваме куферите и заедно со вистинските личности да заминеме на посакуваната дестинација. Правецот најчесто е на море, а со почетокот на месец август и најголемите горештини, плажата е некако најдоброто место за разладување или секако планината. ТВ водителката Милена Антовска Станковска го избра морето кај јужниот сосед каде беше заедно со сопругот и двете ќерки, а комбинираше неколку дена и на нашето охридско езеро. Ако минатата година не беше задоволна од својот изглед во бикини од постпартум периодот, годинава веројатно и тоа како сака да покаже што има. Имено, мама Милена објави фотографија на која носи мини црно бикини кое ја истакнува нејзината стројна става и витка линија. Лана Марија и Јоана залепени до мама со сите попратни реквизити, па иако децата секогаш се во фокусот, овој пат згодната мама беше во центарот под жешкото сонце додека се разладуваа во море. -Морето и сонцето го вадат најдоброто од мене, напиша кусо таа во описот на фотографијата. Најдоброто во синергија со се' останато, води до ултра задоволство и мерак на душа од ова лето 2023-то, па со нови сили повторно на работа. фото:Фејсбук/Милена Антовска Станковска

Алоха од Хаваи: Франц на егзотично уживање со своите три убавици, сопругата Ема и двете потпораснати ќеркички (фото)

Слободанка Илиева — Wed, 31 May 2023 07:30:35 +0000

Музичарот и некогашен член на „Нокаут“, Владимир Крстевски –Франц го почна летото со одмор на Хаваи заедно со своите три дами, сопругата Ема и двете ќеркички, Мелоди и помалата Мона. Иако веќе неколку години не се дел од јавниот живот во Македонија, Франц и Ема не престанаа да бидат актуелни за домашните медиуми, па одвреме навреме осамнуваат наслови поврзани со детали од нивнот приватен живот во Америка. Франц и Ема не се чести корисници на социјалните мрежи, но понекогаш знаат да изненадат со некоја објава, како овој пат од одморот на Хаваи каде се втора година по ред. Авантури, коктели, палажа или едниоставно кажана чиста егзотика помешана со романтика и детската палавост на малите наследнички. Се’ на се’ моменти за создавање спомени кои се носат целиот живот. Франц и Ема девет години се во брак и заедно живеaт во Лос Анџелес. Тие брзо го проширија семејството, па на само една година откако ја добија Мелоди во 2019, следното лето им се роди и Мона. фото:Фејсбук/Ема Џо Франц

Опиена од љубов: Маја Гроздановска-Панчева славеше јубилеј, а ќерките со својот гест ја стопија од убаво (фото)

Слободанка Илиева — Fri, 26 May 2023 07:15:15 +0000

Маја Гроздановска Панчева го прослави својот јубилеен 50-ти роденден и навлезе во шестата животна деценија, но на таква жена, со таков изглед, тешко кој би и ги дал годините што ги има. Таа и денес важи за една од најубавите Македонки, а и една меѓу најзгодните пејачки на македонското естрадно небо. Кај Панчеви родендените не поминуваат неодбележани, а за еден ваков јубилеен, ќерките Надица и Марија со своите избрани зборови полни со љубов и емоции, ја растопија мама од убаво. „Од првиот ден се грижеше за мене, ме сакаше и ме натера да се чувствувам сигурно и среќно. Никој друг не можеше да го направи тоа за мене. Никој никогаш не може да ме натера да се чувствувам така. Имај го најсреќниот роденден, те сакам“, напиша Надица на Инстаграм. Со колаж заеднички фотографии се надоврза и другата ќерка, а мама Маја не пропушти ова да го сподели јавно на својот Инстаграм профил. Маја Гроздановска –Панчева иако одамна не е активна со својта музичка кариера, никогаш не ја оставила музиката, настапите во Кафе 9-ка и секако во Македонската опера и балет. Музиката е нејзиниот живот, но со текот на годините се поретко ја гледаме и е присутна во медиумите, освен кога почесто има можаност да се појави заедно со нејзиниот сопруг, познатата фудбалска легенда Дарко Панчев како неодамна кога заедно со ќерките беа поддршка на Дарко на промоцијата на документарниот филм „Патот на Кобра со ѕвездите“. фото:Instagram/facebook/Maja Grozdanovska Panceva

Силвестер Сталоне снима ријалити, а ќе бидете изненадени од содржината

Слободанка Илиева — Thu, 13 Apr 2023 11:01:49 +0000

Ѕвездата на филмовите „Роки“ и „Рамбо“, Силвестер Сталоне, го најави своето семејно реално шоу и со тоа поттикна бројни контроверзии. Еден од најпознатите холивудски актери во светот, интензивно го подготвува своето реално шоу, а како што најавија од продуцентската куќа „Парамаунт“, премиерата ќе биде прикажана на 17 мај. Силвестер, заедно со неговата сопруга Џенифер Флавин и ќерките Софија, Сикстин и Скарлет, планираат да пуштат камери во нивниот дом за публиката ширум светот да може да види како актерот номиниран за Оскар го поминува времето во блаженото друштво на своите дами. Семејството Сталоне претходно го најави ова долгоочекувано реално шоу за време на рекламите за Супер Боул, кога рекоа дека публиката „ќе биде шокирана од содржината“. Ѕвездата на филмовите „Роки“ редовно во интервјуата нагласува дека неговото семејство е „исклучително важно“ за него, додавајќи: „Во животот само сакам да ги поставам моите соништа и аспирации, а сега им е редот“. За потсетување, откако Флавин поднесе барање за развод во август, парот се смири еден месец подоцна, а Сталоне изјави за Холивуд Репортер дека нивните брачни прашања „секако“ ќе бидат дел од шоуто. фото:EPA Images

Ѕирнете во детското катче во домот на Наташа Беквалац: Вака изгледа собата на нејзината помала ќерка Катја

Слаѓана Атанасова — Fri, 24 Mar 2023 09:09:44 +0000

Наташа Беквалац неодамна го реновира својот стан од подот до таванот и создаде беж бајка во која ужива со своите девојки Хана и Катја. Сега секој има посебно катче, но ако им се верува на фотографиите од Инстаграм на поп ѕвездата, Катја може да се пофали дека нејзината соба е најубава. Наташа објави сторија каде јасно може да се види како изгледа катчето на нејзината помала ќерка, додека таа безгрижно си игра со своите миленици. Исто така, има голем кревет, бело биро (подготовките за почеток на училиште следната година се добро во тек), омилени играчки, тапети со разиграни апликации, завеси од кои едната е бела и проѕирна, а другата во нежно светло розова боја Слики со интересни натписи, еден балон од неодамнешна роденденска прослава. Да потсетиме, во неодамнешното гостување на ТВ Курир кај Иван Гајиќ, пејачката призна дека е исклучително среќна и дека Хана и Катја засекогаш и го исполниле срцето и повеќе не планира да се мажи. Фото: Принтскрин/Немања Николиќ/Инстаграм/Н.Беклавац