кино – Вистина.мк

Европската недела на мобилност со еко филмови посветени на велосипедот

Дејан Донев — Wed, 21 Sep 2022 13:08:35 +0000

Во рамки на Европската недела на мобилност, вчера, во Синеплекс се одржа проекција на екофилмови посветени на велосипедот. Во организација на Гоу Грин Скопје, во рамки на проектот „Младинско кино на ЕУ: Зелен Договор“, кофинансиран од Европската Унија, овој настан го посетија 200 ученици од средните и основните училишта од Скопје, каде имаа можност, преку филмови и дискусија, да зборуваат за важноста за користење алтернативен транспорт кој не загадува, за Европскиот зелен договор и за важноста на филмот во едукација на младите. На дискусијата присуствуваа амбасадорот на ЕУ, Дејвид Гир кој изјави дека екомобилноста е важна во борбата со климатските промени. Возењето велосипед ги намалува гужвата во сообраќајот и загадувањето, а истовремено промовира здрави навики. Понатаму, активистот Дарко Арсовски Петровски, од иницијативата НаТочак, зборуваше за можноста да се поврзат градовите во нашата земја со безбедни велосипедски патеки, да се овозможи систем за изнајмување велосипеди во градовите за подобрување на туризмот и на мобилноста до училишта, работа, рекреација, како и за можноста за комбинирање на транспортот – јавен превоз со велосипедски, железнички и слично. Саша Станишиќ од Унијата на македонски креативни индустрии зборуваше за тоа како аудиовизуелната индустрија во сите нејзини сегменти (снимање/продукција, дистрибуција и киноприкажување) влијае врз загадувањето на животната средина, какви стратегии и зелени политики развива Европската Унија во насока на надминување на овој проблем и што нашата аудиовизуелна индустрија и држава прави за тоа. Според Мила Јовановска од Гоу Грин „едукацијата на младите за климатските промени и заштитата на животната средина е многу важна, бидејќи тие се идните генерации кои ќе ја наследат Планетата Земја. Кога човек е запознаен со нешто што подобро го разбира и може само да го унапреди, така и со младите - сакаме тие да ја унапредат животната средина и да ги ублажат последиците од климатските промени преку нивните секојдневни активности, но и понатаму како професионалци во разни области. Гоу Грин Скопје веќе 12 години работи токму на едукација кај младите и многу ни е драго што, преку овој проект, имаме можност тоа да го правиме и преку филмови, промовирајќи ја и уметничката култура“. Европската недела на мобилност се одбележува за да се промовира одржливата урбана мобилност, се поттикнуваат промени во навиките во насока на активна мобилност, користење јавен транспорт како и други алтернативи. Оваа година темата е „Подобри врски“ и се одбележува од 16-22 септември.

ЗА ПРОЕКТОТ EU YOUTH CINEMA: GREEN DEAL

Започнувајќи во Европската година на младите 2022 година и со времетраење од 24 месеци, „Младинско кино на ЕУ: Зелен Договор“, кофинансиран од Европската Унија, нуди континуирана програма со силен мултикултурен пристап и јасен фокус на информирање и едукација за Зелената агенда. Проектот посветува внимание на еколошките предизвиции ја промовира свеста за поодржлив начин на живот. Селекцијата на зелени филмови се состои од 25 европски филмови кои ќе бидат претставени во кината Cineplexx во 20 европски градови во Австрија, Хрватска, Северна Македонија, Романија и Словенија како и на платформа за стриминг www.euyc.green/mk. Едукативната програма е надополнета со работилници, предавања, дискусии и дидактички материјали и е достапна со регистрација на https://www.youth-cinema.eu/mk. Партнер за имплементацијата на активностите во С. Македонија е Здружението Гоу Грин Скопје.

Луна Ѓогани го покажа стомакот два месеци по породувањето – фановите во неверување од нејзиниот изглед, не носеше ниту градник (ФОТО)

Riste Zdravkov — Wed, 25 Aug 2021 08:35:32 +0000

Младата пејачка и победничка на едно реално шоу Луна Ѓогани се породи на 15 јуни годинава, а од тогаш вредно работеше на тоа да си го врати своето старо тело по породувањето. Имено таа сега на својот Инстаграм профил објави фотографија на која позира пред огледало, а акцентот беше ставен на нејзиниот изглед. Луна на себе имаше краток шорц и кратка маица, а го покажа и рамниот стомак само два месеци по породувањето. Таа веднаш започна да добива само позитивни коментари, но и тоа дека си ја вратила линијата од пред породувањето.

Кино „Милениум“ повторно стартува со работа

Антонио Димитриевски — Thu, 17 Jun 2021 11:54:27 +0000

Од денес Градското кино „Милениум“ во Скопје ќе почне повторно со работа. На репертоарот се наоѓаат новиот дел од филмската сага „Брзи и бесни“, „Денови на гнев“ од Гај Ричи, драмата „Шарлатан“, современата верзија на класичниот роман на Чарлс Дикенс – „Твист“ и шведскиот анимиран филм „Безопашестиот Пеле“. Билетите се достапни на билетарница во киното по цена од 150 денари.

На апаратите за наплата на паркинг на ПОЦ се гледаат филмови за возрасни: Порно паркинг (ВИДЕО)

Антонио Димитриевски — Tue, 04 Feb 2020 13:38:38 +0000

Задоволството што може да ви го приредат „Паркинзи на Општина Центар“, не може никој... и тоа за без пари! Нивните апарати за наплата станаа, апарати за „надражај“... Апарати за гратис стимулација... Зашто на нив можат да се гледаат „порничи“. До душа, мааната им е што немате можност за избор, па што ќе ти пушти мајсторот - тоа е, ама затоа има можност за сексуална едукција со гратис стимулација... Па откако ќе акумулираш знаење, слободно можеш да се паркираш, па знаењето и практично да го примениш... Сам, со партнерката или партнерот или како група граѓани... Во зависност од афинитетите и приликите на паркираниот! И ако подобро размислите, станува сомнително ова ПОЦ да не го направиле намерно, за паркирањето подолго да трае, а со тоа и сметката за паркинг да е поголема? Ама кампањата вели, Центар не е паркинг? Е, не е! Ама, Центар не е ни порно кино, нели?