кики – Вистина.мк

Катарина Ивановска е „кучка“… или само B.I.T.C.H.? (ФОТО)

Антонио Димитриевски — Sat, 25 Feb 2023 08:58:02 +0000

Катарина Ивановска сите ја знаеме како македонски топ модел, манекенка со светска слава... Или барем една од ретките наши убавици што донекаде успеала надвор. Убава, згодна, атрактивна, онаква, какви што врвните модели и треба да бидат. Македонско девојчe кое и откако по вторпат стана мајка, ја задржа својата фигура и продолжи да се занимава со професијата која оддамна е нејзина примарна определба. Сепак, за манекенките и моделиоте понекогаш владее мислењето дека убавината им е врвна, ама затоа пак интилигенцијата не им е посилна страна. Дека на убавиците од модната писта и рекламите физикусот им е толку силно оружје, што останатите „потенцијали“ не мораат, аи не ги употребуваат, зашто најчесто им се... „закржлавени“? Се разбира во секое правило, ако воопшто и е, постојат и исклучоци... Некои велат за да го потврдат правилото, други пак, за да го демантираат кажаното! Како и да е, сигурно е дека убавите жени и не мора баш нешто многу да се трудат, зашто веќе на прва освојуваат, маѓепсувајќи со својата убавина, изглед, атрактивност, сексапил... држејќи се до златното правило дека: „Нема втора шанса, за прв впечаток“! Но животот не е еден миг, иако само еден миг може животот и да ти го смени, па кога првиот бран на опчинетост ќе помине, „по блиц крикот“ на фасцинација останува ли простор за понатамошна доминација? Што е тоа што една толку убава жена треба да го поседува, кои се' карактерни компоненти, за да не остане само на првичните комплименти? Епа, токму Катарина Ивановска по се' изгледа дека го има одговорот: Убавицата на мажите за да „им ја падне вилицата“, не е доволно да е само убава, туку треба да биде и... „кучка“! Или што би рекла наша Кики - B.I.T.C.H. !!! Beautiful (Убава), Intelligent (интелигентна), Talented (талентирана), Charming (шармантна) & Hot (жешка). Само оние што одблизу ја познаваат Катарина, знаат дали нашата убавица поседува голем дел од овие особини, ако не и сите? Real B.I.T.C.H. - што би рекла самата таа или... Вистинска „кучка“, што би рекле ние: К - културна, У-никатна, Ч - увствителна, К - кокетна, А - атрактивна... Ако знаете уште некоја - посочете ја! Фото: Инстаграм принтскрин/katarina_ivanovska

Тамара растури, „го урна“ Антички во Охрид, а Катарина Ивановска „одлепи“ на нејзиниот концерт, па за малку „ќе го урнеше“ Перо Антиќ (ФОТО)

