кијану ривс – Вистина.мк

Толку голем, а така обичен: Кијану Ривс уште еднаш докажа дека славата не мора да удри во глава (фото)

Слободанка Илиева — Tue, 07 Feb 2023 10:14:17 +0000

Кијану Ривс повторно ја оправда својата титула на најљубезен холивудски актер. Тој неодамна се појавил во еден британски паб и ги израдувал сите присутни, а особено вработените. Актерот моментално престојува во гратчето Тринг, Англија, а слободното време одлучил да го искористи за посета на локалниот паб и со таквиот потег ги изненадил вработените кои ја споделиле приказната на Фејсбук страницата на пабот. „Денеска имавме ненадеен гостин на ручек. Колку драг човек. Го прашавме дали би сакал да се фотографира со тимот од кујната, а тој веднаш отиде таму, се ракуваше со сите и ја пофали храната. Излишно е да се каже дека им го разубави денот“, напишале од пабот на Фејсбук. Една вработена во пабот открила за британскиот „Metro“ дека актерот нарачал пиво, риба со помфрит и парче месна пита и дека бил сам. Познато е дека Кијану Ривс не живее живот типичен за познатите. И покрај огромното богатство, актерот не живее во вила, нема телохранители, користи подземна железница и им помага на бездомните со кои често знае и да испие по некое пиво. Ривс е познат како многу скромен човек кој со своето однесување ја импресионира јавноста. Без разлика дали станува збор за љубезни гестови или начинот на кој се фотографира со обожавателките, холивудскиот актер секогаш одново и одново ги воодушевува фановите со своите постапки. фото:Instagram printskrin/Fejsbuk

Кијану Ривс планира да ја запроси својата избраничка за која доби многу критики

Христина Ѓоргиевска — Thu, 19 Nov 2020 09:23:50 +0000

Актерот Кијану Ривс и неговата избрана Александра Грант се сигурни во својата љубов и сè оди кон тоа својата врска да ја подигнат на повисоко ниво. На почетокот на летото, актерот се пресели во Берлин, каде го снима долгоочекуваното четврто продолжение од франшизата ‘Матрикс’, а деновиве завршува снимањето на споменатиот филм. Познато е дека причината за широката насмевка на лицето на Кијану Ривс е токму неговата девојка, и дека парот е навистина заљубен „до уши“.Според странските медиуми, 56-годишниот актер е решен во следните неколку недели да клекне на колена пред својата избраничка, и да и го постави судбоносното прашање. "Можеби ќе се венчаат во Германија. Тие одлично се забавуваа таму за време на снимањето, живеат во еден од нивните балони додека е на сила карантинот, што ги приближи уште повеќе. Тие се согласуваат на сите полиња и нивната врска дополнително се зајакна" – вели извор близок на парот и додава: "Кијану им рече на своите пријатели дека е подготвен да ја запроси својата девојка, и веројатно за време на Божиќните празници, тој ја смета Александра за своја сродна душа. Сите се пресреќни поради нив и едвај чекаат на официјалното објавување на добрата вест“. Кијану Ривс пред некое време покажа дека воопшто не се грижи за злобните јазици, кои неговата избраничка ја нарекува со погрдни имиња.

Девојката на Кијану Ривс открива што се случило кога јавноста дознала за нив

Слободанка Илиева — Fri, 13 Mar 2020 11:53:29 +0000

Александра Грант, девојката на актерот Кијану Ривс, се присети на времето кога таа и актерот јавно признаа дека се во врска. Гласините избувнаа откако беа забележани како се држат за рака на улиците на Холивуд. „Едно лице што го познавам, ми се јавија во тој период“, рече уметнцата, „тоа ми беше фасцинантно“. Александра призна дека не сака да личи на Ким Кардашијан и дека ја мрази идејата да мора да се вклопи во такво општество. На прашањето за брак, таа одговори: „Љубовта е, во секоја смисла, длабоко во врска со мојот идентитет. Изолацијата ми одговара кога сликам, но тоа не е решението. Јас длабоко го ценам чувството на приврзаност“. Кијану и Александра се блиски со години, соработувајќи за книгата „Ода до среќа“, напишана од Ривс и илустрирана со цртежите на Грант.

Кијану Ривс се соблече гол на плажа, а папараците имаа полни раце работа (видео)

Слободанка Илиева — Fri, 10 Jan 2020 08:57:41 +0000

Во некои од филмовите во кои десга играл, актерот Кијану Ривс имал доста голи сцени, но овој пат камерите не беа филмски, туку од папараците. Кијану Ривс за новогодишните празници одлучил да оди на патување со својот мотор за кој е општо познато дека го обожува. Целосно сам, Кијану поминува многу километри, а кога ќе се измори и ќе посака да се одмори, тој ја вади кацигата, јакната, а и долната облека. Инаку, актерот направил кратка пауза на плажата Зума каде што се соблекол и потоа влегол во океанот и нуркал. Меѓутоа, кога излегол на плажата посакал да се пресоблече, што е и логично, а папараците не му дозволиле да се сокрие, па моментот кога го покажал својот задник е забележан на неколку фотографии, но и со видео.