кинотека – Вистина.мк

На 22 и 23 февруари: Перо Ловшин – фронтменот на словенчката панк-рок група „Панкрти“ гостин во Кинотека

Антонио Димитриевски — Mon, 19 Feb 2024 12:57:33 +0000

На 22 и 23 февруари од 20 часот во Кинотека ќе биде прикажан долгометражниот музички-документарен филм „Перо Ловшин – Ти можеш“ кој ја раскажува приказната на Перо Ловшин, еден од првите панк рокери во Источна Европа. Гостин на проекциите ќе биде токму Перо Ловшин. Тој, како фронтмен на Панкрти, со текстовите и активизмот одбележал цел еден период од историјата на Словенија. Настанот е во организација на Словенечки центар – Скопје и Кинотека, а по повод Прешернов Ден. Режијата на филмот е на Јани Север, кој е и автор на сценариото заедно со Стојан Пелко. Улогите во филмот ги толкуваат: Ловшин, Биг Фут Мама, Присмојени професори блуза. Долгометражниот музички-документарен филм ја раскажува приказната на Перо Ловшин, еден од првите панк рокери во Источна Европа. Гостин на проекциите ќе биде токму Перо Ловшин. Тој, како фронтмен на Панкрти, со текстовите и активизмот одбележал цел еден период од историјата на Словенија. Во режија на Јани Север, филмот го опфаќа периодот на анархизмот и бунтовноста на 1970-тите години, независноста на Словенија, демонстрациите во центарот на Љубљана, сè до учеството на UEFA Euro 2000 во Амстердам. Панкрти, формирани во 1977, во мала населба во околината на Љубљана, се најверојатно првиот панк рок бенд во тогашниот источен блок, зад железната завеса. На самиот почеток свиреле преработки од етаблирани панк и рок групи како Sex Pistols, The Clash, New York Dolls. Биле дел од сега веќе легендарната компилација Novi Punk Val. Во 1980 го објавуваат нивниот прв долгосвиречки проект, винил албумот „Dolgcajt“. Препознаени по ангажираните социјално-политички текстови и коментари, Панкрти стануваат култен бенд на територијата на некогашна Југославија. Нивниот втор ЛП „Državni ljubimci“ доживеа одличен одѕив меѓу критиката и публиката и беше прогласен за југословенски албум на годината. Во 1996, настапуваат како предгрупа на нивните идоли Секс Пистолс, во рамките на настапите низ Словенија. Застапени се и во фалениот рок документарец во продукција на Рајко Грлиќ – СРЕЌНО ДЕТЕ (Sretno dijete).

Вечери на шведски документарни филмови во Кинотека

Слободанка Илиева — Wed, 09 Aug 2023 11:41:31 +0000

За љубителите на филмската уметност амбасадата на Шведска во соработка со Кинотека на Северна Македонија во периодот од 10-15 август подготвија интересна програма на шведски документарни филмови. На репертоарот ќе бидат „Предрасуди и гордост – шведски филмски квир“ од Ева Белинг, на 10ти август, потоа „Историја – конци за Сами“ на Томас Џексон на 11ти август, „Децата на непријателот “ на Горки Гласер – Милер на 12ти август, „Хор – една приказна за госпел хорот Тенста“ на Аманда Пешикан на 14ти август, и „Сабаја“ на Хогир Хирори на 15ти август. Проекциите почнува екој од филмовите на репертоарот на неделата на шведски документарни филмови ве носи на едно поинакво кинематографско патешествие: почнувајќи со еден времеплов низ богатата историја и застапеноста на квир и транс заедницата во шведската кинематографија, преку фасцинантно патување низ историските настани и митолошките слики на Сами (Лапонците) исткаени заедно со проблемот на климатските промени и како тие го загрозуваат денешното одгледување ирваси, а со тоа и постоењето на културата на Самите, на репертоарот се вклучени и еден извонреден музички документарец за госпел хорот во едно од најсекуларните општества, кој третира прашања за човечката потреба за заедништво и духовност, како и две документарани приказни кои го третираат озлогласениот затворски логор Ал Хол во Сирија, едната за трагичните судбини на „децата на непријателот“ како што ги нарекуваат децата на двајца убиени припадници на ИСИС кои по убивањето на нивните родители завршуваат во логорот, и борбата на нивниот дедо да ги спаси оттаму, и втората за обидите да се спасат жените и девојките Јазиди заробени во истиот тој логор. извор:Скопје инфо.мк

