кирил трајковски-максим – Вистина.мк

„Ало докторе!“: Актерот и пејач Кирил Трајковски Максим во психолошка слабост поради тестот за корона

Слободанка Илиева — Mon, 30 Mar 2020 07:40:31 +0000

Кирил Трајковски-Максим, познат како Марлон Брандо, пред половина месец на својот фејсбук-профил објави дека за време на лет од Барселона, каде бил заедно со свој другар, во авионот имало патчичка кај која подоцна е констатиран корона вирус, што беше и потврдено јавно. Кирил секојдневно се активираше на споменатата социјална мрежа и појасни дека заедно со пријателот со кого патуваше се во самоизолација во селото Љуботен. Секој ден оттаму тој има свое обраќање преку профилот и е среќен што не покажале никакви симптоми. Кариантинот од 15 дена за актерот, пејач, пантомимичар и неговиот пријател, заврши, но иако нема симптоми тој најави дека ќе се тестира за вирусот. По два дена, наместо резултат, актерот се уште чека на резултатот и се прашува дали и во вакво време во недела не работи здравството? Никој не би сакал да дојде во ваква ситуација, а по половина месец се надеваме дека на Кирил ќе му падне „камен од душата!“

Македонскиот актер кој беше во авион со заразената патичка се огласи од карантин со критика до властите : „Колку можам да заразам како потенцијален носител на вирусот?!“

Слободанка Илиева — Tue, 17 Mar 2020 07:42:15 +0000

Македонскиот актер, музичар и пантомимичар, Кирил Трајковски-Максим, познат како Марлон Брандо, пред неколку дена на својот фејсбук-профил објави дека за време на летот од Барселона, каде бил заедно со свој другар, во авионот имало патчичка кај која подоцна е констатиран корона вирус, што беше и потврдено јавно. Кирил најпрвин, по слетувањето во Скопје побара совет од своите следбеници како да постапи одговорно поради опасноста од евентуална зараза и ширење на КОВИД-19. Подоцна, тој повторно се активираше на споменатата социјална мрежа и појасни дека заедно со пријателот со кого патуваше се во самоизолација во селото Љуботен. Секој ден оттаму тој има свое обраќање преку профилот и е среќен што засега не покажал никакви симптоми, но имаше критика со шпанските власти како и нашите поради тоа што се случува на аеродромот во Скопје.

Карантин - ден 3 Здраво на сите најпрво да ви посакам убава работна седмица за тие што работат, а за тие како мене убав карантински престој во едно место. Сигурно веќе знаете дека девојката што патувала со нас во авионот е позитивна Ние не се плашиме бидејќи немавме контакт со девојката, единствено нешто што не засега е воздухот кој се диши во авионот дали кружи постојано и како е регулирано тоа. Би споделил дека сум крајно разочаран не од девојката што ја осудуваат (како можела да влезе со нас) туку од шпанските власти кои не правеа никаква контрола кога влегувавме во авионот на ниту еден патник после чекирање. Исто и кај нас освен таа термална камера никој не ти кажува што да правиш мислам треба барем едукативни тимови да постојат и да те упатат во изолација додека не се утврди дека се е во ред со сите патници . Мене ми се јавија после два дена да ме прашаат како сум и каде сум. Замислете дотогаш колку можам да заразам како потенцијален носител на вирусот ако не сум свесен самиот за опасноста??? Што е најважно не сум само јас има уште 50 луѓе кои се исто потенцијални распространувачи на вирусот и кај некој за жал работи свеста но некој од нив сигурно брзал да отиде дома и да ги гушне најмилите Се надеваме дека нема да има други случаи од нашиот авион. Симптоми сеуште нема. Се надеваме така и ќе остане. Бидете поздравени! -пишува Кирил кој инаку е сопруг и татко на две ќеркички.

Ова е најновата желба на „Марлон Брандо“ – „Дај ми да пијам“ (ВИДЕО)

Антонио Димитриевски — Wed, 05 Dec 2018 10:21:15 +0000

„Марлон Брандо“го објавија видеото за својата најнова песна насловена „Дај ми да пијам“, која е своевидна сатира за денешницата во Македонија. Автор на музиката и стиховите е мултиталентираниот актер и музичар Кирил Трајковски – Максим, а аранжманот е на Александар Кипровски, додека видеото е дело на продукцијата „Зона М1“.

Во новата песна гостува и трикратниот првак на хармоника Мишел Трајковски, кој периодов е актуелен со одличната „Тарантино џез“.

Со „Дај ми да пијам“ воедно се заокружува и материјалот за првиот албум на „Марлон Брандо“, а дали насловот е само параван за она што навистина се пее во песната останува да одлучи публиката. https://www.youtube.com/watch?v=uCTrJ7XuV7g&fbclid=IwAR2WLpC7PNtG71Lv2w4_Frp8nz4cvVE00SbrsKUmstwI0KNQD8IQIWXeGYU