кит флинт – Вистина.мк

Фронтменот на „Продиџи“ оставил големи долгови: Неговите наследници сега мораа да вратат милиони!

Слободанка Илиева — Thu, 15 Aug 2019 08:41:48 +0000

Легендарниот Кит Флинт, член на „The Prodigy“, беше пронајден обесен во својот дом во март оваа година, а според британскиот таблоид „The Sun“, тој починал во долгови. Според овој весник, Флинт имал долгови од 7,3 милиони фунти за време на неговата смрт. Бидејќи неговото богатство се проценуваше на 11,6 милиони фунти во март, неговите наследници мораа да ги исплатат долговите, така што сега имаат 4,3 милиони фунти наследство.

Странските медиуми објавија дека Кит сакал да троши многу пари, што своевремено починатиот музичар го признал. - Не чувам пари за ништо. Јас трошам сè сега. Секогаш имаше нешто во мене што ми велеше дека ќе се убијам кога ќе потрошам сè “, рече Флинт во едно интервјуто пред смртта.

Обдукцијата покажа под дејство на какви супстанци бил фронтменот на „Продиџи“ кога се самоуби

Слободанка Илиева — Wed, 08 May 2019 10:53:06 +0000

Кит Флинт, фронтменот на популарната група „Продиџи“ изврши самоубиство на 4-ти март годинава. Според последните информации кои се појавија во медиумите, Флинт го извршил самоубиството под дејство на кокаин и други силни наркотици, како и алкохол. Потсетуваме, 49 годишниот музичар беше пронајден мртов на својот имот, а убиството го изврши со бесење. Наводно, причина за неговото растројство кое го донесе до тој краен чекор да крене рака на себе, беа љубовните проблеми. Телото го пронајде негов пријател, а погребот беше на 29-ти март.

Познати детали за самоубиството на Кит Флинт: „Го видов неколку часа порано“

Слободанка Илиева — Wed, 06 Mar 2019 12:26:26 +0000

Кит Флинт си го одзел животот со бесење, пишува британскиот „Дејли мејл“. Фронтменот на „Продиџи“ го извршил самоубиството во недела, а неговото безживотно тело го пронашол еден од вработените на имотот во Есекс. Британскиот медиум наведува дека неколку часа пред самоубиството, Филит бил виден во еден локал на ручек и дека бил одлично расположен. Британските новинари дошле до сознание дека пред самоубиството и се јавил на својата сопруга Мајуми Каи, која го оставила пред неколку месеци, и ја молел да му се врати. Еден од гостите во ресторанот каде Флит ручал вели дека пејачот бил добро расположен и дека зборувал за тоа како тедовно трча и вежба. -Се смееше и зборуваше со тренерот за неговото константно вежбање. Изгледаше радосно и гордо. Не можам да верувам дека се убил по неколу часа откако го видов, вели очевидецот.

Британските медиуми ја открија причината за смртта на Кит Филинт

Слободанка Илиева — Tue, 05 Mar 2019 10:23:09 +0000

Кит Флинт (49) беше пронајден мртов во својот дом во Есекс, а неговото самоубиство ја шокираше јавноста. Флинт само неколку дена претходно настапувал со својот бенд, а два дена пред смртта трчал полумаратон. Изгледал како се да е во ред, а потоа британските таблоиди откриваат дека доживеал емотивен слом. Флинт во 2006 година се ожени со јапонската диџеј ѕвезда Мјауми Каи, но пред неколку недели одлучил да се разведе. Кит тоа наводно тешко го поднел, а Мајуми била во Јапонија кога тој си го одзел животот.

Британскиот „Sun“ пренесува дека фронтменот на легендарниот бенд паднал во депресија, на која и претходно бил склон и дека повторно почнал да консумира опијати, па во состојба на психичко растројство донел одлука да крене рака на себе. Не е познато на кој начин славниот музичар си го одзел животот.

Откриена причината за смртта на пејачот на „Продиџи“: Нашиот брат викендов си го одзеде животот!

Антонио Димитриевски — Mon, 04 Mar 2019 13:18:27 +0000

Лиам Хаулет, еден од основачите на групата „Продиџи“ преку официјалниот инстаграм-профил на Продиџи ја потврди смртта на нивниот член Кит Флинт и кажа дека се работи за самоубиство.

Утрово Кит Флинт од Продиџи беше пронајден мртов во својот дом. Тој почина на 49-годишна возраст. Лиам, кој е највлијателниот член на Продиџи, преку инстаграм профилот на бендот ја потврди смртта на Кит и соопшти дека се работи за самоубиство.

„Вестите се точни, не можам да поверувам дека го велам ова, но нашиот брат Кит викендов си го одзеде сопствениот живот. Шокиран сум, лут, збунет и со скршено срце… Почивај во мир брате“ – напишал Лиам.

Се претпоставува дека причина за самоубиството е тежок облик на депресија во кој западнал пејачот. https://www.youtube.com/watch?v=rmHDhAohJlQ

Замина уште една светска музичка ѕвезда: Пејачот на „Продиџи“ пронајден мртов

Антонио Димитриевски — Mon, 04 Mar 2019 11:48:49 +0000

Почина Кит Флинт, главниот вокал на светската музичка атракција „Продиџи“. Светските медиуми објавија дека 49-годишниот пејач бил пронајден мртов во својот стан. „Продиџи“ важеа за британскиот брејк-бит бенд чија музика содржи различни стилови, почнувајќи од рејв и хардкор техно од раните 90-ти, до алтернативен рок и биг бит со вокални панк елементи на подоцнежните албуми.

„Продиџи“ за првпат се појавија на андерграунд рејв сцената во раните 90-ти години, а наскоро потоа доживеаја голема популарност и стана познати низ целиот свет. Некои од нивните најпопуларни песни се: Charly, Out of Space, No Good, Voodoo People, Firestarter, Breathe, Girls и Smack My Bitch Up...! Кит Флинт беше нивниот главен вокал и таначар кој важеше заштитно лице на групата.