Вегетаријански бургери од киноа и спанаќ

Слободанка Илиева — Fri, 17 Jul 2020 14:00:35 +0000

Овие бургери од спанаќ и киноа се вкусни, вегетаријански и полни со протеини и хранливи материи. Погледнете го рецептот и направете ги уште денес. Потребни состојки:

150 г неварена киноа
450 милилитри вода
4 јајца
120 г пармезан или по избор
2 китки млад кромид
3 чешниња лук
150 г спанаќ на пареа
150 г лебни трошки
1 лажичка маслинов зејтин

Начин на подготовка: Исплакнете ја киноата и ставете ја во сад заедно со водата. Гответе за 20 минути. Потоа комбинирајте ги изматените јајца, киноата, пармезанот, сечканиот млад кромид, истолчениот лук, спанаќот и лебните трошки. Оставете за неколку минути за да се апсорбира течноста. Смесата треба да биде влажна. Потоа формирајте бургери. Загрејте го зејтинот во голема тава на среден оган. Гответе ги бургерите покриени за 8 до 10 минути од секоја страна. Треба да добијат златна боја. Потоа уживајте и добар апетит! извор:кафепауза.мк

Топ 3 причини почесто да јадете киноа

Моника Пејоска — Fri, 27 Oct 2017 10:05:52 +0000

Една од ретките растителни намирници која ги содржи сите девет есенцијални аминокиселини. Киноата е една од најпопуларните здрави намирници во светот. Вкусна е, секој може да ја додаде во исхраната и исклучително е хранлива. 1. Безглутенска намирница Причина зошто токму сите можат да ја вклучат оваа намирница во исхраната е тоа што киноата не содржи глутен. Токму поради тоа е одличен избор за лицата со алергија на глутен и целијакија, или пак за лицата кои едноставно сакаат да го намалат внесот на храна која изобилува со глутен. 2. Богата е со протеини и есенцијални аминокиселини Киноата е една од ретките билни намирнии која ги содржи сите девет есенцијални аминокиселини. Тие ги градат протеините, а намирницата која ги содржи сите девет аминокиселини во доволни количини се смета за целосен протеин. Затоа киноата е и повеќе од одличен извор на протеини. 3. Висок удел на антиоксиданти и минерали Слободните радикали кои му штетат на нашиот оргнизам можат да бидат виновници за прераното стареење на кожата и предизвикувачи на воспалителни процеси на кожата, а антиоксидантите се токму тие кои ги неутрализираат. Исто така, киноата е богата и со минерали како што се магнезиумот, калиумот, цинкот и железото. Извор:Денар.мк

киноа – Вистина.мк

Вегетаријански бургери од киноа и спанаќ

Топ 3 причини почесто да јадете киноа