кино милениум – Вистина.мк

„Најсреќниот човек на светот“, македонскиот претставник за Оскар, на 27. октомври во Кино Милениум

Антонио Димитриевски — Wed, 19 Oct 2022 12:47:51 +0000

„Најсреќниот човек на светот“ на Теона Стругар Митевска продолжува да го освојува светот по светската премиера на Филмскиот фестивал во Венеција и Торонто и одличниот прием од страна на светската критика и голем интерес за интернационална кино дистрибуција. Во текот на месеците кои следат промоцијата на филмот низ светот ќе се одвива во силен ритам собирајќи нови признанија од селекција на престижни фестивали до ексклузивни прикажувања и започнување на редовно кино прикажување во многу земји. Овој месец, „Најсреќниот човек на светот“ патува на пет фестивали нив целиот свет. Започнавме со ексклузивна проекција на филмскиот фестивал во Киев, Украина кое беше проследено со предавањето од страна на режисерот Теона С. Митевска. Полната сала во Киев, и крајно емотивната проекција на филмот во Киев проследена со звуци од сирени, зборува за значајноста на оваа приказна и овој филм кој крајно искрено говори за тешкотиите и можностите за помирувањето по воените разорувања, за длабоките траги и трауми кои остануваат врежани засекогаш кај сите оние зафатени од немилосрдниот виор на војната. – истакна Лабина Митевска Од Киев, „Најсреќниот човек на светот“ продолжува во Хаифа – Филмскиот Фестивал во Израел од 8 до 17. октомври каде ќе биде прикажан во исклучителната силна главна конкуренција. Потоа патува во Бразил на Интернационалниот филмски фестивал во Рио де Жанеиро кој започнува на 21. октомври. Во месец Октомври филмот ќе биде прикажан и на Филмскиот фестивал во Загреб, по што веднаш следува и кино дистрибуција на филмот во Хрватска.

Како што најавивме во Венеција, наскоро „Најсреќниот човек на светот“ го носиме и во Скопје. Македонската премиера на Националниот претставник за Оскар закажана е на 27. октомври во Кино Милениум. – додаде Лабина Митевска.

Турнејата на “Најсреќниот човек на светот“ за десеттиот месец ќе заврши во Словенија каде ќе се натпреварува за наградата Весна за малцински копродукции на Филмскиот фестивал во Ровињ.

„Лилит“ за љубовта која нема граница имаат свој – „Одговор“ (ВИДЕО)

Антонио Димитриевски — Thu, 09 Dec 2021 13:52:23 +0000

Бендот „Лилит“ предводен од познатиот македонски музичар и музички автор Трајко Таци Симоновски и шармантната и екстравагантна вокалистка, охриѓанката Емилија Колоска имаат нова песна. Овој пат темата носи наслов „Одговор“ и беше тсвирена заедно со материјалот за нивниот деби албум на неодамнешниот прв концерт кој бендот го имаше во скопското кино „Милениум“. Покрај „Одговор“ на концертот во проширен состав од 12 музичари беа изведени уште неколку неиздадени нумери. Како збогатување на основата на бендот се појавија: Сашко Николовски, Кирил Кузманов, Сенад Усеин, Калина Велковска, Полина Тасева и Драган Ѓуровски. Всушност, самиот сингл е и најава за албумот „Чудо“ - насловен по нивната прва песна, кој набрзо ќе биде издаден и пуштен во продажба, порачуваат од тимот на „Лилит“. Покрај Емилија Колоска, авторот и басист Трајко Симоновски, во бендот членуваат уште игитарист Иван Петровски, додекаа зад клавијатури се појавува Филип Димишковски. Видеото е од нивниот споменат настап во живо во кино „Милениум“ кој го снимале „Блек Меџик продукција“ со своите камери. Песната е миксана и мастерирана во студиото „CIty Sound“. Проследете како звучи и изгледа кога „Лилит“ за љубовта која нема граница имаат свој - „Одговор“.

Ехо Фестивал на планински филм 2020

Антонио Димитриевски — Thu, 01 Oct 2020 09:43:29 +0000

11то Издание на ЕХО Фестивалот за планински филм, оваа година се одржува во рамки на 5те фестивалски денови, односно со секојдневни проекции во две кино сали: Кино Милениум, ГТЦ и Кино Фросина, МКЦ.

Подигнување билети од 1-ви Октомври.

ПОНЕДЕЛНИК, 05.10.2020г.

-- кино МИЛЕНИУМ Блок 1, почеток 19:00 часот „Еверест – Тешкиот пат“, Павол Барабаш (Словачка), 2020, 52’

Блок 2, почеток 20:15 часот „47 врва“, Хју Ердин (Велика Британија), 2020, 45’

-- Кино ФРОСИНА Блок 1, почеток 19:00 часот „Рајско (Патување кон замрзнати водопади)“, Даниел Блоер/Јонас Шилд/Николас Хојац (Швајцарија), 2020, 18” „Големиот момент“, Игнаси Лопез Фабрегас (Шпанија), 2020, 13’ „Тура по балканските реки 4/ Акција за дивите реки“, Матич Облак/ Митја Легат/ Тим Вртник (Словенија), 2019, 11’ „За паѓањето“, Џозефин Андерсон (Канада), 2019, 14’

Блок 2, почеток 20:15 часот „Елемента“, Ричард Сиди (Нов Зеланд), 2020, 43’

*****

ВТОРНИК, 06.10.2020г.