Антонио Димитриевски — Fri, 30 Jul 2021 08:02:39 +0000

Тамара Тодевска како и секој жив човек, можеби има маани, знае да направи по некој гаф, да биде на моменти несериозна, неодговорна и кон себе и кон другите... но, едно е сигурно: Таа е дефинитивно вокал за респект, пејачиште од врвен ранг, поп ѕвезда како што малку ги има во регионот, а во Македонија на прстите од едната рака можат да се избројат. Вистинска поп дива, горда на себе и својот талент, а ние горди на неа. Ако Евровизискиот настап наговести дека максимално напреднала, созреала и успеала да го спои во себе она што од Бога и е дадено и она што со работа, труд, вежбање, проби и дисциплина на духот и умот ти ја става „круната на глава“ крунисувајќи те во поп кралица, концертот во Античкиот театар во Охрид веројатно беше чинот на нејзиното крунисување. Тамара едноставно растури, го урна тој светол антички храм на културата, оддува се' на сцената, при тоа спојувајќи го својот моќен вокал со својата енергија, сценски настап, харизма... а сето тоа споделувајќи го со публиката која ќе и возврати на најдобар начин, давајќи и го својот фитбек назад на сцената... И сето тоа така во круг, создавајќи една старотно моќна синергија, вткаена и преточена во фантастичен музичко-сценски перформанс за паметење... Перформанс на кој сите можеме да бидеме горди... Тамара што и се случи и успеа да го изнесе на најдобар можен начин, публиката, сите ние, што имаме пејачки ѕвезди како Тамара. А кога сме веќе кај публиката, во публика во Антички на концертот на Тамара многу луѓе, секако, онолку, колку што ковид протоколите дозволуваат. Да беше поинаку, велат ќе беше како на „Маракана“ кога игра Бразил или на „Камп Ноу“ кога игра Барса. Меѓу оние што успејаа да дојдат до влезница, покарај „сите обични луѓе“ и мноштво познати, јавни личности. Најсилната и најсрдечна поддршка за поп дивата на сцената, секако од најблиските. Сестра и' Тијана во првите редови, во убаво, познато и симпатично друштво... Меѓу останатите и новата „љубовно-јавна“ двојка, познатиот пар за кој долго време се шпекулираше и гласно се шепотеше во јавноста дека се заедно, се' додека самите не ја обелоденија врската: македонскиот топ модел и манекенка Катарина Ивановска - Кики и некогашната кошаркарска НБА ѕвезда, сега актуелен претседател на Кошаркарската федерација на Македонија, Перо Антиќ или „Чичко Стоилко“ - прекарот под кој се претставува и потпишува на социјалните мрежи. И додека тој седеше и потпевнуваше, Катарина, Тијана и останатите стоечки се забавуваа... Разбирливо, концертот ја достигна својата кулминација кога на ред дојде хитот на кариерата на Тамара... „Тажна љубов, среќна песна“, очигледно возбудата ја доведе до екстаза, а веројатно и стиховите на песната погаѓаат директно в срце, па додека Тамара растураше на сцената и „го урна“ Антички, Кики „одлепи“ на нејзиниот концерт, па за малку „ќе го урнеше Чичко Стоилко“... од столчето! Имено, додека Катарина со високо кренати раце го пееше рефренот: „Еден ден, ќе ме молиш, ќе ме сонуваш...“, во еден момент еуфоријата толку ја обзема што се сврти кон Перо и почна да го „гњави“ по лицето и брадата, па екс-кошаркарот бегајќи од „милозливите напади“ на нахалната убавица, за малку што не падна од столица! До душа, Антиќ навикнат е на „машка игра“ под кошевите, ама на „женски раце“ на лице среде концерт...? Иако го фатија неподготвен и изненаден, Перо сепак успеа да се снајде и да им одолее на „нападите“...! Единствено остана нејасно, дали можеби потоа, покажаниот среден прст од кошаркарот значеше дека потегот на убавицата ќе биде санкциониран со... „намерна лична“? Фото: Инстаграм принтскрин/tijana.dapcevic

Македонките од „Големиот брат“: Каде се, што прават денес близначките Вики и Кики Ралеви? (ФОТО)

