кире лазаров – Вистина.мк

Тијана Дапчевиќ во поткастот кај Лазаров: „Јас ум ти како македонското здравство, кај мене мора да закажеш со мој термин за да ти дојдам“ (видео)

Слаѓана Атанасова — Tue, 24 Oct 2023 06:52:00 +0000

Пејачката Тијана Дапчевиќ беше гостин во најновиот поткаст кај Стефан Лазарав, а во долгиот муабет, Тијана опуштено раскажа нови и интересни моменти од нејзиниот приватен живот, нејзиното семејство и кариерата. Интересно беше тоа што Тијана откри дека поканата за да се појави кај Лазаров ја добила месец дена пред да дојде и се разбира на шега се спореди со македонското здравство па, кај неа мора да се закаже со мој термин, иако без размислување прифатила со големо задоволство. Дапчевиќ веднаш проговори за нејзината улога во телевизиски проект „Преспав“ и кажа дека се снима секој ден од 8 ч до 7.30 навечер но, сепак бидејќи работата што ја работи ја сака нема никаков притисок околу тоа иако мора да стане секој ден во 5 часот наутро. Таа меѓу другото потенцираше дека ова е седма сезона што ја снима и досега не се случило никој да повиши тон меѓу себе, а тоа е она што останува да се памети. Тијана за екипата на „Преспав“ потврди една многу важна работа, а тоа е дека никако не може да издвои ни еден колега и сите до еден и се омилени и со сите е блиска и меѓу нив владее само добра енергија. Покрај таква атмосвера, таа иако вели дека е нова во глумата и во тие води одлично се снаоѓа. - Благословена сум што ги имам нив за колеги во мојот живот и благодарна сум за нивната бескрајна подршка. Во делот кога проговори за Eвровизија таа откри една сцена за годината кога настапуваше нејзината сестра, пејачка Тамара Тодевска. Тијана рече дека ќе и треба барем уште еден поткаст за да ја раскаже „бруката“ на познатата поп пејачка Мадона која настапи истата година на евровизија со Тамара, а досега за тоа на никого не откриле. Тијана раскажа дека во моментот кога требало да настапи Мадона за која се сомневале дека навистина е таа или е можеби некоја нејзина копија, Тамара не сакала да послуша и да седне како што и било кажано, туку се загрижила за нејзината тоалетаисамо бесно и викнала: После ти ќе ми ја испеглаш таолетата ? - и заминала да пуши. А како изгледаше Тијана и што уште кажа погледнете во видеото на јутјуб каналот: Фото: Принтскрин/Инстаграм/Преспав ФБ/поткаст Лазаров/Јутјуб

Кире Лазаров ја промовираше својата автобиографија: „Не можам да ти опишам колку човек добро се чувствува кога ќе ги оствари своите детски соништа“

Антонио Димитриевски — Fri, 05 Nov 2021 06:15:34 +0000

„Нема да ти пишувам за тоа низ што се ќе поминеш во наредните 25 години, бидејќи нема да ми веруваш. Тоа не може во едно писмо да се собере. Затоа и постои оваа книга. Бесмислено е да ти пишувам колку подеми и падови ќе доживееш на патот кој сам си го избра. Кога би знаеле, многумина би се откажале. Затоа и не можам да ти опишам колку човек добро се чувствува кога ќе ги оствари своите детски соништа. Нека ова биде почеток на твојата приказна. А сега читај ја мојата“. Токму вака Кире Лазаров ја започнува својата автобирографија. Најдобриот стрелец во историјата на Лигата на шампионите на хартија ја пренесе својата ракометна и животна приказна. Патувањето од Свети Николе до Нант е опишано на интересен начин со бројни анегдоти и лекции кои ќе бидат водич за новите генерации. Книгата која го носи насловот „Секогаш на победа“, ја доживеа и својата промоција. Книгата беше промовирана во Скопје пред очите на ракометната фела и многу други еминентни гости. Свој коментар и поддршка дадоа и Филип Лазаров, Веселин Вујовиќ и Столе Стоилов. Светот го познава како убедливо најдобрата светска седумка. Сите знаеме што Кире направи за Македонија и за овој наш спорт, но никој не знае како го направил тоа и како се уште го прави истото. Едно е реалноста која ние ја гледаме, а друго вистина која Кире ја преживува додека ја има топката во рацете. Неговата цел е успех. Неговата цел е да води еден голем клуб, но спремен е да уште една жртва, затоа што вреди да се бори. Тоа е неговиот живот. Секогаш на победа...!

