кивање – Вистина.мк

Ја задржувате кивавицата по секоја цена? Лекарите откриваат зошто тоа може да биде опасно по здравјето!

Слободанка Илиева — Mon, 03 Apr 2023 11:06:11 +0000

Истражувањата покажуваат дека кивањето може да биде опасно, што во некои случаи доведува до сериозни компликации. Телото кива за да ги отстрани надразнувачите во носната шуплина и да ја ресетира околината во носот, но респираторниот рефлекс не е без ризици. Во медицинската литература нашироко се пријавени случаи на крварење во мозокот и руптура на тапанчето, главно поради наглото зголемување на притисокот при исфрлање на воздухот. Според еден експерт, држењето кивавица може да го зголеми ризикот од три опасни компликации. За време на кивање, телото доживува нагло зголемување на притисокот во синусите, носната шуплина и грлото. Сепак, задржувањето на респираторниот рефлекс предизвикува овој притисок дополнително да се зголемува – ставајќи ги во опасност крвните садови. Според д-р Стјуарт Сандерс, општ лекар во Лондон, кивањето може да биде доволно силно за да предизвика аневризам на мозокот. На прашањето дали кивањето е „опасно“, д-р Сандерс даде три причини зошто би можело да биде: – Прво, држењето кивавица може да предизвика нагло покачување на крвниот притисок со потенцијални последици. Второ, како што притисокот на воздухот во задниот дел на носот се зголемува кога се држи кивавицата, постои ризик од туркање на слуз и инфекција во средното уво. Ова може да предизвика акутна глувост, инфекција (отитис медиа) или дури и пукање на тапанчето во исклучителни околности. Тоа е затоа што цевката за изедначување на притисокот сместена помеѓу задниот дел на носот и средното уво, позната како Евстахиевата туба, се отвора за време на експлозивно кивање. Третата главна причина за избегнување на кивање е ризикот од акутен синузитис. Ова може да се случи ако зголемувањето на притисокот ја принуди инфекцијата во параназалните синуси, што може да доведе до инфекција – објасни д-р Сандерс. Најдобрата практика за да се избегне некој од горенаведените исходи е да се дозволи притисокот да се ослободи за време на кивањето. фото:profimedia извор:курир.мк

Дали настинките сега се посилни од пред пандемијата?

Дејан Донев — Mon, 27 Feb 2023 12:04:26 +0000

Бројот на заболени од грип според официјалните податоци се намалува, ама настинките не попуштаат. Температурните промени со минус степени во утринските часови влијаат настинките полесно да се шират. Впрочем настинките се карактеристични за овој период од годината, како и на пролет, кога надворешните температури вообичаено варираат во текот на денот и ноќта. Доколку во минатото не им посветувавме многу внимание на настинката, она што сега повеќето ги збунува, е зошто оваа сезона нејзините симптоми се посилни и полоши од пред пандемијата. Како што објаснуваат и матични доктори, повеќето заборавивме како изгледаат настинките, па последнава зима само наизглед личи дека искуството и симптомите се полоши од претходно. Особено што и поради мерките за заштита од претходните години, сега веројатноста повеќето да се соочат најмалку еднаш со настинка е повисока од претходните години. Симптоми на настинката наликуваат на оние на грипот или други слични вируси, но се послаби. Најчесто болните се жалат на затнат нос, кивање, кашлање, но не е исклучена можноста да има и болки во телото и мускулите, малаксаност, па и слабо зголемена температура. Стандардни совети кога ќе се појави настинка се повеќе течности, супи, овошје..., но кога болниот сака да си помогне со користење на лек без рецепт и решава да побара совет од фармацевт тогаш секако една од преферираните опции е комбинација на ибупрофен и псеудоефедрин. Оваа комбинација се користи за ублажување на симптомите на затнат нос, главоболка, болка, воспаление, зголемена температура и други симптоми на настинка и грип. Псеудоефедринот кој е деконгестив помага да се намали отокот во носната слузница а со тоа ја намалува затнатоста во носот. Додека пак ибупрофенот е нестероиден антиинфламаторен лек кој ја намалува болката и главоболката а исто така ја намалува и зголемената температура и знаците на воспаление. Токму оваа комбинација се содржи во брендот Дефринол на фармацевтскиот гигант Галеника во форма на таблети за возрасни и сируп за деца над 6 години. Производителот Галеника е регионален фармацевтски гигант, чии производи повеќе од седум децении може да се набават во секоја аптека во Македонија. Грижата за здравјето на луѓето е само дел од фокусот на компанијата, која е посветена и инвестира во квалитетни и современи производи кои одговараат на барањата на модерното живеење на секој поединец.