Антонио Димитриевски — Sun, 11 Apr 2021 07:18:35 +0000

Пред повеќе од една деценија, сестрите близначки од Македонија, Виолета и Кристина Ралеви, учествуваа во реалното шоу „Големиот брат“, а нивната непосредност и шарм го привлекоа вниманието на целиот регион. Виолета влезе прва во ова ријалити и со својата отвореност ги освои симпатиите на публиката. Таа започна љубовна врска и на малите екрани со многу повозрасниот од неа Карло Загорац. И, како што обично се случува кога станува збор за голема страст, односот помеѓу Карло и Вики беше многу бурен. Во моментот кога работите меѓу нив се вжештија до усвитување, во шоуто влезе и нејзината сестра - близначка Кристина. Вики во тоа време имаше 20 години, а Карло 33, а романсата што ја започнаа пред камерите ја продолжија и во надворешниот свет. Карло помина некое време со Вики во Скопје, а во еден момент изнајмија и стан во кој започнаа да живеат заедно. Но и покрај големите планови за кои сите зборуваа, следуваше раскинување на врската и неславен крај. Како што изјави тогаш Карло за медиумите, главната причина била разликата во годините. „Двајцата останавме во многу коректни односи. Се разделивме во солзи, но некако пријателски. Раскинавме, иако сè уште се сакаме. Но, на двајцата ни бешее јасно дека некои разлики беа непремостливи. Се видовме пред да заминам за Белград, но ја замолив повеќе да не слушаме“ - изјави тогаш Карло. По Големиот брат, животот на сестрите Ралеви беше уште некое време следен од медиумите. Тие дадоа серија интервјуа за српските и македонски медиуми, нивните родители станаа дел од приказната, а потоа како што се појавија, така наеднаш и се повлекоа од јавноста. Близначките споделија само неколку детали од приватниот живот на социјалните мрежи, а Кристина во еден момент објави дека ќе се мажи, додека Виолета дека ќе се вери. Вики тоа и го направи, па се омажи во 2013 година. Нејзиниот поранешен љубовник Карло, исто така, е во среќен брак веќе неколку години. https://arhiva.vistina.com.mk/radio-mileva/site-mislat-deka-partnerkata-mu-e-kjerka-vaka-denes-izgleda-karlo-od-golemiot-brat-foto/ И додека близначките се слатки и денес и изгледаат речиси како и порано и не се променија драстично, Карло направи значителна промена во неговиот изглед и имиџ. Патем, денес тој е признат фризер, мајстор тетовирање и има семејство, а исто така изјави дека никогаш повеќе нема да влезе во реално шоу. Често можеме да го гледаме на ТВ-емисии, каде што дава совети за нега и обликување на косата.

Не е естрадна ѕвезда, ама затоа е ѕвезда на Инстаграм: Оваа „жешка“ Македонка го има најубавото га*е (ФОТО)

Антонио Димитриевски — Sat, 09 Jan 2021 08:57:22 +0000

Не е естрадна ѕвезда, ниту ТВ водителка, ниту манекенка, топ модел... ама, сепак важи за најжешката Македонка на Инстаграм. Можеби конкуренција и прават единствено Марија Нацева, Ана Стојанова, Едина Муса... Aма сепак...

Скопјанката Кристина Кочова веќе неколку години речиси секојдневно знае да ги израдува своите обожаватели на социјалните мрежи со жешки фотографии.

На фотографиите во преден план најчесто нејзиниот главен адут - нејзиното совршено газе, за кое самата во едно нејзино интервју открива како го извајала и се' уште го одржува: „Имам 3 омилени вежби за нозе и задник, а тоа се преса, чучњеви и таканаречено мртво дигање.“

Со фитнесот започнала да се занимава пред една цела деценија, на 19 годишна возраст, во 2008 година. По природа била слаба и сакала да ја зголеми мускулната маса. Не сакала да има мускулест изглед на атлета, па затоа внимението го насочила и се' уште тоа го прави на женските атрибути, од кои нејзиниот задник изгледа како да е извајан од рацете на Микеланџело.

Каква Ким Кардашијан, каква Коко, Карлеуша... Кики изгледа како врвен светски топ модел или поточно како најпривлечните и најсекси Бразилки со совршени газиња.

Кристина вели дека внимава да не внесува премногу вештачка преработена храна, а за сметка на тоа внесува што е можно повеќе ензими. Протеините се основни и постојани во нејзината исхрана, додека јаглехидратите и маститите варираат во зависност од формата што сака да ја постигне. Се разбира тренингот и физичката активност се неизбежни, па таа активно тренира 4-5 пати неделно, со тоа што 2 пати неделно ги тренира нозете и 2 до 3 пати горниот дел од телото.

„Според моето искуство, после 1-2 месеци почнаа да се забележуваат резултати од тренинзите на моето тело, кои ги забележував и јас и другите околу мене. Затоа сметам дека секој почетник може да постигне видливи резултати за брзо време, доколку сериозно се посвети на вежбањето, дури и без да користи суплементација. Секако постојаноста во вежбањето е најважна, колку подлого време (месеци, години) се вежба, толку повеќе резултатите се подобри и потрајни што е најважно“ - ќе изјави Кристина во своето интервју за тоа како се доаѓа до совршен женски фит изглед.