Него сите го знаете, ама знаете ли како изгледа мајка му на Кире Лазаров? (ФОТО)

Антонио Димитриевски — Sat, 20 Feb 2021 08:03:17 +0000

Кире Лазаров, e несомнено нашиот најуспешен ракометар на сите времиња, а однеодамна и наш актуелен ракометен играч - селектор. Една од се' уште најголемите активни европски, а со тоа и светски ракометни ѕвезди. За неговата кариера речиси се е познато, се' се знае... Како и за онаа на неговиот брат Филип. Па дури и за приватниот живот... За сопругата, децата, семејството... Но, она што покрај ракометот им е заедничко на двајцата браќа се секако родителите.

Нивниот татко Благој, кој бил ракометар е исто така познат во спортските кругови, но за нивната мајка, жената која ги донесе на свет двајцата македонски ракометни јунаци, многу малку се знае. Можеби така и е подобро, зашто браќата Лазарови отсекогаш сакале многу повеќе да покажат на теренот, отколку на фотографиите и видеоснимките по медиумите.

Сепак, никој не е имун на времето на Интернетот и социјалните мрежи, па ни Кире Лазаров. Затоа на својот Инстаграм профил покрај многуте професионални фотографии, понекогаш знае да закачи и по некоја приватна... Сопругата, децата, а овој пат жената без која не ќе постоеше и немаше да биде она што денес е, а Македонија немаше да го има него - големиот Кире.

Мама Милка при една од посетите на гости кај својот син во Франција, каде она малку заедничко слободно време што го има Кире, го минал со неа, а дел од него решил да овековечи во спомен за навека... на фотографија! „Моите родители многу добро ме воспитаа. Нас некако повеќе нѐ насочуваа, беше многу построго, денес сите многу лесно се навредуваат. Бев добро насочуван од родителите, одлуките ги носев сам, а се консултирав со родител, пријател…“ - ќе изјави Лазаров во едно свое интервју, кој меѓудругото, токму благодарение на родителите, ќе стане она што денес е!

А Кире и тоа како знае тоа да ги цени и почитува. Зашто колку што е голема ракометна ѕведа, толку е уште поголем како човек, па затоа онолку, колку што му дозволува времето сака да и се оддолжи на својата мајка, возвраќајќи со гостопримство секаде каде што е - таму некаде, по светот! Конечно, госпоѓа Милка тоа, а и многу повеќе од тоа заслужува... Впрочем, мајка е само една... Особено за своето дете, без оглед далуи тоа бил Кире Лазаров или било кој друг.

И македонската „Гранд ѕвезда“ го пушти патриотизмот на најјако: Вистински гест, на вистинско место, ама… со „погрешен“ човек! (ФОТО)