Сузана Гавазова докажа колку е лојална на професијата: На новогодишното шоу и настината замина на снимање на емисијата (ФОТО)

Слаѓана Атанасова — Wed, 07 Dec 2022 10:14:55 +0000

Фолкерката Сузана Гавазова на сцената се дава 100%. Струмичката фолк ѕвезда освен што важи за една од најубавите пејачки, докажа и колку е лојална и верна на професијата. Во кратките приказни на нејзиниот „Инстаграм“ профил, Гавазова го покажа нејзиното длабоко деколте и бујните гради, позирајќи во автомобилот, додека профи нашминкана со фризура во нејзин стил, тргна да се вози на ТВ настап. Вртејќи се кон камерата таа постојано ја покриваше голотијата. Но, очигледно не беше тоа причината туку можеби беше само настината. А на крај тоа и го покажа кога изненадно пејачката кивна. Но, насмевката од лицето не ја симна. Дали на Сузето и застуде од голотијата или кивањето беше само уште еден знак дека е вистина, оти пејачката е таков професионалец што и настината не пропушта да замине на снимање, во случајов на новогодишната емисија на Сител телевизија. Гавазова сподели и кратко видео за нејзините следбеници за да им ја покаже атмосферата од снимањето и постојано ја вртеше селфи камерата за убаво да го видат студиото каде што се снима емисијата. Таа блескаше во провокативно светкаво фустанче кое одлично и прилегаше за пригодата на која што пееше. Гавазова нејзиниот настап за најлудата ноќ веќе го закажа и вечерта ќе ја помине работно во нејзиниот роден град, каде во еден познат ресторан ќе ги забавува и весели нејзините струмичани. Фото: Принтскрин/Инстаграм/Сузана Газазова

Опасно: Не го спречувајте кивањето, може да ве чини живот – еве зошто!

Слободанка Илиева — Wed, 24 Jan 2018 09:05:40 +0000

Британските доктори предупредиле да не се блокира протокот на воздух преку уста и нос при кивање откако го опишале случајот на 34 годишен маж со дупки во грлото кога го стиснал носот и затворил устата обидувајќи се да го спречи кивањето.

Кивањето е невероватно силно, а воздухот заедно со слузта од носот и устата се исфрлаат со брзина од 160км/ч, спрема истражувањата на Клниката од Кливленд

Мажот кој до тогаш бил во добра и здрава состојба бил прегледан под хитно во болница откако се пожалил на болно голтање и промена на гласот после силното кивање, објавиле докторите во стручното списание British Medical Journal, опишувајќи го настанот.

"Откако го спречил кивањето со затворање на устата и носот, опишал како нешто да му излегло на вратот каде што имал на двете страни отоци, велат стручњаците.

Задржувањето на кивавицата му го одрала мекото ткиво во грлото поради што дошло до повреда на ждрелото.

Притоа во мекото ткиво му се создале воздушни меури поради што помислил дека нешто му излегло на вратот. Притисокот морал некако да излезе, а ова било очигледно единствен начин.

Поради страв од инфекција, докторите го хоспитализирале, го хранеле преку туба и му давале антибиотици. Пуштен е после една недела откако му зараснале раните на вратот.

"Овој 34 маж рекол дека го задржувал кивањето бидејќи сметал дека е нехигиенски. Тоа значи дека тој го задржувал 30-на години, но овој пат било сосема поинаку", рекол авторот на студијата објавена во BMJ, Wanding Yang.

"Ако повремено луѓето го спречуваат кивањето, ги оштетуваат ушните тапанчиња или синусите", вели Рејчел Зекели, имунолог.

Со кивање повремено се решаваме од потенцијални штетни иританси во носот, грлото и плуќата. Притисокот се создава во плуќата, а потоа "експлодира" прку носот и устата. Но ако се блокира носот и устата тоа ќе најде друг пат, пишува Вашингтон Пост.

извор:вечер.мк