Позирањето и фотографирањето на сексапилната скопјанка и е второ хоби. Барем според она што може да се види постирано на нејзините профили на социјалните мрежи. Како и не би било, кога има што да покаже, со што да се пофали, да привлече...

Затоа постираните фотографии на социјалните мрежи како една од девојките со најубави газиња, ако не и најубавото во Македонија добива илјадници лајкови.

Особено од машката популација, кај која нејзините фотографии во екстремно мини танга бикини кои постојано ги преферира, кое едвај и да го покрива венериниот брег, буди, воздишки, копнежи, им ја разгорува фантазијата, желбата и еротските соништа...

Интересно е што на скоро сите фотографии лицето на атрактивната Кристина речиси и да не можете да го видите. Ама затоа и тоа како има што друго да се види...

А, фотографиите можат да ги видат сите. Прашање е кој ја има таа среќа да биде во „непосреден контакт“ со згодната Македонка со најубаво газе? Како и да е, блазеси му!

View this post on Instagram

A post shared by Kristina Kochova (@kikikochova)

Јавните личност го прифатија предизвикот на свеста и совеста, #седамДомаза… Еве како изреагираа Тамара, Лозано, Миа, Кики, Вера, Дани, Ана, Лидија, Кнез, Малинкова, Гарванлиев… (ФОТО)

Антонио Димитриевски — Sat, 21 Mar 2020 08:46:10 +0000

Во овие тешки денови, кога времето ни е единствен сојузник во глобалната борба со невидливиот непријател, не ни преостанува ништо друго освен да седиме, чекаме и истото тоа време „да го купуваме“ од дома, за ситуацијата од алармантна, да не прерасне во катастрофална и трагична. Предизвикот на совеста од која зависи кога и колку брзу ќе се избавиме од билошкото зло на 21-виот век што го нападна човештвотото, е предизвик на кој треба да сериозно се одговори, а всушност треба само малку да се стори, толку малку да се направи: Да се остане дома. Така најдобро се штитиме и себе си и своите најмили, најблиските, најсаканите, најдрагите, најпочитуваните, ги штитиме сите... и познати и непознати. Со седењето дома во карантин, во изолација, всушност и ја спуштаме рампата на заразата. Во ред, можеби си ја спуштаме и себе си, на динамиката на својот довчерашен живот кој ни го наметнува модерната цивилизација, на своите навики, желби и потреби... И работни и физички и духовни, но... Што се мора - не е тешко. Се разбира, само треба да се сака, да се верува и истрае. После дождот, сонцето секогаш одново изгрева... А тогаш грее уште посилно и посветло! Покрај многуте поединечни и групни апели, препораки, упатства, укажувања... на разни единки и институциии порталот „Женски магазин“ поведе уште еднаш иницијатива за покренување на свеста да се остане дома, како најдобра заштита и пред се превенција од вирусот Ковид 19. Предизвикот на свеста и совеста наречен: #седамДомаза... јавните личности го прифатија со обете раце. Ѕвездената македонска естарада, модниот свет, водителите, актерите, писатите... уште еднаш покажа дека не само што умеат да пеат, глумат, водат, позираат и да ве забавуваат, туку уште повеќе умеат да се справат со проблемите, давајќи и позитивен пример и на својата публика, на своите сограѓани и на целото население, што е најдобро да се направи во моментов и за кого тоа најмногу го прават! Најпознатите и најпопуларни македонски пејач(к)и како Тамара, Лозано, Дани, Наташа Малинкова, Васил Гарванлиев..., потоа манекенките и топ модели Катарина Ивановска - Кики и Вера Мештеровиќ, модните креаторки Ивана Кнез и Лидија Георгиева, водителката Миа Костова, писателката и музички текстописец Ксенија Николова, нејзината колешка Ана Бунтеска, актерката Драгана Левенска... и се приклучија на иницијативата, па секој од нив одделно, на големо парче хартија напишал зоштои заради кого седи дома, праќајќи силна порака и апел, зошто и Вие треба да го направите истото. Тие, вие, сите НИЕ... да бидеме херои од дома во пижами и тренерки, за доброто на сите нас, за поддршка на белите мантили и униформите, лекарите, војската, полицијата и сите оние кои се на првите борбени линии на фиртуелниот фронт во борбата со невидливата аждаја. Да седиме дома за заштита на здравјето на најмилите, за чување на нацијата, спас на човештвото... Затоа... седете дома! За ваше добро и доброто на сите!