Проекција на концертот на Јосипа Лисац во Кинотека

Антонио Димитриевски — Thu, 08 Jul 2021 12:55:34 +0000

Со проекцијата на концертот „Јосипа Лисац from Croatia Records Studio“ – „…ту у мојој души станујеш…“, на 8 јули, во летното кино „Мирно лето“ (20:30 часот), продолжува циклусот Концерти во Кинотека со Croatia Records. Овој музички настан несомнено претставува врвно аудиовизуелно остварување, што се потврдува и со податокот дека освен на CD и BluRay диск, овој концерт беше објавен и на винил. На концертот во студио, без публика, Јосипа испеа 12 песни – од култната „Богиња“, до легендарната „Магла“, вклучувајќи ги и: „О једној младости“, „Док размишљам о нама“, „Данас сам луда“, Хир, хир, хир“, Гдје Дунав љуби небо“… И овој концерт големата дива му го посвети на нејзиниот легендарен сопруг Карло Метикош. Концертот беше реализиран во студиото на „Croatia Records“ во Загреб на 30 октомври 2018, во придружба на музичарите: Тони Старешиниќ (клавијатури), Борна Шерцар (тапани), Давор Чрнигој (бас гитара) и Јосип Грах (труба и хармоника).

Јосипа Лисац е сонувач кој сонува со очи ширум отворени, и е непоправлив идеалист и визионер. Со нејзиниот волшебен глас, таа е рамо до рамо со светските музички великани Едит Пјаф и Фреди Меркјури… пишува во белешката за концертот.

Програмата стартуваше на 1 јули со концертот на Влатко Стефановски, во „Лисински“, а секој следен четврток во овој јули ќе биде прикажан по еден концерт од богатата BLU RAY програма на дискографскиот гигант – концерти кои, според сензибилитетот, одговараат на местото и на времето.

Јули во Кинотека: Од концертот на Влатко Стефановски во Лисински до „Смрт во Венеција“ на Висконти

Антонио Димитриевски — Tue, 29 Jun 2021 13:08:09 +0000

Кинотеката најавува филмска жетва во „златниот“ месец јули. Програмата започнува на 1 јули со документарниот музички филм ВЛАТКО СТЕФАНОВСКИ ВО ЖИВО ВО „ЛИСИНСКИ“ во продукција на загрепската „Кроација рекордс“ и секој четврток до крајот на месецот под насловот МУЗИЧКИ ЧЕТВРТОЦИ НА „КРОАЦИЈА РЕКОРДС“ ВО КИНОТЕКА публиката ќе има можност да погледне музички документарци од оваа куќа. Во текот на месецот на програмата е и оскаровецот УШТЕ ЕДНА ТУРА (Druk / Another Round) на Томас Винтерберг и еден од најдобрите европски филмови сезонава, ШАРЛАТАН (Charlatan) на Агњешка Холанд. Публиката ќе може да го погледне и шедскиот филм КОЛКУ БОРОВИНКИ ИМА ВО СВЕТОТ? (Hur många lingon finns det i världen) на Лена Копел, кој го открива хоризонтот на кој се лицата со попреченост. Од 9 до 14 јули летното кино ќе биде домаќин на програмата на КАФЕ КИНО на СКОПСКО ЛЕТО, а потоа следува насловот СИТЕ ПРОТИВ СИТЕ (Vsi proti vsem / All Against All) на словенечкиот режисер Андреј Кошак, филм со македонско малцинско продукциско учество. Целосната програма може да ја погледнете на следниов ЛИНК.

„Златна рамка 2021“ од 25 до 27 јуни во МКЦ и Кинотека

Антонио Димитриевски — Tue, 22 Jun 2021 13:06:43 +0000

„Златна рамка“ е годишна ревија на македонските филмови произведени во минатата календарска година. Настанот ќе трае три дена и ќе бидат прикажани филмови, поделени на документарна, краткометражна и долгометражна програма. Билетите за сите проекции се бесплатни!!!

