Кијану Ривс за првпат во јавност со девојка: Нема да им верувате на очите дека е помлада од него (фото)

Слободанка Илиева — Tue, 05 Nov 2019 10:18:14 +0000

Кијану Ривс (55) се појави на јавен настан со партнерката Александра Грант (46), што, верувале или не, е негов прв јавен настап со девојка досега! Двајцата пристигнаа на „LACMA Art + Film Gala by Gucci“ во Лос Анџелес во саботата, 2-ри ноември, држејќи се за раце, со широка насмевка позирајќи за собраните фоторепортери. Кијану носеше црн костум за оваа пригода, додека Александра избра елегантен фустан во грчки стил. Александра и Кијану се пријатели и соработници првенствено со години. Таа работеше и на неговата книга „Ode to Happiness“ која е издадена во 2011 година. Тоа беше нивна прва соработка и тие продолжија да соработуваат и во 2016 година на книгата „Shadows“, чиј автор е исто така Ривс, а илустрациите се дело на Грант. Двојката ја основаше издавачката куќа „Книги на Х уметници“ во 2017 година. Александра и Кијану се запознаа на вечера во 2009 година, и ова е прв пат од нивната актерска кариера тој да се појави рака под рака со партнерка. Кијану сè уште не се огласил по повод појавувањето со партнерка на црвениот килим.

кијано ривс – Вистина.мк

Кијану Ривс за првпат во јавност со девојка: Нема да им верувате на очите дека е помлада од него (фото)