-- кино МИЛЕНИУМ Блок 1, почеток 19:00 часот „Супер Французот“, Чејс Огден (САД), 2019, 80’

-- кино ФРОСИНА Блок 1, почеток 19:00 часот „Легендата за Муксу“, Олаф Обсомер (Германија), 2020, 42’

Блок 2, почеток 20:05 часот „Базбедност123“, Јулија Гутвенигер/Флориан Кофлер (Австрија), 2019, 72’

****

СРЕДА, 07.10.2020г.

-- кино МИЛЕНИУМ Блок 1, почеток 19:00 часот „Од океанот до небото“, Мајкл Дилон (Австралија), 2019, 106’

Блок 2, почеток 21:10 часот „83° Скијање на Северот“, Мaтијас Мaер, 54’

-- Кино ФРОСИНА Блок 1, почеток 19:00 часот „НЛО живот“, Јан Шиманек (Чешка), 2020, 33’ „Движење низ Белото“, Ото Хеикола (Финска), 2019, 28’ “Плима“, Манон Куба (Франција), 2019, 30’

****

ЧЕТВРТОК, 08.10.2020г.

-- кино МИЛЕНИУМ Блок 1, почеток 19:00 часот „Каменоломи“, Ахиле Маури (Италија), 2020, 26’ „Пукнатина“, Кристоф Марго (Швајцарија), 2019, 26’ „Кино Иан“, Тобиа Пасиџато (Италија), 2019, 10’

Блок 2, почеток 20:30 часот „12000км“, Ерик Ниландер (Шведска), 2019, 28’ „Сам“, Роберт Жаспер (Германија), 2019, 10’ „Помеѓу ѕидови“, Јакоб Швајгофер/Јоханес Хофман/Симон Плацер (Австрија), 2020, 2’ „Остани зафатен“, Митја Легат (Словенија), 2020, 2’ „Вурм – Патување низ Шкотска“, Џулиен Худим (Велика Британија), 2020, 3’ „8848“, Стефан Војводов (Бугарија), 2020, 4’ „Обземен“, Ричард Сиди (Нов Зеланд), 2020, 5’ „Направено при патување“, Џои Шуслер/Вајли Каупас (САД), 2020, 20’

-- кино ФРОСИНА Блок 1, почеток 19:00 часот „Чолити“, Жаим Мурсиего/Пабло Ирабуру (Шпанија), 2019, 80’

Блок 2, почеток 20:45 часот „Животни на границите“, Корнелиа Фолк (Германија), 2019, 44’

****

ПЕТОК, 09.09.2020г.

-- кино МИЛЕНИУМ Блок1, 20:00 Прогласување на победниците и затворање на фестивалот 20:30 „На тенок мраз“, Хенри М. Микс/ Боас Шварц (Германија), 2020, 52’

ВЛЕЗ БЕСПЛАТЕН:

Со претходно подигнати билети - (Задолжително влегување во кино сала со претходно обезбедени online подигнување на билет - https://bileti.mkc.mk или на шалтер во кино - ако има останато )

Фестивалот ќе биде реализиран со строго почитување на Протоколот за организација на настани

Протокол за посетување кино:

– Задолжително e носењето лична заштитна опрема (маска) за сите посетители на киното. Маската е задолжителна за цело времетраење на посетата на киното, во сите простории: хол, тоалет, киносала за цело времетраење на проекцијата.

– Задолжително е одржување физичка дистанца од 1,5 – 2 метри помеѓу посетителите пред билетарницата, пред влезот во холот, пред влезот во киносалата и при купување на шанкот.

– Не е дозволено стоење и групирање на посетителите од публиката во холот или киносалата.

– Задолжителна дезинфекција на рацете за сите посетители при влез во киното.

– Задолжително мерење на телесната температура на сите посетители при влез во киното. Доколку посетителот има покачена телесна температура истиот се повлекува на страна и температурата повторно се мери по 5 минути и ако е повторно покачена посетителот може да ја замени каратата за проекција во друг ден. Ако билетот е набавен преку електронски пат, посетителот ги прифаќа

Условите за користење на онланј-продажба на билети на ЈУ МКЦ објавени на веб-страната.

– Се препорачува електронска набавка на билети. Доколку билетот се подигнува на билетарница, задолжително е одржување дистанца од 1,5 до 2 метри, и истото растојание меѓу вработениот и посетителот.

– Продажбата на пијалоци се одвива на шанкот во холот на кино Милениум и кино Фросина при што задолжително е одржување дистанца од 1.5 м помеѓу посетителите. Се препорачува плаќањето да се изврши со користење бесконтактни платежни картички.

– Задолжително седење само на местото за седење обележано на билетот.

– Користењето на тоалетите е ограничено на максимум двајца посетители во исто време.

МКЦ и кино Милениум исто така ги одложуваат закажаните настани и кино претстави

Антонио Димитриевски — Wed, 11 Mar 2020 13:16:20 +0000

Младинскиот културен ценар и кино „Милениум“ ги одложуваат настаните до крајот на препораката на Владата. За сите нови термини навремено ќе информираат, a публиката која што има купено билети за некој од бројните настани во следниов период, истите ќе може да ги искористи за новите термини.