По секоја проекција, публиката ќе може да учествува во сесија на прашања и одговори на кои ќе одговараат авторите на филмовите.

Ова е единствена можност публиката и критиката да ги погледнат сите наши филмови на едно место. За прв пат годинава „Златна рамка“ ќе се одвива на две локации МКЦ – Кино „Фросина“ и Кинотека – Кино „Мирно лето“, соопштуваат иницијаторите и организатори на „Златна рамка“ – Друштвото на филмските работници на Македонија.

ПРОГРАМА 25.06.2021

17:00 часот – Документарна програма – MKЦ, кино „Фросина“

„Професорот – вистинита приказна за Илија Џаџев“ – 75’ режија: Јордан Дуков продукција: Здружение Кадар

„Незо“ – 52’ режија: Мерита Чочоли продукција: Тиме Лапсе

19:30 часот – Краткометражна програма – МКЦ, кино „Фросина“

„Јадица“ – 6’26” режија: Иван Ивановски продукција: Флип Бук

„Денот на Ана“ – 21’’ режија: Сабедин Али продукција: Визиони Плус

„Вида и Добре “ – 7’06” режија: Владимир Лукаш продукција: Флип Бук

„Езерото“ – 15’’ режија: Бајрам Бајрами и Фатос Лумани продукција: ДЕА Продукција

„Кавал“ – 10’26” режија: Саша Станишиќ продукција: ТВ Студио 7

21:00 часот – Долгометражна програма – MKЦ, кино „Фросина“

„Хомо“ – 91’ режија: Игор Иванов продукција: Скопје Филм Студио

21:00 часот – Долгометражна програма – Кинотека на Македонија кино „Мирно лето“

„Стела“ – 91’ режија: Стојан Вујичиќ продукција: Дрим Фектори Македонија

ПРОГРАМА 26.06.2021

17:00 часот Долгометражна програма – МКЦ, кино „Фросина“

„Стела“ – 91’ режија: Стојан Вујичиќ продукција: Дрим Фектори Македонија

21:00 часот – Долгометражна програма – Кинотека на Македонија кино „Мирно лето“

„Дедо и внук“ – 108′ режија: Илија Пиперковски продукција: Пандорас Бокс

ПРОГРАМА 27.06.202117:00 часот – Документарна програма – МКЦ, кино „Фросина“

„Исти доживувања од различни преспективи “ – 75’ режија: Сенад Абдули продукција: Арнел Продукција

19:00 часот – Документарна програма- MKЦ, кино „Фросина“

„Ромео и Јулија“ – 20’ режија: Берат Асани, Сабедин Селмани продукција: ОДА Продукција

„Сите ќе умреме“ – 25’ режија: Сашко Поттер Мицевски продукција: Хауском Продукција

„Небо, точак, земја“ – 59’ режија: Коста Марковски продукција: Супер Продукција

21:00 часот – Долгометражна програма – МКЦ, кино „Фросина“

„Дедо и внук“ – 108′ режија: Илија Пиперковски продукција: Пандорас Бокс

21:00 часот – Долгометражна програма – Кинотека на Македонија кино „Мирно лето“

„Хомо“ – 91’ режија: Игор Иванов продукција: Скопје Филм Студио

Кинотека додели 100 примероци од ДВД изданието со филмовите на Кирил Ценевски

Антонио Димитриевски — Tue, 16 Jun 2020 12:58:58 +0000

Кинотека на Македонија одбележува една година од смртта на филмскиот режисер Кирил Ценевски (1943-2019) на 16 јуни (вторник) и по тој повод во периодот од 9 до 15 часот, на заинтересираните филмофили бесплатно им се доделени 100 примероци од ДВД изданието со неговите играни филмови. Се работи за ДВД изданието со дигитално реставрираните играни филмови на Кирил Ценевски што Кинотеката го промовираше пролетта минатата година, неколку месеци пред заминувањето на легендарниот автор во македонската кинематографија. Роден е во Крива Паланка, 28.1.1943. Филмски режисер и сценарист. Студирал на Архитектонско-градежниот факултет во Скопје. Со киноаматеризам се занимава уште од студентските денови. Првпат на игран филм професионално е ангажиран како асистент на режисерот Љубиша Георгиевски во филмот ЦЕНАТА НА ГРАДОТ (1970). Во 1971 година Ценевски го режира филмот ЦРНО СЕМЕ, за којшто добива повеќе награди: Златна арена за режија на фестивалот во Пула, Златен венец за најуспешен деби, 11 Октомври… Потоа ги сними ЈАД (1975) и ОЛОВНА БРИГАДА (1980), а по четвртиот игран филм ЈАЗОЛ, Ценевски не застана зад камерата повеќе од три децении. Неговиот (пре)долг авторски молк, по експлозивната деценија ипол во неговото неконформистичко творештво, секогаш е причина за навраќање на овој, по многу нешта исклучителен, филмски опус, со дигитализираното издание на неговите играни филмови.