Катарина Ивановска со топлес велигденска честитка од Грција (ФОТО)

Антонио Димитриевски — Mon, 29 Apr 2019 07:15:34 +0000

Најпознатата македонска манекенка и топ модел Катарина Ивановска одново го покажа сиот свој телесен раскош разголена. Не е ништо ново ниту на Кики и е прв пат.

Она што станува забележливо е тоа што Катарина како по правило продолжи празниците да ни ги честита - топлес. Оваа практика по се изгледа и стана навика, па по новогодишната топлес честитка до своите пријатели, фанови, следбеници, кога манекенката избра на себе да има само бели панталони, овој пат во сличен стил им го честиташе и Велигден.

Само што овој пат велигденската топлес честитка стигна од една од познатите дестинации кај јужниот сосед, каде многумина Македонци и Македонки решија да го минат празникот, а истата е од плажа, само по долен дел од црни бикини.

Велигденски јајца не видовме, ама затоа моделот покажа со што располага и како изгледа по породувањето и тоа од задна перспектива.

Но топлесот и разголувањето воопшто на Ивановска во последно време како се повеќе да и станува навика. И приватна, како што може да се види и секако, работна.

Така, таа неодамна исто така се соблече до гола кожа за потребите на последната рекламна фотосесија на едно ново место за разубавување кое се отвори во македонската метропола.

Со ваква реклама и заштитно лице успехот не им бега. Патем, домаќините покрај тоа што се потрудиле да го одберат и обезбедат најпознатиот и најскапиот модел, се потрудиле да покажат и од каде им била инспирацијата за рекламниот фотошутинг!?

Кики како Наоми? Добро, можеби не е исто, ама за македонски услови е повеќе од добро.

Манекенката преокупирана со специфична литература: Знаете ли што чита Катарина Ивановска?

Антонио Димитриевски — Thu, 01 Feb 2018 08:57:16 +0000

Таа дефинитивно е една од најубавите Македонки... и најпознати, секако! И тоа не само дома туку и надвор, за што свеочат нејзините бројни ревии, серијали, фотоедиторијали, сесии... Топ модел од светска класа, а наша! Катарина Ивановска сепак во моментов не е на модната писта. Преокупирана е со многу поважни нешта. Во моментов се едуцира со специфиична литература. Нееее.... не е за да не каже некој дека манекенките се „неуки“... Никако! Во прашање е нешто сосема друго! Поважно и попотребно! И за неа и за тој заради кого и се едуцира! Знаете ли што чита популарната Кики во моменетов? Кики чита Бебе готвач! Здрави рецепти за здрави бебиња и деца!

Имено, откако лани кон крајот на мај на свет го донесе своето синче Вања, таа е преокупирана со него и неговото здравје и растење.

А за здраво и силно бебе, потребна е и здрава храна... Витамини, минерали, протеини, јаглехидрати... Ама, како сето тоа да се нивелира, како да се избалансира, во кои количини и што со што оди и како се подготвува?

Е затоа Кики, како вредна и посветена мајка си набави стручна литература. Бебе готвач! Јаболче и крувче треба да е јаде, кокосово масло треба да се пие... и се разбира сето останото што ќе го направи бебето здраво и напредно, а мајката среќна и задоволна!