Антонио Димитриевски — Mon, 16 Nov 2020 09:41:54 +0000

На историскиот успех на македонската фудбалска репрезентација не можеме да му се изнарадуваме... сите! Нема кој не е среќен, воодушевен, фасциниран од сефте пласманот на момчињата од фудбалската А селекција на претстојното ЕУРО 2021. И старо и младо и машко и женско и не само Македоци, туку и сите други националности, зашто репрезентацијата е впрочем надобриот показател како единството од различни националности кои го носат дресот со државниот грб збрани на едно место, може да не одведе до успех за каков што генерации пред тоа само сонуваа. Затоа и се радуваме сите... И обичните луѓе, граѓани,и познатите и славни, јавни личности, меѓу кои и естрадните... Музичките ѕвезди можеби најмногу знаат што значи да постигнеш успех, да ти аплаудираат на отворена сцена, да добиваш стоечки овации, да те сакаат и обожуваат, да ти се воодушевува целата нација... Затоа и многумина од нив побрзаа да го споделат меѓу првите успехот на нашите фудбалери и радоста што ни ја приредија. А, како поинаку и најдобро, ако не преку социјалните мрежи?! Меѓу сите ѕвезди и тој, младата македонска „Ѕвезда на Гранд“, пејачот и музичар Стефан Величковски кој далеку дотурка во најпознатото регионално натпреварување на музички таленти, па чувството и вкусот на успехот не му е стран. Но исто така не му е непознат и напорот, одрекувањата, жртвите и количеството на вложен труд кој се потребни да се стигне високо по „трнливиот пат“ на успехот. Затоа Стефан му се израдува на успехот на нашите фудбалери споделувајќи на својот Фејсбук профил неколку објави. „Здраво Европо, здраво Букурешт“ - напиша најпрво алудирајќи на пласманот на ЕУРО 2021 и еден од градовите каде ќе игра нашата фудбалска репрезентација на првенството, како и: „Што убаво лето не чека, мммм...“ - зашто ЕУРО 2021 ќе се игра на почетокот на идното лето, во јуни 2021-вата. И конечно она што многумина исто така го споделија на своите профили на социјалните мрежи, заедничка фотографија со некоја од македонските фудбалски ѕвезди. „Големиот Пандев“ - напишал Стефан во описот на фотографијата, откако патриотизмот го пуштил на најјако и направил вистински гест, на вистинското место, арно ама... со „погрешен“ човек! Зашто младата „Гранд ѕвезда“ напишала Гранде Пандев, а на фотографијата е сликан со исто така големиот Кире Лазаров! Од преголема возбуда и брзање или од пусто незнаење, само Стефан знае?! Како што сите ние знаеме дека Кире никако не е „погрешен човек“ и е исто толку голем колку и Пандев, туку пејачот само го ставил во „погрешна конотација“ со настанот! Ако му е некаква утеха на Стефан, тој не бил единствениот... А за мајтапот што му го приредија пријателите на пејачот... и да не говориме. Еве само, колку за пример: Се разбира, со сиот респект и почит од наша страна кон обете политички личности... И оној споменатиот по презиме и оној, неодамна починатиот, десно на фотографијата. А Стефан Величковски? Сепак, ќе да е многу поголем познавач на музиката, отколку на спортот! Овде е секако сликан со Вики Миљковиќ!

Кире Лазаров заминува во пензија

Антонио Димитриевски — Thu, 02 Jul 2020 17:40:18 +0000

Капитенот на македонската ракометна репрезентација, Кире Лазаров ја игра последната сезона во својата кариера, објави тој во интервју за „Вечерњи лист“. – Имам договор на уште една година и мислам дека тоа ќе биде крајот, нема повеќе смисла. Ќе останам во спортот како тренер, изјави Лазаров. Тој потврди дека до крај ќе биде на располагање за нашата репрезентација. – Кога веќе играм за Нант ќе играм и за македонската репрезентација, посочи бекот.

Кире Лазаров ќе глуми во вестерн филм? (ФОТО)

Антонио Димитриевски — Tue, 04 Feb 2020 09:15:47 +0000

На социјалната мрежа Инстаграм се појави фотографија на која македонската ракометна легенда, нашиот Кире Лазаров облечен како каубој, со колт в рака со уште еден друг каубој покрај себе се подготвуваат да пукаат... И веднаш гласините и дилемата, дали тоа нашиот ракометен капитен ќе глуми во вестерн филм? Дали каубој Кире е новиот шериф во градот или револверашот што треба да го исчисти градот од лошите момци? Или можеби е нешто друго во прашање, како на пример снимање некаква реклама? Објаснувањето напишано на шпански, па на англиски јазик под фотографијата ја разјаснува ситуацијата која станува уште појасна ако се проследи соопштението на РК Барселона - бившиот клуб на Кире. Имено, на фотографијата се Кире Лазаров и уште една ракометна легенда, долгогодишниот капитенот на РК Барселона Виктор Томас, кој на крајот од сезоната ќе мора присилно да се прости од ракометот. Откако лекарите му констатирале сериозна срцева слабост, Томас на прес конференција го најави своето збогување како активен спортист, а неговиот верен пријател Кире Лазаров веднаш реагираше со неколку фотографии меѓу кои и споменатата на неговиот Инстаграм профил, покрај која му напишал посвета на својот шпански пријател. „Задоволство беше да ја делам соблекувалната со тебе ... Мора да се гордеш со сè што си направил... Tи посакувам се' најдобро во иднина во следните предизвици. Пријатели засекогаш“ - напиша Лазаров покрај фотографијата на која се со Виктор Томас во необично „вестерн“ издание за двајца „ракометни револвераши...“!