Овој месец: Македонски филмови во Кинотека

Антонио Димитриевски — Mon, 03 Feb 2020 13:55:10 +0000

Во рамки на месечната програма за февруари, во Кинотеката се прикажуваат македонски филмови или копродукции со македонско учество. По проекцијата на најновиот игран филм на Милчо Манчевски „Врба“ во саботата, денеска и утре од 18 часот ќе биде прикажан документарниот „Кобра“ на Игор Иванов, а од 20 часот играниот „Незаборавна пролет во заборавено село“ на Куштрим Бектеши. „Кобра“, за кој сценариото го напишаа Сашко Насев. Игор Иванов и Томи Салковски, е филм за животната сторија на Шабан Трстена, борач во дисциплината слободен стил, единствениот македонски спортист носител на олимписко злато од ОИ во Лос Анџелес во 1984 година. Филмот на Куштрим Бектеши, снимен во 2019 година, е македонско-косовско-албанска копродукција. Раскажува за едно „заборавено“ село во кое спокојниот и вообичаен живот е нарушен по доаѓањето на три проститутки во илегалната кафеана на двајца браќа макрои. Програмата со македонски филмови во Кинотеката ќе продолжи на 10 февруари кога ќе бидат прикажани „Збор“ на Слободан Деспотовски од 18 часот и „Илузија“ на Светозар Ристевски од 20 часот. На 11 февруари ќе биде прикажан „Медена ноќ“ на режисерот Иво Трајков од 18 часот и македонско-косовскиот „Враќање“ на Кастриот Абдули од 20 часот. На 12 февруари Кинотеката ќе прикаже и два копродукциски филма во кои учествува нашата земја: „Жената на мојот живот“ на Антониј Дончев и „Пијавици“ на Драган Маринковиќ. Македонски филмови во Кинотеката овој месец ќе бидат прикажани и во рамки на Фестивалот на иранско-македонски филм кој ќе се одржува од 17 до 23 февруари. Ќе бидат прикажани „Медена земја“, „Врба“, „Исцелител“ и „Господ постои, името ѝ е Петрунија“.

Недела на современ дански филм во Кинотека

Слободанка Илиева — Tue, 06 Nov 2018 10:33:17 +0000

Со проекција на „Часот на рисот“ снимен во 2013 година, вечер од 20 часот во Кинотеката на Македонија ќе почне Неделата на современ дански филм. Филмот е по сценарио и режија на Сорен Краг-Јакобсен, еден од најреномираните дански режисери и соосновач на проектот „Dogme 95“ што ја прослави данската кинематографија и нејзините автори во светот на крајот на минатиот век. „Dogme 95“ како веристички филмски правец, во кој спаѓаат и познатите автори Ларс фон Трир и Томас Винтернберг, се залагаше за филмови снимени на традиционален начин, без специјални ефекти и висока технологија. Краг-Јакобсен е ученик на прашката школа, а меѓународен успех стекна со филмот „Мифуне“ од 1999 година. Тој е и популарен музичар. Од утре и во наредните денови до 11 ноември на програмата се уште пет филма, сите снимени во 2015 година: „Долга кратка приказна“ во режија на Меј ел-Туки; документарецот „Природно растројство“ на режисерот Кристијан Сондерби Јепсен; „Посвета на љубовта“ на Михаел Ноер; „Розита“ во режија на Фредерике Аспек и „Ќерката на вештерката“ на Кенет Каинз. МИА