Браво мајстори: Кирил Лазаров погоди со звукот на сирената против Украина, Македонија со победа стартуваше на ЕП во ракомет

Антонио Димитриевски — Fri, 10 Jan 2020 23:19:26 +0000

Македонија со победа ја започна групната фаза на Европското првенство, откако вечерва во Виена ја совлада Украина со 26-25 (13-10) во Б групата. Кирил Лазаров погоди со звукот на сирената против Украина, откако капитенот ја превзеде одговорноста и погоди за конечни 26-25 за Македонија, со што нашите ракометари ги освоија првите 2 бода во Б групата. Најефикасни во македонскиот национален тим беа Лазаров со осум гола и осум асистенции, а Манасков постигна шест гола. Сепак наш херој на натпреварот беше и голманот Митревски кој блескаше меѓу стативите. Кај Украина се истакнаа Остроушко со пет и Жуков и Акименко со по четири погодоци. Утре е слободен ден во групата Б, а в недела ни следи дуелот со Чешка. Извор: Дриблинг.мк

Кире Лазаров е во роднинска врска со оваа македонска пејачка

Христина Ѓоргиевска — Tue, 15 Jan 2019 08:11:58 +0000

Роднините и семјството не може да ги бираме, а кога станува збор за семејни односи секогаш треба да ги негуваме. На македонската естрада меѓу јавните личности има роднини и семејни врски. За некои од нив можеби знаете, за некои можеби не. Како што пренесува естрадниот магазин „Ексклузив“, најдобриот македонски ракометар Кире Лазаров е во роднинска врска со Антониа Гиговска.

Кире победува на спортскиот терен, а Антониа учествуваше во „Пинкови ѕвездички“ каде доби многу пофалби за нејзиното пеење.

Кире и Антониа се далечни братучеди, пренесува естрадниот магазин Ексклузив. https://www.youtube.com/watch?v=PTgmaxTOKqc Лазаров со своите колеги од репрезентацијата деновиве се наоѓа во Австрија каде се игра Европското првенство во ракомет.

(ФОТО) Ова не го прави секој: Кире Лазаров ја почна Новата година во ултра екстремни услови!

Слободанка Илиева — Tue, 02 Jan 2018 09:05:25 +0000

Како и сите, така и македонскиот ракометар Кире Лазаров за најлудата ноќ во годината, а и деновите по неа одлучи да ги помине во друштво на најблиските и пријателите во еден познат ресорт во Берово. Дека Новата ја почнал необично и во екстремни улови покажа на социјалните мрежи, каде на своите следбеници им откри како го стартуваше првото јануарско утро.

За разлика од повеќето кои останаа да спијат до пладне по најлудата ноќ, Кире првиот здив во годината пред нас го почна со храбар потфат.

Прво си направи детокс во сауна, а потоа излезе надвор пред хотелот и се искапи во ладниот базен на хотелот среде планина.

Спортскиот дух не го напушти ниту во овие моменти, а веруваме дека вака храбро и силно ќе продолжи и во останатите денови од годината.

„Hummel“ изработи специјални патики за Кире Лазаров!

Антонио Димитриевски — Mon, 04 Dec 2017 13:03:22 +0000

Најдобриот македонски ракометар, Кирил Лазаров со години е заштитно лице на познатата компанија за спортска опрема „Hummel". Статусот на нашиот капитен во данската компанија е многу висок, па овој пат од „Hummel" изработија специјални патики во сино-бела боја и заштитното лого на нашиот ракометар – Лазаров 7.

Овие патики десниот бек на Нант ќе ги носи уште на дербито со ПСЖ во шампионатот в четврток, а првпат овие патики ќе бидат пуштени во продажба, па од крајот на март и почетокот на април следната година секој ќе може да ги купи во официјалните продавници на „Hummel".

Заради популарноста на Лазаров во нашата земја и низ светот, несомнено е дека патиките добро ќе се продаваат.